ပွႆးၵိၼ်ၶႅၵ်ႇၵူပ်ႉၵူႈပဵၼ်ႁိူၼ်း ဢၼ်ၸတ်းႁဵတ်း တီႈၸႄႈဝဵင်းပၢင်းတရႃႉ ၸိုင်ႈတႆးပွတ်းၸၢၼ်းၼၼ်ႉ ၸဝ်ႈမၢဝ်ႇ/ ၸဝ်ႈ သၢဝ် တွၼ်ႈၾၢၵ်ႇၶူဝ်းတွၼ်ႈတူၼ်ႈမႆႉ/ မွၵ်ႇ ၽူႈမႃးၶဝ်ႈႁူမ်ႈပၼ်ႁႅင်းၼႂ်းပၢင်ပွႆး ပၢင်ၶႅၵ်ႇ/ သွၼ်ႈမိင်ႈ ၶဝ်ပူႇယႃႈလႄႈ ဢဝ်ပဵၼ် ၶၢဝ်ႇလီ သူၼ်ၸႂ် ႁဵတ်းႁႂ်ႈလိုဝ်းႁူင်ၼႂ်း Social Media။
ဝၼ်းတီႈ 25/05/2019 ၼၼ်ႉ ပွႆးၵူပ်ႉၵူႈပၢင်ၶႅၵ်ႇ ၵူဝ်ႇထဵင်ႇလိၼ်းတင်း မဢေးမီးၽိဝ်းတိၼ်း တီႈၸႄႈဝဵင်းပၢင်းတရႃႉ ၸိုင်ႈတႆးပွတ်းၸၢၼ်း။ ယူႇတီႈၶႃ လႆႈၾၢၵ်ႇတွၼ်ႈပၼ် ဢူၺ်းၵေႃႉ ဢူၺ်းသေႈ ပီႈၼွင်ႉ တီႈၸမ်ၵႆ ၸိူဝ်းမႃးၶဝ်ႈႁူမ်ႈ ပၼ်ႁႅင်း ၼႂ်းပၢင်ပွႆးၼၼ်ႉ တွၼ်ႈပၼ်တူၼ်ႈမွၵ်ႇ/မႆႉ ႁႂ်ႈမိူဝ်းၽုၵ်ႇပဵၼ်တီႈမၢႆတွင်း။
ၵဵဝ်ႇၵပ်းလွင်ႈၼႆႉ ၼိူဝ်ၽဵတ်ႉပုၵ်ႉ ၸၢႆးလူႇၶိူဝ်း တၢင်ႇဝႆႉၶႅပ်းႁၢင်ႈပွႆးၵူပ်ႉၵူႈပၢင်ၶႅၵ်ႇ ၾၢၵ်ႇၶွင်တွၼ်ႈ ၽူႈမႃးၶဝ်ႈႁူမ်ႈပၢင်ပွႆး ပဵၼ်တူၼ်ႈမွၵ်ႇ/မႆႉလႄႈ ပဵၼ်ၶႅပ်းႁၢင်ႈဢၼ်လီသူၼ်ၸႂ် မီးၵူၼ်းသိုပ်ႇပိုၼ်ၽႄႈၵႂႃႇတီႈၾဵတ်ႉပုၵ်ႉၼၼ်ႉ 1,600 ပၢႆ (Share) ဝႃႈၼႆ။
တူၼ်ႈမႆႉ ဢၼ်ၾၢၵ်ႇတွၼ်ႈၽူႈမႃးၶဝ်ႈႁူမ်ႈပၼ်ႁႅင်း ၼႂ်းပွႆးၵူပ်ႉၵူႈပၢင်ၶႅၵ်ႇၼၼ်ႉ မိူၼ်ၼင်ႇ တူၼ်ႈမွၵ်ႇၵွၼ်၊ တူၼ်ႈမႆႉ ပႅၵ်ႇ၊ မွၵ်ႇၶဵတ်ႈလႃး ဢိၵ်ႇထႅင်ႈလၢႆလၢႆယၢင်ႇ ၽႂ်သူၼ်ၸႂ်ဢၼ်လႂ်ၵေႃႈ ဢဝ်မိူဝ်းၽုၵ်ႇသွမ်ႈ လုမ်းလႃးၵႂႃႇ ဝႃႈၼႆ။
ၶေႃႈမုလ်း – DVB
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ