Saturday, June 22, 2024

ၾူၼ်တူၵ်းႁႃႇယႂ်ႇ တီႈမိူင်းၼၢႆႊၵျီႊရီႊယႃႊ ၼမ်ႉထူမ်ႈၶွၵ်ႈလူင် ၵူၼ်းတူၵ်းၶွၵ်ႈပၢႆႈလွတ်ႈ 100 ပၢႆ

Must read

ၾူၼ်တူၵ်းႁႃႇယႂ်ႇ တီႈဝဵင်းလူင်သူႇလေႇၵျႃႇ မိူင်းၼၢႆႊၵျီႊရီႊယႃႊ ၼမ်ႉထူမ်ႈၶွၵ်ႈလူင် ၵူၼ်းတူၵ်းၶွၵ်ႈပၢႆႈ လွတ်ႈဝႆႉ 119 ၵေႃႉ  ၽွင်းလူင်ၾၢႆႇၼႂ်းမိူင်း ပိုၼ်ၽၢဝ်ႇဝႆႉ မိူဝ်ႈဝၼ်းတီႈ 25 ၼႆႉ ၼင်ႇၼႆ။

ၾူၼ်တူၵ်းၼမ်ႉထူမ်ႈၶွၵ်ႈၵွႆၵႂႃႇ မိူဝ်ႈဝၼ်းတီႈ 24/04/2024 ယၢမ်းၵၢင်ၶမ်ႈသေ ၵူၼ်းတူၵ်းၶွၵ်ႈပၢႆႈလွတ်ႈၵႂႃႇ ပလိၵ်ႈၸွမ်းလိုပ်ႈလမ်းတီႉၺွပ်း တေႃႇထိုင်ယၢမ်းလဵဝ် တီႉလႆႈၶိုၼ်း 10 ၵေႃႉ လိူဝ်ၼၼ်ႉ 100 ပၢႆတႄႉ တိုၵ်ႉၸွမ်းႁႃဝႆႉယူႇ ဝႃႈ ၼႆ။  

- Subscription -

ၶွၵ်ႈလူင်ဢၼ်ၼႆႉ ၶင်ဝႆႉၵူၼ်း ထိုင် 250 ၵေႃႉ၊ မိူဝ်ႈပဵၼ်ပၼ်ႁႃၵၼ်တင်း ၸုမ်းလုၵ်ႉၽိုၼ့် ဢိတ်ႉသ်လမ်ႊမိၵ်ႉၶဝ်ၼၼ်ႉ ယၢမ်ႈၶင်ထိုင် 499 ၵေႃႉ လူးၵွၼ်ႇ ၽွင်းလူင်ၾၢႆႇၼႂ်းမိူင်းလၢတ်ႈၼင်ႇၼႆ။

ဢိင်ၼိူဝ်ငဝ်းလၢႆး ၼႂ်းပိုၼ်ႉတီႈဢမ်ႇၼိမ်သဝ်း ငိုၼ်းဢမ်ႇမီးၼမ်လႄႈ ၶွၵ်ႈၵေႃႈ ဢမ်ႇလႆႈမႄး ၸင်ႇဝႃႈ ပေႃးထူပ်း ၽေးသၽႃႇဝၵေႃႈ ၶွၵ်ႈၵွႆသေ ၸင်ႇမီးၵူၼ်းလႅၼ်ႈပၢႆႈလႆႈ ဝႃႈၼႆ။

တီႈမိူင်းၼၢႆႊၵျီႊရီႊယႃႊၼႆႉ ၸုမ်းယိပ်းၵွင်ႈၶဝ်ႈယိုဝ်းလႄႈ ၵူၼ်းတူၵ်းၶွၵ်ႈမိူင်းၶဝ် ယၢမ်ႈပၢႆႈလွတ်ႈၼပ်ႉႁူဝ်ႁဵင်။ ၼၼ်ႉၵေႃႈ လူင်ပွင်ၸိုင်ႈ ၸိုင်ႈမိူင်းၶဝ်ဢမ်ႇလမ်းတီႉလႆႈၶိုၼ်း – ၶၢဝ်ႇရၢႆႊထိူဝ်ႊ CNN တႅမ်ႈ တၢင်ႇဝႆႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း