ဢၼ်ပဵၼ်ၶၢဝ်ႇယႂ်ႇယူႇဝၼ်းမိူဝ်ႈလဵဝ်ၼႆႉ ပဵၼ်သွင်ၸိုင်ႈမိူင်း ဢၼ်ပဵၼ်ၶဵၼ်လူင်တေႃႇၵၼ် တွပ်ႇထဵင်ၵၼ်မႃးယူႇတႃႇသေႇ မိူၼ် ၸိူင်ႉၼင်ႇ ၸွမ်ၸိုင်ႈမိူင်းဢမႄႊရိၵၼ်ႊလႄႈ ၽူႈၼမ်းမိူင်းၵူဝ်ႊရီႊယိူဝ်ႊႁွင်ႇ သွင်ၾၢႆႇႁူပ်ႉထူပ်းၵၼ် တီႈမိူင်းသိင်ႇၵပူဝ်ႇ။ လွင်ႈၼႆႉ ၼိူဝ် Facebook, Social media ၸိူဝ်းၼႆႉ ၵူၼ်းမိူင်းတႆးၵေႃႈတႅမ်ႈလိၵ်ႈ ထၢမ်ၵၼ်ဝႃႈ- ၽူႈၶဵၼ်လူင်တၢင်းလုမ်ႈၾႃႉ တႄႉ ပေႃးႁူပ်ႉၵၼ်ယဝ်ႉ။ တႆးႁဝ်းၶႃႈလူး တႃႇတေႁူပ်ႉၵၼ် ၽွမ်ႉႁူမ်ႈၵၼ်ၼႆႉ ဢမ်ႇမီးႁႃႉ။...

ၸၢႆးထႅၼ်ႈလႅဝ်း ၸဝ်ႈပၢႆးမွၼ်း ႁွင်ႉၽဵင်းၵႂၢမ်းၼႅဝ်း Rock ။ ၸုၵ်းၼိူဝ်သဵၼ်ႈတၢင်း Rock မႃး မီး 20 ပီပၢႆယဝ်ႉ။ ၵူၼ်း ၼုမ်ႇၸုပ်ႈလုၵ်ႈ လၢၼ်ဢွၼ်ၵၼ်ယွမ်းႁပ်ႉ၊ ႁၵ်ႉႁူမ်ၸူမ်းတွၼ်ႈထိုင်ဝၼ်းမိူဝ်ႈလဵဝ်။ ၶၢဝ်းတၢင်းပၢႆးမွၼ်းမၼ်းၸၢႆးလတ်း ၽၢၼ်ႇငဝ်းလၢႆးၸိူင်ႉႁိုဝ်မႃးၽွင်ႈ ဢၼ်ဝႃႈၼၼ်ႉ ၼၢင်းသႅင်ၽူး ၸုမ်းၶၢဝ်ႇၽူႈတွႆႇႁွၵ်ႈ လႆႈတိုဝ်ႉတၢင်းႁူပ်ႉထူပ်း တွင်ႈ ထၢမ်မၼ်းၸၢႆးဝႆႉၼင်ႇၼႆ။ ထၢမ် -...

ၼႂ်းလုၵ်ႈလိူၼ်ဢေႊပရိူဝ်ႊ ဢၼ်ယဝ်ႉမႃး တင်း ၼႂ်းလုၵ်ႈလိူၼ်မေႊ ၼႆႉ မီးဝၼ်းယႂ်ႇဝၼ်းလူင် ဝၼ်းၵိုၵ်းပိုၼ်း လၢႆလၢႆဝၼ်း။ ဝၼ်းတီႈ 17 ဢေႊပရိူဝ်ႊ ဝႃႉၵိုတ်းတိုၵ်းဢဝ်ငမ်းယဵၼ် တင်းလူင်ပွင်ၸိုင်ႈသိုၵ်းမၢၼ်ႈ မီးမႃး 30 ပီ။ ဝၼ်းတီႈ 24 သမ်ႉ ပဵၼ်ဝၼ်းတပ်ႉသိုၵ်းၸိုင်ႈတႆး ၶွပ်ႈတဵမ် 55 ပီ။ လိူၼ်မေႊ ဝၼ်းတီႈ...

19/05/1947 ၸွမ်သိုၵ်းဢွင်ႇသၢၼ်း ၵမ်ႉထႅမ်လိူၵ်ႈဢဝ်လွၵ်းပိူင် မိူင်းႁူမ်ႈတုမ်ၾႅတ်ႊၻရႄႊ ၽွင်းပၢင်ၵုမ်ႁၢင်ႈႁႅၼ်း AFPFL (ဖဆပလ)။ 25/05/1951 လူင်ပွင်ၸိုင်ႈတႆးမၵ်းမၼ်ႈလိၵ်ႈတႆးမႂ်ႇ (ႁူဝ်သိူဝ်) တီႈဝဵင်းတူၼ်ႈတီး တွၼ်ႈတႃႇၸႂ်ႉတိုဝ်း ပဵၼ်ပပ်ႉႁဵၼ်း ၼႂ်းႁူင်းႁဵၼ်း။ 17/05/1954 တၢင်ႇသင်ႇၵႃႇယၼႃႇပွၵ်ႈထီႉ 6 တီႈထမ်ႈၵမ်ႇၽႃႇၵတ်းယဵၼ် ဝဵင်းတႃႈၵုင်ႈ။ 12/05/1956 ၸဝ်ႈမူဝ်ႁိူင်း (ႁွင်ႉ)ၸဝ်ႈၵွၼ်းၸိူင်း သၢၼ်ၶတ်းၽိုၼ်ႉဝၢႆႇၽၢတ်ႇဢွၵ်ႇ ပႃႇတီႇၶွမ်ႊမိဝ်ႊၼိတ်ႉ မိူင်းမၢၼ်ႈ CPB ။ 21/05/1958...

ၼႂ်း 2-3 ဝၼ်းပူၼ်ႉမႃး မိူဝ်ႈလိူၼ်မေႊ 7 ဝၼ်းၼၼ်ႉ ယူႇတီႈၸွမ်ၸိုင်ႈမိူင်းႁူမ်ႈတုမ်သေယဝ်ႉ ပွႆႇပၼ်ၵူၼ်းတူၵ်းၶွၵ်ႈ ၸိူဝ်းဢၼ်မီးၼႂ်းၶွၵ်ႈပတ်းပိုၼ်ႉမိူင်းမၢၼ်ႈၼႆႉ တင်းသဵင်ႈ မွၵ်ႈၵူၼ်း 6,000 ပၢႆ။ ၼႂ်းၼၼ်ႉ ပႃးၸဵမ်လုၵ်ႈၸုမ်း ၶွင်ႇသီႇ ဢဝ်ၶိုၼ်းၸိုင်ႈတႆး၊ လုၵ်ႈၸုမ်း ပႃႇတီႇမႂ်ႇသုင်ၸိုင်ႈတႆးလႄႈ လုၵ်ႈၸုမ်းၶွင် ABSDF ၸုမ်းလုၵ်ႉၽိုၼ်ႉလုၵ်ႈႁဵၼ်း တင်း မူတ်း...

ပေႃးတူၵ်ႇၶိူဝ်းလိူၵ်ႈတင်ႈထႆးၼႆႉ ၸိူဝ်းတိတ်းတၢမ်ၸွမ်းၵမ်ႈၼမ် တေႁူႉလွင်ႈမႅင်ႇငိုၼ်းပၼ်ၽူႈမီးဢေႃးၸႃႇ ၼႂ်းပိုၼ်ႉတီႈလႂ်ပိုၼ်ႉတီႈၼၼ်ႉသေ သိုဝ်ႉဢဝ်ၶႅပ်းၵၢင်ၸႂ် (ၶဝ်ႁွင်ႉဝႃႈ သိုဝ်ႉသဵင်) ၵူၼ်းမိူင်းၼႂ်းပိုၼ်ႉတီႈၼၼ်ႉ ႁႂ်ႈၶဝ်ႈမႃးတွတ်ႈပၼ် ၶႅပ်းၵၢင်ၸႂ်တီႈပႃႇတီႇတူဝ်ၵဝ်ႇ။ ပႃႇတီႇလူင်ၵမ်ႈၼမ် ဢမ်ႇဝႄႈလွတ်ႈလႆႈလၢႆးၼႆႉ။ ယွၼ်ႉၼၼ် ပေႃးမီးလိူၵ်ႈတင်ႈယေႈပွၵ်ႈၸိုင် ငိုၼ်းဢၼ်ပႃႇတီႇၶဝ်လႆႈၸႂ်ႉၸၢႆႇၼႆႉ တေဢမ်ႇတႅမ်ႇသေ ႁဵင်လၢတ်ႉဝၢတ်ႇ (ႁႃႈမိုၼ်ႇ လၢၼ်ႉၵျၢပ်ႈ)။ ပီၼႆႉတႄႉလိူဝ်မႃးထႅင်ႈၵူႈပွၵ်ႈ မီးလွင်ႈၼိုင်ႈ။ သၢႆမၢႆၵူၼ်းမီးသုၼ်ႇတွပ်ႈၶႅပ်းမႄး မီးပၢၵ်ႇၵေႃႉ။ ၽိူဝ်ႇမႃးၼပ်ႉ ၶႅပ်းမႄးသမ်ႉမီးသွင်ပၢၵ်ႇ။...

ၵၢၼ်ဢူမ်ပူႉၼႆႉ ပဵၼ်ၾိင်ႈထုင်းဢၼ်ၼိုင်ႈ ဢၼ်မီးမႃးပီယၢဝ်းၶၢဝ်းႁိုင် ၸူဝ်ႈပၢၼ်ပူႇမွၼ်ႇၼၢႆးယႃႈ ပၢၼ်သိုပ်ႇပၢၼ် ၶိူဝ်းတႆးႁဝ်း။ ဢဝ်ၸႂ်ႉတိုဝ်းတမ်းႁပ်ႉတွၼ်ႈၵၼ် မိူဝ်ႈမီးပီႈၼွင်ႉၶႅၵ်ႇတဝ်ႈႁွတ်ႈၽႅဝ်မႃး တီႈႁိူၼ်းတီႈယေးႁဝ်း တင်းၵဵဝ်ႉတင်းဢုပ်ႇၵၼ်၊ သၢင်ႈ လွင်ႈမိုတ်ႈၵိုဝ်းယုမ်ႇယမ်ၸမ်ၸႂ်ၵၼ်။ ပူႉ ယႃႇပူႉၼႆႉ သႂ်ႇၶိူင်ႈၵိရိယႃႇလၵ်းလၵ်းမၼ်းမီး မၢၵ်ႇမူႉ သႃးၸေး ယႃႈၶၼ်း မၢၵ်ႇတွႆႇ လိင်းၺၢင်း ထုၼ်ၶၢဝ်ၸိူဝ်းၼႆႉ။ ပူႉ-မီး တူၼ်ႈပဵၼ်ၶိူဝ်း၊ သီၶဵဝ်၊ ပေႃးၵႄႇမႃးဢွၵ်ႇသီလိူင်၊...

မိူင်းတႆးၼႆႉ ပဵၼ်မိူင်းတီႈလိၼ်သုင် မီးထုင်ႉပၢင်ႇပဵင်းၼမ်၊ မီးႁူၺ်ႈမီးႁွင်ႈၼမ်၊ မီးမႄႈၼမ်ႉလဵၵ်ႉယႂ်ႇ လၢႆလၢႆသၢႆ။ မႄႈၼမ်ႉ ၸိူဝ်းၼႆႉ ပဵၼ်တီႈပိုင်ႈတီႈဢိင်ၵူၼ်းမိူင်းတႆး ဢဝ်ၼမ်ႉၶဝ်ႈၼႃးၶဝ်ႈသူၼ် လူၺ်ႈၵၢၼ်တဵင်ၾၢႆၼိူဝ်မႄႈၼမ်ႉ၊ ႁႂ်ႈၼမ်ႉယိုင်ႈ ၶဝ်ႈၼမ်ႉႁွင်ႈဢွၼ်ႇ၊ လုၵ်ႉတီႈၼမ်ႉႁွင်ႈဢွၼ်ႇသေ ပွႆႇသႂၢင်းၼမ်ႉၶဝ်ႈၼႃး၊ တႆးမေႃမႃးၸဵမ်ပၢၼ်မိူင်းမၢဝ်းလူင်။ မိူၼ်ၼင်ႇၸင်ႇၼႆႉ တီႈဝဵင်းလၢင်းၶိူဝ်းၵေႃႈ မီးလွင်ႈလၢၵ်ႇလၢႆးပႅၵ်ႇပိူင်ႈဝႆႉတင်းတၢင်ႇဝဵင်းၽွင်ႈယူႇ။ ၵွပ်ႈမီးမႄႈၼမ်ႉတဵင်း လႄႈ ၶၢဝ်းႁႅင်ႈၶၢဝ်းႁွင်ၵေႃႈ ပီႈၼွင်ႉၵူၼ်းလၢင်းၶိူဝ်းႁဵတ်းၵၢၼ်ၽုၵ်ႇသွမ်ႈ၊ ႁဵတ်းၵူင်းပၼ်ႇတိုတ်ႉၸၼ်ၼမ်ႉ ၶိုၼ်ႈၶဝ်ႈၼႃးၶဝ်ႈသူၼ်...

ၸၼ်ႉငဝ်ႈ ဝၢႆးသေလုၵ်ႈဢွၼ်ၶိုၼ်ႈႁဵၼ်းၸၼ်ႉဢွၼ်ယဝ်ႉတႃႇတေသိုပ်ႇႁဵၼ်းၸၼ်ႉငဝ်ႈၼၼ်ႉလုၵ်ႈဢွၼ်ႇတၵ်း တေလႆႈမီးဢႃယု 5 ၶူပ်ႇသေၵွၼ်ႇၸင်ႇတေၶိုၼ်းႁဵၼ်းၸၼ်ႉငဝ်ႈလႆႈ။ တႃႇတေသိုပ်ႇၶိုၼ်ႈၸၼ်ၵၢင်ၼႆႉၼၼ်ႉ တၵ်းတေလႆႈတွပ်ႇလိၵ်ႈ ႁႂ်ႈ ဢွင်ႇပူၼ်ႉၸၼ်ႉႁႃႈၵွၼ်ႇ ၸင်ႇတေသိုပ်ႇၶိုၼ်ႈႁဵၼ်းၸၼ်ႉၵၢင်လႆႈ။ ၸၼ်ႉၵၢင် ၸၼ်ႉၵၢင်ၼႆႉတေလႆႈဝႃႈပဵၼ်ၶၵ်ႉထီႉၼိုင်ႈၶွင်ၸၼ်သုင်ယဝ်ႉ။ လုၵ်ႈႁဵၼ်းတေလႆႈႁဵၼ်းတႄႇဢဝ်ၸၼ်ႉ 6 တေႃႇထိုင် ၸၼ်ႉ 8 သေတၵ်းတေလႆႈတွပ်ႇလိၵ်ႈပေႃးထိုင်ၸၼ်ႉ 8 ၼင်ႇႁိုဝ်တေသိုပ်ႇၶိုၼ်ႈႁဵၼ်းၸၼ်ႉသုင်။ ၸၼ်ႉသုင် တႄႇဢဝ်ၸၼ်ႉ 9 ၼၼ်ႉတေလႆႈဝႃႈၶဝ်ႈႁဵၼ်းၸၼ်ႉသုင်ယဝ်ႉ။ လုၵ်ႈႁဵၼ်းၸၼ်ႉသုင်ၼႆႉတၵ်းတေ လႆႈလိူၵ်ႈတႃႇတေ ႁဵၼ်းပၢႆးသၢႆႊ ဢမ်ႇၼၼ် ပၢႆးမွၼ်း...

တွၼ်ႈတႃႇဝူင်ႈၼႆႉ ႁဝ်းၶႃႈဢဝ်ႁူဝ်ၶေႃႈဢၼ်ဝႃႈ ပိူင်ပိုင်းၸႄႈမိူင်းလႄႈလၵ်းမိူင်း 2008 ဢၼ်ဝႃႈၼၼ်ႉသေ မႃးဢုပ်ႇၸွမ်းၵႂႃႇ ဢိတ်းၼိုင်ႈ။ ၼႂ်းၶၢဝ်းၶိဝ်းဝူင်ႈဝၢင်ႈၼႆႉ မီးၵူၼ်းၸုမ်းသွင်ၸုမ်းဢွၼ်ၵၼ်တူင်ႉၼိုင်ႁဵတ်းသၢင်ႈဝႃႈ လုၵ်ႉတီႈပၢင်ၵုမ် UPDJC ၸုမ်းၽူႈၼမ်းၼႂ်း ဢၼ်ပဵၼ်ၸုမ်းပွင်ၵၢၼ်သၢင်ႈလွင်ႈငမ်းယဵၼ်ၼၼ်ႉ ႁဵတ်းပၢင်ၵုမ်တႅပ်းတတ်းမႃးဝႃႈ ၵူႈၸႄႈမိူင်းၽႂ်မၼ်းၼႆႉ မီးသုၼ်ႇတႃႇတေ ၶႅၼ်ႇတႅမ်ႈပၵ်းပိူင်လၵ်းမိူင်း မိူင်းၽႂ်မၼ်းယဝ်ႉၼႆသေ ႁွင်ႉႁူပ်ႉပေႃႈမႄႈၵူၼ်းမိူင်းၸိူဝ်းၼၼ်ႉၵေႃႈ ႁဝ်းၶႃႈလႆႈငိၼ်းမႃး။ တီႈတႄႉမႃးပိူင်ပိုင်းၸႄႈမိူင်းၼႆႉ မီးသုၼ်ႇၶဵၼ်ႇတႅမ်ႈယဝ်ႉႁႃႉဢၼ်ဝႃႈၼၼ်ႉ ပေႃးမႃးထတ်းသၢင်တူၺ်းလီငၢမ်းၼႆ တေႃႇထိုင် ဝၼ်းမိူဝ်ႈၼႆႉတိုၼ်းပႆႇမီးသုၼ်ႇ ပိူဝ်ႈတႃႇတေၶဵၼ်ႇတႅမ်ႈ...

ပီ 2018 လိူၼ်မေႊ လိူၼ်ၵျုၼ်ႊ ပူၼ်ႉမႃးၼႆႉ ဢၼ်လီဢၼ်ႁၢႆႉ ၵဵဝ်ႇၵပ်းပိုၼ်းတႆး ၶိူဝ်းတႆး မီးသင် ပေႃးမႃးဝူၼ်ႉတူၺ်း မီးယူႇလၢႆၸိူဝ်ႉလၢႆပိူင်။ မိူၼ်ၼင်ႇ ၸုမ်းသိုၵ်းလွႆ ယိုၼ်ႈဝႂ်ၵဵပ်းၶွၼ်ႇ ႁႂ်ႈၸုမ်းပျီႇတုၸိတ်ႉသႅင်ၵႅဝ်ႇ သႂ်ႇၶွၼ်ႇ ငိုၼ်းၶႄႇ သႅၼ်ႁႃႈ မိုၼ်ႈယႅၼ်ႉ၊ သိုၵ်းလွႆ ႁႅၼ်းသိုၵ်းလေႃႇတိုၵ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းသိုၵ်းတႆး ၼင်ႇၵၼ် ယိုဝ်းၵၼ်၊...

မိူဝ်ႈလိူၼ်ဢေႊပရိူဝ်ႊ 30 ဝၼ်းပူၼ်ႉမႃးၼႆႉ ယူႇတီႈတပ်ႉသိုၵ်းမၢၼ်ႈ ၶိုၼ်းပိုၼ်ၽၢဝ်ႇဝႃႈ ၶဝ်တေတိူဝ်းၶႂၢၵ်ႈတမ်း လွင်ႈၶဝ်ၵိုတ်းတိုၵ်းၼၼ်ႉထႅင်ႈ တႃႇ 2 လိူၼ်ၼႆလႄႈ ဢၼ်ၼႆႉၸွင်ႇမၼ်းတေပဵၼ်ပိူဝ်ႈတႃႇတေလူင်းလၢႆးမိုဝ်း NCA လိၵ်ႈႁူမ်ႈမၢႆၵိုတ်းတိုၵ်းတူဝ်ႈမိူင်းလႆႈႁိုဝ်ဢၼ်ဝႃႈၼၼ်ႉ ႁဝ်းၶႃႈယွၼ်းထတ်းသၢင်ပၢႆးၼႄၵၼ်ပွတ်းဢွၼ်ႇတွၼ်ႈၼိုင်ႈ။ မိူဝ်ႈဝၼ်းတီႈ 30 ၼၼ်ႉၵူၺ်းၼင်ႇၵဝ်ႇ ၸုမ်း NRPC ဢၼ်ပဵၼ်သုၼ်ၵၢင်ၵေႃႇသၢင်ႈလွင်ႈငမ်းယဵၼ် လုၵ်ႉတီႈလူင်ပွင် ၸိုင်ႈၼူၵ်ႉယုင်း ၽွတ်ႈႁႅၼ်းဝႆႉပၼ်ၼၼ်ႉ ၵႂႃႇမိူဝ်းႁူပ်ႉထူပ်းလူၺ်ႈတၢင်း ပီႈၼွင်ႉၸုမ်းၵဝ်ႈၵၢင်ႉ၊...

ၽႅၼ်ႇလိၼ်ၸိုင်ႈတႆးၼႆႉ ပိုၼ်ႉတီႈၵႂၢင်ႈၶႂၢင်လီ မီးႁူဝ်ၵူၼ်းယူႇႁူမ်ႈႁွမ်းၸွမ်းၵၼ်လၢႆပိူင် လၢႆသႅၼ်း ဢၼ်ၼမ်သေပိူၼ်ႈ ပဵၼ်ၵူၼ်းတႆး ၸဝ်ႈၶွင်ပိုၼ်ႉတီႈလိၼ်ၵေႃႈ ပဵၼ်ၵူၼ်းၸၢဝ်းၶိူဝ်းတႆးယဝ်ႉ။ ၵွပ်ႈၼႂ်းၽႅၼ်ႇလိၼ် ၸိုင်ႈတႆး မီးႁူဝ်ၵူၼ်းယူႇ သဝ်းၼႂ်းမၼ်းၼမ်လႄႈ သၢင်ႇထုၵ်ႇတႃႇပေႃႈၵႃႉမႄႈၶၢႆ ၸိူဝ်းလဵပ်ႈႁဵၼ်းႁဵတ်းၵၢၼ်ၵႃႉၶၢႆၶဝ်တႄႉတႄႉ။ ၽႅၼ်ႇလိၼ်ၸိုင်ႈ တႆး ၾၢႆႇၼႃႈတၢင်းႁွင်ႇတိတ်းၸပ်းၸိုင်ႈမိူင်းၶႄႇ ပွတ်းဢွၵ်ႇၽႅၼ်ႇလိၼ်လၢဝ်းလႄႈ မိူင်းထႆး ပွတ်းတူၵ်းတိတ်းၸပ်းမိူင်း မၢၼ်ႈ ၸိူဝ်းၼႆႉ ပဵၼ်ဝွင်ႇၽၵ်းတူၵႃႉၶၢႆၶူဝ်းတၢင်ႇၵုၼ် ၶဝ်ႈဢွၵ်ႇၼွၵ်ႈမိူင်းၼႂ်းမိူင်းၼပ်ႉဢၢၼ်ႇငိုၼ်းပဵၼ်ႁူဝ်လၢၼ်ႉႁူဝ်...

မၢင်ၸိူဝ်း ယင်းတိုၵ်ႉမီးၸႂ်ၶႂ်ႈထၢမ်ယူႇ ႁဵၼ်းလိၵ်ႈတႆးမေႃမႃးယဝ်ႉတေဢဝ်ၵႂႃႇၸႂ်ႉတိုဝ်းတီႈလႂ် ၼႂ်းလူၵ်ႈ(လူဝ်းၵ)လူင်ၼႆႉ ၶူဝ်းၶွင်ဢၼ်လီ မီးဢေႇ မီးၵႃႈၶၼ် ၵႃႈၶၼ်ယႂ်ႇ ၽႂ်ၵေႃႈၶႂ်ႈလႆႈၶႂ်ႈမီး ၶႂ်ႈလႆႈ သမ်ႉႁႃယၢပ်ႇ။ မၢင်သိင်ႇမၢင်ဢၼ် ပေႃးၼမ်မၢၵ်ႈလၢႆပူၼ်ႉတီႈၵေႃႈ သမ်ႉဢမ်ႇမီးၵႃႈၶၼ် ၵႃႈၶၼ်ထုၵ်ႇ ၽႂ်ၵေႃႈ ဢမ်ႇပေႃးဝႆႉၼမ်ႉၼၵ်း။ ပိူင်ႈၵၼ်တင်းလိၵ်ႈတႆးၵႂၢမ်းတႆးႁဝ်း ၵူၼ်းႁူႉၵူၼ်းမေႃဢေႇ ဢမ်ႇသူင်ၸႂ်ႉတိုဝ်း ႁူမ်ႈဝႃႈၵူၼ်းတႆးမေႃလိၵ်ႈတႆး ၵႂၢမ်းတႆး ဢမ်ႇပႅၵ်ႇၸႂ်သေတႃႉ ၵူၼ်းတႆးဢမ်ႇမေႃလိၵ်ႈတႆးၵႂၢမ်းတႆးၵေႃႈမီၼမ်ဢမ်ႇဢေႇ။ ၵူၼ်းႁူႉၵူၼ်းမေႃ ၵူၼ်းၶႂ်ႈတႅမ်ႈ...

ၸဝ်ႈသူၼ်မွၵ်ႇၵူႇသွႆႈလႅင် တီႈဝၢၼ်ႈတႆးၵဝ်ႈလၵ်း “ၸၢႆးၼုတ်း ၵေႃႉၵဝ်ၶႃႈယၢမ်ႈႁူႉၸၵ်း” ပီႊ 2008 ၼၼ်ႉ ပဵၼ်ပီႊဢၼ်လႅၵ်ႈလၢႆႈပႅတ်ႈ ၸူဝ်ႈပၢၼ်ၵဝ်ၶႃႈ ၼႆၵေႃႈဝႃႈလႆႈ။ ပီႊၼၼ်ႉ ၵဝ်ၶႃႈတတ်းၶၢတ်ႇပႅတ်ႈၵၢၼ် သွၼ်လိၵ်ႈ။ ၼႆလႄႈ ၵဝ်ၶႃႈ မီးယၢမ်းတၼ်းတင်းၼမ်၊ ယွၼ်ႉမီးယိၼ်ႉတႅမ်ႈလိၵ်ႈလႄႈသင် ဢဝ်ပပ်ႉလွင်ႈမိူင်းတႆးပပ်ႉ႞ ပိၼ်ႇတႅမ်ႈပဵၼ်လိၵ်ႈတႆး။ ၸၢႆးၶမ်းလၢဝ် ၵေႃႉပဵၼ်ၸဝ်ႈၶွင် ၵၢၼ်ၵေႃႇသၢင်ႈ တီႈဝဵင်းလိူဝ်ႇ ဢွၵ်ႇပၼ်ၵႃႊဢိတ်ႇပပ်ႉလႄႈ ႁၢင်ႈႁႅၼ်းၶပ်ႉလိၵ်ႈယဝ်ႉလီငၢမ်းသေ...