ပၢင်တိုၵ်းဢမ်ႇပႆႇပဵၼ်ထႅင်ႈသေတႃႉ ၸုမ်းယိပ်းၵွင်ႈၵၢင်ႇသမ်ႉယူႇသဝ်းႁိမ်းၸမ်ဝၢၼ်ႈသူၼ် ႁိူၼ်းယေး ၵူၼ်းဝၢၼ်ႈၼႃႇလႄႈ ၵူၼ်း ဝၢၼ်ႈဢွၼ်ၵၼ်ပၢႆႈ  ဝႆႉထႃႈထႅင်ႈမီးၼပ်ႉႁူဝ်ပၢၵ်ႇ ပွတ်းဝဵင်းၵျွၵ်ႉမႄး ၊ ယၢပ်ႇၽိုတ်ႇၶဝ်ႈၼမ်ႉတၢင်းၵိၼ်လႄႈယႃႈယႃ ။ ၵူၼ်းဝၢၼ်ႈပွတ်းဝၢၼ်ႈတႃႈလူင်လႄႈဝၢၼ်ႈၼႃးၸလွင်း ဢွၼ်ၵၼ်ပၢႆႈၽေးသိုၵ်းမႃးသွၼ်ႈတၢင်းပုင်ႇဝူဝ်း ၊ မိူင်းငေႃႉထႅင်ႈ။ ၸိူဝ်းၶဝ်ပၢႆႈမႃးမိူဝ်ႈဝၼ်းတီႈ 23/7/2021။   ဝၢႆးလင်ၼႆႉၵေႃႈ ဝၢၼ်ႈၸွမ်းႁိမ်းႁွမ်းဝၢၼ်ႈတႃႈလူင်ဢွၼ်ၵၼ်ပၢႆႈမႃးထႅင်ႈယွတ်းယွတ်း ယႅတ်းယႅတ်း။ ၵူၼ်းဝၢၼ်ႈပွၼ်းၼႃးသလွင်း ဢၼ်ပၢႆႈၽေးမႃးထိုင်တီႈဝတ်ႉၵျွင်းမုၼ်ၸဝ်ႈလၢတ်ႈဝႃႈ - မီးၸုမ်းယိပ်းၵွင်ႈၵၢင်ႇ လဵပ်ႈၸမ်ဝၢၼ်ႈသူၼ်ႁဝ်းၶႃႈ ။...

ၾူၼ်တူၵ်းႁၢဝ်ႈႁႅင်းထပ်းၵၼ် လၢႆဝၼ်း၊  ၵႄးၼမ်ႉၶမ်း လုပ်ႇၼွင်းထူမ်ႈ ၼႂ်းဝၢၼ်ႈၼႃးႁႆးလူင် ဢိူင်ႇမိူင်း လဵၼ်း ၸႄႈ ဝဵင်းတႃႈၶီႈလဵၵ်း ႁၢဝ်ႈႁႅင်း ၵူၼ်းဝၢၼ်ႈၵမ်ႈၽွင်ႈ ပေႃးလႆႈၵႂႃႇၼွၼ်းတီႈဝတ်ႉ။ ဝၼ်းတီႈ 26/7/2021 ပူၼ်ႉမႃးၼႆႉ ၵႄးၼမ်ႉၶမ်း လုပ်ႇၼွင်းထူမ်ႈ လင်ႁိူၼ်း ၵူၼ်းဝၢၼ်ႈ ၼႂ်းဝၢၼ်ႈ ၼႃးႁႆးလူင် ဢိူင်ႇမိူင်းလဵၼ်း ၵိင်ႇၽႄၸႄႈဝဵင်းတႃႈလိူဝ်ႇ ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း။...

ၵူၼ်းပၢႆႈၽေးသိုၵ်း ထဝ်ႈယိင်းဢႃယု 70 ပၢႆၵေႃႉၼိုင်ႈ ဢၼ်ပၢႆႈမႃးသွၼ်ႈဝႆႉ တီႈမိူင်းငေႃႉၼၼ်ႉ လႆႈလူႉသဵင်ႈသုတ်းမုၼ်ၵႂႃႇ လူၺ်ႈတၢင်းပဵၼ်ၵူၼ်းထဝ်ႈ ဝႃႈၼႆ။ ဝၼ်းတီႈ 27/7/2021 ယၢမ်းႁူဝ်ၶမ်ႈမွၵ်ႈ 5 မူင်းၶိုင်ႈ ထဝ်ႈယိင်း ဢႃယု 70 ပၢႆ ၵူၼ်းဝၢၼ်ႈၶိုမ်း ဢၼ်ပၢႆႈမႃးသွၼ်ႈဝႆႉတီႈ မၢၼ်ႈႁႆး ၵိင်ႇၸႄႈဝဵင်းမိူင်းငေႃႉ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼၼ်ႉ လႆႈလူႉသဵင်ႈၵႂႃႇ...

ၵူၼ်းမိူင်းတႆးႁဝ်းၶႃႈၼႆႉ လႆႈထူပ်းၽေးသိုၵ်းသိူဝ်မႃးပီယၢဝ်းၶၢဝ်းႁိုင်၊  ၸုမ်းယိပ်းၵွင်ႈၵၢင်ႇ ၸႂ်ႉမၢၵ်ႇမႅင်းၾင်လိၼ် (Landmine) ၼမ်လူၼ်ႉပူၼ်ႉလိူဝ် ဢမ်ႇဝူၼ်ႉပၼ်ပႃးတႃႇၵူၼ်းမိူင်း၊ ႁဵတ်းႁႂ်ႈ ၵူၼ်းမိူင်းလႆႈလူႉတၢႆယွၼ်ႉယဵပ်ႇၺႃးမၢၵ်ႇ တင်းၼမ်တင်းလၢႆ၊ ၵမ်ႈၽွင်ႈတိုၵ်ႉမီးသၢႆၸႂ်ယူႇၵေႃႈ  ၽဝႃႉၸၢတ်ႈပၢၼ်လႆႈတၢႆပႅတ်ႈ ၸိူဝ်းၼႆႉၵေႃႈဢမ်ႇၼပ်ႉဢမ်ႇဢၢၼ်ႇလႆႈ။ ၵူၼ်းမိူင်းဢၼ်ၺႃးတၢမ်ႇမၢၵ်ႇမႅင်းသေလူႉတၢႆၼမ်လိူဝ်ပိူၼ်ႈတႄႉပဵၼ်ၼႂ်းၸိုင်ႈတႆးပွတ်းႁွင်ႇ။ တင်ႈ ဢဝ်ပီ 2011 မႃး ၵူၼ်းမိူင်းၵျွၵ်ႉမႄး၊ ၼမ်ႉတူႈ၊ သီႇပေႃႉ ၊ ၵူတ်ႉၶၢႆ လႄႈၼမ်ႉသၼ်ႇၸိူဝ်းၼႆႉ ၶႂ်ႈဝႃႈမီး...

ၽွင်းၶၢဝ်းၶူဝ်ႊဝိတ်ႉ 19 ၽႄႈလၢမ်းႁၢဝ်ႈႁႅင်းၼႆႉ တၢင်းၾင်ႇမိူင်းၶႄႇ  လွမ်ႉႁူဝ်ႉ ၶၢမ်းဢဝ်တီႈလိၼ် ၶွင်ၵူၼ်းမိူင်း မူႇၸေႊထႅင်ႈ ၼႆယဝ်ႉ။ ၼႂ်းႁၢင်လိူၼ်ၵျုႊလၢႆႊ 2021 ၶၢဝ်းတၢင်း 2-3 ဝၼ်းမႃးၼႆႉ တၢင်းၾင်ႇမိူင်းၶႄႇ ၶၢမ်းဢဝ်တီႈလိၼ်ၶွင်ၵူၼ်းမိူင်း ၵိင်ႇၽႄ ၸႄႈဝဵင်းမၢၼ်ႈႁဵဝ်း ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ လွမ်ႉႁူဝ်ႉဢဝ်တီႈလိၼ်ၵူၼ်းမၢၼ်ႈႁဵဝ်း (ဢိူင်ႇ 19 မၢၼ်ႈ)  ၽွင်းၵူၼ်းမိူင်း...

ၵူၼ်းပၢႆႈၽေးသိုၵ်း ၸႄႈဝဵင်းမိူင်းၵိုင် လႄႈ ၵေးသီး ဢၼ်ပၢႆႈမႃး သွၼ်ႈဝႆႉ တီႈၸႄႈ ဝဵင်းလၢႆးၶႃႈၼႆႉ ယၢမ်းလဵဝ် တိုၵ်ႉ ၵိုတ်းဝႆႉ မွၵ်ႈ 600 ပၢႆႇၸၢင်ႈပွၵ်ႈ ႁိူၼ်းယေးၵၼ် မီးၶၢဝ်းတၢင်း ၸမ်လိူၼ်ယဝ်ႉ။ တႄႇဢဝ် ႁူဝ်လိူၼ်ၵျုႊလၢႆႊ 2021 ၼႆႉမႃးတေႃႇထိုင် ဝၼ်းတီႈ 26 ၼႆႉ ၵူၼ်းပၢႆႈၽေးသိုၵ်း...

ယၢမ်းလဵဝ် ၼႂ်းၸႄႈဝဵင်းလၢႆးၶႃႈ ၸိုင်ႈတႆးပွတ်းၸၢၼ်း မီးၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 တင်း မူတ်း  30 ၵေႃႉ ဝႃႈၼႆ။ မိူဝ်ႈၼႆႉ ဝၼ်းတီႈ 23/7/2021  ၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်း ၸၢၼ်း ႁၼ်ၵူၼ်းၸပ်းၶူဝ်ႊဝိတ်ႉ ထႅင်ႈၵေႃႉ႞  ယၢမ်းလဵဝ် မီးၵႂႃႇ 30 ၵေႃႉ လူႉတၢႆပႆႇမီး လႆႈၶႂၢင်ႉလူင်းႁူင်းယႃယဝ်ႉ...

 ၵိင်ႇၽႄဝဵင်းမိူင်းငေႃႉ ဝဵင်ၵျွၵ်ႉမႄး ၵူတ်ႇထတ်းႁၼ် ၵူၼ်းတိတ်းၸပ်း ၶူဝ်ႊဝိတ်ႉ 19 ထႅင်ႈၵေႃႉၼိုင်ႈ တင်းမူတ်း ၵူတ်ႇ ထတ်းႁၼ် မီး 3 ၵေႃႉယဝ်ႉ တီႈၼၼ်ႈသမ်ႉ မီးဝႆႉ ၵူၼ်းပၢႆႈၽေးသိုၵ်းမႃးသွၼ်ႈဝႆႉ မွၵ်ႈ 500 ဝႃႈၼႆ။ မိူဝ်ႈဝႃးဝၼ်းတီႈ 22/7/2021 ၵိင်ႇၽႄၸႄႈဝဵင်းမိူင်းငေႃႉ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၵူတ်ႇထတ်းႁၼ်...

ၵူၼ်းပၢႆႈၽေးသိုၵ်း တီႈမိူင်းၵိုင် ၵိုတ်းထႅင်ႈ 100 ပၢႆ ၵူၼ်းထဝ်ႈလႄႈ လုၵ်ႈဢွၼ်ႇ ပႆႇႁတ်းပွၵ်ႈႁိူၼ်းယေး ၸိူဝ်းၼၼ်ႉ တိုၵ်ႉႁူပ်ႉ တၢင်းယၢပ်ႇ ၵဵဝ်ႇၵပ်း ၵၢၼ်ၵိၼ်ၵၢၼ်ယမ်ႉ လွင်ႈယူႇ လွင်ႈသဝ်း။ မိူဝ်ႈဝႃး ဝၼ်းတီႈ 21/7/2021 ယၢမ်းဝၢႆးဝၼ်း ၵူၼ်းပၢႆႈၽေးသိုၵ်း ၼႂ်းဢိူင်ႇမိူင်းၶုၼ် တင်း ဢိူင်ႇႁူၺ်ႈလူင် ဢၼ်ပၢႆႈမႃး တီႈဝတ်ႉပၢင်ႇလႅင်၊...

ၵူၼ်းပၢႆႈၽေးပၢင်တိုၵ်းလွႆႁူၼ်း  ဢၼ်မႃးမီးဝႆႉတီႈ ဝတ်ႉၼၢင်းဢူးပဵမ်ႇ ႁူဝ်ၵူၼ်း 100 ပၢႆၼၼ်ႉ ၶိုၼ်းဢွၼ်ၵၼ် ပွၵ်ႈႁိူၼ်း ယေးၵၼ်ယဝ်ႉ ဝႃႈၼႆ။ ဝၼ်းတီႈ 20-21/7/2021 ၶၢဝ်းတၢင်း 2 ဝၼ်းမႃးၼႆႉ ၵူၼ်းဝၢၼ်ႈၵူင်းၼမ်ႉမေႃႇတင်း ဝၢၼ်ႈပဵင်းမၢၵ်ႇမူင်ႈ ၼႂ်းဢိူင်ႇႁူၺ်ႈ လူင် ႁူဝ်ၵူၼ်း 102 ၵေႃႉ ဢၼ်ပၢႆႈမႃးသွၼ်ႈဝႆႉ တီႈဝတ်ႉၼၢင်းဢူးပဵမ်ႇ ၸႄႈဝဵင်းမိူင်းၵိုင်...

ယၢမ်းလဵဝ် ၼႂ်းၸႄႈဝဵင်းမိူင်းၵိုင် ၵူတ်ႇထတ်းႁၼ် ၵူၼ်းတိတ်းၸပ်းၸိူဝ်ႉမႅင်း တၢင်းပဵၼ်ၶူဝ်ႊဝိတ်ႉ 19 တင်းမူတ်းမီးၵႂႃႇ 12 ၵေႃႉယဝ်ႉ လူႉတၢႆတႄႉပႆႇမီး ဝႃႈၼႆ။ တႄႇဢဝ် ဝၼ်းတီႈ 6-21/7/2021 ၼႆႉမႃး ၼႂ်းၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၵူတ်ႇထတ်း ႁၼ်ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 တင်းမူတ်း 12 ၵေႃႉ ၼႂ်းၼၼ်ႉ...

ၵူၼ်းဝၢၼ်ႈၼႂ်းဢိူင်ႇတေႃႉသၢင်ႇ ဢၼ်ပၢႆႈမႃသွၼ်ႈဝႆႉတီႈမိူင်းငေႃႉ ႁူဝ်ၵူၼ်း မွၵ်ႈႁဵင်ၼၼ်ႉ   တႃႇၶိုင်ႈၼိုင်ႈ သိုပ်ႇပၢႆႈထႅင်ႈ ၵူၺ်းၵႃႈ သိုပ်ႇပၢႆႈၵႂႃႇ တၢင်းလႂ် ဢၼ်ဝႃႈၼၼ်ႉ ပႆႇႁူႉ။ တႄႇဢဝ်ၼႂ်းၵၢင်လိူၼ်ၵျုႊလၢႆႊ 2021 ၶၢဝ်းတၢင်း 4-5 ဝၼ်းမႃးၼႆႉ ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈ ၵိင်ႇၽႄ ၸႄႈဝဵင်းမိူင်းငေႃႉ ၸႄႈဝဵင်းၵျွၵ်ႉမႄး ၸိုင်ႈတႆး ပွတ်းႁွင်ႇ ႁူဝ်ၵူၼ်း မွၵ်ႈ...

ၵူၼ်းဝၢၼ်ႈၼႂ်းၸႄႈဝဵင်းၵေးသီးဢၼ်ပၢႆႈယၢၼ်ႁိူၼ်းယေးတီႈယူႇသေ သွၼ်ႈဝႆႉၸွမ်းၵျွင်းမုၼ်ၸဝ်ႈ ယင်းပႆႇ ၸၢင်ႈ ပွၵ်ႈၶိုၼ်း တိုၵ်ႉၵိုတ်း ႁူဝ်ၵူၼ်း မွၵ်ႈ 300 ပၢႆ  ။ ၸိူဝ်းၶဝ်ယူႇသဝ်းဝႆႉတီႈဝတ်ႉၼွင်ဝူဝ်း မွၵ်ႈ 200 ၵေႃႉ၊ လွႆသႅင် မွၵ်ႈ 50 ပၢႆလႄႈ ဝတ်ႉ ဝၢၼ်ႈပၢင်ႇ 70 ပၢႆ ၸိူဝ်းၼႆႉ ယွၼ်ႉၼႂ်းပိုၼ်ႉတီႈ...

ၵူၼ်းမိူင်းၵိုင်တင်း ၵေးသီး ပၢႆႈၽေးသိုၵ်း မႃးသွၼ်ႈဝႆႉတီႈၸႄႈဝဵင်းလၢႆးၶႃႈ ႁူဝ်ၵူၼ်းႁဵင်ပၢႆ ယၢမ်းလဵဝ်လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ်လႄႈ လွင်ႈၼုင်ဝႆ ၼႆယဝ်ႉ။   တႄႇဢဝ်ႁူဝ်လိူၼ်ၵျုႊလၢႆႊ 2021 ၼႆႉမႃး ၵူၼ်းမိူင်းၸႄႈဝဵင်းမိူင်းၵိုင် တင်း ၵေးသီး ပၢႆႈမႃးသွၼ်ႈဝႆႉတီႈ ၼႂ်းၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း တင်းမူတ်း ႁူဝ်ၵူၼ်း မွၵ်ႈ ႁဵင်ပၢႆ ။...

ၵူၼ်းမိူင်းဢိူင်ႇမိူင်းၶုၼ် ၸႄႈဝဵင်းမိူင်းၵိုင် ဢၼ်ပၢႆႈၽေးမႃးသွၼ်ႈဝႆႉ ၸွမ်းဝတ်ႉဝႃးၽႃသိူဝ်ႇလႄႈ ႁူင်းႁဵၼ်း ၸိူဝ်းၼႆႉ ႁူဝ်ၵူၼ်းမွၵ်ႈႁဵင်ပၢႆ ပၢႆႈမႃး မီးၶၢဝ်းတၢင်းၽၢၵ်ႇလိူၼ်ယဝ်ႉ ပႆႇႁတ်းပွၵ်ႈႁိူၼ်းယေး ငဝ်းလၢႆး ၼႂ်းပိုၼ်ႉတီႈပႆႇၼိမ်ယဵၼ်။ ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉတီႈ ၼႂ်းဢိူင်ႇမိူင်းၶုၼ် ၸႄႈဝဵင်း မိူင်ၵိုင် တီႈ ဝတ်ႉၼွင်လႅင်ႉ ႁူဝ်ၵူၼ်း မွၵ်ႈ 100 လႄႈ တီႈ ဝတ်ႉပၢင်ႇလႅင်...