ႁႅင်းၵၢၼ်

သိုၵ်းမၢၼ်ႈ ႁၢင်ႈႁႅၼ်းတႃႇတေသူင်ႇ ၵူၼ်းမိူင်းမၢၼ်ႈ ၵႂႃႇႁဵတ်းၵၢၼ် တီႈမိူင်းရတ်ႉသျႃး လူၺ်ႈဢမ်ႇလူဝ်ႇလႆႈသဵင်ႈ ငိုၼ်းၵႃႈၸႂ်ႉၸၢႆႇ (ၵႃႈၸရိတ်ႈတၢင်း) ဝႃႈၼႆ။ မိူဝ်ႈဝၼ်းတီႈ 25 လိူၼ်ၼူဝ်ႊဝႅပ်ႊပိူဝ်ႊ ၼၼ်ႉၵေႃႈ သိုဝ်ႇၶၢဝ်ႇၸိုင်ႈမိူင်း Globe New Light of Myanmar ဢၢင်ႈဢိင် ၽူႈမီးပုၼ်ႈၽွၼ်း ၵေႃႉၼိုင်ႈတီႈၸုမ်းႁႃပၼ်ၵၢၼ်ၼွၵ်ႈမိူင်း မိူင်းမၢၼ်ႈ (MOEAF) သေ...

ပလိၵ်ႈထႆး တီ့လႆႈမၢၵ်ႇၵွင်ႈၸိုၼ်းယၢမ်း ၼပ်ႉႁူဝ်ႁဵင် တီႈႁႅင်းၵၢၼ်ယၢၼ်မိူင်းမိူင်းမၢၼ်ႈ 9 ၵေႃႉ။ ဝၼ်းတီႈ 3/12/2024 ပလိၵ်ႈထႆး လဵပ်ႈဢဝ်ႁူမ်ႇလူမ်ႈၼႂ်းၸႄႈတွၼ်ႈ ၵၢၼ်ႊၶျၼပူႊရီႊ တီႉလႆႈႁႅင်းၵၢၼ်ယၢၼ်မိူင်း 9 ၵေႃႉ။ ထိုင်တီႈၵူတ်ႇထတ်းတူၺ်း လႆႈပႃးထႅင်ႈမၢၵ်ႇၵွင်ႈ 3000 လုၵ်ႈ ဢၼ်သႂ်ႇဝႆႉၼႂ်းတိူၵ်ႈၸေႈ ၼႂ်းႁွင်ႈလိုဝ်ႈသဝ်းၶဝ် ၶၢဝ်ႇ Bangkok Post ႁၢႆးငၢၼ်းဝႆႉၼင်ႇၼႆ။ ႁႅင်းၵၢၼ်မိူင်းမၢၼ်ႈ 9...

ဝၼ်းတီႈ 14/11/2024 ၼႆႉ ႁွင်ႈၵၢၼ် ၽွင်းလူင်ၾၢႆႇၵူၼ်းႁဵတ်းၵၢၼ် တႂ်ႈသိုၵ်းမၢၼ်ႈ သူင်ႇလိၵ်ႈထိုင်တီႈ ၸုမ်း Agency ႁႃၵၢၼ်ၼွၵ်ႈမိူင်းသေ ႁႄႉႁၢမ်ႈ ယႃႇႁႂ်ႈပၼ်ၶႂၢင်ႉလိၵ်ႈႁွင်ႉၵၢၼ် (Demand Letter) ဢၼ်လုၵ်ႉတီႈၵုၼ်သႃႊပႃႊ မိူင်းမလေးသျႃးသေ ႁွင်ႉမႃး တွၼ်ႈတႃႇ ၵၢၼ်ၽုၵ်ႇသွမ်ႈၼၼ်ႉ ဝႃႈၼႆ။ လွင်ႈၼႆႉ ပွင်ႇၶၢဝ်ႇပႃးတီႈ လုမ်းၽွင်းတၢင်မၢၼ်ႈ ဢၼ်မီးတီႈ ဝဵင်းၵႂႃႊလႃႊလမ်ႊပူႊ...

မီးၶၢဝ်ႇဢွၵ်ႇမႃးဝႃႈ ထႆးတေႁဵတ်းပၼ်ဝတ်းဝႂ်ႁႅင်းၵၢၼ်ၵူၼ်းမႂ်ႇၼႆ ႁိုင်ယဝ်ႉသေတႃႉ ၼႂ်းသၽႃးၸိုင်ႈထႆး ၸင်ႇႁႃတႅပ်းတတ်းလႆႈၸႂ်ၵၼ် လွင်ႈၼႆႉ မိူဝ်ႈဝၼ်းတီႈ 26/11/2024 ၼႆႉၵူၺ်းလႄႈ ၸင်ႇတေၸၢင်ႈလူင်းမိုဝ်းႁဵတ်းသၢင်ႈတႄႉတႄႉ ၼႂ်းဝၼ်းတီႈ 31/12/2024 ၼႆႉ ဝႃႈၼႆ။ ႁွင်ႈၵၢၼ် ၽွင်းလူင်ၾၢႆႇႁႅင်းၵၢၼ် မိူင်းထႆး ပိုၼ်ၽၢဝ်ႇပဵၼ်တၢင်းၵၢၼ်ဝႃႈ - ႁႅင်းၵၢၼ်ယၢၼ်မိူင်း ၵူၼ်းမိူင်းလၢဝ်း မိူင်းမၢၼ်ႈ မိူင်းဝႅတ်ႉၼၢမ်း မိူင်းၵမ်ႇပူးၶျႃး ႁၢင်ႈႁႅၼ်း...

လူင်ပွင်ၸိုင်ႈထႆး တေပၼ်ၶႂၢင်ႉႁႅင်းၵၢၼ်တင်း လုၵ်ႈဢွၼ်ႇ ႁႅင်းၵၢၼ် 4 ၸိုင်ႈမိူင်း ၸိူဝ်းဢမ်ႇမီးဝတ်းဝႂ် ယူႇသဝ်းၵႂႃႇလႆႈၼႂ်းမိူင်းထႆး လူၺ်ႈပဵၼ်တၢင်းၵၢၼ် - ၶၢဝ်ႇ The Nation ႁၢႆးငၢၼ်းဝႆႉၼင်ႇ ၼႆ။ လွင်ႈၼႆႉ ၸွမ်းၼင်ႇၶေႃႈတုၵ်းယွၼ်း ၵေႃႇမတီႇၾၢႆႇၸတ်းၵၢၼ်ႁႅင်းၵၢၼ်ၼွၵ်ႈမိူင်း တုၵ်းယွၼ်း တီႈၼႂ်းပၢင်ၵုမ် ၸုမ်း ၽွင်းလူင် လူင်ပွင်ၸိုင်ႈမိူင်းထႆး မိူဝ်ႈဝၼ်းတီႈ 24/09/2024...

ဝၼ်းတီႈ 24/09/2024 ၼႆႉ ၸဝ်ႈၼႃႈတီႈထႆး ၵိုင်ႉၵၢင်ႉၶဝ်ႈၵူတ်ႇထတ်း ဢွင်ႈတီႈႁဵတ်းၵၢၼ်ၵေႃႇသၢင်ႈ ဢၼ်ၵူၼ်းမိူင်းၶႄႇပဵၼ်ၸဝ်ႈၶွင် ၼႂ်းၸႄႈတွၼ်ႈဢယုတ်ႉထယႃး မိူင်းထႆး တီႉၺွပ်းလႆႈႁႅင်းၵၢၼ်မိူင်းမၢၼ်ႈ ၸိူဝ်းဢမ်ႇမီးဝတ်းဝႂ် 264 ၵေႃႉ - ဝႃႈၼႆ။ ႁႅင်းၵၢၼ်မိူင်းမၢၼ်ႈ ၸိူဝ်းၺႃးတီႉၺွပ်းၼႆႉ ဢႃယုမီးၼႂ်းၵႄႈ 20 ပီ - 35 ပီ။ ၵူၼ်းၸၢႆး 121...

ႁူင်းယႃ ၵထုမ်ႉပႅင်ႊ (Krathum baen hospital) ဝဵင်းသမုတ်ႇသႃႊၶွၼ်ႊ (Samut Sakhon) မိူင်းထႆး ဢဝ်လုၵ်ႈ ဢွၼ်ႇထႆးတင်း လုၵ်ႈဢွၼ်ႇမၢၼ်ႈ ဢၼ်တိုၵ်ႉၵိူတ်ႇမႃးၼၼ်ႉ ပၼ်ၽိတ်းတီႈပေႃႈမႄႈလႄႈ ယူႇတီႈႁူင်းယႃ ၸင်ႇလၢတ်ႈဝႃႈ တေပၼ် ၵႃႈသၢႆႈတႅၼ်း တီႈပေႃးမႄႈတင်းသွင်ၾၢႆႇ - ဝႃႈၼႆ။ မိူဝ်ႈလိူၼ်ပူၼ်ႉမႃးၼႆႉ တီႈႁူင်းယႃ Krathumbaen မိူင်းထႆး...

ဢိင်ၼိူဝ် သိုၵ်းမၢၼ်ႈ ၽဵဝ်ႈမူၺ်ႉၶိူဝ်းၵူၼ်း၊ တင်ႈၸႂ်ႁဵတ်းႁႂ်ႈ  ႁႃၵိၼ်လဵင်ႉတွင်ႉ ယၢပ်ႇၽိုတ်ႇမႃး ပၢၼ်သိုပ်ႇပၢၼ်သေ ၵူၼ်းမိူင်းတႆးၶၢႆႉပၢႆႈ ၶဝ်ႈမိူင်းထႆးႁႃၵိၼ်လဵင်ႉတွင်ႉမႃး ၸဵမ်မိူဝ်ႈပီ 96 ပီ 97 တေႃႇထိုင် ယၢမ်းလဵဝ်ၵေႃႈ ယွၼ်ႉပိူဝ်ႈ သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းသေ ၵူၼ်းမိူင်းတႆး ပႃးၸဵမ်ၵူၼ်းမိူင်းမၢၼ်ႈ တိုၵ်ႉလႆႈပၢႆႈ ၶဝ်ႈမိူင်းထႆး ၵူႈမိုဝ်ႉၵူႈဝၼ်း...

ၸုမ်းၸွႆႈထႅမ် ႁႅင်းၵၢၼ်ယၢၼ်မိူင်း ၵူၼ်းမိူင်းမၢၼ်ႈ ၼႂ်းမိူင်းထႆးလၢတ်ႈဝႃႈ - ၼႂ်းၶၢဝ်းတၢင်း  50 ဝၼ်း တေႃႇထိုင်လိူၼ်ၵျူႊလၢႆႊသဵင်ႈၼႆႉၵူၺ်းၵူၼ်းမိူင်းမၢၼ်ႈဢၼ်ဢမ်ႇမီးဝတ်းဝႂ်သင် သေ ယူႇသဝ်းႁဵတ်းၵၢၼ်ဝႆႉ ၼႂ်းပတ်းပိုၼ်ႉၸိုင်ႈမိူင်း - ၺႃးပလိၵ်ႈထႆးတီႉ 110,000 ၵေႃႉယဝ်ႉ ဝႃႈၼႆ။ လူင်ပွင်ၸိုင်ႈထႆးၼႆႉပိုၼ်ၽၢဝ်ႇၽႅၼ်ၵၢၼ် ၵူတ်ႇထတ်းၵႂၢတ်ႇလၢင်ႉ ႁႅင်းၵၢၼ်ၽိတ်းမၢႆမီႈ 120 ဝၼ်းၼႆသေ တႄႇဢဝ်ႁူဝ်လိူၼ်ၵျုၼ်ႊမႃး ၵူတ်ႇထတ်းၸွမ်းပိုၼ်ႉတီႈၵၢၼ်ၵေႃႇသၢင်ႈ၊ ႁူင်းၸၢၵ်ႈ၊...

 တႆး လင်ႇလႆၶဝ်ႈမိူင်းထႆးၼပ်ႉၶၢဝ်းတၢင်း 40 – 50 ပီမႃးၼႆႉ ႁူဝ်ၵူၼ်းတႆး လၢမ်းဝႃႈဢမ်ႇၶႂ်ႈယွမ်း 2 လၢၼ်ႉၵေႃႉ။  မိူင်းႁူမ်ႈတုမ် ဢၼ်ႁူမ်ႈၵၼ်ၵေႃႇသၢင်ႈမႃးတင်းမၢၼ်ႈၼၼ်ႉ  ဝၢႆးလႆႈလွတ်ႈလႅဝ်း ၵွၼ်းၶေႃယဝ်ႉ  ၵေႃႈဢမ်ႇမီး လွင်ႈၵတ်းယဵၼ်၊ ယွၼ်ႉဢမ်ႇမီးလွင်ႈၽဵင်ႇပဵင်း။  မီးလွင်ႈ ၶီႇၼဵၵ်းတဵၵ်းတဵင် ဢမ်ႇပဵၼ်ၸွမ်းၶေႃႈၵိၼ်ၵႅၼ်ႇ ၶေႃႈတူၵ်းလူင်းၵၼ်မႃး၊ ၸင်ႇပဵၼ်မႃး ၵၢၼ်လုၵ်ႉၽိုၼ်ႉ ဢၼ်ၽူႈႁၵ်ႉၸိူဝ်ႉၸၢတ်ႈၵူၼ်းမိူင်းတႆး...

သုၼ် CI ဢၼ်ပိုတ်ႇႁဵတ်းပၼ် ႁႅင်းၵၢၼ်မိူင်းႁူမ်ႈတုမ် တီႈမိူင်းထႆး 8 ဢွင်ႈတီႈၼၼ်ႉ တေပိၵ်ႉဢိုတ်းပႅတ်ႈ တင်းမူတ်းယဝ်ႉ ယွၼ်ႉဢမ်ႇမီးႁႅင်းၵၢၼ် ၵႂႃႇႁဵတ်းၼမ်ယဝ်ႉ ဝႃႈၼႆ။ ဝၼ်းတီႈ 30/06/2024 ယူႇတီႈ ႁွင်ႈၵၢၼ်လူင် ၾၢႆႇႁႅင်းၵၢၼ်မိူင်းထႆး ပိုၼ်ၽၢဝ်ႇဢွၵ်ႇမႃး ပေႃးထိုင်မႃး ဝၼ်းတီႈ 7 လိူၼ်ၼႆႉ တေပိၵ်ႉဢိုတ်းသုၼ် Certificate of...

လူင်ပွင်ၸိုင်ႈၶႄႇ ၸႄႈမိူင်းယုၼ်ႊၼၢၼ်ႊ တူၵ်းလူင်းလႆႈၸႂ် တႃႇႁွင်ႉႁႅင်းၵၢၼ် ၵူၼ်းမိူင်း မၢၼ်ႈ ပဵၼ်တၢင်းၵၢၼ်၊ သွင်ၸိုင်ႈမိူင်း တူၵ်းလူင်းၵၼ်ယဝ်ႉတူဝ်ႈလီငၢမ်းသေ တေႁွင်ႉႁႅင်း ၵၢၼ်လူၺ်ႈ လိၵ်ႈႁူမ်ႈမၢႆ MOU ဝႃႈၼႆ။ ၽူႈမီးပုၼ်ႈၽွၼ်းႁွင်ႈ ၵၢၼ်ၾၢႆႇႁႅင်းၵၢၼ်မိူင်းမၢၼ်ႈ ၵေႃႉၼိုင်ႈ လၢတ်ႈတီႈၶၢဝ်ႇ VOA ဝႃႈ - ႁူင်းၸၢၵ်ႈ ဢၼ်မီးတီႈၵိင်ႇၸႄႈမိူင်း တိူဝ်ႇႁူင် (Dehong)...

ၸုမ်းၼႅင်ႈသၢၼ်ႁႅင်းၵၢၼ် မိူင်းထႆး ပွတ်းႁွင်ႇ 10 ၸုမ်းပၢႆ ႁူပ်ႉဢုပ်ႇၵၼ် တီႈဝဵင်းၵဵင်းမႂ်ႇ တႃႇၵႄႈလိတ်ႈပၼ်ႁႃ ႁႅင်း ၵၢၼ်ၸိူဝ်းဢမ်ႇလႆႈႁပ်ႉ လွင်ႈၽဵင်ႇပဵင်းပဵၼ်ထမ်း။ ဝၼ်းတီႈ 4/4/2024 ယၢမ်းၵၢင်ၼႂ် 9 မူင်းထိုင် 5 မူင်း ဝၢႆးဝၼ်း (ၶၢဝ်းယၢမ်းထႆး) ၸုမ်းၼႅင်ႈသၢၼ်ႁႅင်းၵၢၼ် မိူင်းထႆး ပွတ်းႁွင်ႇ ႁူပ်ႉဢုပ်ႇၵၼ် တီႈႁိမ်းၽၵ်းတူတႃႈပႄး...

ရူတ်ႉၵႃး ယုၵ်ႉၶူဝ်းၶွင်ၼႂ်းႁူင်းၸၢၵ်ႈၸိုၼ်း တီႈၸႄႈဝဵင်းရယွင်း ၸႄႈတွၼ်ႈၶျူၼ်ႊပူႊရီႊ မိူင်းထႆး တဵင်သႂ်ႇႁႅင်းၵၢၼ်ယၢၼ်မိူင်း တၢႆ 6 ၵေႃႉ လွင်ႈၼႆႉ ပဵၼ်ၵႂႃႇမိူဝ်ႈဝၼ်းတီႈ 29 လိူၼ် မၢတ်ႊၶျ်ၼႆႉ ၾၢႆႇတၢင်းၶွမ်ႊပၼီႊ တူၵ်းလူင်းတေသၢႆႈတႅၼ်းၶိုၼ်း ၵေႃႉလၢၼ်ႉႁူၵ်းသႅၼ်ဝၢတ်ႇ ဝႃႈၼႆ။ ၵႃႈသၢႆႈတႅၼ်းၼၼ်ႉ တေသၢႆႈတႅၼ်းပၼ်ႁႂ်ႈယဝ်ႉ ၼႂ်းၶၢဝ်းတၢင်း 2 ဝူင်ႈ၊ ယၢမ်းလဵဝ်တႄႉ ပၼ်ဝႆႉၵေႃႉ...

ၵူၼ်းၼုမ်ႇ ႁႅင်းၵၢၼ် ဢၼ်ၸွႆႈၶဝ်ႈၼမ်ႉတၢင်းၵိၼ် ပၼ်ၸုမ်းယိုဝ်းသိုၵ်းမၢၼ်ႈ ၵိုင်ႉၵၢင်ႉတၢႆ မိူၼ်ၺႃး ဝၢင်းယႃႈမိူဝ်ႇ။ ၵူၼ်းၼုမ်ႇမိူင်းမၢၼ်ႈ ႁႅင်းၵၢၼ်ယၢၼ်မိူင်း ဢၼ်ၸွႆႈထႅမ်ၵၢၼ်တေႃႉ သူင်ႇၶဝ်ႈၼမ်ႉတၢင်းၵိၼ်ပၼ် ၸုမ်းၵႅတ်ႇၶႄ ၵူၼ်းမိူင်း ၵေႃႉၼိုင်ႈ  ၵိုင်ႉၵၢင်ႉတၢႆၵႂႃႇ တီႈၼႂ်းၸႄႈတွၼ်ႈသမုတ်ႇသႃၶွၼ်း မိူင်းထႆး မိူဝ်ႈဝၼ်းတီႈ 11 လိူၼ်မၢတ်ႊၶျ် ၼႆႉ။ မၼ်းၸၢႆး ၸိုဝ်ႈႁွင်ႉ - ၵူဝ်ႇၵျေႃႇတူႇထုၼ်း (ၸေႃးတႃး)...