ပလိၵ်ႈမၢၼ်ႈ ၸႄႈဝဵင်းလဝ်ႇၵၢႆး ၵူတ်ႇထတ်းတီႉလႆႈ ယႃႈမႃႉ ၶၼ်ငိုၼ်း 4,210 သႅၼ်ပျႃးပၢႆ။
ယူႇတီႈပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ပိုၼ်ၶၢဝ်ႇ ဢွၵ်ႇမႃးဝၼ်းတီႈ 26/05/2019 ၼၼ်ႉဝႃႈ မိူဝ်ႈဝၼ်းတီႈ 24/05/2019 ၼၼ်ႉ ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ်တင်း တပ်ႉသိုၵ်းမၢၼ်ႈ လႆႈလူင်းပိုၼ်ႉတီႈၵူတ်ႇထတ်း ထူပ်းႁၼ်ယႃႈမႃႉတီႈ သုမ်ႉ/ထဵင် တီႈၼိုင်ႈ ယႃႈမႃႉဢၼ်သႂ်ႇထူင်ၸၢၼ်ႈ(ထူင်ၶဝ်ႈသၢၼ်) ဝႆႉၼၼ်ႉ ႁိမ်းဝၢၼ်ႈတႃးဝၼ်းတီး ၸႄႈဝဵင်းလဝ်ႇၵၢႆး ၸိုင်ႈတႆးပွတ်းႁွင်ႇ တီႉလႆႈတင်းမူတ်း ယႃႈမႃႉ 280,725 မဵတ်ႉ၊ မႅၼ်ႈငိုၼ်း 4,210 သႅၼ်ပျႃးပၢႆ ဝႃႈၼႆ။
ၵဵဝ်ႇၵပ်းလွင်ႈၼႆႉ ၸဝ်ႈၶွင်မၼ်းပဵၼ်ၽႂ် ၵေႃႉလႂ် ဢၼ်ဝႃႈၼၼ်ႉ ဢမ်ႇတီႉၺွပ်းလႆႈ။ ယၢမ်းလဵဝ်ပလိၵ်ႈလဝ်ႇၵၢႆး သိုပ်ႇ ၵူတ်ႇထတ်းသွၵ်ႈႁႃၸဝ်ႈၶွင်ၽူႈၸိူဝ်းၵဵဝ်ႇၶွင်ႈမၼ်းဝႆႉယူႇ ဝႃႈၼႆ။
