မိူဝ်ႈၼႆႉ ဝၼ်းတီႈ 27 လိူၼ်ၵျူႊလၢႆႊ ၸုမ်းႁဵတ်းၵၢၼ်သုၼ်ႇလႆႈတႃႇမိူင်းႁူမ်ႈတုမ် Justic For Myanmar ဢွၵ်ႇၽိုၼ်ႁၢႆးငၢၼ်းဝႃႈ- ဢဝ်ၶွမ်ႊမၼီႊၸိူဝ်းႁဵတ်းၵၢၼ်ၵႃႉၶၢႆ ၼမ်ႉမၼ်းမဵၼ် ၸၼ်ႉလုမ်ႈၾႃႉ 11 ဢၼ် ၶဝ်ႈၼႂ်းသဵၼ်ႈမၢႆ Burma Campaign UK “သဵၼ်ႈမၢႆၸိူဝ်းႁဵတ်းၵၢၼ်မၢၵ်ႈမီးၽိတ်းမၢႆမီႈ” ၼႆယဝ်ႉ။
ၶွမ်ႊပၼီႊ 11 ဢၼ်ၼႆႉ ၵွင်ႉၵဵဝ်ႇၵၼ်တင်းသိုၵ်းမၢၼ်ႈ ဢၼ်ႁဵတ်းလွင်ႈပူၼ်ႉပႅၼ်သုၼ်ႇလႆႈၵူၼ်း ၼႂ်းမိူင်းႁူမ်ႈတုမ် လႄႈ သိင်ႇဝႅတ်ႉလွမ်ႉလူႉၵွႆ ။ ၸိူဝ်းၶဝ်ၵမ်ႉထႅမ်ပၼ်ၶိူင်ႈၸႂ်ႉတိုဝ်း ၼႂ်းၵၢၼ်ၶုတ်းႁႄႈတိုၼ်း လႄႈ ၸွႆႈၸတ်းၵၢၼ်ပၼ်ငိုၼ်းၶဝ်ႈငိုၼ်းဢွၵ်ႇ ၼႂ်းၵၢၼ်ႁႅင်းထၢတ်ႈၸဵမ်ၸိူဝ်းၼႆႉ ဝႃႈၼႆ။
သိုၵ်းမၢၼ်ႈၼႆႉ ၵုမ်းၵမ်ဝႆႉ ၵၢၼ်ၼမ်ႉမၼ်းမဵၼ် မိူင်းမၢၼ်ႈ လႄႈ ၵၢၼ်ႁႅင်းထၢတ်ႈသေ ၵဵပ်းၵိၼ်ၶွၼ်ႇ ၵၢၼ်မၢၵ်ႈမီး ၸိူဝ်းဢမ်ႇထုၵ်ႇမႅၼ်ႈၸွမ်းမၢႆမီႈၼၼ်ႉယဝ်ႉ ဢဝ်ငိုၼ်းမႃးၸႂ်ႉ တိုဝ်းၼႂ်း ၵၢၼ်သိုဝ်ႉၶိူင်ႈၵွင်ႈၵၢင်ႇ၊ ၼမ်ႉမၼ်းႁိူဝ်းမိၼ် လႄႈ ၶိူင်ႈၸႂ်ႉတိုဝ်းၼႂ်းၵၢၼ်သိုၵ်းၸိူဝ်းၼႆႉ တီႈၶွမ်ႊပၼီႊ ႁဵတ်းၵၢၼ်ၵႃႉၶၢႆၼမ်ႉမၼ်း မဵၼ် ၵူႈမိူင်းမိူင်း (MOGE) ၼၼ်ႉယူႇ။
ၶွမ်ႊပၼီးၸိူဝ်းၺႃးဢဝ်ၶဝ်ႈၼႂ်းသဵၼ်ႈမၢႆ ၵဵဝ်ႇၵွင်ႉတင်းသိုၵ်းမၢၼ်ႈ လႄႈ ႁဵတ်းပူၼ်ႉပႅၼ်သုၼ်ႇလႆႈသုၼ်ႇ ပဵၼ်ၵူၼ်း ၼႂ်းမိူင်းမၢၼ်ႈၼၼ်ႉ ပဵၼ် Baker Hughes၊ China Oilfield Services Limited (COSL)၊ COENS၊ Destini Berhad၊ ENRA Group၊ Halliburton၊ Hyundai Heavy Industries၊ PetroVietnam၊ SED Energy Holdings (ၶွမ်ႊပၼီႊငဝ်ႈတိုၼ်း Energy Drilling )၊ SLB ( မိူဝ်ႈၵွၼ်ႇပဵၼ် Schlumberger ၶွမ်ႊပၼီႊ) လႄႈ Weatherford International ၸဵမ်ၸိူဝ်းၼႆႉ- ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ