သိုၵ်းမၢၼ်ႈ ယိုတ်းမိူင်း လၢၵ်ႈၵွင်ႈယိုဝ်းသႂ်ႇ ၵူၼ်းၼမ်ႉၶမ်း တိူဝ်ႉမၢတ်ႇၸဵပ်းႁႅင်း ယၢမ်းလဵဝ် လႆႈသူင်ႇယူတ်းယႃတူဝ်ဝႆႉတီႈႁူင်းယႃ။
မိူဝ်ႈဝၼ်းတီႈ 28/5/2022 ယၢမ်းၵၢင်ၼႂ်ၸဝ်ႉ သိုၵ်းမၢၼ်ႈလၢၵ်ႈၵွင်ႈယိုဝ်းသႂ်ႇ ၸၢႆးယီႈ ၵူၼ်းၼမ်ႉၶမ်း တီႈ ၶူဝ်ၼမ်ႉသီးရီး ၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ၊ မၼ်းၸၢႆး လႆႈတိူဝ်ႉၺႃးမၢတ်ႇၸဵပ်းႁႅင်းသေ လႆႈသူင်ႇယူတ်းယႃတူဝ် ဝႆႉတီႈႁူင်းယႃ။
ၵူၼ်းၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ ပဵၼ်သိုၵ်းမၢၼ်ႈ ၵမ်းလဵဝ် ယိုဝ်းသႂ်ႇ မၼ်းၸၢႆး တေမႅၼ်ႈၽွင်းၶဝ် လေႉၵိၼ်း ဢဝ်ႁူမ်ႇလူမ်ႈ။ မၼ်းၸၢႆးသမ်ႉ ပႃးၽႃႉသေ ၶီႇရူတ်ႉၶိူင်ႈမႃး။ သိုၵ်းမၢၼ်ႈၼၼ်ႉသမ်ႉ ႁွင်ႉမၼ်းၵိုတ်း မၼ်းၸၢႆးဢမ်ႇငိၼ်းလႄႈဢမ်ႇႁူႉလွင်ႈတၢင်းလီလီလႄႈတေဢမ်ႇႁတ်းၵိုတ်းၶႃႈယူဝ်ႉ၊ သိုၵ်းမၢၼ်ႈ ၸင်ႇယိုဝ်းသႂ်ႇမၼ်းဢေႃႈ”- ဝႃႈၼႆ။
ယၢမ်းလဵဝ်ၵူၼ်းဝၢၼ်ႈလႄႈ ၸုမ်းၸွႆႈထႅမ် ဢဝ်တူဝ်မၼ်းသူင်ႇယူတ်းယႃတူဝ်ဝႆႉတီႈႁူင်းယႃၼမ်ႉၶမ်း ဝႆႉ ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ