ၵူၼ်းပၢႆႈၽေးသိုၵ်း တီႈဝဵင်းၵျွၵ်ႉမႄး ပႆႇတူဝ်ႈတၼ်း တႃႇပွၵ်ႈႁိူၼ်း ၸွမ်းၼင်ႇ သိုၵ်းမၢၼ်ႈပိုၼ်ၽၢဝ်ႇ   ယွၼ်ႉၼႂ်းပိုၼ်ႉတီႈ ဢမ်ႇမီးလွင်ႈႁူမ်ႇလူမ်ႈ၊  သင်တေသိုပ်ႇယူႇ ထႅင်ႈသမ်ႉ ဢမ်ႇမီးတီႈယူႇတၼ်းသဝ်း ပဵၼ်ဢၼ်မႆႈၸႂ်လူင်ႈၼႃႈႁၢဝ်းႁႅင်း။ ပေႃးလိူၼ်ဢွၵ်ႊထိူဝ်ႊပိူဝ်ႊၼႆႉသဵင်ႈ ၶွင်ႇသီႇသိုၵ်းမၢၼ်ႈ ယိုတ်းမိူင်း ၸႂ်ႉၵူၼ်းပၢႆႈၽေးသိုၵ်း ဢၼ်ပၢႆႈမႃး သွၼ်ႈယူႇဝႆႉ တီႈၵေႃ လိၵ်ႈလၢႆး၊ ဢိူင်ႇမိူင်းတၢင်ႈလႄႈ ၵိင်ႇၽႄၸႄႈဝဵင်းမိူင်းငေႃႉ ၼႂ်းၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၸိူဝ်းၼႆႉ...

ၽူႈယိင်း ၵူၼ်းၵျွၵ်ႉမႄး ၵႂႃႇၽၼ်းမႆႉ တႃႇႁဵတ်းတွၵ်ႇၼႆသေ ၽႃႇၺႃးမၢၵ်ႇ တႅၵ်ႇတိူဝ်ႉသႂ်ႇ မၢတ်ႇၸဵပ်းႁၢဝ်ႈႁႅင်း ယၢမ်းလဵဝ် လႆႈသူင်ႇယူတ်းယႃတူဝ် ဝႆႉတီႈႁူင်းယႃလူင်လႃႈသဵဝ်ႈ။ မိူဝ်ႈဝႃး ဝၼ်းတီႈ 4/10/2022 ယၢမ်းၵၢင်ၼႂ် 9 မူင်းၶိုင်ႈ ၼၢင်းသူၺ်ႇလိုၼ်း ဢႃယု 37 ပီ ၽႃႇၺႃးမၢၵ်ႇ တၢင်းၾၢႆႇဢွၵ်ႇ ဝၢၼ်ႈတိုင်းလူင် ယၢၼ်ဝၢၼ်ႈလၵ်းၶိုင်ႈ ၼႂ်းဢိူင်ႇႁွင်ႈႁိူင်း...

ႁွင်ႈၵၢၼ်ၾၢႆႇလိူမ်ႈလႆႇ ၸႄႈဝဵင်းသီႇသႅင်ႇ ပိုၼ်ၽၢဝ်ႇႁၢမ်ႈၵူၼ်းၶၢႆၶူဝ်းၼႂ်းၵၢတ်ႇ ၶၢႆမူၵ်ႇတႅၵ်ႇ၊ မွၵ်ႇၾႆး ဢၼ်လုၵ်ႈဢွၼ်ႇလဵၼ်ႈၽွင်းၶၢဝ်းဢွၵ်ႇဝႃႇ၊ ပေႃးထူပ်းႁၼ်ၸိုင်တေပၼ်တူတ်ႈတၢမ်ႇ ဝႃႈၼႆ။ မိူဝ်ႈဝၼ်းတီႈ 4/10/2022 ၾၢႆႇလိူမ်ႈလႆႇ ဝဵင်းသီႇသႅင်ႇ ဢွၵ်ႇလိၵ်ႈပိုၼ်ၽၢဝ်ႇဝႃႈ - ၵူဝ်ၵူၼ်းထဝ်ႈၵူၼ်းၵႄႇ တူၵ်းၸႂ် ၊ သုၵ်ႉသၵ်ႉၸႂ် လႄႈႁၢမ်ႈသိုဝ်ႉၶၢႆ၊ ႁၢမ်ႈၸုတ်ႇလဵၼ်ႈသဵင်လင် -ဝႃႈၼႆဝႆႉ။ ၵူၼ်းပိုၼ်ႉတီႈလၢတ်ႈဝႃႈ - “ဢၼ်ႁၢမ်ႈၵၼ်ၼႆႉတႄႉ ပိူၼ်ႈၵေႃႈႁၢမ်ႈၵၼ်မႃးယူႇၵူႈပီၼင်ႇၵဝ်ႇ။ ၸဵမ်မိူဝ်ႈတၢင်းပဵၼ်ၶူဝ်ႊဝိတ်ႉ-19...

 ၵူၼ်းမိူင်း ၼႂ်းဢိူင်ႇသၢႆးၶၢဝ် ဝဵင်းၼမ်ႉတူႈ ဢွၼ်ၵၼ်ႁၢင်ႈႁႅၼ်း ၶူဝ်းလဵင်းတူဝ်ႈတၼ်းဝႆႉတႃႇပၢႆႈ ယွၼ်ႉသိုၵ်း မၢၼ်ႈ ၵႆႉယိုဝ်းၵွင်ႈလူင်လႄႈ ၵူဝ်ပဵၼ်ပၢင်တိုၵ်းႁၢဝ်ႈႁႅင်း။   မိူဝ်ႈဝႃး ဝၼ်းတီႈ 2/9/2022 ယၢမ်းၵၢင်ၶိုၼ်းလိုၵ်းမွၵ်ႈ 12 မူင်း ၶွင်ႇသီႇသိုၵ်းမၢၼ်ႈ ယိုတ်းမိူင်း တပ်ႉၶမယ 324 ယိုဝ်းၵွင် လူင် ၵွင်ႈၸၢၵ်ႈ ႁၢဝ်ႈႁႅင်း ႁဵတ်းႁႂ်ႈၵူၼ်းမိူင်းပိုၼ်ႉတီႈ...

ပလိၵ်ႈၵုမ်းရူတ်ႉၵႃး (မေႃႇတေႃႇပီႇၵေႇ) ပႂ်ႉတၢင်းၶဝ်ႈ/ဢွၵ်ႇ ဝဵင်းႁူဝ်ပူင်းသေ ၵူတ်ႇထတ်းရူတ်ႉၵႃး ၵဵပ်းငိုၼ်းတီႈၵူၼ်းမိူင်းၵႂႃႇမႃး ၼမ်မႃးၵူႈမိုဝ်ႉၵူႈဝၼ်း။ ၸုမ်းပလိၵ်ႈၼႆႉ တင်ႈလၢၼ်ႇပႂ်ႉဝႆႉတၢင်းၶဝ်ႈ/ဢွၵ်ႇဝဵင်းႁူဝ်ပူင်းၸဵမ်မိူဝ်ႈလိူၼ်ၵျူႊလၢႆႊပူၼ်ႉမႃး။ ၵူတ်ႇထတ်း ဝႂ်ၶပ်းၶီႇရူတ်ႉ၊ ဝႂ်လၢႆႇၸိၼ်ႊရူတ်ႉသေ ၵဵပ်းငိုၼ်းပေႃးပဵၼ်ရူတ်ႉၵႃး ၼိုင်ႈလမ်း 5 မိုၼ်ႇပျႃး၊ ရူတ်ႉၶိူင်ႈ ၼိုင်ႈလမ်း မိုၼ်ႇႁႃႈ ၵူၼ်းၵႂႃႇတႃႈပႆတၢင်း ယၢပ်ႇၽိုတ်ႇၵိၼ်းၸႂ်လိူဝ်ႁႅင်း။ “ၶဝ်ပႂ်ႉၵဵပ်းငိုၼ်းၵႃးၵူႈလမ်းၼႆႉ လႆႈမွၵ်ႈ 2 လိူၼ်ယဝ်ႉဢေႃႈ။ တလဵဝ်ၼႆ...

မိူဝ်ႈဝႃး ဝၼ်းတီႈ 29 လိူၼ်သႅပ်ႉထႅမ်ႇပိူဝ်ႇ ယၢမ်းၵၢင်ၼႂ် သိုၵ်းမၢၼ်ႈ ယိုဝ်းၵူၼ်းၼုမ်ႇတၢႆၵေႃႉၼိုင်ႈတီႈၼိူဝ်သဵၼ်ႈတၢင်း တူၼ်ႈတီး - ဢေးတႃႇယႃႇ ။ ၵူၼ်းၼုမ်ႇၵေႃႉထုၵ်ႇယိုဝ်းတၢႆၼႆႉ ပဵၼ်ၵူၼ်းယူႇတီႈပွၵ်ႉထူင်းၽူဝ်ႇ ဝဵင်းဢေးတႃႇယႃႇ  ဝဵင်းလူင်တူၼ်ႈတီး။ မၼ်းၸၢႆး တေၵႂႃႇႁဵတ်းၵၢၼ်တီႈ ဝဵင်းတူၼ်ႈတီးသေ ၺႃးသိုၵ်းမၢၼ်ႈယိုဝ်းတၢႆ။ ၵူၼ်းတူၼ်ႈတီးၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “သဵင်ၵွင်ႈၶဝ်ဢွၵ်ႇ 3 ၵမ်းၵူၺ်း။ ပေႃးၽူႈၸၢႆးၼၼ်ႉတၢႆယဝ်ႉၵေႃႈ သိုၵ်းမၢၼ်ႈဢဝ်တူဝ်တၢႆၼၼ်ႉတၢင်ႇၵႃးသိုၵ်းၶဝ်ၵႂႃႇသေယဝ်ႉဢေႃႈ။...

သိုၵ်းမၢၼ်ႈတင်း သိုၵ်းၶၢင် KIA, PDF ပဵၼ်ပၢင်တိုၵ်းၵၼ်ႁၢဝ်ႈႁႅင်း တၢင်းပၢင်ႁႆး   ႁဵတ်းႁႂ်ႈၵူၼ်းပိုၼ်ႉတီႈ 300 ပၢႆ ဢွၼ်ၵၼ်ပၢႆႈၶဝ်ႈဝဵင်း ယၢမ်းလဵဝ် လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ်။ မိူဝ်ႈဝႃး ဝၼ်းတီႈ 28/9/2022 ယၢမ်းႁူဝ်ၶမ်ႈ ၵူၼ်းဝၢၼ်ႈၵုင်းၵယႃး ႁူဝ်ၵူၼ်း 336 ၵေႃႉ ဢွၼ်ၵၼ်ပၢႆႈၽေးသိုၵ်း မႃး သွၼ်ႈယူႇဝႆႉတီႈ ဝတ်ႉပုပ်ႉပႃႇရူင်ႇ...

ဝၼ်းတီႈ 28/9/2022 မိူဝ်ႈၼႆႉ လူင်ပွင်ၸိုင်ႈၶႄႇ ၼႃႈလိၼ်ၽွင်းငဝ်းတူဝ်ၵဝ်ႇတႂ်ႈၶူင်း မိူင်းမၢဝ်း ပိုၼ်ၽၢဝ်ႇဝႃႈ -  ၸိူဝ်းပဵၼ်ႁႅင်းၵၢၼ်မၢၼ်ႈ ဢၼ်ၶဝ်ႈႁဵတ်းၵၢၼ် ႁႃၵၢၼ်ၼႂ်းမိူင်းၶႄႇ တင်းသဵင်ႈ တႄႇ ဝၼ်းတီႈ 29/9/2022 ၼႆႉၵႂႃႇ ႁၢမ်ႈဢွၵ်ႇၼွၵ်ႈႁိူၼ်းယေး။ တေဢွၵ်ႇၼွၵ်ႈႁိူၼ်း ၼွၵ်ႈယေး ၶဝ်ႈၵၢတ်ႇၶဝ်ႈသႃး ၵႂႃႇႁဵတ်းၵၢၼ်လႆႈမိူဝ်ႈလႂ် တေပိုၼ်ၽၢဝ်ႇ ပၼ်ထႅင်ႈၵမ်းၼိုင်ႈဝႃႈၼႆ။ ၵူၼ်းမိူင်းမၢဝ်း လၢတ်ႈတီႈၽူႈတွႆႇႁွၵ်ႈဝႃႈ -...

ၵူၼ်းၼုမ်ႇၵူၼ်းၶၢဝ်ႉ ၼႂ်းၸႄႈဝဵင်းမိူင်းသူႈ - ၵေးသီး ဢွၼ်ၵၼ်ပၢႆႈၵႂႃႇမိူင်းထႆးၼမ် ယွၼ်ႉၵၢၼ်ႁႃၵိၼ်လဵင်ႉတွင်ႉ ယၢပ်ႇၽိုတ်ႇ ႁႅင်းလႄႈ လွင်ႈပၼ်ႁႃသိုၵ်းသိူဝ် ၼႂ်းပိုၼ်ႉတီႈ ၵဵပ်းၶွၼ်ႇၵဵပ်းသိုၵ်းႁၢဝ်ႈႁႅင်း။ တင်ႈတႄႇသိုၵ်းမၢၼ်ႈယိုတ်းမိူင်းမႃးထိုင်ယၢမ်းလဵဝ် ႁိုင် ပီပၢႆ 8 လိူၼ်ၼႆႉ   ၵူၼ်းမိူင်း  ၼႂ်းၸႄႈဝဵင်း မိူင်းသူႈ - ၵေးသီး ၼႂ်းၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ဢွၼ်ၵၼ်ပၢႆႈၶဝ်ႈမိူင်းထႆး ၊...

ၼႂ်းဢမ်ႇႁိုင်ဢမ်ႇၼၢၼ်းၼႆႉ ၸုမ်း Facebook (Meta) တေလႅၵ်ႈပိူင် ၼႃႈလိၵ်ႈ News Feed  ၊ ၼႃႈလိၵ်ႈမႂ်ႇဢၼ် Facebook (Meta) တေလႅၵ်ႈၼႆႉ ႁဵတ်းႁႂ်ႈၵူၼ်းမိူင်းႁူမ်ႈတုမ် တေဢမ်ႇလႆႈႁၼ် ၵၢၼ်သိုဝ်ႇသၢၼ် ဢၼ်လမ်ႇလွင်ႈ လႄႈ တုမ်ႉတိူဝ်ႉတႃႇၵူၼ်းမိူင်းတေလႆႈႁပ်ႉႁူႉၶၢဝ်ႇသၢၼ် ဢၼ်လမ်ႇလွင်ႈပဵၼ်ၵၢင် ၼႆသေ ၸုမ်းသိုဝ်ႇၶၢဝ်ႇ ၸၢဝ်းၶိူဝ်းလႄႈသိုဝ်ႇၶၢဝ်ႇလွတ်ႈလႅဝ်းမိူင်းမၢၼ်ႈ 43...

ၵူၼ်းပၢႆႈၽေးသိုၵ်း တီႈဝဵင်းပၢင်လွင်း မီး 5 ႁဵင်ပၢႆ ယၢမ်းလဵဝ်ဢမ်ႇမီးၸဝ်ႈတႃႇၼတီႈၸမ်/ၵႆ မႃးၸွႆႈထႅမ်လႄႈ  လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ် ႁၢဝ်ႈႁႅင်း  ။ ယၢမ်းလဵဝ် ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉ ၼႂ်းဝဵင်းပၢင်လွင်းၼႆႉ မီးႁူဝ်ၵူၼ်း 5 ႁဵင်ပၢႆ ။ ၵမ်ႈၼမ် သွၼ်ႈယူႇဝႆႉ ၸွမ်းႁိူၼ်းယေးပီႈၼွင်ႉ ၼႂ်းပွၵ်ႉ/ ယွမ်ႇ ၸိူဝ်းၼႆႉ...

ၶွင်ႇသီႇသိုၵ်းမၢၼ်ႈယိုတ်းမိူင်းၵႂႃႇပၵ်းပၢင်သဝ်းယူႇၼႂ်းၵျွင်းမုၼ်ၸဝ်ႈ ၼႂ်းဢိူင်ႇၵျွၵ်ႉသူင်ႇၸႄႈဝဵင်းလွၵ်ႉၸွၵ်ႇၸိုင်ႈတႆးပွတ်းၸၢၼ်း ၵူၼ်းမိူင်းမႆႈၸႂ်ၵူဝ်ပဵၼ်ပၢင်တိုၵ်း ၼႂ်းဝၢၼ်ႈၼႂ်းဢိူင်ႇ။ တင်ႈတႄႇ ဝၼ်းတီႈ 20/9/2022 မႃး သိုၵ်းမၢၼ်ႈ တပ်ႉၶလယ 249 ဢဵၼ်ႁႅင်းမွၵ်ႈ 40 ၵေႃႉ ဢွၵ်ႇဝၢၼ်ႈၵျွၵ်ႉၵူႇ သေ ႁွတ်ႈထိုင်ဝၢၼ်ႈၵျွၵ်ႉသူင်ႇမိူဝ်ႈဝၼ်းၽိတ်ႈလိူၼ်သိပ်းလပ်း  ပၵ်းပၢင်သဝ်းတီႈဝၢၼ်ႈၵျွၵ်ႉသူင်ႇ။ ၵူၼ်ဝၢၼ်ႈၵျွၵ်ႉသူင်ႇလၢတ်ႈၽူႈတွႆႇႁွၵ်ႈဝႃႈ-“ၶဝ်မႃးၼၼ်ႉပဵၼ်ဝၼ်းၽိတ်ႈ၊ ၵူၼ်းဝၢၼ်ႈလူဝ်ႇၶိုၼ်ႈၵျွင်းမုၼ်ၸဝ်ႈၼႂ်းဝၼ်းသိၼ်။ ၵူၼ်းဝၢၼ်ႈႁႂ်ႈၶဝ်ၶၢႆႉဢွၵ်ႇၵႂႃႇပၵ်းတၢင်ႇတီႈၶဝ်ၵေႃႈဝႃႈၶဝ်ပၵ်းၵမ်းဢွၼ်ႇၵေႃႈၶဝ်တေၵႂႃႇယဝ်ႉၼႆသေ ဢမ်ႇၵႂႃႇ။ တေႃႇထိုင်တလဵဝ်တိုၵ်ႉယူႇတီႈၵျွင်းမုၼ်ၸဝ်ႈၼၼ်ႉ ”-ဝႃႈၼႆ။  ဝၼ်းလိူၼ်သိပ်းလပ်း ပဵၼ်ဝၼ်းသိၼ်လူင်၊ ၵူၼ်းဝၢၼ်ႈႁႆႇၵွင်ႁႆႇမွင်း...

 သိုၵ်း PNO/PNA  ယႃႉမၢၵ်ႇၶဝ်ႈတဝ်ႈၼမ်ႉၼႂ်းသူၼ်သေ ယိုတ်းတီႈလိၼ်ၵူၼ်းမိူင်း ၼႂ်းဢိူင်ႇတၢမ်ၽၢၵ်ႇ ၸႄႈဝဵင်းသီႇသႅင်ႇ   ႁွင်ႉဢဝ်ၸဝ်ႈၶွင် လွၵ်ႇငိုတ်ႈထိုင်သၢႆၸႂ်။ သိုၵ်း  PNO ယိုတ်းတီႈလိၼ်ၵူၼ်းမိူင်း ဝၢၼ်ႈၼွင်ပႃယဵၼ်ႇ ၊ ၽိူဝ်ႇၸဝ်ႈၶွင်သူၼ်တီႈလိၼ်ၵႂႃႇတူၺ်း လႆႈႁၼ် တူၼ်ႈမၢၵ်ႇၶဝ်ႈတဝ်ႈၼမ်ႉဢၼ်ၽုၵ်ႇဝႆႉၼၼ်ႉထုၵ်ႇယႃႉ လူႉၵွႆဝႆႉမူတ်း။ ၵူၼ်းဝၢၼ်ႈၼွင်ပႃယဵၼ်ႇၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ -“ၽိူဝ်ႇႁဝ်းၶႃႈၵႂႃႇတူၺ်းသူၼ် တူၼ်ႈထူဝ်ႇ တူၼ်ႈငႃးႁဝ်းပေႃးၺႃးယႃႉတၢႆၵွႆဝႆႉမူတ်းယဝ်ႉ။ ၶဝ်ႁၼ်သေၶဝ်လွၵ်ႇငိုတ်ႈဝႃႈ တေၶႃႈႁႅမ်ႁဝ်းၶႃႈတၢႆၼႆဢေႃႈ ။ ယဝ်ႉၵေႃႈႁဝ်းၶႃႈယွၼ်းၼွမ်းႁႂ်ႈလႆႈၽုၵ်ႇၵိၼ် ၊...

သိုၵ်းတဢၢင်း TNLA ၵဵပ်းၵူၼ်းသိုၵ်းမႂ်ႇ ၼႂ်းၸႄႈဝဵင်းၵျွၵ်ႉမႄး ၊ ၵူၼ်းၼုမ်ႇပိုၼ်ႉတီႈပႃးၸဵမ်လုၵ်ႈႁဵၼ်း ႁူင်းႁဵၼ်းၸၼ်ႉၵၢင် ၸၼ်ႉသုင်လႆႈပၢႆႈ။ ဝၼ်းတီႈ 15/9/2022 ယၢမ်းၵၢင်ၶမ်ႈ TNLA တီႉၺွပ်းလုၵ်ႈႁဵၼ်းၸၼ်ႉ 8 ၵေႃႉၼိုင်ႈဢၼ်လုၵ်ႉၼိူဝ်လွႆမႃးယူႇတီႈ ဝၢၼ်ႈ 2 လၵ်းႁိမ်းၸမ်ဝဵင်း ၵူၼ်းၵျွၵ်ႉမႄးၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈၼင်ႇၼႆ ။ “ၶဝ်ယူႇတၢင်းဝၢၼ်ႈၼိူဝ်လွႆပုၼ်ႉဢေႃႈ။ ၶဝ်ၵေႃႈဝႃႈတႃႇလုၵ်ႈၸၢႆးၶဝ်ႁဵၼ်းလိၵ်ႈၼႆသေ ၶဝ်မႃးၶၢတ်ႈႁိူၼ်းယူႇတီႈဝၢၼ်ႈ 2 လၵ်း ႁိမ်းဝဵင်းၼႆႉ။...

ၽူႈၶၢၼ်ပၢၵ်ႇၸုမ်းသိုၵ်းမၢၼ်ႈ ၸွမ်သိုၵ်းၸေႃႇမိၼ်းထုၼ်းလၢတ်ႈဝႃႈ သင်ဝႃႈၵူတ်ႇထတ်းႁၼ်ဝႃႈ ၸွႆႈႁႅင်းငိုၼ်း ႁႅင်းၵူၼ်း သေလွင်ႈလွင်ႈတီႈ ၸုမ်းသိုၵ်းၵူၼ်းမိူင်း PDF ၸိုင် တေထုၵ်ႇဢဝ်လိူင်ႈပၼ်တူတ်ႈတၢမ်ႇ ထိုင်တူတ်ႈတၢမ်ႇတၢႆ ဝႃႈၼႆ။  ၸွမ်ႁၢၼ်ၸေႃႇမိၼ်းထုၼ်းလၢတ်ႈတီႈပၢင်သပ်းၸႅင်ႈၶၢဝ်ႇမိူဝ်ႈဝၼ်းတီႈ 21/9/2022 ပူၼ်ႉမႃးၼႆႉဝႃႈ - ႁၢမ်ႈ ပၼ်ႁႅင်းၵမ်ႉၸွႆႈ၊ ႁၢမ်ႈၵမ်ႉထႅမ်၊ ႁၢမ်ႈၸွႆႈႁႅင်းငိုၼ်း ႁႅင်းတၢင်းၵိၼ် ႁႅင်းၶူဝ်းၶွင်ၸႂ်ႉတိုဝ်း၊ ႁၢမ်ႈသိုဝ်ႉ Bond ႁၢမ်ႈ...