ၶၢဝ်ႇ

ပလိၵ်ႈမၢၼ်ႈ ၸႄႈဝဵင်းလဝ်ႇၵၢႆး ၵူတ်ႇထတ်းတီႉလႆႈ ယႃႈမႃႉ ၶၼ်ငိုၼ်း 4,210 သႅၼ်ပျႃးပၢႆ။ ယူႇတီႈပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ပိုၼ်ၶၢဝ်ႇ ဢွၵ်ႇမႃးဝၼ်းတီႈ 26/05/2019 ၼၼ်ႉဝႃႈ မိူဝ်ႈဝၼ်းတီႈ 24/05/2019 ၼၼ်ႉ ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ်တင်း တပ်ႉသိုၵ်းမၢၼ်ႈ လႆႈလူင်းပိုၼ်ႉတီႈၵူတ်ႇထတ်း ထူပ်းႁၼ်ယႃႈမႃႉတီႈ သုမ်ႉ/ထဵင် တီႈၼိုင်ႈ ယႃႈမႃႉဢၼ်သႂ်ႇထူင်ၸၢၼ်ႈ(ထူင်ၶဝ်ႈသၢၼ်) ဝႆႉၼၼ်ႉ ႁိမ်းဝၢၼ်ႈတႃးဝၼ်းတီး ၸႄႈဝဵင်းလဝ်ႇၵၢႆး...

ပၢင်လူင်းပၢင်သွၼ် လိၵ်ႈဢင်းၵိတ်း တီႈဝဵင်းမိူင်းၼွင် မီးသင်ၶၸဝ်ႈ၊ ပီႈၼွင်ႉၵူၼ်းမိူင်း၊ ၽူႈယႂ်ႇၵူၼ်းလူင်လႄႈ လုၵ်ႈ ႁဵၼ်း ၶဝ်ႈႁူမ်ႈ မွၵ်ႈ 200 ၵေႃႉ။ ဝၼ်းတီႈ 26/05/2019 ယၢမ်းၵၢင်ၼႂ် 8 မူင်း ထိုင် 10 မူင်းၶိုင်ႈ လုၵ်ႈႁဵၼ်းသင်ၶတႆး ၸၼ်ႉၸွမ်မႁႃၸုလႃး မိူင်းထႆး ဢွၼ် ႁူဝ်...

ၸုမ်းတူင်ႇဝူင်းတႆး ၵဵင်းမႆႇ တေႁူမ်ႈၵၼ် ၸတ်းႁဵတ်းပၢင်ႁူမ်ၸူမ်းႁပ်ႉတွၼ်ႈ တုင်းထွမ်ႇ မဵတ်ႉတႃႇတမ်ႈတီႈၸဝ်ႈတူၼ်ၶူး Dr. တိုၼ်းတႆး ဝိသုတ်ႉထိၺႃ ၼ မႁႃသတ်ႉထမ်မၸေႃးတိၵထၸ တီႈဝတ်ႉပႃႇပဝ်ႈ ဝဵင်းၵဵင်းမႆႇ ၸိုင်ႈထႆး။ ဝၼ်းတီႈ 29/05/2019 ယၢမ်းၵၢင်ၶမ်ႈ 7 မူင်း ထိုင် 9 မူင်း ၸုမ်းတူင်ႉၼိုင်တူင်ႇဝူင်းတႆး၊ ပီႈၼွင်ႉတႆးလႄႈ ႁႅင်းၵၢၼ်ယၢၼ်...

ၵူၼ်းဝၢၼ်ႈၼႃးပေႃ ၵိင်ႇၸႄႈဝဵင်းမိူင်းၵူၵ်း ၸႄႈတွၼ်ႈမိူင်းသၢတ်ႇၼၼ်ႉ လုၵ်ႈတင်းပေႃႈထဵင်မေႃးၵၼ် ၵေႃႉပဵၼ် လုၵ်ႈ ၸၢႆး ဢဝ်ၵွင်ႈသတ်ႉယၢမ်း ယိုဝ်းသႂ်ႇၵေႃႉပဵၼ်ပေႃႈၸဝ်ႈၵဝ်ႇ လူႉတၢႆထင်တီႈ။ ဝၼ်းတီႈ 25/05/2019 ယၢမ်းၵၢင်ၼႂ် 8 မူင်းၶိုင်ႈၼၼ်ႉ ၵေႃႉပဵၼ်လုၵ်ႈၸၢႆး ၸိုဝ်ႈႁွင်ႉ တႃႇရီ ဢႃယု 29 ပီ ၽိတ်းၵၼ်တင်း ၵေႃႉပဵၼ်ပေႃႈ ၸိုဝ်ႈႁွင်ႉ လုင်းသေႇၶျိၼ်မီ...

ပွႆးၵိၼ်ၶႅၵ်ႇၵူပ်ႉၵူႈပဵၼ်ႁိူၼ်း ဢၼ်ၸတ်းႁဵတ်း တီႈၸႄႈဝဵင်းပၢင်းတရႃႉ ၸိုင်ႈတႆးပွတ်းၸၢၼ်းၼၼ်ႉ ၸဝ်ႈမၢဝ်ႇ/ ၸဝ်ႈ သၢဝ် တွၼ်ႈၾၢၵ်ႇၶူဝ်းတွၼ်ႈတူၼ်ႈမႆႉ/ မွၵ်ႇ ၽူႈမႃးၶဝ်ႈႁူမ်ႈပၼ်ႁႅင်းၼႂ်းပၢင်ပွႆး ပၢင်ၶႅၵ်ႇ/ သွၼ်ႈမိင်ႈ ၶဝ်ပူႇယႃႈလႄႈ ဢဝ်ပဵၼ် ၶၢဝ်ႇလီ သူၼ်ၸႂ် ႁဵတ်းႁႂ်ႈလိုဝ်းႁူင်ၼႂ်း Social Media။ ဝၼ်းတီႈ 25/05/2019 ၼၼ်ႉ ပွႆးၵူပ်ႉၵူႈပၢင်ၶႅၵ်ႇ ၵူဝ်ႇထဵင်ႇလိၼ်းတင်း မဢေးမီးၽိဝ်းတိၼ်း...

ပၢင်ႁူပ်ႉထူပ်းၵူၼ်းၼုမ်ႇတႆး ထုင်ႉႁူဝ်ၵဵဝ် ပွၵ်ႈၵမ်းသၢမ် ၸတ်းႁဵတ်းတီႈဝဵင်းမျိတ်ႉၵျီးၼႃး (မိူင်းၸေႈၼႃး) ၶၢဝ်းတၢင်း သၢမ်ဝၼ်း ။ ၸတ်းတင်ႈလႆႈ လုၵ်ႈၸုမ်းၶွမ်ႊမတီႊ ငဝ်ႈငုၼ်း ၵေႃႁူမ်ႈသၢင်ႈၵူၼ်းၼုမ်ႇတႆး ထုင်ႉႁူဝ်ၵဵဝ်။ ပၢင်ႁူပ်ႉထူပ်းၵူၼ်းၼုမ်ႇ ထုင်ႉႁူဝ်ၵဵဝ်ၼႆႉၸတ်းႁဵတ်းဝၼ်းတီႈ 23 ထိုင် 25 လိူၼ်မေႊ တီႈဝဵင်းၸေႈၼႃး (မျိတ်ႉၵျီးၼႃး) မိူင်းၶၢင်။ မီးၵူၼ်းၼုမ်ႇ 230 ပၢႆ...

ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းလၢင်းၶိူဝ်း ၸတ်းႁဵတ်းပွႆးလူင်းပၢင်သွၼ်လိၵ်ႈတႆးၶၢဝ်းမႆႈ တီႈႁူင်းႁေႃၵေႃလိၵ်ႈလၢႆးလႄႈၾိင်ႈငႄႈတႆး ဢၼ်မီးတီႈဝၢၼ်ႈလူင်ပွၵ်ႉတူၵ်း ဝဵင်းလၢင်းၶိူဝ်း။ ပွႆးလူင်းပၢင်သွၼ်လိၵ်ႈတႆးၶၢဝ်းမႆႈၼႆႉ ၸတ်းႁဵတ်းဝၼ်းတီႈ 26 လိူၼ်မေႊ  ၶၢဝ်းယၢမ်းၵၢင်ၶမ်ႈ 7 မူင်းထိုင် 10 မူင်း။ မီးလုၵ်ႈႁဵၼ်း  လႄႈပေႃႈမႄႈပီႈၼွင်ႉမႃးၶဝ်ႈႁူမ်ႈ   300 ပၢႆ။ မီးၶပ်ႉမၢႆ ပိုတ်ႇပၢင်၊ ႁူဝ်ပဝ်ႈ လႄႈၽူႈၼမ်းၼႂ်း ၽူႈမီးပုၼ်ႈၽွၼ်း ၊မေႃသွၼ်လႄႈလုၵ်ႈႁဵၼ်း...

လုၵ်ႈႁဵၼ်းသင်ၶတႆး ၸၼ်ႉၸွမ်မိူင်းၵွၵ်ႇ လႆႈႁပ်ႉၸုမ်ႈၶူး ဢၼ်ႁဵၼ်းယဝ်ႉၵႂႃႇ ၸၼ်ႉ Ph.D၊ M.A လႄႈ B.A သင်ၶၸဝ်ႈ 39 တူၼ်လႄႈ ၵူၼ်းႁိူၼ်း 5 ၵေႃႉ ႁူမ်ႈၵၼ် 44 တူၼ်/ ၵေႃႉ။ ၼႂ်းဝၼ်းတီႈ 25-26/05/2019 ယူႇတီႈၸၼ်ႉၸွမ်မႁႃၸုလႃးလူင်းၵွၼ်း ဝင်းၼွႆႉ ဢယုတ်ႉထယႃး မွပ်ႈယိုၼ်ႈပၼ်...

ၵူၼ်းမိူင်းတႆး 14 ၵေႃႉ ဢမ်ႇမီးဝတ်းဝႂ်ဢၼ်ထႆးႁဵတ်းပၼ်သင်သေ ၶဝ်ႈႁႃႁဵတ်းၵၢၼ်ၼႂ်းမိူင်းထႆးၼၼ်ႉ ၺႃးပလိၵ်ႈထႆး တီႉၺွပ်းၼႂ်းၸႄႈတွၼ်ႈလမ်းပၢင်း - တၢင်းလူင်းၵႂႃႇမိူင်းၵွၵ်ႇ။ ဝၼ်းတီႈ 17/05/2019 ယၢမ်းႁူဝ်ၶမ်ႈ မွၵ်ႈ 7 မူင်းၼၼ်ႉ ပလိၵ်ႈထႆး ၵူတ်ႇထတ်းတီႉလႆႈၵႃးလမ်းၼိုင်ႈ တီႈၸႄႈဝဵင်းငၢဝ်း ၸႄႈတွၼ်ႈလမ်းပၢင်း ၸိုင်ႈထႆး တီႉၺွပ်းလႆႈ ၵူၼ်းမိူင်းတႆး 14 ၵေႃႉ ၼႂ်းၼၼ်ႉ...

ၼႂ်းဝူင်ႈဝၢင်ႈၼႆႉ တီႈၼႂ်းမိူင်းတႆး တၢင်းလႃႈသဵဝ်ႈ၊ တူၼ်ႈတီးၸိူဝ်းၼႆႉ လႆႈႁၼ်မီးလွင်ႈၼႄၵၢင်ၸႂ် ၵမ်ႉထႅမ်ပုၼ်ႈ တႃႇ မူၼ်ႉမႄးပၵ်းပိူင်လၵ်းမိူင်း 2008 ၾၢႆႇၼိုင်ႈသမ်ႉၶိုၼ်း လုၵ်ႉၵမ်ႉထႅမ်ပၼ်ႁႅင်း ၾၢႆႇတပ်ႉမတေႃႇသေယဝ်ႉ မိူၼ် ၼင်ႇသၢၼ်ၶတ်း လွင်ႈတေမူၼ်ႉမႄးပၵ်းပိူင်လၵ်းမိူင်း 2008 ၼၼ်ႉၼႆ ႁဝ်းၶႃႈတေႁၼ်ၵၼ်ယူႇ ၶိူဝ်းၶိူဝ်းယႂ်းယႂ်း။ ဢၼ်ၼႆႉဢမ်ႇၵႃး တီႈၼႂ်းမိူင်းမၢၼ်ႈ လၢမ်းတေႃႇထိုင်တီႈ ၼႂ်းၸႄႈမိူင်းၸၢဝ်းၶိူဝ်းၵႂႃႇ တင်းၼမ်တင်းလၢႆၼႆႉ ဢဝ်ၼႆႉၵႂႃႇ...

ၵၢင်လိူၼ်မေႊ ပီ 2019 ၼႆႉ ၸုမ်းယိပ်းၵွင်ႈၵၢင်ႇ ၵိုတ်းတိုၵ်း 10 ၸုမ်း မွၵ်ႇပႃးၸုမ်းပႆႇၵိုတ်းတိုၵ်း ၵမ်ႈၽွင်ႈ ၶဝ်ႈႁူမ်ႈ လဵပ်ႈႁဵၼ်းၸွမ်းသေ ၸတ်းႁဵတ်းပၢင်ၵုမ်လူင်တီႈၵဵင်းမႂ်ႇ ၶၢဝ်းတၢင်း 4-5 ဝၼ်း။ တီႈပၢင်ၵုမ်ၼၼ်ႉ မီးလွင်ႈၶွင်ႉၶမ် ၵၼ်၊ တၢင်းႁၼ်ထိုင်ဢမ်ႇမိူၼ်ၵၼ်လၢႆလွင်ႈ ။ ၵွပ်ႈၼၼ်လႄႈ ငဝ်းလၢႆးၶၵ်ႉၵၢၼ် ၸုမ်းၵိုတ်းတိုၵ်း...

ၽိုၼ်ႁၢႆးငၢၼ်းမႂ်ႇ SHRF တင်း SSRC-TB သပ်းၸႅင်ႈလီမႆႈၸႂ် လွင်ႈႁူမ်ႇလူမ်ႈ ၵူၼ်းပၢႆႈၽေးသိုၵ်းၸွမ်းလႅၼ်လိၼ်ထႆး 6,000 ပၢႆ ယွၼ်ႉသိုၵ်းမၢၼ်ႈတင်း သိုၵ်းဝႃႉ UWSA ၽိုတ်ႉၸိမ်ၶဵင်ႈၶႅင် ဢိူမ်ႈၸမ်ပၢင်သဝ်း။ ဝၼ်းတီႈ 23/05/2019 ၸုမ်းၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး SHRF တင်း ၸုမ်းၵေႃႇမတီႇၵူၼ်းမိူင်းတႆးပၢႆႈၽေးလႅၼ် လိၼ်တႆး SSRC-TB ႁူမ်ႈၵၼ်သပ်းၸႅင်ႈငဝ်းလၢႆး လွင်ႈယူႇသဝ်းၵိၼ်သၢင်ႈ ၵူၼ်းပၢႆႈၽေးၸွမ်းလႅၼ်လိၼ်တႆး...

လုၵ်ႈႁဵၼ်းသင်ၶတႆး ၸၼ်ႉၸွမ်ၼႂ်းမိူင်းၵွၵ်ႇ တေၸတ်းႁဵတ်း ပၢင်ႁူမ်ၸူမ်း ၽူႈလႆႈႁပ်ႉၸုမ်ႈၶူးတွၵ်ႊတိူဝ်ႊၾၢႆႇပိုၼ် ၽႄႈသႃသၼႃပုတ်ႉထၸဝ်ႈ၊ ၸုမ်ႈၾၢႆႇပၢႆးၸႂ်ၼႂ်းပုတ်ႉထလႄႈ ၸုမ်ႈၶႅပ်းၶမ်း တီႈၸၼ်ႉၸွမ်မႁႃၸူးလႃး ဝင်းၼွႆႉ ဢယု ထယႃး ၸိုင်ႈထႆး။ ဝၼ်းတီႈ 26/05/2019 ယၢမ်းဝၢႆးဝၼ်း 3 မူင်း ထိုင် 6 မူင်းႁူဝ်ၶမ်ႈ လုၵ်ႈႁဵၼ်းသင်ၶတႆး ၸၼ်ႉၸွမ်ၼႂ်းမိူင်းၵွၵ်ႇ ၸိုင်ႈထႆး တေဢွၼ်ႁူဝ်ၸတ်းႁဵတ်းပၢင်ႁူမ်ၸူမ်း...

ၸွမ်သိုၵ်းလူင် ယွတ်ႈသိုၵ်း ႁူဝ်ပဝ်ႈလူင် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၼုင်ႈၽႃႈလိူင်/ သၢင်ႇၵၢၼ်း ႁဵတ်းတၢင်းလီ ယိူင်းၸူးထိုင် ၵေႃႉပဵၼ်မႄႈၸဝ်ႈၵေးၸူး။ ဝၼ်းတီႈ 24/05/2019 ယၢမ်းၵၢင်ၼႂ် ၸွမ်သိုၵ်းလူင် ယွတ်ႈသိုၵ်း ၼုင်ႈၽႃႈလိူင်/ သၢင်ႇၵၢၼ်း တီႈဝတ်ႉမႄႈတႅင် ၸႄႈဝဵင်း မႄႈတႅင် ၸႄႈတွၼ်ႈၵဵင်းမႆႇ ၸိုင်ႈထႆး ဝႃႈၼႆ။ ၸဝ်ႈသိုၵ်းလူင် ၸၢႆးငိုၼ်း...

ၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းလၢင်းၶိူဝ်း ၵေႃႇသၢင်ႈႁူင်းႁေႃ (ႁူင်းသဝ်း) တီႈယူႇ တႃႇႁပ်ႉ ဢဝ်လုၵ်ႈဢွၼ်ႇၽၢၼ်ပေႃႈမႄႈလႄႈ လုၵ်ႈဢွၼ်ႇယၢပ်ႇၽိုတ်ႇတႃႇသိုပ်ႇၶိုၼ်ႈႁဵၼ်းၼၼ်ႉ မႃးၶဝ်ႈႁဵၼ်း လိၵ်ႈလၢႆးတီႈႁူင်းႁဵၼ်းလူင်ပွင်ၸိုင်ႈမၢၼ်ႈ။ သြႃႇၸၢႆးဢွင်ႇၶိၼ်ႇ ႁူဝ်ပဝ်ႈၵေႃလိၵ်ႈလၢႆးလႄႈ ၾိင်ႈငႄႈတႆး လၢင်းၶိူဝ်းလၢတ်ႈတီႈၽူႈတွႆႇႁွၵ်ႈဝႃႈ- “မိူဝ်ႈၼႆႉ ဝၼ်းတီႈ 24 လိူၼ်မေႊ ၵေႃႈႁဝ်းၶႃႈတိုၵ်ႉၶတ်းၸႂ်သၢင်ႈႁူင်းသဝ်းတီႈယူႇ တႃႇလုၵ်ႈႁဵၼ်းယူႇၶႃႈဢေႃႈ။ သၢင်ႈပၼ်တီႈၼႂ်းဝၢင်းလုမ်းၵေႃလိၵ်ႈလၢႆးၼႆႉၶႃႈဢေႃႈ။ တိုၵ်ႉလူဝ်ႇၸဵမ်ႁႅင်းငိုၼ်း ႁႅင်းၵူၼ်းထႅင်ႈတင်းၼမ်ၶႃႈ ။...