ၸၼ်ႉငဝ်ႈ
ဝၢႆးသေလုၵ်ႈဢွၼ်ၶိုၼ်ႈႁဵၼ်းၸၼ်ႉဢွၼ်ယဝ်ႉတႃႇတေသိုပ်ႇႁဵၼ်းၸၼ်ႉငဝ်ႈၼၼ်ႉလုၵ်ႈဢွၼ်ႇတၵ်း တေလႆႈမီးဢႃယု 5 ၶူပ်ႇသေၵွၼ်ႇၸင်ႇတေၶိုၼ်းႁဵၼ်းၸၼ်ႉငဝ်ႈလႆႈ။ တႃႇတေသိုပ်ႇၶိုၼ်ႈၸၼ်ၵၢင်ၼႆႉၼၼ်ႉ တၵ်းတေလႆႈတွပ်ႇလိၵ်ႈ ႁႂ်ႈ ဢွင်ႇပူၼ်ႉၸၼ်ႉႁႃႈၵွၼ်ႇ ၸင်ႇတေသိုပ်ႇၶိုၼ်ႈႁဵၼ်းၸၼ်ႉၵၢင်လႆႈ။

ၸၼ်ႉၵၢင်
ၸၼ်ႉၵၢင်ၼႆႉတေလႆႈဝႃႈပဵၼ်ၶၵ်ႉထီႉၼိုင်ႈၶွင်ၸၼ်သုင်ယဝ်ႉ။ လုၵ်ႈႁဵၼ်းတေလႆႈႁဵၼ်းတႄႇဢဝ်ၸၼ်ႉ 6 တေႃႇထိုင် ၸၼ်ႉ 8 သေတၵ်းတေလႆႈတွပ်ႇလိၵ်ႈပေႃးထိုင်ၸၼ်ႉ 8 ၼင်ႇႁိုဝ်တေသိုပ်ႇၶိုၼ်ႈႁဵၼ်းၸၼ်ႉသုင်။

ၸၼ်ႉသုင်
တႄႇဢဝ်ၸၼ်ႉ 9 ၼၼ်ႉတေလႆႈဝႃႈၶဝ်ႈႁဵၼ်းၸၼ်ႉသုင်ယဝ်ႉ။ လုၵ်ႈႁဵၼ်းၸၼ်ႉသုင်ၼႆႉတၵ်းတေ လႆႈလိူၵ်ႈတႃႇတေ ႁဵၼ်းပၢႆးသၢႆႊ ဢမ်ႇၼၼ် ပၢႆးမွၼ်း ပေႃးဝႃႈယူႇၸၼ်ႉသုင်ယဝ်ႉ။ လုၵ်ႈႁဵၼ်းဢၼ်လိူၵ်ႈႁဵၼ်းပၢႆးမွၼ်းၼၼ်ႉတေလႆႈႁဵၼ်း ၽႃႇသႃႇ မိူၼ်ၼင်ႇ ပထဝီႇ၊ ပိုၼ်း လႄႈပၢႆးမၢၵ်ႈမီး။ လုၵ်ႈႁဵၼ်းပၢႆးသၢႆႊသမ်ႉတေလႆႈႁဵၼ်းၽႃႇသႃႇ မိူၼ်ၼင်ႇ ၶေႊမီႊ၊ ၽီႊသိၵ်ႊ လႄႈbiology။ ၵူၺ်းၵႃႈလုၵ်ႈႁဵၼ်းၵူႈၵေႃႉတၵ်းတေလႆႈႁဵၼ်းၽႃႇသႃႇလိၵ်ႈမၢၼ်ႈ၊ လိၵ်ႈဢိင်းၵလဵတ်ႈ လႄႈ ပၢႆးၼပ်ႉ။
တႃႇတေသိုပ်ႇၶိုၼ်ႈႁဵၼ်းၸၼ်ႉၸွမ်ၼၼ်ႉလုၵ်ႈႁဵၼ်းၵူႈၵေႃႉတၵ်းတေလႆႈတွပ်ႇလိၵ်ႈႁႂ်ႈဢွင်ႇပူၼ်ႉၸၼ်ႉသုင်ၵွၼ်ႇ ၸင်ႇ တေလႆႈၶိုၼ်ႈႁဵၼ်းၸၼ်ႉၸွမ်။

ၸၼ်ႉၸွမ်
တႃႇတေၶိုၼ်ႈႁဵၼ်းၸၼ်ႉၸွမ်ၼၼ်ႉလုၵ်ႈႁဵၼ်းတေလႆႈႁဵၼ်းၽႃႇသႃႇဢိင်ဢမၢတ်ႈဢၼ်တွပ်ႇလႆႈမိူဝ်ႈတွပ်ႇလိၵ်ႈၸၼ်ႉသုင်ၼၼ်ႉယဝ်ႉ။ တၢင်းႁိုင်ၶၢဝ်းယၢမ်းႁဵၼ်းၼၼ်ႉၵေႃႈဢိင်ၼိူဝ်ၽႃႇသႃႇဢၼ်ႁဵၼ်းၼၼ်ႉ။ ၵူၺ်းၵႃႈဢၼ်လူင်ပွင်ၸိုင်ႈ မၵ်းမၼ်ႈပဵၼ်တၢင်းၵၢၼ်ၼၼ်ႉတႄႉ ၸၼ်ႉၶူး BA တေလႆႈႁဵၼ်း 4 ပီ၊ ၸၼ်ႉမႁႃႇ 2 ပီ လႄႈ ၸၼ်ႉ Doctorate 3 ပီၶိုၼ်ႈ ၼိူဝ်။

ပၢႆးပၺ်ၺႃဢၼ်ဢဝ်လွၵ်းလၢႆးတူဝ်ထူပ်းလူင်းမိုဝ်းႁဵတ်းသၢင်ႈ (vocational education)
ပၢႆးပၺ်ၺႃဢၼ်ဢဝ်လွၵ်းလၢႆးတူဝ်ထူပ်းလူင်းမိုဝ်းႁဵတ်းသၢင်ႈၼႆႉဢမ်ႇၸႂ်ႈႁူင်းႁဵၼ်းလူင်ပွင်ၸိုင်ႈ၊ လုၵ်ႉတီႈသုၼ်ႇ တူဝ် သေပိုတ်ႇႁဵၼ်းပိုတ်ႇသွၼ်။ ၽႃႇသႃႇၵမ်ႈၼမ်ပဵၼ ၽႃႇသႃႇၵဵဝ်ႇလူၺ်ႈလွင်ႈႁူင်းႁႅမ်း၊ လွင်ႈတၢင်းႁၢင်ႈလီ၊ လွင်ႈတွင်ႈတဵဝ်း လႄႈလွင်ႈ engineering ၸဵမ်ၸိူဝ်းၼႆႉ။ မိူဝ်ႈလဵဝ်လၢႆးသွၼ်မဵဝ်းၼႆႉၼၼ်ႉၵူၼ်းဢွၼ်ၵၼ်သူင်ၵၼ်ၼမ်တိူဝ်းမႃးတႄႉ တႄႉယွၼ်ႉပိူဝ်ႈလႆႈလူင်းမိုဝ်းႁဵတ်းတူဝ်ထူပ်းလႆႈၵမ်းလဵဝ်။

ၶေႃႈမုလ်း – ၽူႈတွႆႇႁွၵ်ႈ မၢႆ 006 July, 2018