Wednesday, April 24, 2024

ပလိၵ်ႈထႆး တီႉလႆႈၵူၼ်းမိူင်းမၢၼ်ႈ ၶဝ်ႈမိူင်းထႆး ဢမ်ႇပဵၼ်တၢင်းၵၢၼ် လိူၼ်လဵဝ်မွၵ်ႈႁဵင်ၵေႃႉ

Must read

ၵူၼ်းမိူင်းႁူမ်ႈတုမ် ဢၼ်ပၢႆႈၽေးသိုၵ်းမၢၼ်ႈ ၵဵပ်းသိုၵ်း မီးၵူႈဝၼ်းလႄႈ ဢၼ်ၶၢမ်ႈလႅၼ်လိၼ်သေပၢႆႈ ၶဝ်ႈမိူင်းထႆးၼၼ်ႉ ၼိုင်ႈဝၼ်းလႂ် ဢမ်ႇယွမ်း 2,000 ၵေႃႉ ဝႃႈၼႆ။

ၼႂ်းလိူၼ်မၢတ်ႊၶျ် 2024 ၼႆႉၵူၺ်း ဢၼ်ယူႇတီႈ ပလိၵ်ႈထႆးတီႉၺွပ်း ၵူၼ်းမိူင်းႁူမ်ႈတုမ် လၵ်ႉၶၢမ်ႈလႅၼ်လိၼ် ၶဝ်ႈမိူင်းထႆးၼၼ်ႉ မီးမွၵ်ႈ 1,000 ၵေႃႉယဝ်ႉ ၸုမ်းၸွႆႈထႅမ်ႁႅင်းၵၢၼ်ယၢၼ်မိူင်း မိူင်းမၢၼ်ႈလၢတ်ႈ ၼင်ႇၼႆ။

- Subscription -

ယၢမ်းလဵဝ် ၸွမ်းလႅၼ်လိၼ်ထႆးၼႆႉ သိုၵ်းထႆး ထႅမ်ႁႅင်းသိုၵ်းပႂ်ႉႁူမ်ႈလူမ်ႈၼႅၼ်ႈၼႃ ၵူၺ်းဢမ်ႇၵႃး ဢဝ် ၶိူင်ႈမိၼ်မႃးပၼ်ႇလဵပ်ႈတူၺ်းပႃး ၵူႈဝၼ်း။ ၼႂ်းပွၵ်ႉၼႂ်းယွမ်ႇၼႂ်းဝဵင်းၼွၵ်ႈဝဵင်းၵေႃႈ မီးၵွင်ႈထၢႆႇ CCTV တင်ႈဝႆႉၵူႈတီႈပႂ်ႉတူၺ်းထႅင်ႈ ဝႃႈၼႆ။

ၾၢႆႇတၢင်းမိူင်းထႆးတႄႉ ပိုၼ်ၽၢဝ်ႇဝႆႉဝႃႈ – ပဵၼ်တႃႇပႂ်ႉတူၺ်း ယွၼ်ႉပၢင်တိုၵ်းႁၢဝ်ႈႁႅင်းၾၢႆႇတၢင်းမိူင်းမၢၼ်ႈ – ဝႃႈၼႆ။

ၵူၼ်းမိူင်းႁူမ်ႈတုမ် ဢၼ်ၵႆႉၺႃးတီႉၺွပ်းၼႆႉ ပဵၼ်ၼႂ်းၸႄႈတွၼ်ႈၵၢၼ်းၶျၼပူႊရီႊလႄႈ ၸႄႈတွၼ်ႈတၢၵ်ႇ။ ၸၢင်ႈလႆႈႁပ်ႉတူတ်ႈတၢမ်ႇ တူၵ်းၶွၵ်ႈ တီႈၵႄႇသုတ်း ၼိုင်ႈလိူၼ် ႁိုင်သုတ်း 2 လိူၼ် ဝႃႈၼႆ။

ဢၢင်ႈဢိင် – RFA

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း