ၸဝ်ႈၼႃႈတီႈထႆး ၸိူဝ်းပႂ်ႉဢဝ်ႁူမ်ႇလူမ်ႈ ၼႂ်းၸႄႈဝဵင်းမႄႈသွတ်ႇ လႅၼ်လိၼ်ထႆး - မၢၼ်ႈၼၼ်ႉ ၵူတ်ႇထတ်းတီႉၺွပ်းလႆႈ ႁႅင်းၵၢၼ်ၵူၼ်းမိူင်းမၢၼ်ႈ 5 ၵေႃႉ ၸိူဝ်းဢမ်ႇမီးဝတ်းဝႂ်သင် ဝႃႈၼႆ။ ဝၼ်းတီႈ 14/07/2025 ယၢမ်းၵၢင်ၶမ်ႈ 7 မူင်းၶိုင်ႈ ၸဝ်ႈၼႃႈတီႈထႆး ၵူတ်ႇထတ်းတီႉၺွပ်းလႆႈ ႁႅင်းၵၢၼ်မိူင်းမၢၼ်ႈ 3 ၵေႃႉ တီႈၵဵတ်ႉလၢၼ်ႇ ၼႂ်းပွၵ်ႉ 6...

ဝၼ်းတီႈ 16/06/2024 ၼႆႉ တူၵ်းမႅၼ်ႈဝၼ်း ၵူၼ်းႁဵတ်းၵၢၼ်ၼႂ်းႁိူၼ်းယေး လုမ်ႈၾႃႉ (ဝၼ်းမႄႈ ဝၢၼ်ႈ လုမ်ႈၾႃႉ) ၼႆသေ ယူႇတီႈ ၸုမ်းၵူၼ်းႁဵတ်းၵၢၼ်ၼႂ်းႁိူၼ်းယေး တီႈဝဵင်းၵဵင်းမႂ်ႇတင်း မုလ်ၼိထိမႅပ်ႉ (MAP Foundation) ႁူမ်ႈၵၼ်ၸတ်းႁဵတ်းပၢင်ႁူပ်ႉထူပ်း ပိၼ်ႇပၢႆႇလႅၵ်ႈလၢႆႈပၼ်တၢင်းႁူႉၵၼ် သေဢမ်ႇၵႃး လႆႈယိုၼ်ႈလိၵ်ႈ တုၵ်းယွၼ်းသုၼ်ႇလႆႈ တီႈလူင်ပွင်ၸိုင်ႈထႆးထႅင်ႈလၢႆဢၼ်။ မိူဝ်ႈၼႆႉ ဝၼ်းတီႈ 16/06/2025...

လုမ်ႈၾႃႉၼႆႉ ၶိုတ်းၵၢပ်ႈမႃးၵႃႈႁိုဝ်ၵေႃႈ ဢၼ်ႁဵတ်းႁႂ်ႈဢႃယုယိုၼ်းယၢဝ်းလႄႈ ပၢႆးယူႇလီတဵမ်ထူၼ်ႈ ၼႆႉ ပႆႇမီး။ ယႃႇဝႃႈ ဢႃယုတေယၢဝ်း သမ်ႉၶႅၼ်းပွတ်းၵႂႃႇတိၵ်းတိၵ်း။ တၢင်းပဵၼ်ၵေႃႈ ၸေးမႃးတိၵ်း တိၵ်း။ တၢင်းပဵၼ်သႅၼ်းၵဝ်ႇ ယင်းပႆႇႁၢႆ ဢၼ်မႂ်ႇပေႃးမႃးတႅၼ်းထႅင်ႈ။ ၸိူဝ်ႉမႅင်းတၢင်းပဵၼ်ၸပ်းငၢႆႈ ႁၢႆယၢပ်ႇၼႆႉ ပေႃးမၼ်းလႆႈမီးယဝ်ႉ တႃႇတေႁၢႆလၢႆၵႂႃႇဢမ်ႇငၢႆႈ။ မိူၼ်ၼင်ႇ တၢင်းပဵၼ် HIV / AIDS...

ၸဝ်ႈၼႃႈတီႈထႆး ၶဝ်ႈၵူတ်ႇထတ်းတီႈယူႇႁွင်ႈသဝ်းႁႅင်းၵၢၼ် 4 ဢွင်ႈတီႈ ၼႂ်းဝဵင်းၽူးၵဵတ်ႇ မိူင်း ထႆးသေ တီႉၺွပ်းလႆႈႁႅင်းၵၢၼ်သူႇသမ်းယႃႈမဝ်းၵမ်ဝႆႉ 6 ၵေႃႉၼႆ - ပိုၼ်ၽၢဝ်ႇဢွၵ်ႇဝႆႉ ၼႂ်းဝၼ်း တီႈ 28/05/2025 ၼႆႉၼင်ႇၼႆ။ တႃႇတေၽဵဝ်ႈမူၺ်ႉယႃႈမဝ်းၵမ်ၼႆသေ ၸဝ်ႈၼႃႈတီႈထႆးလၢႆ ႁွင်ႈၵၢၼ် ၶဝ်ႈၵူတ်ႇထတ်းတီႈ ဝဵင်းၽူးၵဵတ်ႇ၊ ၵူတ်ႇထတ်းပႃး ဢွင်ႈတီႈႁႅင်းၵၢၼ်ယူႇသဝ်း၊ ဝၼ်းၼၼ်ႉ ၵူတ်ႇထတ်းႁႅင်းၵၢၼ်...

ၶၢဝ်းၽွင်းဝၢၼ်ႈမိူင်းယုင်ႈၼႆႉ ၵူၼ်းမိူင်းႁူမ်ႈတုမ် ၽၢတ်ႇႁိူၼ်းယေးသေ ၶဝ်ႈမိူင်းထႆးတင်းၼမ်။ ၼႂ်းၵႄႈၼၼ်ႉ သမ်ႉၺႃးပၵ်းပိူင်ၸိုင်ႈမိူင်း မိူင်းထႆး - မိူင်းမၢၼ်ႈ ႁိပ်ႇထႅင်ႈလႄႈ ယူႇယၢပ်ႇၼႂ်းၵႄႈမိူင်းပိူၼ်ႈ။ ၼႂ်းပီ 2025 ၼႆႉ ပၼ်ႁႃလွင်ႈဝတ်းဝႂ်ၼမ်ၶိုၼ်ႈမႃး။ ၸိူဝ်းတေႃႇဝီႊသႃႊပႆႇ လႆႈၸိူဝ်းၼႆႉၵေႃႈ မီးတင်းၼမ်။ ၵမ်ႈၼမ် ပၼ်သဵၼ်ႈၸိုဝ်ႈတႃႇတေႃႇဝီႊသႃႇသေ သဵင်ႈငိုၼ်းဝႆႉယဝ်ႉသေတႃႉ ပႆႇလႆႈတွၵ်ႇၸုမ်ႈ ပဵၼ်တၢင်းၵၢၼ် ၵေႃႈမီး။ ၵူၺ်းၵႃႈ...

ႁွင်ႈၵၢၼ် ၽွင်းလူင် ၾၢႆႇႁႅင်းၵၢၼ်မိူင်းထႆး ဢွၵ်ႇလိၵ်ႈမွၵ်ႇႁွင်ႉၸုမ်းပေႃႈလဵင်ႉ ၸဝ်ႈၵၢၼ်ငၢၼ်း တႃႇမႃးဢုပ်ႇဢူဝ်းၵၼ်လွင်ႈ “ႁႅင်းၵၢၼ်ယိင်းယွၼ်းလိုဝ်ႈလူၺ်ႈဢမ်ႇထုၵ်ႇတတ်းၵႃႈႁႅင်း ၼႂ်းဝၼ်း လိူတ်ႈႁူဝ်လိူၼ်မႃး” ဢၼ်ၸုမ်းတူင်ႉၼိုင်သုၼ်ႇလႆႈႁႅင်းၵၢၼ် တုၵ်းယွၼ်းဝႆႉယူႇၵူႈပီ။ လိူဝ်ၼၼ်ႉ မီးၽႅၼ်ၵၢၼ်ပႃး တေဢုပ်ႇၵုမ်လွင်ႈ တႃႇဝႆႉပၼ်ၽႃႈဢွမ်ႈ တႃႇၸႂ်ႉၼႂ်းႁူဝ်လိူၼ် ၼၢင်းယိင်း၊ ႁႂ်ႈလႆႈဢဝ်ၸႂ်ႉၾရီး တေဝႆႉပၼ်ၼႂ်းလၢႆလၢႆပိုၼ်ႉတီႈ ၸဵမ်ၸိူဝ်းၼႆႉ။ လွင်ႈၼႆႉ လူင်ပွင်ၸိုင်ႈထႆးလႄႈ ၸုမ်းပေႃႈလဵင်ႉ တေဢုပ်ႇၵၼ်သေ သင်ဝႃႈတူၵ်းလူင်းလႆႈ ၸင်ႇ...

ရူတ်ႉၵႃးလမ်းၼိုင်ႈ တၢင်ႇႁႅင်းၵၢၼ်မိူင်းမၢၼ်ႈ 15 ၵေႃႉသေ ၶဝ်ႈၼႂ်းမိူင်းထႆးဢမ်ႇမႅၼ်ႈတၢင်းၵၢၼ် ၺႃးၸဝ်ႈၼႃႈတီႈထႆး တီႉၺွပ်းလႆႈ ဝႃႈၼႆ။ ဝၼ်းတီႈ 13/05/2025 ယၢမ်းၵၢင်ၶမ်ႈ ၸဝ်ႈၼႃႈတီႈထႆး ၸိူဝ်းပႂ်ႉဢဝ်ႁူမ်ႇလူမ်ႈ ၼႂ်းၸႄႈတွၼ်ႈ ၵၼ်ၶျၼပူႊရီႊ ဢၢၼ်းတေၵူတ်ႇထတ်း ရူတ်ႉၵႃးလမ်းၼိုင်ႈ ဢၼ်တၢင်ႇႁႅင်းၵၢၼ်မိူင်းမၢၼ်ႈဝႆႉ။ ၸဝ်ႈၵႃး ဢမ်ႇယွမ်းၵိုတ်းသေ ႁေႃႈပၢႆႈ။ ဝၢႆးပလိၵ်ႈ လမ်းၸွမ်းတၢင်းလင် ရူတ်ႉၵႃးၼၼ်ႉ တမ်ၶဝ်ႈၵႂႃႇၼႂ်းသူၼ်ဢွႆႈသေ ၺႃးတီႉၺွပ်း...

ၵူၼ်းမိူင်းသႅၼ်ဝီ ၸိူဝ်းၵႂႃႇႁဵတ်းၵၢၼ် ပိတ်းထူဝ်ႇ လႄႈ ၵိၼ်ၸၢင်ႈၸွမ်းဝၼ်း ႁဵတ်းၵၢၼ်ၵေႃႇသၢင်ႈ တီႈႁူဝ်ပၢင်ႇ လႄႈ ၼမ်ႉတိုၵ်း  ၼႂ်းၼႃႈတီႈ သိုၵ်းဝႃႉ UWSA ၵုမ်းၵမ်ၼၼ်ႉ ၺႃးလၢဝ်းပၢၼ်းၶႄႇ လွၵ်ႇလႅၼ် ဢမ်ႇၸၢႆႇပၼ် ၵႃႈႁႅင်း ႁဵတ်းၵၢၼ်လႄႈ ႁဵတ်းႁႂ်ႈၵူၼ်းႁဵတ်းၵၢၼ်ႁူပ်ႉတၢင်းယၢပ်ႇၵိၼ်းၸႂ်။ ၼင်ႇႁိုဝ်တေလႆႈၵႃႈမႃႇၵႃႈႁႅင်း ႁဵတ်းၵၢၼ်ၼၼ်ႉ ၵူၼ်းႁဵတ်းၵၢၼ် ႁူမ်ႈၵၼ်ၵႂႃႇယွၼ်းယူႇသေတႃႉ...

ႁွင်ႈၵၢၼ် ၾၢႆႇၸီႉသင်ႇႁႅင်းၵၢၼ် တႂ်ႈသိုၵ်းမၢၼ်ႈၵုမ်းၵမ် ပိုၼ်ၽၢဝ်ႇပၼ်ၾၢင်ႉဝႆႉဝႃႈ မီးလွင်ႈမၵ်းတတ်းဝႆႉ ႁူဝ်ၼပ်ႉႁႅင်းၵၢၼ် ၸိူဝ်းတေလႆႈၶႂၢင်ႉ သူင်ႇၵႂႃႇႁဵတ်းၵၢၼ်ၼွၵ်ႈမိူင်း ဝႃႈ ၼႆ။ ယူႇတီႈ ၸုမ်းႁႃပၼ်ၵၢၼ်ၼွၵ်ႈမိူင်းၶဝ်သေ သင်တေသူင်ႇႁႅင်းၵၢၼ် ၵႂႃႇၼွၵ်ႈမိူင်းၸိုင် ၼိုင်ႈၸုမ်းလႂ် တႃႇမိူင်းထႆး ယိုၼ်ႈတၢင်ႇလႆႈ 50 ၵေႃႉ၊ မိူင်းၵျပၼ်ႊ 15 ၵေႃႉလႄႈ မိူင်းၵူဝ်ႊရီႊယိူဝ်ႊၸၢၼ်း 10 ၵေႃႉ။...

ၼႂ်းပီ 2025 ၼႆႉ သိုၵ်းမၢၼ်ႈ ပိုၼ်ၽၢဝ်ႇ ဢွၵ်ႇပိူင်ႁၢပ်ႇထၢမ်းၵၢၼ်သိုၵ်း ႁွင်ႉဢဝ်ပႃးၼၢင်းယိင်းသေ ၾၢႆႇၽွင်းငမ်း ဢၼ်ယူႇတႂ်ႈသိုၵ်းမၢၼ်ႈၵေႃႈ ဢွၼ်ၵဵပ်းသဵၼ်ႈၸိုဝ်ႈတႃႇႁၢပ်ႇထၢမ်းၵၢၼ်သိုၵ်း မႃးၵူႈဝၼ်း။ ၵဵဝ်ႇလူၺ်ႈလွင်ႈၼႆႉ ၼၢင်းယိင်းၶဝ်မီးလွင်ႈယၢပ်ႇၽိုတ်ႇသင် မီးတၢင်းႁၢၼ်ထိုင်ၸိူင်ႉႁိုဝ်ၼႆ ႁဝ်းၶႃႈ ၸုမ်းၶၢဝ်ႇၽူႈတွႆႇႁွၵ်ႈ တွင်ႈထၢမ်ဝႆႉ ၽူႈတူင်ႉၼိုင် ၸွႆႈထႅမ်တူင်ႇဝူင်းႁႅင်းၵၢၼ် တီႈဝဵင်းၵဵင်းမႂ်ႇ ၸိုင်ႈထႆး ဝႆႉၼင်ႇၼႆ။ တႃႇတေၵဵပ်းသိုၵ်းၼႆႉ လူဝ်ႇထွမ်ႇသဵင်ၵၢင်ၸႂ်ၵူၼ်းမိူင်းၵွၼ်ႇ ၼၢင်းၸေႃးယဵၼ်ႇ ၸုမ်းႁူမ်ႈတုမ်ႁႅင်းၵၢၼ် “ၶၢဝ်းယၢမ်းမိူဝ်ႈလဵဝ်ၼႆႉ...

ဝၼ်းတီႈ 12/03/2025 ၼႆႉ ယူႇတီႈ ႁွင်ႈၵၢၼ် ၾၢႆႇၽွင်းလူင်ႁႅင်းၵၢၼ်မိူင်းထႆး ပိုၼ်ၽၢဝ်ႇဢွၵ်ႇဝႆႉပဵၼ် တၢင်းၵၢၼ်ဝႃႈ ႁႅင်းၵၢၼ်ယၢၼ်မိူင်း 3 ၸိုင်ႈမိူင်း မိူၼ်ၼင်ႇ မိူင်းလၢဝ်း၊ မိူင်းႁူမ်ႈတုမ်မၢၼ်ႈလႄႈ မိူင်းၵမ်ႇ ပူးၶျႃး ၸိူဝ်းၼႆႉ သင်ဝႃႈ တေပွၵ်ႈမိူဝ်းလႄႇႁိူၼ်း ၽွင်းၶၢဝ်းပွႆးသွၼ်းၼမ်ႉၼႆ တီႈၵဵတ်ႉ/ လၢၼ်ႇလႅၼ်လိၼ် ၸိူဝ်းၼႆႉ တေဢမ်ႇၵဵပ်းၵႃႈ...

ၵူၼ်းၼုမ်ႇႁႅင်းၵၢၼ်တႆး 2 ၵေႃႉ ၵႂႃႇလဵၼ်ႈသၼုၵ်ႊၵိူဝ်ႊ(ပိလိယႅတ်ႉ) သေ ၺႃးၸုမ်းၵူၼ်းၼုမ်ႇထႆး ဢမ်ႇႁူႉၾၢႆႇၸုမ်းၼိုင်ႈ ပေႃႉထုပ်ႉၶဝ် ထိုင်တီႈလႆႈမၢတ်ႇၸဵပ်းႁၢဝ်ႈႁႅင်း။ ပူၼ်ႉမႃး ဝၼ်းတီႈ 10/03/2025 ယၢမ်းၵၢင်ၶိုၼ်း ၵူၼ်းၼုမ်ႇတႆး ဢွၼ်ႇၸၢႆး ဢႃယုမွၵ်ႈ 20 ပီ 2 ၵေႃႉ ၵႂႃႇလဵၼ်ႈသၼုၵ်ႊၵိူဝ်ႊ တီႈၼႂ်းဝဵင်းၵဵင်းမႂ်ႇ ၸိုင်ႈထႆး တီႈၼိုင်ႈ ၺႃးၸုမ်း...

ၽွင်းငဝ်းလၢႆးဝၢၼ်ႈမိူင်းၼႂ်းၸိုင်ႈတႆး တိုၵ်ႉသုၵ်ႉၸွမ်းၵၢၼ်သိုၵ်းၵၢၼ်သိူဝ်ယူႇၼႆႉ ၵူၼ်းမိူင်းတႆး ၸိူဝ်းယၢၼ်ၵႆႁိူၼ်းသေ တူၵ်းယူႇၼႂ်းမိူင်းပိူၼ်ႈၵေႃႈ လႆႈၼႃႈလဵၵ်ႉတႃၼွႆႉ ဢမ်ႇလႆႈယူႇသႃႇ ၵႂႃႇတၢင်းလႂ်ၵေႃႈ လႆႈၵူဝ်လႆႈႁႄ။ ၵူၼ်းမိူင်းတႆး ပၢႆႈၶဝ်ႈမိူင်းထႆး ၼပ်ႉႁူဝ်သိပ်းသႅၼ် ပၢႆႈယဝ်ႉပၢႆႈထႅင်ႈၵေႃႈ ပႆႇထိုင် တီႈၵတ်းယဵၼ်ၸႂ်လႆႈ။ တႃႇၵူၼ်းၸိူဝ်းပွင်ပဵၼ်လႆႈတႄႉ ငဝ်းလၢႆးပၼ်မႃးၸိူင်ႉႁိုဝ်ၵေႃႈ ၶၢမ်ႈပူၼ်ႉယူႇၵႂႃႇလႆႈၵူႈဝၼ်းဝၼ်း ယူႇသေတႃႉ ၵူၼ်းၸိူဝ်းႁႃၸဝ်ႉၵိၼ်ၶမ်ႈ လူဝ်ႇလဵင်ႉလူတူၺ်းထိုင်ၼႂ်းၼႃႈႁိူၼ်းတႄႉ ၵိၼ်းၸႂ်ႁႅင်းဝႆႉ။ လိူဝ်သေ လႆႈမႆႈၸႂ်တႃႇယူႇတႃႇၵိၼ် တႃႇဝတ်းတႃႇဝႂ်ယဝ်ႉ သမ်ႉယူႇယၢပ်ႇၼႂ်းၵႄႈပိူၼ်ႈထႅင်ႈ။...

ၵႆႉလႆႈငိၼ်းဝႃႈ “ပေႃးမီးၼီႈ ၸင်ႇမီးၼႃႈမီးတႃ” - “ပေႃးမီးၼႃႈမီးတႃ ၸင်ႇမီးၼီႈ” ၼႆသေ ပီႈၼွင်ႉတႆး ၵမ်ႈၼမ် ၵႆႉဢဝ်ၵႂၢမ်းၶေႃႈၼႆႉ ပၼ်ႁႅင်းၸႂ်ၵၼ်မႃးတႃႇသေႇယဝ်ႉ။ ပေႃးမႃးပိုတ်ႇ တီႈပွင်ႇၶေႃႈၵႂၢမ်းဢၼ်ဝႃႈ “ၼီႈ” ၼႆၼၼ်ႉ ၼီႈၼႆႉ ပွင်ႇဝႃႈ ႁိမ်မႃးၵူႈမႃးသေၵေႃႉၵေႃႉ မိူၼ်ၼင်ႇ ၶူဝ်းၶွင်သေဢၼ်ဢၼ် ငိုၼ်းတွင်း ၸိူဝ်းၼႆႉ ႁိမ်မႃးယဝ်ႉ တၵ်းတေလႆႈသၢႆႈတႅၼ်းၶိုၼ်း။...

ႁႅင်းၵၢၼ်မိူင်းမၢၼ်ႈ 200 ပၢႆ ဢၼ်ၺႃးတီႉၺွပ်း ၼႂ်းမိူင်းထႆးပွတ်းၸၢၼ်းၼၼ်ႉ ဝၢႆးပူၼ်ႉလွတ်ႈတၢမ်ႇတၢင်းၽိတ်းယဝ်ႉ ထုၵ်ႇၸဝ်ႈၼႃႈတီႈၶဝ် သူင်ႇတူဝ်ပွၵ်ႈၶိုၼ်းမိူင်းမၢၼ်ႈၼႆ - သိုဝ်ႇၶၢဝ်ႇ Bangkok Post ဢွၵ်ႇဝႆႉ မိူဝ်ႈဝၼ်းတီႈ 24/02/2025 ၼႆႉၼင်ႇၼႆ။ ႁႅင်းၵၢၼ်မိူင်းမၢၼ်ႈ ၸိူဝ်းၺႃးသူင်ႇတူဝ်ပွၵ်ႈၶိုၼ်းမိူင်းမၢၼ်ႈၼႆႉ ပဵၼ်ၸၢႆး 198 ၵေႃႉ ၊ ယိင်း 2 ၵေႃႉ။...