ၵူၼ်းပၢႆႈၽေးသိုၵ်းတၢင်းမိူင်းယေႃ ၸႄႈဝဵင်းလႃႈသဵဝ်ႈ  ၽႃႇၺႃးမၢၵ်ႇႁၢင်ႈၵၢင်ဝႆႉ ၸွမ်းတၢင်း တႅၵ်ႇသႂ်ႇ လူႉတၢႆ 3 ၵေႃႉ မၢတ်ႇၸဵပ်း 5 ၵေႃႉ ၼႂ်းၼၼ်ႉ ပႃးဢွၼ်ႇယိင်း ဢႃယု 5 ၶူပ်ႇ ၵေႃႉ 1 လူႉတၢႆ။ မိူဝ်ႈဝႃး ဝၼ်းတီႈ 17/2/2022 ယၢမ်းဝၢႆးဝၼ်း မွၵ်ႈ 4...

ၵၢၼ်ၵေႃႇတင်ႈၸိူဝ်ႉၸၢတ်ႈဝၢၼ်ႈမိူင်းႁႂ်ႈၶိုၼ်ႈယႂ်ႇမၢၵ်ႈမီးလီပဵၼ်လႄႈဝၢၼ်ႈမိူင်းၵတ်းယဵၼ်ၼၼ်ႉ တေႃႇမိူဝ်ႈၵူၼ်း မိူင်းလႆႈႁပ်ႉလႆႈႁဵၼ်းမီးတၢင်းႁူႉတၢင်းမေႃ မီးၼမ်ႉၵတ်ႉ မီးၸၼ်ႉ မေႃႁူႉၸၵ်းတီႈတႅမ်ႇတီႈသုင် မေႃပိၼ်ႇပႆႇၼပ်ႉ ယမ်ယွမ်းႁၵ်ႉၵၼ် ၵူၼ်းမိူင်းမီးၼႃႈၵၢၼ် ၵၢၼ်မၢၵ်ႇမီးၶိုၼ်ႈယႂ်ႇ မေႃႁၵ်ႉပႅင်းၶဝ်ႈဢွၵ်ႇၶွၼ်ႈတုမ် ၽွမ်ႉသဵင်ပဵင်းပၢၵ်ႇ ပဵၼ်ၼမ်ႉၼိုင်ႈၸႂ်လဵဝ်ၵၼ်ၵွၼ်ႇ ၵၢၼ်မိူင်း ၵၢၼ်ပႃႇတီႇလႄႈ ၵၢၼ်သိုၵ်း ၸင်ႇၸၢင်ႈမီးႁႅင်းၶိုၼ်ႈယႂ်ႇ။ ဝၢၼ်ႈမိူင်းၼိုင်ႈလုၵ်ႈၼႆႉပေႃးၵူၼ်းမိူင်းတုၶ်ႉၵိၼ်း ဢမ်ႇမီးၵၢၼ် ဢမ်ႇမီးလၢႆးလႆႈ ဢမ်ႇမီးငိုၼ်းၵေႃႈဢမ်ႇၸၢင်ႈဢဝ် သင်မႃးၸၢႆႇၶွၼ်ႇပၼ်လူင်ပွင်ၸိုင်ႈ။ ႁူဝ်ၼႃႈလူင်ပွင်ၸိုင်ႈၵေႃႈ ဢမ်ႇမီးၼမ်ႉၵတ်ႉ ဢမ်ႇမေႃပွင်...

ၸုမ်းပျီႇတူႉၸိတ်ႉ မိူင်းလီတင်း သိုၵ်းမၢၼ်ႈ ယိုတ်းမိူင်း ႁူမ်ႈၵၼ် ပိုတ်ႇပၢင်တေႃႇလွင်း တီႈၸႄႈဝဵင်းသႅၼ်ဝီ ၵူၼ်းမိူင်းပိုၼ်ႉတီႈ ဢွၼ်ၵၼ်မႆႈ ၸႂ် ၵူဝ်ဢမ်ႇမီးလွင်ႈႁူမ်ႇလူမ်ႈ။ တႄႇဢဝ် မိူဝ်ႈဝႃး ဝၼ်းတီႈ 16/2/2022 မႃး ယူႇတီႈၸုမ်းပျီႇတူႉၸိတ်ႉ မိူင်းလီတင်း သိုၵ်းမၢၼ်ႈ ယိုတ်းမိူင်း ႁူမ်ႈၵၼ်သေ တႄႇပိုတ်ႇပၢင် တေႃႇလွင်း တီႈပွၵ်ႉ 3...

မိၼ်းဢွင်ႇလၢႆႇ  ႁွတ်ႈထိုင်ၵဵင်းတုင် သိုၵ်းမၢၼ်ႈ ပိုၼ်ၽၢဝ်ႇႁၢမ်ႈၵူၼ်းမိူင်းၶွၼ်ႈတုမ်ၵၼ် ၊ ႁၢမ်ႈဢွၵ်ႇႁိူၼ်းၽွင်းၵၢင်ၶမ်ႈ ၵၢင်ၶိုၼ်း ၸိူဝ်းၼႆႉ ႁဵတ်းႁႂ်ႈၵူၼ်းမိူင်းယူႇယၢပ်ႇ ဢမ်ႇၸၢင်ႈၵႂႃႇမႃးႁႃၵိၼ်လဵင်ႉတွင်ႉလွတ်ႈလႅဝ်း။   မိူဝ်ႈဝႃး ဝၼ်းတီႈ 16/2/2022 ၽူႈၵွၼ်းၸႄႈဝဵင်းၵဵင်းတုင် ၾၢႆႇတႂ်ႈ ၶွင်ႇသီႇသိုၵ်းမၢၼ်ႈ ယိုတ်းမိူင်းၵုမ်းၵမ် ဢွၵ်ႇလိၵ်ႈ ပိုၼ်ၽၢဝ်ႇ ႁၢမ်ႈ ၵူၼ်းၶွၼ်ႈတုမ်ၵၼ် 5 ၵေႃႉၶိုၼ်ႈၼိူဝ် ၊...

မိူဝ်ႈဝႃး ဝၼ်းတီႈ 16/2/2022 ၵူၼ်းပၢႆႈၽေးသိုၵ်း ႁူဝ်ၵူၼ်း မွၵ်ႈ 800 ဢၼ်ပၢႆႈမႃးသွၼ်ႈယူႇဝႆႉ တီႈၼႂ်းၵၢတ်ႇလႄႈ ၸွမ်း ႁိူၼ်းပီႈၼွင်ႉၽႂ်မၼ်း တီႈမိူင်းယေႃ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၼၼ်ႉ သဵင်ၵွင်ႈၵၢင်ႇၼႂ်းပိုၼ်ႉတီႈယဵၼ် ၽွင်ႈ ယဝ်ႉလႄႈ  ၶိုၼ်းဢွၼ်ၵၼ် ပွၵ်ႈႁိူၼ်းယေးၽႂ်မၼ်းၵမ်ႈၽွင်ႈ၊ ၵိုတ်းမွၵ်ႈ 50 ပၢႆၵူၺ်းပႆႇႁတ်းပွၵ်ႈၶိုၼ်း။   ၵူၼ်းမိူင်းယေႃ...

ၸွမ်ၸိၵ်းသိုၵ်း မိၼ်းဢွင်ႇလၢႆႇ ၽူႈၼမ်းသိုၵ်းမၢၼ်ႈ ႁွတ်ႈထိုင်ၵဵင်းတုင် ၸိုင်ႈတႆးပွတ်းဢွၵ်ႇၶူင်း ၶဝ်ႈပၢင်တၢင်ႇထီးၵျွင်းၽြႃးရၶႅင်ႇၵၢင်ဝဵင်း သေဢမ်ႇၵႃး ဝၢင်းမၢၵ်ႇဢုတ်ႇ ၾင်သဝ်တႃႇ  ၵေႃႇသၢင်ႈ ႁေႃလူင်ၵဵင်းတုင်လင်မႂ်ႇ ဢၼ်မိူၼ်ႁေႃၵဝ်ႇ ၶိုၼ်း။ မိူဝ်ႈၼႆႉ ဝၼ်းတီႈ 17/2/2022 ယၢမ်းၵၢင်ၼႂ်  သင်ၶၸဝ်ႈ ၊ ၵူၼ်းမိူင်း လႄႈ သိုၵ်းယိုတ်းမိူင်း မိၼ်းဢွင်ႇလၢႆႇ   ဝၢင်းမၢၵ်ႇဢုတ်ႇတႃႇၵေႃႇသၢင်ႈႁေႃလူင်ၵဵင်းတုင်ၶိုၼ်း တီႈဝၢင်းသၵဵတ်ႉ(ၵဝ်ႇ)...

ၵူၼ်းပၢႆႈၽေးသိုၵ်း တီႈမိူင်းၵိုင် ႁူဝ်ၵူၼ်းမွၵ်ႈ 150 ပႆႇပွၵ်ႈႁိူၼ်းယေး  ငဝ်းလၢႆးၼႂ်းပိုၼ်ႉတီႈ ပႆႇမီးလွင်ႈၼိမ်ယဵၼ် တိုၵ်ႉမီးသိုၵ်း သိူဝ် တူင်ႉၼိုင်ၵႂႃႇမႃးယူႇ ၼႂ်းထိူၼ်ႇႁိမ်းဝၢၼ်ႈ။ ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉ တီႈပၢင်ႇလိူၼ်သီႇ/ ဝၢင်းထၢတ်ႈမူၺ်ႇတေႃႇလႄႈ ၸွမ်းႁိူၼ်းယေးပီႈၼွင်ႉၽႂ်မၼ်း ၼႂ်းပွၵ်ႉ/ ယွမ်ႇ ၼႂ်း ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၸဵမ်မိူဝ်ႈ ႁူဝ်လိူၼ် ၵျႅၼ်ႊၼိဝ်ႊရီႊ...

ၸုမ်းဢူၺ်းလီပွတ်းႁွင်ႇလႄႈ RCSS ပိုတ်းယိုဝ်းတိုၵ်းတေႃးၵၼ်ၼႂ်းၸႄႈဝဵင်းၵျွၵ်ႉမႄးလၢမ်းလူင်းမႃးထိုင် ၼႂ်းၸႄႈဝဵင်းလွၵ်ႉၸွၵ်ႇ၊   ၵူၼ်းမိူင်းၵျွၵ်ႉမႄးပၢႆႈၽေးသိုၵ်း လၢႆတေႃႇလၢႆၵမ်း ယၢမ်းလဵဝ် သိုပ်ႇပၢႆႈ ၵမ်းထူၼ်ႈသီႇ ႁွတ်ႈထိုင်ဝဵင်းတူၼ်ႈတီး။ မိူဝ်ႈၼႆႉဝၼ်းတီႈ 16/2/2022 ၵူၼ်းမိူင်းၵျွၵ်ႉမႄး ပွတ်းဝၢၼ်ႈဢိူင်ႇ ႁူးသူၼ် ႁူးၵွတ်ႈ ဢၼ်ပၢႆႈၽေးသိုၵ်း ထိုင် ၸႄႈဝဵင်းႁူဝ်ပူင်း ၼၼ်ႉ သိုပ်ႇပၢႆႈၵႂႃႇထိုင်ဝဵင်းတူၼ်ႈတီး ။ ၵူၼ်းၼုမ်ႇဝဵင်းတူၼ်ႈတီး ဢၼ်ၸွႆႈထႅမ်ၵူၼ်းပၢႆႈၽေးသိုၵ်းလၢတ်ႈတီႈၽူႈတွႆႇႁွၵ်ႈဝႃႈ -“ ၵူၼ်းၵျွၵ်ႉမႄး...

ဝၼ်းတီႈ 16/2/2022 မိူဝ်ႈၼႆႉယၢမ်းၵၢင်ၼႂ် PNLO/PNLA လႄႈ  RCSS ယိုဝ်းၵၼ်တၢင်းဝၢၼ်ႈ ယၢၼ်ႇၵိၼ်း ပွတ်းတွၼ်ႈ ၵၼ်ႇတူးလူင် ၸႄႈဝဵင်းမွၵ်ႇမႆႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း။ ပၢင်တိုၵ်းပဵၼ်မွၵ်ႈၶၢဝ်းယၢမ်း 11 မူင်းၵၢင်ဝၼ်း။ ၵူၼ်းဝၢၼ်ႈဢၼ်ပၢႆႈၽေးသိုၵ်းၵေႃႈဢမ်ႇမီး။ လွင်ႈမၢတ်ႇၸဵပ်းလူႉတၢႆၵေႃႈပႆႇလႆႈႁူႉတႅတ်ႈတေႃး။ ၵူၼ်းမွၵ်ႇမႆႇၵေႃႉၼိုင်ႈလၢတ်ႈဝႃႈ -“ပၢင်တိုၵ်းတႄႉပဵၼ်ဢမ်ႇပေႃးႁိုင်ၶႃႈႁိုဝ်ၶႃႈ ။ ၵူၼ်းပၢႆႈၽေးသိုၵ်းၵေႃႈဢမ်ႇမီး။ ငဝ်းလၢႆးၵေႃႈ ဢမ်ႇထိုင်တီႈလႆႈတူၵ်းၸႂ်ႁႅင်းၼင်ႇၵဝ်ႇ။ တၢင်းၵၼ်ႇတူးဢွၼ်ႇၼႆႉ လႆႈငိၼ်းဝႃႈ...

 ၶိူင်ႈမိၼ်ယိုဝ်းသိုၵ်း ၶွင်သိုၵ်းမၼ်ႈယိုတ်းမိူင်း တူၵ်းၵွႆတီႈဝၢၼ်ႈဢူင်းတေႃး တိူင်းၸႄႈၵႅင်း ႁွင်ႈၵၢၼ်ၶၢဝ်ႇ မျႃႉဝတီႇ ၶွင်ၸုမ်းသိုၵ်းမၢၼ်ႈပိုၼ်ၽၢဝ်ႇ။ ၶၢဝ်ႇမျႃႉဝတီႇဢွၵ်ႇမိူဝ်ႈၼႆႉၵၢင်ဝၼ်းဝႃႈ - ၶိူင်ႈမိၼ်ယိုဝ်းသိုၵ်း သိုၵ်းမၢၼ်ႈဢၼ် လုၵ်ႉတီႈတပ်ႉလူမ်း တတႃးဢူး ၼၼ်ႉ မိၼ်ၶိုၼ်ႈၵႂႃႇ ၾိုၵ်းသွမ်ႉၵၼ်သိုၵ်း တၢင်းၵၢင်ႁၢဝ် ၊ တူၵ်းလူင်းၼႂ်းၼွင်တီႈၾၢႆႇဢွၵ်ႇဝၢၼ်ႈဢူင်းတေႃး တိူင်းၸႄႈၵႅင်း မိူဝ်ႈၼႆႉ 16/2/2022 ယၢမ်းၵၢင်ၼႂ် 10 မူင်း...

ၽူႈၵေႃႇတင်ႈလႄႈၽူႈၼမ်းတပ်ႉသိုၵ်းၵဝ်ႈၵၢင်ႉ MNDAA  ၽိူင်ၵျႃးသိူင်း ဢႃယု 94 ပီ လူႉသဵင်ႈမိူဝ်ႈၼႆႉ 16/02/2022 ယၢမ်းၵၢင်ၼႂ် 5 မူင်း 40 မိၼိတ်ႉ The Kokang News ပိုၼ်ၽၢဝ်ႇဝႆႉၼင်ႇၼႆ။ ၽိူင်ၵျႃးသိူင်းၼႆႉ လူႉသဵင်ႈလူၺ်ႈတၢင်းပဵၼ်ၵူၼ်းထဝ်ႈ တီႈႁိူၼ်းမၼ်းၸဝ်ႈ ဝဵင်းမိူင်းလႃး ၼႃႈလိၼ်ၶိုၵ်ႉတွၼ်းမၢႆ 4 မိူင်းတႆးပွတ်းဢွၵ်ႇ။  ၶၢပ်ႈတူဝ်တႄႉ...

ၼႂ်းၸႄႈဝဵင်းတူၼ်ႈတီးလႄႈ လႃႈသဵဝ်ႈ  ၶိုၼ်းမီးၵူၼ်းၸပ်းတၢင်းပဵၼ်ၶူဝ်ႊဝိတ်ႉ 19 ၸိူဝ်ႉၽၼ်းဢူဝ်ႊမီႊၶရွၼ်ႊ ၵူၼ်းမိူင်းတူၵ်းၸႂ်ၾၢင်ႉယူႇၾၢင်ႉၵိၼ်။ ၼႂ်းဝၼ်းဝႃႊလႅၼ်ႊထၢႆႊ ဝၼ်းတၢင်းႁၵ်ႉမိူဝ်ႈဝႃး ဝၼ်းတီႈ 14/2/2022 တီႈဝဵင်းလႃႈသဵဝ်ႈ ၵူၼ်းၸပ်းတၢင်းပဵၼ်ၶူဝ်ႊဝိတ်ႉ ၶိုၼ်းပုင်ႈၶိုၼ်ႈထိုင် 18 ၵေႃႉ ၵူၼ်းလႃႈသဵဝ်ႈၵေႃႉၼိုင်ႈလၢတ်ႈ။ “ မိူဝ်ႈဝႃးယၢမ်းၵၢင်ၼႂ် ၵူၼ်းၵႂႃႇမႃးၼႂ်းဝဵင်းၼမ်လႄႈ ၾၢႆႇပၢႆးယူႇလီ တင်ႈလၢၼ်ႇ/ၵဵတ်ႉ ပႂ်ႉၵူတ်ႇထတ်း ။ ထူပ်းႁၼ်ၵူၼ်းၸပ်းတၢင်းပဵၼ်မီး 14 ၵေႃႉ...

ၾင်ႇမိူင်းၶႄႇ ဢမ်ႇႁပ်ႉသိုဝ်ႉတႅင်တဝ်ႈ/ တႅင်ၸမ်ႇပူႇလႄႈ ၸဝ်ႈသူၼ်လႆႈၵိုတ်းယင်ႉလိုဝ်ႈ လွင်ႈ ၽုၵ်ႇသွမ်ႈတႅင်။ ၽွင်းတၢင်းပဵၼ်ၶူဝ်ႊဝိတ်ႉ 19 ၽႄႈလၢမ်းႁၢဝ်ႈႁႅင်း ၼႂ်းမိူင်းႁူမ်ႈတုမ် ပွၵ်ႈၵမ်း 3 ၼႆႉသေ ၾင်ႇမိူင်းၶႄႇ ပိၵ်ႉဢိုတ်းၽၵ်းတူလႅၼ်လိၼ်တႆး - ၶႄႇ ၼႂ်းၸိုင်ႈတႆးပွတ်းႁွင်ႇ ပွတ်းၸႄႈဝဵင်းမူႇၸေႊ - ၼမ်ႉၶမ်း ၸိူဝ်းၼႆႉ ႁဵတ်းႁႂ်ႈၵူၼ်းမိူင်းၸိူဝ်းသူင်ႇၶူဝ်းၵုၼ်ႇၶဝ်ႈတၢင်းမိူင်းၶႄႇ ထူပ်းတၢင်းယၢပ်ႇ ၽိုတ်ႇၵူၺ်းဢမ်ႇၵႃး...

ၽူႈၼမ်းၸုမ်းသိုၵ်းယိုတ်းဢႃႇၼႃႇ ၸွမ်ၸိၵ်းသိုၵ်းလူင်မိၼ်းဢွင်ႇလၢႆႇ ႁွတ်ႈထိုင်ဝဵင်းၵဵင်တုင်  တၢင်ႇထီးထၢတ်ႈ မႁႃမုၼိ ၽြႃးရၶႅင်ႇၵၢင်ဝဵင်း မၢႆတွင်းတဵမ် 100 ပီ   ၸွမ်းၵၢင်ဝဵင်းမီးသိုၵ်းမၢၼ်ႈပလိၵ်ႈမၢၼ်ႈ ၶဵင်ႉၶႅင်လွင်ႈႁူမ်ႇလူမ်ႈ  ႁၢဝ်ႈႁႅင်း။   မိူဝ်ႈၼႆႉ ဝၼ်းတီႈ 15/2/2022 ယၢမ်းၵၢင်ၼႂ် မိၼ်းဢွင်ႇလၢႆႇ   မႃးပွႆးတၢင်ႇထီးထၢတ်ႈ 100  ပီတဵမ် ၵျွင်း ၽြႃးလူင် (ဝတ်ႉၽၸဝ်ႈလူင်/ ၽြႃးရၶႅင်ႇ/...

SHRF ဢွၵ်ႇလိၵ်ႈပိုၼ်ၽၢဝ်ႇၸီႉၸမ်ႉတူၵ်ႇတၵ်းသိုၵ်းမၢၼ်ႈ ႁႂ်ႈႁပ်ႉပုၼ်ႈႉၽွၼ်းတူၺ်းလူလႄႈ သၢႆႈတႅၼ်းပၼ်ၶိုၼ်းၵႃႈႁူဝ် ၵူၼ်းဝၢၼ်ႈပၢႆႈၽေးသိုၵ်း ဢၼ်လူႉတၢႆၵႂႃႇဝၢႆးလင်ၶဝ်တီႉၺွပ်းၵႂႃႇဝၼ်းၼိုင်ႈ။ မိူဝ်ႈၼႆႉ ဝၼ်းတီႈ 15/2/2022  ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF ဢွၵ်ႇၽိုၼ်တၢမ်းငဝ်းလၢႆးဝႃႈ  ၾၢႆႇၸွပ်ႇသိုၵ်းမၢၼ်ႈ  တီႉၺွပ်းပေႃႉထုပ်ႉ  ၸၢႆးထုၼ်းဝိၼ်း ဢႃယု 44 ပီ   ၵူၼ်းပၢႆႈၽေးသိုၵ်း မႃးသွၼ်ႈယူႇဝႆႉ တီႈႁိူၼ်းပီႈဢၢႆႈမၼ်းၸၢႆး တီႈပွၵ်ႉ 9 ၸႄႈ...