ႁႅင်းၵၢၼ်ယၢၼ်မိူင်း

ၶၢဝ်းတၢင်း သိုၵ်းမၢၼ်ႈ ယိုတ်းမိူင်းမႃးၼႆႉ ၵူၼ်းၼႂ်းမိူင်းႁူမ်ႈတုမ် ဢွၼ်ၵၼ် ၵႂႃႇႁႃႁဵတ်းၵၢၼ်ၼႂ်းမိူင်းထႆး ၼမ်လိူဝ်မႃး။ ႁႅင်းၵၢၼ်မၢင်ၸိူဝ်း ၺႃးပေႃႈလဵင်ႉၼၢႆးၸၢင်ႈ တူၺ်းထိုင်လီ လႆႈႁဵတ်းဝတ်း ဝႂ်တဵမ်ထူၼ်ႈ ယူႇငၢႆႈလူမ်ၸႂ်သေတႃႉ မၢင်ၸိူဝ်းဢမ်ႇမိူၼ်ၼၼ်။ ၼႂ်းၵႄႈၼၼ်ႉ လူင်ပွင်ၸိုင်ႈထႆး တမ်းပိူင်ဝႆႉ တႃႇႁႂ်ႈႁႅင်းၵၢၼ် မီးသုၼ်ႇလႆႈလီၼႆသေတႃႉ ႁႅင်းၵၢၼ် ၸိူဝ်းဢမ်ႇပွင်ႇ ၸႂ် ဢမ်ႇႁဵတ်းၸွမ်း ၵေႃႈမီး။ ၺႃးပေႃႈလဵင်ႉၼၢႆးၸၢင်ႈ...

ရူတ်ႉၵႃးလမ်းၼိုင်ႈ ဢၼ်တၢင်ႇၵူၼ်းမိူင်းမၢၼ်ႈ ၶၢမ်ႈလႅၼ်လိၼ်ၶဝ်ႈမိူင်းထႆးၼၼ်ႉ ပိၼ်ႈၶွမ်ႈ တီႈၼႂ်းၸႄႈဝဵင်း ၽူပ်ႉၽရ လႅၼ်လိၼ်ထႆး - မၢၼ်ႈ ၵူၼ်းၶီႇမႃးၸွမ်း 12 ၵေႃႉ မၢတ်ႇၸဵပ်း။ ဝၼ်းတီႈ 07/05/2024 ၵႃးပိၵ်ႉဢပ်ႉ လမ်းၼိုင်ႈ တၢင်ႇၵူၼ်းမိူင်းမၢၼ်ႈၵႂႃႇ 12 ၵေႃႉ ပိၼ်ႈၶွမ်ႈတူၵ်းႁူၺ်ႈ မၢတ်ႇ ၸဵပ်းတင်းမူတ်း။ ၼႂ်းၼၼ်ႉ မၢတ်ႇၸဵပ်းႁၢဝ်ႈႁႅင်း...

ဝၼ်းတီႈ 21-04-2024 ႁႅင်းၵၢၼ်တႆး 4 ၵေႃႉ ၵႂႃႇတီႉႁႅင်းၵၢၼ်တႆးၵေႃႉၼိုင်ႈ တီႈဝဵင်းလမ်းပုၼ်းသေ ႁူမ်ႈၵၼ်ထုပ်ႉႁူဝ်ၶႃႈႁႅမ်တၢႆယဝ်ႉဢဝ်ၵႂႃႇပႅတ်ႈၼႂ်းၶၢႆးတၢင်းၸႄႈဝဵင်းမႄႈရိမ်း။ ပလိၵ်ႈထႆး တူၺ်းၵွင်ႈထၢႆႇ CCTV သေၸွမ်းလိုပ်ႈလမ်းတီႉၺွပ်းၶဝ် ။ ထိုင်ဝၼ်းတီႈ 26 ပလိၵ်ႈလမ်းတီႉၺွပ်းလႆႈ ၵူၼ်းပူၼ်ႉပႅၼ်ၶႃႈႁႅမ် 2 ၵေႃႉပၢႆႈလွတ်ႈဝႆႉ 2 ၵေႃႉ။ ၶၢဝ်ႇထႆးၵူၼ်းလၢၼ်ႉၼႃးတႅမ်ႈတၢင်ႇဝႆႉဝႃႈ - ၵေႃႉၺႃးၶႃႈႁႅမ်တၢႆၼၼ်ႉ ၸိုဝ်ႈၸၢႆးၸွမ်ဝၼ်း ဢႃယု...

ဝၼ်းတီႈ 8/4/2024 ပလိၵ်ႈလၢဝ်း တီႉလႆႈႁႅင်းၵၢၼ်ယၢၼ်မိူင်း ၵူၼ်းမိူင်းမၢၼ်ႈ တီႈမိူင်းလၢဝ်း ဢမ်ႇယွမ်း 50 ၵေႃႉ ဝႃႈ ၼႆ။ ႁႅင်းၵၢၼ် ၵူၼ်းမိူင်းမၢၼ်ႈ ဢၼ်လွတ်ႈတၢင်းတီႉ ၵေႃႉၼိုင်ႈ လၢတ်ႈဝႃႈ - ပလိၵ်ႈလၢဝ်း ၶဝ်ႈၵူတ်ႇထတ်း တီႈပၢင်မႆႉ သၵ်းသေ တီႉၵႂႃႇ ၵူၼ်းမီးသမၢတ်ႉၵၢတ်ႉၵေႃႈဢဝ် ဢမ်ႇမီးၵေႃႈ ဢဝ်တၢင်ႇၵႃးၵႂႃႇမူတ်း။ သူင်ႇမိူင်းမၢၼ်ႈၶိုၼ်းယဝ်ႉႁိုဝ်...

ၵူၼ်းမိူင်းႁူမ်ႈတုမ် ဢၼ်ပၢႆႈၽေးသိုၵ်းမၢၼ်ႈ ၵဵပ်းသိုၵ်း မီးၵူႈဝၼ်းလႄႈ ဢၼ်ၶၢမ်ႈလႅၼ်လိၼ်သေပၢႆႈ ၶဝ်ႈမိူင်းထႆးၼၼ်ႉ ၼိုင်ႈဝၼ်းလႂ် ဢမ်ႇယွမ်း 2,000 ၵေႃႉ ဝႃႈၼႆ။ ၼႂ်းလိူၼ်မၢတ်ႊၶျ် 2024 ၼႆႉၵူၺ်း ဢၼ်ယူႇတီႈ ပလိၵ်ႈထႆးတီႉၺွပ်း ၵူၼ်းမိူင်းႁူမ်ႈတုမ် လၵ်ႉၶၢမ်ႈလႅၼ်လိၼ် ၶဝ်ႈမိူင်းထႆးၼၼ်ႉ မီးမွၵ်ႈ 1,000 ၵေႃႉယဝ်ႉ ၸုမ်းၸွႆႈထႅမ်ႁႅင်းၵၢၼ်ယၢၼ်မိူင်း မိူင်းမၢၼ်ႈလၢတ်ႈ ၼင်ႇၼႆ။ ယၢမ်းလဵဝ်...

ၵူၼ်းမိူင်းၾင်ႇ မိူင်းတႆး ဢၼ်ႁဵတ်းဝႂ်ၶၢမ်ႈလႅၼ်လိၼ်သေ ၶဝ်ႈႁဵတ်းၵၢၼ်ၼႂ်းမိူင်းၶႄႇၼၼ်ႉ ယၢမ်းလဵဝ် ပလိၵ်ႈၾင်ႇမိူင်းၶႄႇ ၵူတ်ႇထတ်းႁၢဝ်ႈႁႅင်းသေ ယွၼ်းတူၺ်း QR ၶူတ်ႉ ဢၼ်မီးဝႂ်ဢၼ်ၶဝ်မၵ်းမၼ်ႈ ဝႆႉၼၼ်ႉ။ ၼႂ်း QR ၶူတ်ႉၼၼ်ႉ ပႃးဝႆႉ ဝႂ်ၶၢမ်ႈလႅၼ်လိၼ် ဢၼ်မီးဢႃႇယု 7 ဝၼ်း၊ ဝႂ်ၵမ်ႉထႅမ်ပၢႆးယူႇလီ၊ ဝႂ်ၵမ်ႉဢၼ်တီႈၸုမ်းႁႃပၼ်ၵၢၼ်ဢွၵ်ႇပၼ် ၸိူဝ်းၼႆႉ ။ သင်ဢမ်ႇၼႄလႆႈQR...

ဝၼ်းထီ့ 9 လိူၼ် February  ၼႆ့ လုမ်းၽွင်းတၢင် သိုၵ်းမၢၼ်ႈ မိူင်းၵွၵ်ႇ ပိုၼ်ၽၢဝ်ႇဝႃႈ - ၼႂ်းၶၢဝ်းတၢင်း 2 လိူၼ် ႁႅင်းၵၢၼ်မိူင်းမၢၼ်ႈ ၸိူဝ်ႈႁွတ်ႈမိူင်းထႆး  သေသႂ်ႇၶွၼ်ႇတီႈ လုမ်းၽွင်းတၢင် သိုၵ်းမၢၼ်ႈ မီး 3 မိုၼ်ႇၵေႃႉပၢႆယဝ်ႉ - ဝႃႈၼႆ ။ ႁႅင်းၵၢၼ်ၸိူဝ်းဢၼ်ၵႂႃႇ...

တီႈဝဵင်းမႁႃႊၶျႆႊ ၸႄႈတွၼ်ႈသမုတ်ႇသႃႊၶွၼ်ႊ မိူင်းထႆးၼၼ့်  ႁႅင်းၵၢၼ်မိူင်းမၢၼ်ႈ 7 ၵေႃ့ ၺႃးၸဝ်ႈၼႃႈတီႈပလိၵ်ႈထႆး ၶဝ်ႈၵူတ်ႇထတ်းတီ့ၺွပ်းၵႂႃႇ လူၺ်ႈပိုတ်ႇလၢၼ့်ၵႅတ်းၶူၼ်ႁူဝ်  လၢၼ့်ႁၢင်ႈၶိူင်ႈ ဝႃႈၼႆ။ ၸဝ်ႈၼႃႈတီႈ ပလိၵ်ႈ သမုတ်ႇသႃႊၶွၼ်ႊ လၢတ်ႈတီႈသိုဝ်ႇၶၢဝ်ႇထႆးဝႃႈ - မီးၵူၼ်းတိူင်ႇလၢတ်ႈမႃးဝႃႈ ႁႅင်းၵၢၼ်မိူင်းမၢၼ်ႈၵမ်ႈၽွင်ႈ ပိုတ်ႇလၢၼ့်ၵႅတ်းၶူၼ်ႁူဝ် ၊ လၢၼ့်ႁဵတ်းႁၢင်ႈသေ ႁိမ်ႁဵတ်းၼႃႈၵၢၼ် တႃႇၵူၼ်းထႆးၼႆလႄႈ  မိူဝ်ႈဝၼ်းတီႈ 24...

ၶၢဝ်းတၢင်းသိုၵ်းမၢၼ်ႈ ယိုတ်းမိူင်းမႃး ၸမ် 3 ပီၼႆႉ ပၢႆးမၢၵ်ႇမီးၸိုင်ႈမိူင်းတူၵ်းတႅမ်ႇ ၵၢၼ်ႁႃၵိၼ်လဵင်ႉတွင်ႉၵူၼ်းမိူင်းယၢပ်ႇၽိုတ်ႇ လိူဝ်သေၵူၼ်းၼႂ်းမိူင်းတူၵ်းၵိၼ်းယဝ်ႉ ႁႅင်းၵၢၼ်ၸိူဝ်းယူႇၼွၵ်ႈမိူင်းၵေႃႈ သိုၵ်းမၢၼ်ႈၸွမ်းၵိၼ်ၸိၵ်းတွၵ်ႇၸွၵ်းထႅင်ႈ။ မိူဝ်ႈဝၼ်းတီႈ 7/12/2023 ၼႆႉ ဢူးမျိၼ်ႉၼွင်ႇ ၽွင်းလူင်ၾၢႆႇႁွင်ႈၵၢၼ်ၵူၼ်းႁဵတ်းၵၢၼ် တႂ်ႈၶွင်ႇသီႇသိုၵ်းမၢၼ်ႈ ႁွတ်ႈထိုင်မိူင်းထႆးသေ ႁူပ်ႉထူပ်းဢုပ်ႇဢူဝ်းၵၼ်တင်း ၸုမ်းလူလွမ်ႁႅင်းၵၢၼ်ယၢၼ်မိူင်းလၢႆလွင်ႈ ၼႂ်းၼၼ်ႉ တိုၵ်းသူၼ်းပႃးႁႂ်ႈႁႅင်းၵၢၼ်သူင်ႇငိုၼ်း ၸူးတၢင်းႁိူၼ်း လိူၼ်လႂ် 25% ၶွင်ငိုၼ်းလိူၼ်။ ၽူႈတူင်ႉၼိုင်ၼႂ်းၸုမ်းလူလွမ်ႁႅင်းၵၢၼ်...

သိုဝ်ႇၶၢဝ်ႇထႆး ႁၢႆးငၢၼ်းဝႆ့ဝႃႈ - ၼၢင်းယိင်းဢွၼ်ႇ လုၵ်ႈႁဵၼ်းယိင်း ၵူၼ်းမိူင်းမၢၼ်ႈၵေႃ့ၼိုင်ႈဢၼ်ႁဵၼ်းလိၵ်ႈလႄႈ ႁဵတ်းၵၢၼ်တီႈ မိူင်းထႆး -  ပဵၼ်ၵေႃႉႁၵ်ႉၵၼ်တင်းမၢဝ်ႇမိူင်းဢီႊရၼ်ႊၽွင်းလႆႈၶၢဝ်းတၢင်း 5 လိူၼ် ၼၼ်ႉၺႃး မၢဝ်ႇ ဢီႊရၼ်ႊ လၵ်ႉဢဝ်ၶူဝ်းၶွင်ငိုၼ်းၶမ်းမၼ်းၼၢင်းၵႂႃႇတင်းမူတ်းမီးၵႃႈၶၼ် 25 လၢၼ်ႉဝၢတ်ႇ ဝႃႈၼႆ။ ႁႅင်းၵၢၼ်ယိင်းဢၼ်ၺႃး လႅၼ်ၼႆ့ ၸိုဝ်ႈႁွင့် ၼၢင်းမူၺ်လႅင်း ။  ၵေႃႉႁၵ်ႉမၼ်း...

ႁွင်ႈၵၢၼ် ၾၢႆႇၵူၼ်းႁဵတ်းၵၢၼ် မိူင်းထႆး ၵူတ်ႇထတ်း ႁဵင်းၵၢၼ်ယၢၼ်မိူင်း ၸိူဝ်းဢၼ်ဢမ်ႇမႅၼ်ႈၸွမ်း မၢႆမီႈ ႁႅင်းၵၢၼ်လႄႈ ၵူၼ်းၸိူဝ်းဢၼ်ဢဝ်  ၼမ့်တွၼ်း ၼိူဝ်ၶဝ်ၸိူဝ်းၼၼ့်သေ တေပၼ်တူတ်ႈတၢမ်ႇၵႂႃႇ  - ၶၢဝ်ႇ Asia News ႁၢႆးငၢၼ်းဝႆ့ ၼင်ႇၼႆ ။ ႁူင်းၵၢၼ် ၶွမ်ႇပၼီႇ ၾၢႆႇ ၵေႃႇသၢင်ႈ ၊ ၾၢႆႇၽုၵ်ႇသွမ်ႈ...

ဝၼ်းတီႈ 20/10/2023 မိူဝ်ႈၼႆႉယၢမ်းၵၢင်ၼႂ်မွၵ်ႈ 9 မူင်း ရူတ်ႉၾႆးၽႃႇၺႃးႁႅင်းၵၢၼ်ယၢၼ်မိူင်း ၼၢင်းယိင်းၵေႃႉၼိုင်ႈတီႈ ဝဵင်းသႃရၽီႊ ၵဵင်းမႂ်ႇၸိုင်ႈထႆး ။ ၵူၼ်းၶပ်းရူတ်ႉၾႆးလၢတ်ႈတီႈပလိၵ်ႈထႆးဝႃႈ - “ ၽွင်းၶပ်းရူတ်ႉၾႆးၶဝ်ႈဝဵင်းၵဵင်းမႂ်ႇမႃး ၽွင်းမႃးၽႅဝ်တီႈႁိမ်းတၢင်းၵႃးလတ်းတၢင်းရူတ်ႉၾႆး ဢၼ်မီးသိုဝ်ႈဝၢၼ်ႈပၢၵ်ႇၵွင်း ၼၼ်ႉ ႁၼ်ၼၢင်းယိင်းၵေႃႉၼႆႉ လုၵ်ႉၼႂ်းယုမ်းၵိုင်ႉၵၢင်ႉၽုတ်းဢွၵ်ႇမႃးၸုၵ်းၼိူဝ်တၢင်းရူတ်ႉၾႆးလႅၼ်ႈ ၊ ယူႇတီႈၵူၼ်းၶပ်းရူတ်ႉၾႆးဢမ်ႇၸၢင်ႈၵိုင်ႉၵၢင်ႉၵိုတ်းလႆႈလႄႈ ၵႃႈလႆႈပွႆႇၽႃႇသႂ်ႇ ၼၢင်းယိင်းၼၼ်ႉ ၺႃးရူတ်ႉၾႆးၶိုတ်ႈပဵၼ်ပိတ်းပဵၼ်ပွတ်း ”...

ၼုမ်ႇၸၢႆးႁႅင်းၵၢၼ်ၵူၼ်းမိူင်းႁူမ်ႈတုမ်ၵေႃႉၼိုင်ႈ ၶႃႈပေႃႈလဵင်ႉၸဝ်ႈၵဝ်ႇတၢႆသေ ဢဝ်ငိုၼ်းၶမ်းၶူဝ်းၶွင် ဢွၵ်ႇပၢႆႈလွတ်ႈဝႆႉ။ ပေႃႈလဵင်ႉဢၼ်ႇၺႃးတႅင်းတၢႆၼႆႉပဵၼ် ၽွင်းတၢင်ၵဝ်ႇၸိုင်ႈထႆးၵေႃႉၼိုင်ႈ ဢၼ်ယၢမ်ႈၵႂႃႇၼင်ႈလုမ်းတီႈၸိုင်ႈမိူင်းတဵင်ႊမၢၵ်ႉၶ် ။ ႁႅင်းၵၢၼ်ဢၼ်တႅင်းပေႃႈလဵင်ႉၼႆႉသမ်ႉ ပဵၼ်ၸၢႆးၼုမ်ႇဢွၼ်ႇဢႃယုတိုၵ်ႉလႆႈ 19 ပီ ၸင်ႇႁႃမႃးႁဵတ်းၵၢၼ်ၸွမ်းပေႃႈလဵင်ႉပႆႇပေႃးႁိုင်။ ယၢမ်းလဵဝ်မၼ်းၸၢႆးပၢႆႈပူၼ်ႉလွတ်ႈဝႆႉလႄႈ ၸဝ်ႈၼႃႈတီႈထႆးပိုၼ်ၽၢဝ်ႇၸွပ်ႇႁႃ တႃႇတီႉၺွပ်း ပၼ်တူတ်ႈတၢမ်ႇဝႃႈၼႆ။ သိုဝ်ႇၶၢဝ်ႇၶျွင်ႉ 3 မိူင်းထႆး  3PlusNews ႁၢႆးငၢၼ်းဝႆႉဝႃႈ -  ထူပ်းႁၼ်တူဝ်တၢႆ ၽွင်းတၢင်ၵဝ်ႇ ၼႂ်းႁွင်ႈၼမ်ႉ...

ႁႅင်းၵၢၼ်ယၢၼ်မိူင်းၵိူတ်ႇလုၵ်ႈဢွၼ်ႇ ဢၼ်ပႃးၶိူင်ႈဢႅင်ႇၵႃႇၸၢႆးတင်းယိင်း တင်းသွင်ဢၼ်၊ ပၢႆးယူႇလီၵေႃႈဢမ်ႇတဵမ်ထူၼ်ႈ ယၢပ်ႇၽိုတ်ႇတႃႇၵႃႈယူတ်းယႃ။ ပဵၼ်ႁႅင်းၵၢၼ်ဢၼ်လုၵ်ႉတၢင်းဢိူင်ႇဝၢၼ်ႈႁၢတ်ႇ ထုင်ႉဝဵင်းလၢင်းၶိူဝ်း မႃးႁဵတ်းၵၢၼ် ဝဵင်းလူင်မိူင်းၵွၵ်ႇ ၸိုင်ႈထႆး၊ ယၢမ်းလဵဝ်လုၵ်ႈဢွၼ်ႇၼႆႉဢႃယုမီးမွၵ်ႈ 1 ပီယဝ်ႉဝႃႈၼႆ။ မႄႈလုၵ်ႈဢွၼ်ႇလၢတ်ႈတီႈၽူႈတွႆႇႁွၵ်ႈဝႃႈ - “  မိူဝ်ႈပႆႇၵိူတ်ႇလုၵ်ႈတႄႉ ႁဵတ်းၵၢၼ်လၢင်ႉရူတ်ႉ။ ဝၢႆးသေမီးလုၵ်ႈယဝ်ႉ  ဢမ်ႇၸၢင်ႈၵႂႃႇႁဵတ်းၵၢၼ် ။ ယွၼ်ႉပိူဝ်ႈလုၵ်ႈဢွၼ်ႇၵိူတ်ႇမႃး ဢမ်ႇမိူၼ်ပိူၼ်ႈ လႄႈလႆႈပႂ်ႉလုမ်းလႃး။ ၵိူတ်ႇမႃး ၶိူင်ႈၽူႈယိင်းၵေႃႈပႃး...

ဝၼ်းတီႈ 6/10/2023 ယၢမ်းၶမ်ႈၼၼ်ႉ မီးၸုမ်းၵူၼ်းၼုမ်ႇသႅၼ်းပၢၼ်သိပ်းႁိၵ်းၸဵမ်ယိင်းလႄႈၸၢႆး ၶီႇရူတ်ႉၶိူင်ႈမွၵ်ႈ 20 လမ်းၼႂ်းၵၢင်ၵိဝ်ႇၼႂ်းဝဵင်းသၼ်ႊၵမ်ႊၽႅင်ႊ ဝဵင်းၵဵင်းမႂ်ႇ ၊ လမ်းၽၼ်းၵူၼ်းဝၢၼ်ႈ မၢတ်ႇၸဵပ်းႁႅင်း  သိုဝ်ႇထႆးဢွၵ်ႇဝႆႉဝႃႈပဵၼ်ၼုမ်ႇႁၢႆးၸၢႆးယိင်းတႆး ဝႃႈၼႆ။   သိုဝ်ႇၶၢဝ်ႇပိုၼ်ႉတီႈၵဵင်းမႂ်ႇ ႁၢႆးငၢၼ်းဝႆႉဝႃႈ - “ ၵူၼ်းၼုမ်ႇဝႆႊရုၼ်ႉတႆး ၶီႇရူတ်ႉၶိူင်ႈ ဢမ်ႇယွမ်း 20 လမ်း။  ၶွၼ်ႈတုမ်ၵၼ်ဝႆႉယူႇတီႈ ၼိူဝ်သဵၼ်ႈတၢင်း...