ၽွင်းၶၢဝ်းတၢင်းပဵၼ်ၶူဝ်ႊဝိတ်ႉ 19 ၽႄႈလၢမ်းယူႇၼႂ်းမိူင်းႁူမ်ႈတုမ်ႁၢဝ်ႈႁႅင်း မႅၼ်းၽွင်းၶၢဝ်းပႃႇတီႇၵၢၼ်မိူင်းလူဝ်ႇလူင်း သူၼ်းတုမ်ႁႃသဵင် ၵူၼ်းမိူင်း တႃႇတေဢွင်ႇပေႉပၢင်လိူၵ်ႈတင်ႈၼၼ်ႉ ပဵၼ်လွင်ႈယၢပ်ႇၽိုတ်ႇၵၼ်ဝႆႉလႄႈ ပႃႇတီႇတႆးလႆႈ ၸႂ်ႉ ၾေႉသ်ပုၵ်ႉ သေၸွႆႈႁႃသဵင်ဝႃႈၼႆ။ တႄႇဢဝ် ဝၼ်းတီႈ 8/9/2020 ၼႆႉၵႂႃႇ ၶၢဝ်းတၢင်း 2 လိူၼ် ႁိုဝ် 60 ဝၼ်းၼၼ်ႉ ယူႇတီႈၶွမ်ႊမသျိၼ်ႊၵၢၼ်လိူၵ်ႈတင်ႈ မိူင်းႁူမ်ႈတုမ် ပိုၼ်ၽၢဝ်ႇပၼ်ၶႂၢင်ႉၸုမ်းပႃႇတီႇပၢႆးမိူင်း...

ပႃႇတီႇတဢၢင်း TNP တႅမ်ႈလိၵ်ႈသူင်ႇထိုင် ၶွင်ႇသီႇဢဝ်ၶိုၼ်းၸိုင်ႈတႆး RCSS/SSA ပွင်ႇလႅင်းၸႅင်ႈၸူး လွင်ႈတေလူင်းပိုၼ်ႉတီႈ ႁႃသဵင် ၼႂ်းပိုၼ်ႉတီႈ ၼႂ်းၸႄႈတွၼ်ႈ လွႆလႅမ် လၢင်းၶိူဝ်းၼၼ်ႉ လႆႈလွတ်ႈလႅဝ်း သေ မီးလွင်ႈလူင်ႉလႅင်းပွင်ႇၸႂ်ၵၼ်။ တႄႇဝၼ်းတီႈ 8/9/2020 ၼႆႉမႃး ၶွမ်ႊမသျိၼ်ႊပၢင်လိူၵ်ႈတင်ႈ မိူင်းႁူမ်ႈတုမ် ပိုၼ်ၽၢဝ်ႇ ပၼ် ပႃႇတီႇၵၢၼ်မိူင်းတၢင်းလၢႆ တႄႇၵၢၼ်ႁႃသဵင်လိူၵ်ႈတင်ႈ၊ ၵွပ်ႈၼၼ်...

ၶွမ်ႊမသျိၼ်ႊၵၢၼ်လိူၵ်ႈ ပိုၼ်ၽၢဝ်ႇဝႃႈ တႄႇဢဝ်မိူဝ်ႈၼႆႉ ဝၼ်းတီႈ 8/9/2020 ၵႂႃႇ ၶၢဝ်းတၢင်း 2 လိူၼ် (60) ဝၼ်း ပႃႇတီႇၵၢၼ်မိူင်း တႄႇလူင်းႁႃသဵင်လႆႈယဝ်ႉသေတႃႉ ယွၼ်ႉၶေႃႈႁၢမ်ႈတၢင်းပဵၼ်ၶူဝ်ႊဝိတ်ႉ 19 သေ ယူႇတီႈ ပႃႇတီႇ TNP တဢၢင်း ႁူပ်ႉတၢင်းယၢပ်ႇ တႃႇႁႃသဵင် ၼႂ်းမိူင်းတႆးပွတ်းၸၢၼ်း။ ယူႇတီႈ ပႃႇတီႇၸိူဝ်ႉၸၢတ်ႈ...

ပၢင်ၵုမ်လူင်လဵပ်ႈႁဵၼ်းလွင်ႈတႆး ၵူႈမိူင်းမိူင်း ပွၵ်ႈၵမ်း 2 ဢၼ်ၸတ်းႁဵတ်းတီႈ ဝဵင်းမႄႈႁွင်ႈသွၼ် ၸႄႈတွၼ်ႈမႄႈႁွင်ႈသွၼ် မိူင်းထႆးတွၼ်ႈၼိူဝ်ၼၼ်ႉ ၽူႈလူင်ႉလႅၼ်ႇလွင်ႈတႆး၊ ၽူႈသူၼ်ၸႂ် လဵပ်ႈႁဵၼ်း လွင်ႈတႆး ၶဝ်ႈႁူမ်ႈၼပ်ႉႁူဝ်ပၢၵ်ႇ။ ပၢင်ၵုမ်လူင်လဵပ်ႈႁဵၼ်းလွင်ႈတႆးၼႆႉ ၸတ်းႁဵတ်း ဝၼ်းတီႈ 4-6/9/2020 ၶၢဝ်းတၢင်းသၢမ်ဝၼ်းၼၼ်ႉ ၸတ်းႁဵတ်း 2 ႁွင်ႈ မီးၵူၼ်းၶဝ်ႈႁူမ်ႈ 500 ပၢႆ ။...

တၢင်းမိူင်းမၢၼ်ႈ၊ မိူင်းရၶႅင်ႇ ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ 19 ပုင်ႈၶိုၼ်ႈႁႅင်း၊ ၼႂ်းၸႄႈဝဵင်းမိူင်းယၢင်း ၸိုင်ႈ တႆးပွတ်းဢွၵ်ႇၶူင်းၵေႃႈ မီးၵူၼ်းတိတ်းၸပ်းၸိူဝ်ႉမႅင်း 3 ၵေႃႉလႄႈ ၵူၼ်းမိူင်းတႆး ပွတ်းဢွၵ်ႇၶူင်း လၢႆလၢႆၸႄႈဝဵင်း - ၵဵင်းတုင်၊ တႃႈၶီႈလဵၵ်း၊ မိူင်းသၢတ်ႇ ၸိူဝ်းၼႆႉ ပိၵ်ႉတၢင်း ၵူတ်ႇထတ်း တၢင်းပဵၼ်ၶူဝ်ႊဝိတ်ႉ 19 တီႈတၢင်းၶဝ်ႈဢွၵ်ႇဝဵင်း။  ႁူဝ်လိူၼ်ၼႆႉမႃး...

ၵူၼ်းမိူင်းရၶႅင်ႇဢၼ်မႃးႁဵတ်းၵၢၼ်သူၼ်ၵူၺ်ႈတီႈ သိုဝ်လိုဝ်း မိူင်းယၢင်း ၸႄႈတွၼ်ႈၵဵင်းတုင် ၸိုင်ႈတႆးပွတ်းဢွၵ်ႇ ဢၼ်မီးၸိူဝ်ႉမႅင်းၶူဝ်ႊဝိတ်ႉ-19 – 3 ၵေႃႉၼၼ်ႉ လႆႈႁူပ်ႉထူပ်းၵၼ်တင်း ၵူၼ်း 138 ၵေႃႉလႄႈယၢမ်းလဵဝ်တိုၵ်ႉ ဢဝ်ၼမ်ႉမုၵ်ႈၼမ်ႉလၢႆးၶဝ်သူင်ႇၵူတ်ႇထတ်းဝႆႉ ဝႃႈၼႆ။ တွၵ်ႊတိူဝ်ႊ ပႃႉၸူဝ်းတႅတ်ႉ ၵႅမ်ၽူႈၸိသင်ႇၾၢႆႇပၢႆးယူႇလီ ၸိုင်ႈတႆးပွတ်းဢွၵ်ႇ လၢတ်ႈဝႃႈ -  တေႃႇထိုင်ဝၼ်းတီႈ 6 ယၢမ်းၵၢင်ၶမ်ႈ ႁဝ်းၶႃႈလႆႈသဵၼ်ႈမၢႆ...

မိူဝ်ႈၼႆႉယၢမ်းၵၢင်ၼႂ် ပေႃႈမႄႈတႄႉ (ဢမ်ႇႁူႉဝႃႈပဵၼ်ၽႂ်)ၵိူတ်ႇလဵင်ႉလုၵ်ႈယဝ်ႉ ဢဝ်လုၵ်ႈလႅင်ထိုမ်ႈတူၵ်းႁူၺ်ႈ ႁူဝ်ဝဵင်းလၢႆးၶႃႈ မီးၵူၼ်းႁူပ်ႉႁၼ်သေ မွၵ်ႇႁွင်ႉၾၢႆႇယူႇလီၵႂႃႇၵူတ်ႇထတ်း၊ ၵူၼ်းၸႂ်လီ ႁပ်ႉဢဝ်ၵႂႃႇလဵင်ႉပဵၼ်လုၵ်ႈပဵၼ်လၢင်း ။ မိူဝ်ႈၼႆႉ ဝၼ်းတီႈ 7/9/2020 ယၢမ်းၵၢင်ၼႂ် မွၵ်ႈ 9 မူင်း မီးၵူၼ်းၵေႃႉၼိုင်ႈ ငိၼ်းသဵင်လုၵ်ႈဢွၵ်ႇႁွင်ႉႁႆႈ ၼႂ်းႁူၺ်ႈ တီႈၵွင်းလွႆႁိၼ်ၵေႃႇ (ဢၼ်မီးႁိမ်းၸမ်ဝၢၼ်ႈမႂ်ႇၵုင်းတီး) ႁူဝ်ဝဵင်းလၢႆးၶႃႈ (ၾၢႆႇဢွၵ်ႇၵႂႃႇၸူးတၢင်းပၢင်လူင်) ပဵၼ်ၾၢႆႇၶႂႃမိုဝ်း။...

ႁူဝ်လိူၼ်သႅပ်ႊထႅမ်ႊၿိူဝ်ႊၼႆႉ တၢင်းပဵၼ် ၶူဝ်ႊဝိတ်ႉၽႄႈၶိုၼ်း၊ ၾၢႆႇၽွင်းငမ်းဝဵင်းမူႇၸႄႈ ႁၢမ်ႈၵူၼ်းၵႂႃႇမႃး ယၢမ်းၵၢင်ၶမ်ႈ ၵၢင်ၶိုၼ်းဝႆႉသေတႃႉ ၵူၼ်းလၵ်ႉသမ်ႉဢွၵ်ႇသွၵ်ႈ ယႃႉႁိူၼ်း ယႃႉယေး ၵူၼ်းမိူင်းသေ ဢဝ်ၶူဝ်းၶွင်ၵႂႃႇ၊ လၵ်ႉဢဝ်ရူတ်ႉၶိူင်ႈ ၵႂႃႇၸိူဝ်းၼႆႉ ထပ်းၵၼ်မႃး။ ဝၼ်းတီႈ 6/9/2020 ၼႆႉ ၵူၼ်းဝၢၼ်ႈ ၼႂ်းပွၵ်ႉၾၢႆႇၸၢၼ်း ဝဵင်းမူႇၸေႊ ၺႃး ၵူၼ်းလၵ်ႉယႃႉတဝ်၊ ဢဝ်ၶူဝ်းၶွင် ၼႂ်းႁိူၼ်း...

ၼႂ်းၸိုင်ႈတႆးပွတ်းႁွင်ႇ ၸႄႈဝဵင်းလႃႈသဵဝ်ႈလႄႈ ၸႄႈဝဵင်းသီႇပေႃႉ ၼၼ်ႉ မီးၵူၼ်းယိပ်းၵွင်ႈ ယိုဝ်းၵူၼ်းဝၢၼ်ႈ 2 ဝၼ်းထပ်းၵၼ် တၢႆၵေႃႉၼိုင်ႈ မၢတ်ႇၸဵပ်းၵေႃႉၼိုင်ႈ။ ဝၼ်းတီႈ 5/9/2020 ၼၼ်ႉ ၽူႈၸၢႆးၵေႃႈၼိုင်ႈ ယူႇၼႂ်းပွၵ်ႉ 7 ဝဵင်းလႃႈသဵဝ်ႈ ၺႃးယိုဝ်း ၊ မၢၵ်ႇၵွင်ႈၶဝ်ႈတီႈဢူၵ်း  တၢႆထင်တီႈ။ ၸၢႆးဝတူင်ႇထုၼ်း ၵူၼ်းၼုမ်ႇၼႂ်းၸုမ်းၸွႆႈထႅမ် “ၵူၼ်းၼုမ်ႇလႃႈသဵဝ်ႈ” လၢတ်ႈဝႃႈ -...

ၶူင်းၵၢၼ်လူင်ပၢႆးမၢၵ်ႈမီး Economic Zone ဢၼ် ၶႄႇ- မၢၼ်ႈ လႆႈၸႂ်ၵၼ် တႃႇၵေႃႇသၢင်ႈ ၸွမ်းလႅၼ်လိၼ်တႆး - ၶႄႇ၊ ၸွမ်းလႅၼ်လိၼ် ၶၢင် - ၶႄႇ ပႃးၸဵမ် ဢၼ်တေ ႁဵတ်းၼႂ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇၼၼ်ႉ ယွၼ်ႉတၢင်း ပဵၼ်ၶူဝ်ႊဝိတ်ႉ 19 သေ ပႆႇၸၢင်ႈတႄႇၵၢၼ်...

ဝၼ်းတီႈ 8/9/2020 ၼႆႉၵႂႃႇ ၼေႃႇၽူႈတႅၼ်း ၸိူဝ်းတေၶဝ်ႈၶႅင်ႇလိူၵ်ႈတင်ႈ တႄႇ လူင်းပိုၼ်ႉတီႈ ႁႃသဵင်လႆႈ ယဝ်ႉၼႆသေတႃႉ ၾၢႆႇယူႇလီသမ်ႉပူင်တမ်း မၢႆမီႈႁၢမ်ႈႁႄႉ တၢင်းပဵၼ်ၵၢပ်ႈၵႃႇလ ၶူဝ်ႊဝိတ်ႉ 19 ဝႆႉလႄႈ ႁူပ်ႉတၢင်းယၢပ်ႇလၢႆလွင်ႈ၊ တႃႇလႅၵ်ႈလၢႆးသေ ၸႂ်ႉ Internet ႁႃသဵင် တၢင်း Online ၵေႃႈ ငဝ်းလၢႆးယၢမ်းလဵဝ်...

 ႁႅင်းၵၢၼ်ၸၢဝ်းရၶႅင်ႇ 3 ၵေႃႉ ဢၼ်ႁဵတ်းၵၢၼ်ဝႆႉတီႈ သူၼ်ၵူၺ်ႈ တီႈၸေႈဝဵင်းမိူင်းယၢင်း ထုင်ႉသိုဝ်လိုဝ်းၼၼ်ႉ ၵူတ်ႇထတ်းထူပ်းႁၼ်ၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ-19 လႄႈ ယၢမ်းလဵဝ်မီးတီႈႁူင်းယႃလူင်ဝဵင်းၵဵင်းတုင်ယဝ်ႉ။ ၵူၼ်း 3 ၵေႃႉဢၼ်ၵူတ်ႇထတ်းထူပ်းႁၼ်ၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ-19 ၼႆႉ လုၵ်ႉမိူင်းရၶႅင်ႇမႃး ထိုင်တႃႈၵုင်ႈမိူဝ်ႈဝၼ်းတီႈ 5/8/2020 သေ သိုပ်ႇၶိုၼ်ႈၶိူင်ႈမိၼ်မႃးၵဵင်းတုင်မိူဝ်ႈဝၼ်းတီႈ 9/ 8/2020 ၊ မႃးႁဵတ်းၵၢၼ်တီႈ သူၼ်ၵူၺ်ႈတီႈသိုဝ်လိုဝ်း။ တွၵ်ႊတိူဝ်ႊ ပႃႉၸူဝ်းတႅတ်ႉ...

ပၢင်လိူၵ်ႈတင်ႈ 2020 ၼႆႉ ၸွမ်းၼင်ႇၶွမ်ႊမသျိၼ်ႊ ပၢင်လိူၵ်ႈတင်ႈ ပိုၼ်ၽၢဝ်ႇဝႆႉတေႉ ဢမ်ႇပေႃးႁိုင်ပေႃး ၼၢၼ်း ထႅင်ႈမွၵ်ႈ 60 ဝၼ်းလိူဝ်လိူဝ်ၼႆႉတေၸတ်းႁဵတ်းယဝ်ႉ။ သင်ၸိူဝ်ႉဝႃႈ ဢမ်ႇမီးငဝ်းလၢႆးၶိုၵ်ႉၶၵ်ႉ ၵိူတ်ႇပဵၼ် မႃးၵေႃႈ တေပဵၼ်ပၢင်လိူၵ်ႈတင်ႈမႃးတႄႉၼင်ႇဝႃႈ ။ ဢိင်ၼိူဝ် ပၢင်လိူၵ်ႈတင်ႈသေ ပႃႇတီႇပၢႆးမိူင်း ၸိူဝ်းၶႂ်ႈၶွတ်ႇၽွတ်ႈ လူင်ပွင်ၸိုင်ႈၵေႃႈမီးတင်းၼမ်။ ၵွပ်ႈၼၼ်ပႃႇတီႇၽႂ်မၼ်းၵေႃႈ ၼင်ႇႁိုဝ်တေဢွင်ႇပေႉပၢင်လိူၵ်ႈတင်ႈသေ တေတင်ႈပဵၼ်မႃးလႆႈ...

သိုၵ်းလူင်ပွင်ၸိုင်ႈမၢၼ်ႈ တင်း ၸုမ်းဢူၺ်းလီပွတ်းႁွင်ႇ ပဵၼ်ပၢင်တိုၵ်းၵၼ် ၾၢႆႇဢွၵ်ႇဝဵင်းလႃႈသဵဝ်ႈ ထပ်းၵၼ်ၶိူဝ်းယႂ်း ၼႂ်းလုၵ်ႈလိူၼ်ၼႆႉၵူၺ်းပဵၼ်ပၢင်တိုၵ်းလၢႆလၢႆၵမ်း ၵူၼ်းမိူင်းၸိူဝ်းၺႃးၸၢၵ်ႇသိုၵ်း လႆႈပၢႆႈယၢၼ်ႁိူၼ်းယေးတီႈယူႇ။  ဝၼ်းတီႈ 4/9/2020 ယၢမ်းၵၢင်ၼႂ် 8 မူင်းထိုင် 10 မူင်း သိုၵ်းလူင်ပွင်ၸိုင်ႈမၢၼ်ႈ တႂ်ႈတပ်ႉၸုမ်းလူင်/တပ်ႉမ 66  တင်း တပ်ႉမ 99 တပ်ႉၵွင် ၶမယ 352...

ႁႅင်းၵၢၼ်ယၢၼ်မိူင်း သွင်ၵေႃႉပူႇဢွၵ်ႇၽူဝ်မေး ၵဵပ်းငိုၼ်း ၵဵပ်းၶမ်းမႃးပီယၢဝ်းၶၢဝ်းႁိုင် ၺႃးၶႅၵ်ႇမႃးယွၼ်းၼွၼ်းတီႈႁိူၼ်းသေ လၵ်ႉဢဝ်ၵႂႃႇၶမ်း ၶၼ်ပၢႆ ငိုၼ်းႁိမ်းသႅၼ်ႁႃႈမိုၼ်ႇ ။ မိူဝ်ႈၶိုၼ်းဝၼ်းတီႈ 01/09/2020 ၼၼ်ႉ ၶူဝ်းၶွင်ငိုၼ်းၶမ်း ၸၢႆးဝူၼ်ႇၼႃႉ ၼၢင်းဢိတ်း တီႈမူႇဝၢၼ်ႈမေႃႈ ဢိူင်ႇႁူၺ်ႈသၢႆး ၸႄႈဝဵင်းသၼ်ၵမ်ႇၽႅင်း ႁၢႆၵႂႃႇတင်းမူတ်းႁူမ်ႈ ၶမ်း 13 ဝၢတ်ႇ (ၵျၢပ်ႈ)၊ ငိုၼ်း...