သိုၵ်းမၢၼ်ႈလႄႈ သိုၵ်းပႂ်ႉလႅၼ်လိၼ်မၢၼ်ႈ ပၢႆႈတပ်ႉ ၶဝ်ႈၼႂ်းလိၼ်မိူင်းပင်ႊၵလႃႊတဵတ်ႉသျ် မီးၼပ်ႉႁူဝ်ပၢၵ်ႇၵေႃႉသေ လႆႈထုၵ်ႇသူင်ႇတူဝ်ပွၵ်ႈၶိုၼ်း မွၵ်ႈ 300 ။
ဝၼ်းတီႈ 24/04/2024 လူင်ပွင်ၸိုင်ႈ မိူင်းပင်းၵလႃႊတဵတ်ႉသျ် ၶိုၼ်းဢဝ်တူဝ် သူင်ႇပွၵ်ႈၶိုၼ်းမိူင်းမၢၼ်ႈ တင်းမူတ်းႁူဝ်ၵူၼ်း 288 ၵေႃႉ။ ယဝ်ႉၵေႃႈ တၢင်းၾၢႆႇမိူင်းမၢၼ်ႈၵေႃႈ ၶိုၼ်းဢဝ်တူဝ် ၵူၼ်းမိူင်းပင်းၵလႃးတဵတ်ႉသျ် ဢၼ်ၺႃးတူၵ်း ၶွၵ်ႈဝႆႉ တီႈမိူင်းမၢၼ်ႈ 173 ၵေႃႉ ၼၼ်ႉၵေႃႈ သူင်ႇပွၵ်ႈၶိုၼ်းမိူၼ်ၵၼ်။
ဢိင်ၼိူဝ် လွင်ႈၼႆႉ သွင်ၾၢႆႇဢဝ်ၵူၼ်းၵႂႃႇမွပ်ႈပၼ်ၵၼ် တီႈတႃႈႁိူဝ်း BIWTA ဝဵင်းၵွတ်ႉသ်ပၸႃႊ ဝႃႈၼႆ။
သိုၵ်းလႄႈ ပလိၵ်ႈမိူင်းမၢၼ်ႈၼႆႉ ဢိင်ၼိူဝ် ပၢင်တိုၵ်းဢၼ်ပဵၼ်ယူႇ ၼႂ်းၸႄႈမိူင်းရၶႅင်ႇလႄႈ မိူင်းၶျၢင်း ႁၢဝ်ႈႁႅင်းၼၼ်ႉသေ ဢွၼ်ၵၼ်ပၢႆႈၶဝ်ႈမိူင်းပင်းၵလႃးတဵတ်ႉသျ် ၼပ်ႉႁူဝ်ပၢၵ်ႇၵေႃႉ ပၢႆႈၶဝ်ႈၵႂႃႇ 2 ပွၵ်ႈ ပႃးၼႆႉယဝ်ႉ။
ၽွင်းလိူၼ်ၾႅပ်ႊပိဝ်ႊရီႊ ၼၼ်ႉၵေႃႈ မီးသိုၵ်းပၢႆႈၶဝ်ႈမိူင်းပင်းၵလႃးတဵတ်ႉသျ် 300 ပၢႆ။ ၼၼ်ႉၵေႃႈ ထုၵ်ႇသူင်ႇတူဝ်ပွၵ်ႈၶိုၼ်းမိူင်းမူတ်း ဝႃႈၼႆ။
ဢၢင်ႈဢိင် – Khit Thit Media
