ဝၼ်းတီႈ 8/4/2024 ပလိၵ်ႈလၢဝ်း တီႉလႆႈႁႅင်းၵၢၼ်ယၢၼ်မိူင်း ၵူၼ်းမိူင်းမၢၼ်ႈ တီႈမိူင်းလၢဝ်း ဢမ်ႇယွမ်း 50 ၵေႃႉ ဝႃႈ ၼႆ။
ႁႅင်းၵၢၼ် ၵူၼ်းမိူင်းမၢၼ်ႈ ဢၼ်လွတ်ႈတၢင်းတီႉ ၵေႃႉၼိုင်ႈ လၢတ်ႈဝႃႈ – ပလိၵ်ႈလၢဝ်း ၶဝ်ႈၵူတ်ႇထတ်း တီႈပၢင်မႆႉ သၵ်းသေ တီႉၵႂႃႇ ၵူၼ်းမီးသမၢတ်ႉၵၢတ်ႉၵေႃႈဢဝ် ဢမ်ႇမီးၵေႃႈ ဢဝ်တၢင်ႇၵႃးၵႂႃႇမူတ်း။ သူင်ႇမိူင်းမၢၼ်ႈၶိုၼ်းယဝ်ႉႁိုဝ် ဢမ်ႇသူင်ႇႁိုဝ်ၵေႃႈ ဢမ်ႇႁူႉ – ဝႃႈၼႆ။
ၵွၼ်ႇၼႃႈၼႆႉ ႁႅင်းၵၢၼ်မိူင်းမၢၼ်ႈ ဢၼ်ပၢႆႈၶဝ်ႈမိူင်းလၢဝ်း ဢမ်ႇမီးၼမ်ပဵင်းမိူင်းထႆး။ ၼႂ်းပီၼႆႉ ယွၼ်ႉသိုၵ်းမၢၼ်ႈ ပိုၼ်ၽၢဝ်ႇ ၵဵပ်းသိုၵ်းၵူၼ်းၼုမ်ႇၼႆသေ ၵူၼ်းမိူင်းမၢၼ်ႈ ပၢႆႈၵႂႃႇမိူင်းႁိမ်းႁွမ်း တႃႇႁဵတ်းၵၢၼ်။ ဢၼ်ပၢႆႈၶဝ်ႈမိူင်းလၢဝ်း ၵေႃႈ မီး။ ၵမ်ႈၼမ် ဢမ်ႇလႆႈၵၢၼ်တီႈလီ။ ဢွၼ်ၵၼ်ယၢပ်ႇၽိုတ်ႇ ယွၼ်ႉၵူၼ်းယူႇၵႄႈၵိၼ်ၵၢင် ဝႃႈၼႆ။
ဢၢင်ႈဢိင် – DVB
