မိူဝ်ႈၼႆႉ ဝၼ်းတီႈ 25 လိူၼ်ဢေႃးၵၢတ်ႉသ် ယၢမ်းၵၢင်ၼႂ် 8 မူင်းၶိုင်ႈ ၾႆးမႆႈႁိူၼ်းလင်ၼိုင်ႈ ၼႂ်းၶူင်းၵၢၼ်ဢေႇၵ 40 တီႈပွၵ်ႉတူဝ်ႇယွတ်ႈ ၸႄႈဝဵင်းမူႇၸေႊ မိူင်းတႆးပွတ်းႁွင်ႇ။ ၵူၼ်း မၢတ်ႇၸဵပ်းၵႂႃႇ ၵေႃႉၼိုင်ႈ လႄႈ ႁိူၼ်းယေး ဢိၵ်ႇ ရူတ်ႉၵႃး လူႉၵွႆၵႂႃႇ တင်းၼမ် ဝႃႈၼႆ။
ၵူၼ်းမိူင်းၵေႃႉယူႇဝႆႉၼႂ်းဝဵင်းမူႇၸေႊလၢတ်ႈတီႈၽူႈတွႆႇႁွၵ်ႈဝႃႈ “ၾႆးတႄႇလုၵ်ႉမႆႈၵႂႃႇ ၽွင်းတိုၵ်ႉသႂ်ႇၼမ်ႉမၼ်းၵႃး။ ၵူၼ်းၵေႃႉသႂ်ႇၼမ်ႉမၼ်းၵႃးၼၼ်ႉ တူၵ်းၸႂ်ႁႄ ဢဝ်လွတ်ႇၼမ်ႉမၼ်းပွႆႇတူၵ်းၵႂႃႇႁႄ ဢဝ်ၼမ်ႉမၼ်းၸၢၵ်ႈ (ထၢတ်ႈသီႇ) လႆႁေႈၵႂႃႇထိုင်ၼႂ်းႁွင်ႈ ႁိမ်းထွၼ်ႊသၾွမ်ႊမိူဝ်ႊၼၼ်ႉလႄႈ ဢဝ်ၾႆးလုၵ်ႉလၢမ်းမႆႈႁႅင်းၵႂႃႇ။ မိူဝ်ႈတႄႇၶဝ်ဝႃႈ ပဵၼ်သျွတ်ႉလႄႈ ၾႆးလၢမ်းမႆႈၶဝ်ႈၵႂႃႇၼႂ်းႁိူၼ်းၼႆၵူၺ်းၵႃႈ ထၢမ်ၵႂႃႇထၢမ်မႃးၸင်ႇလႆႈႁူႉဝႃႈ ၾႆးမႆႈၵႃး ၽွင်းတိုၵ်ႉသႂ်ႇၼမ်ႉမၼ်းၵႃး” ဝႃႈၼႆ။
ၾႆးမႆႈၵႂႃႇ ၵႃးသၢမ်လမ်း ၵူၺ်းဢမ်ႇၵႃး ၵူၼ်းၸၢႆးၸၢဝ်းၶိူဝ်းၶႄႇ ဢႃယု 60 ပီပၢႆ ၵေႃႉတိုၵ်ႉဢဝ်ၼမ်ႉမၼ်းထႅမ်သႂ်ႇၼႂ်းၵႃးၼၼ်ႉၵေႃႈ မၢတ်ႇၸဵပ်းၵႂႃႇ- ၼႆယဝ်ႉ။
မိူဝ်ႈဝၼ်းတီႈ 19 လိူၼ်ၵျုၼ်ႊၼၼ်ႉၵေႃႈ တႄႇယၢမ်းၵၢင်ၼႂ် 9 မူင်း ၾႆးမႆႈႁူင်း KTV ၼၵႃးသွင်တူဝ် (နဂါးနှစ်ကောင်) ဢၼ်မီးဝႆႉၾၢႆႇၼွၵ်ႈဝဵင်းမူႇၸေႊ ႁိမ်းၽၵ်းတူၸၢင်ႉၽိူၵ်ႇ ၼႂ်းပွၵ်ႉၵွင်းမူး (ဆင်ဖြူအိမ်ရာ) လႅၼ်လိၼ် မိူင်းတႆး- မိူင်းၶႄႇ မီးၵူၼ်းမၢတ်ႇၸဵပ်းၵႂႃႇၸွမ်း 4 ၵေႃႉ။ လႆႈႁူႉဝႃႈ ပဵၼ်ၵူၼ်းၼႂ်းၸုမ်း ပျီႇတူႉၸိတ်ႉ လူင်ႊထၢင်ႊ မၢတ်ႇၸဵပ်းၵႂႃႇႁၢဝ်ႈႁႅင်းလႄႈထိုင်တီႈလႆႈ သူင်ႇယူတ်းယႃတူဝ်တီႈႁူင်းယႃ ဝဵင်းမူႇၸေႊ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ