ၸူဝ်ႈသိုၵ်းမၢၼ်ႈၶဝ်ႈၵုမ်းပၼ်ႇၵၢၼ်ၽွင်းငမ်းၶိုၼ်း ၼႂ်းၸႄႈဝဵင်းၵျွၵ်ႉမႄးၼႆႉ ၼႄးဝႃႈပဵၼ်ၵူၼ်းၵဵဝ်ႇၶွင်ႉၸွမ်းသိုၵ်းတဢၢင်း (TNLA)လႄႈ ၸုမ်းသိုၵ်းၵူၼ်းၼုမ်ႇမၢၼ်ႈ (PDF) ၶဝ် ၼႆသေ ဢႅဝ်ႇႁႃတီႉၺွပ်းၵူၼ်းပိုၼ်ႉတီႈ ဢဝ်ၵႂႃႇၵုမ်းၶင်ဝႆႉ ၊ ၶူဝ်းၶွင်ႁိူၼ်းယေးၵေႃႈ ၺႃးယိုတ်းပႃး။ တႄႇႁူဝ်လိူၼ်ဢွၵ်ႉထူဝ်ႊပိူဝ်ႊမႃး သိုၵ်းမၢၼ်ႈၶဝ်ႈၵုမ်းၵမ်ၶိုၼ်း ၼႂ်းၸႄႈဝဵင်းၵျွၵ်ႉမႄးတင်းသဵင်ႈသေ ၸတ်းၵၢၼ်ဝၢင်းၽႅၼ် ၸွမ်းသွၵ်ႈႁႃ တီႉၺွပ်းဢဝ်ၵူၼ်းမိူင်း ၸိူဝ်းဢၼ်ၶဝ်ထၢင်ႇထိူမ်ဝႃႈ ၵွင်ႉၵၢႆႇႁဵတ်းၵၢၼ်ပၼ် ၸုမ်းသိုၵ်းလုၵ်ႉၽိုၼ်ႉ ၼႆဢမ်ႇထၢတ်ႇဢမ်ႇဝၢႆး ၵူၼ်းမိူင်း ၵေႃႉယူႇၼႂ်း...

ၵူၼ်းမိူင်းပိုၼ်ႉတီႈ ၼႂ်းဝဵင်းမိူင်းၵုတ်ႈ ၽွမ်ႉၵၼ်တွႆႇ ၽၢင်လဵၵ်း၊ ပုင်းလဵၵ်း လႄႈ တႅင်ႈလဵၵ်းသဵင်လင် ၼႄၵၢင်ၸႂ်သၢၼ်ၶတ်းၸဝ်ႈဢႃႇၼႃႇသိုၵ်းမၢၼ်ႈ ဢၼ်တေၶဝ်ႈၵုမ်းဝဵင်း ၶိုၼ်း။ ဝၼ်းတီႈ 6/11/2025 ယၢမ်းၵၢင်ၶမ်ႈ 8 မူင်း ၵူၼ်းၼႂ်းဝဵင်းမိူင်းၵုတ်ႈ ၵူႈပွၵ်ႉယွမ်ႇ ၽွမ်ႉၵၼ်တွႆႇ ၽၢင်လဵၵ်း၊ ပုင်းလဵၵ်း။ ၽွမ်ႉၵၼ်ႁွင်ႉၽဵင်းၵႂၢမ်းဢၼ်မီးၸိုဝ်ႈဝႃႈ “ ၵတိသႅတ်ႉၸႃႇ ၵၢၼ်လုၵ်ႉၽိုၼ်ႉ” ။...

ၸွမ်ႁၢၼ် တႃႉၽူင်းၵျေႃႇ ၽူႈၼမ်းၼႂ်းၵူႈလွင်ႈလွင်ႈ ႁူဝ်ၼႃႈတပ်ႉသိုၵ်းတဢၢင်း TNLA လၢတ်ႈဝႃႈ - ယွၼ်ႉၺႃးမိပ်ႇငႅၼ်းပၼ်ႁႅင်းဢီး ၾၢႆႇၼိုင်ႈၵေႃႈ ပဵၼ်တႃႇႁွမ်ႁႅင်းၶိုၼ်းလႄႈ ၸင်ႇလႆႈၵိုတ်းပၢင်တိုၵ်းၵၼ်တင်း တပ်ႉသိုၵ်းမၢၼ်ႈယိုတ်းမိူင်း ဝႃႈၼႆ။ ၵဵဝ်ႇၵပ်း လွင်ႈလႆႈၵိုတ်းတိုၵ်းၵၼ်တင်း တပ်ႉသိုၵ်းမၢၼ်ႈသေ ၸွမ်ႁၢၼ် တႃႉၽူင်းၵျေႃႇ တႅမ်ႈတၢင်ႇဝႆႉ ၼိူဝ်သိုဝ်ႇတူင်ႇဝူင်းဝႃႈ - ယွၼ်ႉလွင်ႈတႅပ်းတတ်းၵိုတ်းတိုၵ်း ဝႆးၵႂႃႇလႄႈ တေပဵၼ်လွင်ႈဝူၼ်ႉၵႂင်ၶမ်ၸႂ်ၵၼ်ၼႆၼၼ်ႉ ပွင်ႇၸႂ်ယူႇ။...

သိုၵ်းတဢၢင်း TNLA ပိုၼ်ၽၢဝ်ႇႁၢမ်ႈၸႂ်ႉၶိူင်ႈတီႉဢိၼ်ႊထိူဝ်ႊၼႅတ်ႉယဝ်ႉဢမ်ႇႁိုင် ၵူၼ်းမိူင်းဝဵင်းၼမ်ႉတူႈႁၢႆဝႆႉ - ၵူၼ်းၼႂ်းပွၵ်ႉတႄႉဝႃႈ ၺႃးသိုၵ်းတဢၢင်းတီႉၺွပ်းဝႃႈၼႆသေတႃႉ တေႃႇထိုင်ဝၼ်းမိူဝ်ႈၼႆႉၵပ်းသိုပ်ႇပႆႇလႆႈလႄႈ ၵႂႃႇမီးတီႈလႂ်ပႆႇလႆႈႁူႉ။ တႄႇၵၢင်လိူၼ်ဢွၵ်ႉထူဝ်ႊပိူဝ်ႊမႃး သိုၵ်းတဢၢင်း  TNLA ၶဝ်ၵူတ်ႇထတ်း ၶိူင်ႈသတႃႊလိင်ႉ ၼႂ်းၸႄႈဝဵင်းၼမ်ႉတူႈ ၵူႈပွၵ်ႉယွမ်ႇ ၵူႈဝၢၼ်ႈဢိူင်ႇ။ ထိုင်မႃးႁၢင်လိူၼ်ၼႆႉ ၸၢႆးသႅၼ်းပၢၼ်ၶၢဝ်ႉ ဢႃယုမွၵ်ႈ 60 ပီ ဢၼ်မီးၶိူင်ႈဢိၼ်ႊထိူဝ်ႊၼႅတ်ႉ သတႃႊလိင်ႉဝႆႉတီႈႁိူၼ်းၵေႃႈႁၢႆၵႂႃႇတေႃႇထိုင်မိူဝ်ႈၼႆႉ လႆႈမႃးဝူင်ႈပၢႆယဝ်ႉ...

မိူဝ်ႈဝၼ်းတီႈ 27-28 လိူၼ်ဢွၵ်ႉထူဝ်ႊပိူဝ်ႊ ၸုမ်းသိုၵ်းမၢၼ်ႈ တင်း သိုၵ်းတဢၢင်း ၵႂႃႇႁူပ်ႉထူပ်းၵၼ် တီႈဝဵင်းၶုၼ်ႊမိင်ႊ ၼႂ်းမိူင်းၶႄႇ ငူပ်ႉငီႉၵၼ်ပဵၼ် ပွၵ်ႈၵမ်းထူၼ်ႈ 9 သေ လူင်းလၢႆးမိုဝ်းၵိုတ်းတိုၵ်းၵၼ် (လူၺ်ႈဢမ်ႇမၵ်းမၼ်ႈၶၢဝ်းတၢင်းႁိုင်) ၼႆယဝ်ႉ။ ၾၢႆႇၸုမ်းသိုၵ်းတဢၢင်း ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႃႈ “ တင်းသွင်ၾၢႆႇတူၵ်းလူင်းလႆႈၸႂ်ၵၼ်ဝႃႈ ၾၢႆႇသိုၵ်းတဢၢင်း တေထွႆဢွၵ်ႇ ၼႂ်းဝဵင်းမိူင်းၵုတ်ႈ၊ မိူင်းမိတ်ႈပၼ်ၶိုၼ်း သိုၵ်းမၢၼ်ႈ။...

ဝၢႆးလင်ပၢင်တိုၵ်းၽႅၼ်ယၼ်ႇသိုၵ်း 1027 ပွၵ်ႈၵမ်းၼိုင်ႈမႃး ၼႂ်းၶၢဝ်းတၢင်း  1 ပီပၢႆၼႆႉ တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း (TNLA) ၶဝ်ႈယိုတ်းၵုမ်းၵမ် ဝဵင်းၼမ်ႉၶမ်း တီႈလႅၼ်လိၼ် မိူင်းတႆး- မိူင်းၶႄႇ တိတ်းၸပ်းၵၼ် ၼႂ်းမိူင်းတႆးပွတ်းႁွင်ႇသေ ပၼ်ႇၵၢၼ်ၽွင်းငမ်းဝႆႉ ႁၢၼ်ႉတေႃႇထိုင်ယၢမ်းလဵဝ်။ ၼႂ်းၶၢဝ်းတၢင်း 1 ပီပၢႆ တႂ်ႈၵၢၼ်ၽွင်းငမ်းသိုၵ်းတဢၢင်းၼႆႉ ၵူၼ်းမိူင်းဝဵင်းၼမ်ႉၶမ်း ၺႃးၶႃႈႁၢပ်ႇၵၢၼ်ၼႂ်းတပ်ႉသိုၵ်းတဢၢင်း မိပ်ႇငႅၼ်း တဵၵ်းတဵင်...

သိုၵ်းမၢၼ်ႈသီႇပေႃႉ ထႅမ်ႁႅင်းသိုၵ်းၶိုၼ်ႈၸူးၼမ်ႉတူႈ ဢိူမ်ႈၸမ်ၶူဝ်တႃႈတေႈ ၼႂ်းၵႄႈ သီႇပေႃႉ – ၼမ်ႉတူႈ ၸိုင်ႈတႆးပွတ်းႁွင်ႇ ႁဵတ်းႁႂ်ႈၵူၼ်းမိူင်း ဝဵင်းၼမ်ႉတူႈ ဢွၼ်ၵၼ်မႆႈၸႂ်လွင်ႈႁူမ်ႇလူမ်ႈ သေ ငိူင်ႉပၢႆႈထႅင်ႈဝႃႈၼႆ ။   ၼႂ်းဝၼ်းတီႈ 21/10/ 2025 ယၢမ်းႁူဝ်ၶမ်ႈ 5 မူင်းၼၼ်ႉ သိုၵ်းမၢၼ်ႈ ၶလယ 23   ဝဵင်းသီပေႃႉ...

သိုၵ်းတဢၢင်း TNLA ၸိူဝ်းပၵ်းတပ်ႉပၢင်သဝ်း ပၼ်ႇၵၢၼ်ၽွင်းငမ်း ၼႂ်းထုင်ႉမၢၼ်ႈၸၢမ် ၸႄႈဝဵင်းၼမ်ႉတူႈဝႆႉ ဢွၵ်ႇၶေႃႈၸီႉသင်ႇ ႁႂ်ႈၵူၼ်းမိူင်း ဢိုတ်းၶိူင်ႈသတႃးလိင်ႉ (Starlink) လႆႈႁူႉၼင်ႇၼႆ။ သိုၵ်းတဢၢင်းလၢတ်ႈမိူဝ်ႈဝၼ်းတီႈ 17/10/2025 ဝႃႈ - တႄႇဝၼ်းတီႈ 18/10/2025 ၼႆႉၵႂႃႇ ၵူၼ်းမိူင်း တီႈ ထုင်ႉမၢၼ်ႈၸၢမ် တေလႆႈဢိုတ်းဝႆႉသတႃးလိင်ႉတင်းသဵင်ႈၼႆ ၼုမ်ႇၸၢႆးဢႃႇယု 35 ပီ...

တႄႇႁူဝ်လိူၼ်ဢွၵ်ႇထူဝ်ႊပိူဝ်ႊမႃး သိုၵ်းမၢၼ်ႈႁႅၼ်းသိုၵ်းလေႃႇတိုၵ်း သိုၵ်းတဢၢင်း TNLA ၼႂ်းၸႄႈဝဵင်းသီႇပေႃႉသေ ၵုမ်းလႆႈ ၶိုၼ်း ၼႂ်းဝၼ်းတီႈ 16/10/2025 ယၢမ်းတၢမ်းၶမ်ႈ မွၵ်ႈ 5 မူင်း ။ ၵွၼ်ႇသိုၵ်းမၢၼ်ႈတေၶဝ်ႈထိုင်လႆႈၼႂ်းဝဵင်းသီႇပေႃႉၼႆႉ ႁူင်းၵေႃႇၵၢႆႇ၊ ႁွင်ႈၵၢၼ်ၽွင်းငမ်း (လုမ်းၵဝ်ႇ) ၶွင်ၸုမ်းသိုၵ်းမၢၼ်ႈယိုတ်းမိူင်း လၢႆလၢႆဢွင်ႈတီႈ လႄႈ ႁူင်းႁႅမ်းၸိုဝ်ႈလိုဝ်း ၼႂ်းဝဵင်းသီႇပေႃႉၵေႃႈ ၾႆးမႆႈၵႂႃႇတင်းၼမ်။ ၵူၼ်းမိူင်းဝဵင်းသီႇပေႃႉ လၢတ်ႈၼႄတီႈၽူႈတွႆႇႁွၵ်ႈၼင်ႇၼႆ။ “တႄႇၶၢဝ်းတၢမ်းၶမ်ႈ...

ဝၼ်းတီႈ 13/10/2025 ယၢမ်းဝၢႆးဝၼ်း 1 မူင်းပၢႆ သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်သိုၵ်းပွႆႇမၢၵ်ႇသႂ်ႇ ၼႂ်းဝၢၼ်ႈၵယႃးၵျီး ဝဵင်းၼမ်ႉသၼ်ႇ ဢွင်ႈတီႈသိုၵ်းတဢၢင်း (TNLA) ၵုမ်းၵမ်ဝႆႉ ၼႂ်းၸိုင်ႈတႆးပွတ်းႁွင်ႇ။ မၢၵ်ႇလူင်ၶွင်ႁိူဝ်းမိၼ်တိုၵ်းသိုၵ်းမၢၼ်ႈ ၵႂႃႇတူၵ်းတႅၵ်ႇသႂ်ႇ ႁိမ်းႁူင်းႁဵၼ်းသွၼ်လိၵ်ႈ လႄႈ ၸွမ်းၼႂ်းပွၵ်ႉ မီးႁိူၼ်းၵူၼ်းမိူင်း၊ ဝတ်ႉဝႃးၽႃသိူဝ်ႇၸဵမ်ၸိူဝ်းၼႆႉ ၼႆယဝ်ႉ။ ၾၢႆႇတပ်ႉသိုၵ်းတဢၢင်း (TNLA) ၶဝ်ပိုၼ်ၽၢဝ်ႇဢွၵ်ႇဝႆႉဝႃႈ - သိုၵ်းမၢၼ်ႈၸႂ်ႉႁိူဝ်းမိၼ်...

မိူဝ်ႈၼႆႉဝၼ်းတီႈ 4/10/2025 ယၢမ်းၵၢင်ဝၼ်းတဵင်ႈ ႁိူဝ်းမိၼ်သိုၵ်းမၢၼ်ႈပွႆႇမၢၵ်ႇသႂ်ႇတီႈဝၢၼ်ႈၸႄႈတူၼ်ႈႁုင်း ၸႄႈဝဵင်းၼမ်ႉသၼ်ႇ ၸိုင်ႈတႆးပွတ်းႁွင်ႇ တူဝ်ႇမၢတ်ႇၵူၼ်းမိူင်း လုၵ်ႈဢွၼ်ႇ တၢႆ 2 ၵေႃႉ မၢတ်ႇၸဵပ်း 9 ၵေႃႉ။ လွင်ႈၼႆႉ ႁွင်ႈၵၢၼ်ၾၢႆႇပွင်ႇၶၢဝ်ႇ PSLF/TNLA ပိုၼ်ၽၢဝ်ႇမိူဝ်ႈယၢမ်းဝၢႆးဝၼ်းၼႆႉဝႃႈ - ပဵၼ်ႁိူဝ်းမိၼ်ၵျႅတ်ႊၾၢႆႊတႃႊ ပွႆႇမၢၵ်ႇသႅၼ်း 250 ပွၼ်ႊ 2 လုၵ်ႈ။...

မိူဝ်ႈၼႆႉ ဝၼ်းတီႈ 1 လိူၼ်ဢွၵ်ႇထူဝ်ႊပိူဝ်ႊ ယၢမ်းၵၢင်ဝၼ်း 11 မူင်း သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၾၢႆႇဝၼ်းတူၵ်း ဝဵင်းမိူင်းၵုတ်ႈ တီႈပွၵ်ႉ ႁူဝ်ၼမ်ႉ (ရေထွက်ကြီး) တိူဝ်ႉၺႃးၵူၼ်းမိူင်း မၢတ်ႇၸဵပ်းၸွမ်း 2 ၵေႃႉ (တၢႆၵေႃႉၼိုင်ႈ မၢတ်ႇၸဵပ်းၵေႃႉၼိုင်ႈ) ၼႆယဝ်ႉ။ ၵူၼ်းမိူင်းပိုၼ်ႉတီႈ ဝဵင်းမိူင်းၵုတ်ႈလၢတ်ႈၼႄဝႃႈ...

မိူဝ်ႈၼႆႉ ဝၼ်းတီႈ 30/09/2025 တႄႇယၢမ်းဝၢႆးဝၼ်း 1 မူင်းပၢႆ ၾႆးမႆႈႁွင်ႈၵၢၼ်လုမ်းပလိၵ်ႈ၊ လုမ်းၾၢႆပႃႇမႆႉ လႄႈ လုမ်းတႅပ်းတတ်းတြႃး ၸိူဝ်းသိုၵ်းမၢၼ်ႈယိုတ်းမိူင်း သၢင်ႈဝႆႉၼႂ်းဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ ၵူၼ်းမိူင်းၼႂ်းပိုၼ်ႉတီႈဝဵင်းၵျွၵ်ႉမႄး လၢတ်ႈၼႄဝႃႈ “ႁၢၼ်ႉတေႃႇထိုင်ယၢမ်းဝၢႆးဝၼ်း 2 မူင်းၼႆႉ ၾႆးတိုၵ်ႉမႆႈယူႇပႆႇထၢတ်ႇ။ ႁိူၼ်းယေး ၸိူဝ်းမီးႁိမ်းႁွမ်း ႁွင်ႈၵၢၼ်လုမ်းၸိူဝ်းၼၼ်ႉၵေႃႈ လၢမ်းမႆႈပႃးၵႂႃႇ။ မိူၼ်တင်ႈၸႂ် ၽဝ်”...

တႄႇႁူဝ်လိူၼ်သႅပ်ႊထႅမ်ႊပိူဝ်ႊၼႆႉမႃး သိုၵ်းတဢၢင်း TNLA ႁဵတ်းလိၵ်ႈဢွၵ်ႇ ပိုၼ်ၽၢဝ်ႇပူၵ်းပၢႆႉၸွမ်းၼႂ်းၵၢင်ဝဵင်းၼမ်ႉၶမ်း  ႁႂ်ႈၵူၼ်းမိူင်း ဝဵင်းၼမ်ႉၶမ်း ၵႂႃႇႁဵတ်းမၢႆၾၢင် ရူတ်ႉၵႃး ၊ လိူဝ်ၼၼ်ႉ ၵဵပ်းပႃးၶွၼ်ႇၵၢၼ်ၵႃႉၶၢႆ လႄႈ ၵူႈလွင်ႈလွင်ႈ တီႈၵူၼ်းမိူင်း ဢမ်ႇလိူဝ်သေၵူၼ်းၶီႇရူတ်ႉၶိူင်ႈၶၢႆၽၵ်းၵူၺ်းၵေႃႈ ပႂ်ႉၵဵပ်းၶွၼ်ႇပႃးလႄႈၵူၼ်းမိူင်းၶၢင်းပွင်ႉဝႃႈၵိၼ်းၸႂ်။   မိူဝ်ႈၼႆႉ ဝၼ်းတီႈ 22 /09/2025  သိုၵ်းတဢၢင်း TNLA ၵူတ်ႇထတ်းရူတ်ႉၵႃး...

တႄႇၵၢင်လိူၼ်သႅပ်ႊထႅမ်ႊပိူဝ်ႊၼႆႉမႃး သိုၵ်းတဢၢင်း TNLA တီႉၺွပ်း  ၵူၼ်းဝၢၼ်ႈလဵၵ်ႉယႂ်ႇၼုမ်ႇထဝ်ႈ ၸဵမ်ယိင်းၸဵမ်ၸၢႆး ၼႂ်းၸႄႈဝဵင်းၵျွၵ်ႉမႄး ဢမ်ႇလိူၵ်ႈၽႃႇသႃႇ၊ ဢမ်ႇလိူၵ်ႈၸၢဝ်းၶိူဝ်း၊ ဢမ်ႇမၵ်းတတ်းဢႃႇယု ၊   ႁွင်ႉၵႂႃႇၵူတ်ႇထတ်း မၢင်ၸိူဝ်း ၺႃးထုပ်ႉပေႃႉ လူၺ်ႈဢမ်ႇမီးတၢင်းၽိတ်းသင်  ။ ၵူၼ်းမိူင်းၸိူဝ်းၺႃးၸုမ်းသိုၵ်းတဢၢင်း တီႉၺွပ်းၵႂႃႇ ၼႂ်းၸႄႈဝဵင်းၵျွၵ်ႉမႄးၼႆႉ ပဵၼ်ၵူၼ်းဝၢၼ်ႈၸိူဝ်းယူႇၼႂ်းပွၵ်ႉ 1 ပၢင်ပဝ်းဢွၼ်ႇ၊ ပဵင်းၼိမ်၊ ပွၵ်ႉ 9...