ၵူၼ်းၼုမ်ႇတႆး  ၼႂ်းၸႄႈဝဵင်းၵူတ်ႉၶၢႆ 3 ၵေႃႉ ၺႃးသိုၵ်းၶၢင် KIA ၶဝ်ႈတီႉၼႂ်းႁိူၼ်းသေ ဢဝ်ၵႂႃႇႁဵတ်းသိုၵ်း ၽူႈယႂ်ႇၵူၼ်းလူင် ပေႃႈမႄႈၵူၼ်းၼုမ်ႇ  ၼႂ်းဝၢၼ်ႈၼႂ်းသူၼ် ၵႂႃႇတုၵ်းယွၼ်းၵေႃႈ ဢမ်ႇပႆႇပွႆႇပၼ်ၶိုၼ်း။ မိူဝ်ႈဝၼ်းတီႈ 11/2/2022 ယၢမ်းၵၢင်ၶိုၼ်းမွၵ်ႈ 9 မူင်း သိုၵ်းၶၢင် KIA ၶဝ်ႈတီႉၵူၼ်းၼုမ်ႇ ၵူၼ်းဝၢၼ်ႈၼႃးငူး ဢိူင်ႇယုမ်းမေႃး(ယုံးမောကျေးရွာအုပ်စု) ၸႄႈဝဵင်းၵူတ်ႉၶၢႆ  3...

ၸုမ်း ၵပ်းသၢၼ်လွင်ႈၼၢင်းယိင်းတႆး SWAN  ဢွၵ်ႇလိၵ်ႈပိုၼ်ၽၢဝ်ႇဝႃႈ ၵူၼ်းမိူင်းတႆး ပွတ်းၸၢၼ်း ႁူဝ်ၵူၼ်းႁိမ်း 230 ၵေႃႉ ၵႂႃႇမိူင်းထႆး၊ ဢမ်ႇမီးဝတ်းဝႂ်လႄႈ ၺႃးတီႉ တီႈၸႄႈဝဵင်းမိူင်းၾၢင် ၸႄႈတွၼ်ႈၵဵင်းမႆႇ မိူင်းထႆး ပွတ်းႁွင်ႇ။ မိူဝ်ႈဝႃး ဝၼ်းတီႈ 13/2/2022 ယူႇတီႈၸုမ်းၵပ်းသၢၼ် လွင်ႈၼၢင်းယိင်းတႆး (သွၼ်း) Shan Women’s Action...

ၼၢင်းယိင်းဢွၼ်ႇ သွင်ပီႈၼွင်ႉ ၵူၼ်းဝဵင်းလွၵ်ႉၸွၵ်ႇ ယဵပ်ႇၺႃးမၢၵ်ႇတႅၵ်ႇတိူဝ်ႉသႂ်ႇမၢတ်ႇၸဵပ်းႁၢဝ်ႈႁႅင်း ယၢမ်းလဵဝ်  သူင်ႇယူတ်းယႃ တူဝ်ဝႆႉ တီႈႁူင်းယႃလူင် ၸဝ်ႈၸၢမ်ႇထုၼ်း ဝဵင်းတူၼ်ႈတီး။ မိူဝ်ႈဝၼ်းတီႈ 12/2/2022 ယၢမ်းဝၢႆးဝၼ်းမွၵ်ႈ 3 မူင်း ၼၢင်းမူဝ်ၶွင်ႇ ဢႃယု 23 ပီလႄႈ ၼၢင်းၵျႃႇဢူႉ ဢႃယု 19 ပီ သွင်ပီႈၼွင်ႉ သွၼ်ႉရူတ်ႉၶိူင်ႈ...

မိူဝ်ႈၼႆႉ ဝၼ်းတီႈ 14/2/2022 ယၢမ်းၵၢင်ၼႂ်  သိုၵ်းမၢၼ်ႈယိုတ်းမိူင်းလႄႈ ၸုမ်းသိုၵ်းဢူၺ်းလီ ပိုတ်းယိုဝ်း ၵၼ်ၼႂ်းထုင်ႉမိူင်းယေႃ ၸႄႈဝဵင်းလႃႈသဵဝ်ႈ ၊ ၵူၼ်းဝၢၼ်ႈ ၼႂ်းဢိူင်ႇပၢင်သပေႇလႄႈ ဢိူင်ႇလွႆၸၢၵ်ႈ  ပၢႆႈၽေးသိုၵ်း ၼပ်ႉႁူဝ်ပၢၵ်ႇ မႃးသွၼ်ႈယူႇသဝ်းၸွမ်းႁိူၼ်းယေးၵူၼ်းဝၢၼ်ႈ ၼႂ်းဝဵင်းမိူင်းယေႃ။ ၵူၼ်း မိူင်းယေႃ လၢတ်ႈတီႈၽူႈတွႆႇႁွၵ်ႈဝႃႈ - “ပၢင်တိုၵ်းၼႆႉ ပဵၼ်မိူဝ်ႈၶမ်ႈဝႃး တႄႇဢဝ် ၵၢင်ၶမ်ႈ...

ၾႆးမႆႈႁိူၼ်းယေး ၵူၼ်းဝၢၼ်ႈလင်ၼိုင်ႈ ၼႂ်းၸႄႈဝဵင်းသီႇပေႃႉ ထုၵ်ႇၾႆးသႅင်လႅတ်ႇသျွတ်ႉမႆႈတင်းလင် ၶူဝ်းႁိူၼ်းယေး ဢမ်ႇတၼ်းလႆႈသင်။ မိူဝ်ႈဝၼ်းတီႈ 12/2/2022 ပူၼ်ႉမႃးၼႆႉ ၾႆးမႆႈႁိူၼ်းၵူၼ်းဝၢၼ်ႈလင်ၼိုင်ႈ တီႈဝၢၼ်ႈၵွင်းလၢင်း ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆး ပွတ်းႁွင်ႇ ထုၵ်ႇၾႆးမႆႈတင်းလင် ၶူဝ်းႁိူၼ်းယေး ဢမ်ႇတၼ်းလႆႈသင် လူႉသုမ်းမႆႈၸွမ်းၾႆးမူတ်း ယၢမ်းလဵဝ် လူဝ်ႇတၢင်းၸွႆႈထႅမ် ၶူဝ်းၶွင်တႃႇ ႁဵတ်းႁိူၼ်းလႄႈ ၶွင်ၵိၼ်ယႅမ်ႉ ၸိူဝ်းၼႆႉ။ ၵူၼ်းဝၢၼ်ႈၵွင်းလၢင်း...

လိူၼ်ၾႅပ်ႊပိဝ်ႊရီႊ ဝၼ်းတီႈ 12 ပီ 2022 ၼႆႉ ဝၼ်းမိူင်းႁူမ်ႈတုမ် ဢၼ်ၾၢႆႇမၢၼ်ႈဝႃႈ (ပြည်ထောင်စုနေ့) ၼၼ်ႉ ၶွပ်ႈႁွပ်ႈထိုင်မႃး 75 ၶူပ်ႇ ယဝ်ႉ။ ၼႂ်းဝၼ်းၼၼ်ႉ ယူႇတီႈၶွင်ႇသီႇသိုၵ်းမၢၼ်ႈ ဢၼ်ယိုတ်းမိူင်းၼႆႉ မွၵ်ႇႁွင်ႉထိုင်ၸုမ်းၸၢဝ်းၶိူဝ်းမႅၵ်ႇၵွင်ႈ လုၵ်ႉၽိုၼ်ႉ ၸိူဝ်းဢၼ်ဢမ်ႇပႃးၼႂ်းသဵၼ်ႈ ၸိုဝ်ႈ ၸုမ်းၼွၵ်ႈၶွပ်ႇမၢႆမီႈၼၼ်ႉ တင်းသဵင်ႈ ႁႂ်ႈလႆႈၶိုၼ်ႈႁွတ်ႈပၢင်ၵႅဝ်ႈ ဝၼ်းမိူင်းႁူမ်ႈတုမ်...

ပၢင်ၵုမ်လူင်ပၢင်လူင်တႄႇဝၼ်းထီႈ 3 - 7 လိူၼ်ၾႅပ်ႉလွငၿိဝ်ႊရီႊ 1947 ၸဝ်ႈၾႃႉ တူဝ်တႅၼ်းၸဝ်ႈၾႃႉ တူဝ်တႅၼ်း ၵူၼ်းမိူင်းတႆး ဢွၼ်ၵၼ်မႃးၶွၼ်ႈတုမ်တီႈပၢင်လူင် ဝဵင်းလၢႆးၶႃႈ ပိူဝ်ႈတႃႇၶဝ်ႈႁူမ်ႈပၢင်ၵုမ်။ ပုၼ်ႈတႃႇၵမ်ၸႃတႃမိူင်းတႆးမိူဝ်းၼႃႈၼၼ်ႉ ၸဝ်ႈၾႃႉလႄႈတူဝ် တႅၼ်းၵူၼ်းမိူင်းတႆး ဢွၼ်ၵၼ်ၽွမ်ႉလႆႈၸႂ်ႁူမ်ႈႁွမ်း ၵၼ်။ ၶွင်ႊသီႊႁူမ်ႈတုမ် (ဢၼ်မၢၼ်ႈႁဵၵ်ႈၶၢၼ်ၸိုဝ်ႈဝႃႈ “ၶွင်ႊသီႊၸဝ်ႈၾႃႉ”) ဢၼ်ဢိင်းၵလဵတ်ႈဢွၼ်တင်ႈဝႆႉ ၸဵမ်မိူဝ်ႈပႆႇပဵၼ်သိုၵ်းလူင်ၼၼ်ႉ ဢွၼ်ၵၼ်ၶိုၼ်းမႄးလႅၵ်ႈလၢႆႈၶွတ်ႇၽွတ်ႈပဵၼ် “ၶွင်ႊသီႊၸိုင်ႈတႆး”...

တႄႇဢဝ် ႁူဝ်လိူၼ်ၾႅပ်ႊပိဝ်ႊရီႊၼႆႉမႃး ၼႂ်းၸႄႈဝဵင်းၵဵင်းတုင် ၵူတ်ႇထတ်းႁၼ် ၵူၼ်းတိတ်းၸပ်း ၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 မႃးထႅင်ႈ။ မိူဝ်ႈဝႃး ဝၼ်းတီႈ 10/2/2022 ၼႂ်းၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း ၵူတ်ႇထတ်းႁၼ် ၵူၼ်းတိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 ထႅင်ႈ 7 ၵေႃႉ။ ၼႂ်းၼၼ်ႉ တီႈဢိူင်ႇၼွင်ၵုင်ႈ 5 ၵေႃႉ၊ တီႈပွၵ်ႉ (3)...

ၵူၼ်းပၢႆႈၽေးသိုၵ်း ဢၼ်မီးတီႈ မိူင်းၵိုင် ႁူဝ်ၵူၼ်း မွၵ်ႈ 500 ပႆႇၸၢင်ႈပွၵ်ႈႁိူၼ်းယေး  သိုၵ်းသိူဝ်တိုၵ်ႉတူင်ႉၼိုင် ၶဵင်ႈၶႅင်ၵၼ်ဝႆႉႁိမ်းၸမ်ဝၢၼ်ႈ။   ၵူၼ်းပၢႆႈၽေးသိုၵ်း ၸိူဝ်းၼႆႉ မီးဝႆႉတီႈဝၢင်းထၢတ်ႈမူၺ်ႇတေႃႇလႄႈ ၸွမ်းႁိူၼ်းယေးပီႈၼွင်ႉၽႂ်မၼ်း ၼႂ်းပွၵ်ႉ/ယွမ်ႇ ၼႂ်းဝဵင်း မိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း  ။ ၵူၼ်း  မိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ - “ယၢမ်းလဵဝ် ၵူၼ်းပၢႆႈၽေးသိုၵ်း ဢၼ်ၵိုတ်းဝႆႉတႄႉမီးတီႈဝၢင်းမူၺ်ႇတေႃႇ...

ၼႂ်းဝဵင်းဢွင်ႇပၢၼ်း ၸိုင်ႈတႆးပွတ်းၸၢၼ်း ၾႆးၾႃႉ ၵမ်းၵမ်းၶၢတ်ႇလႄႈ ၵူၼ်းမိူင်းလႆႈတႆႈ ၾႆးတဵၼ်းတႅၼ်း ထိုင်တီႈ ၾႆးမႆႈႁိူၼ်းယေး   လင်ၼိုင် ဢမ်ႇတၼ်းလႆႈၶူဝ်းၶွင်သင် လူႉသုမ်းမူတ်း။   မိူဝ်ႈဝႃး ဝၼ်းတီႈ 10/2/2022 ယၢမ်းၵၢင်ၶမ်ႈ မွၵ်ႈ 8 မူင်း ၾႆးမႆႈႁၢၼ်ႉၶၢႆၶိူင်ႈၶူဝ်းသၢင်ႇလွင်း ဢၼ်ၶၢႆၵိုၵ်းႁိူၼ်းယေး လင်ၼိုင်ႈ တီႈပွၵ်ႉမူဝ်းၵွင်း (မိုးကောင်းရပ်ကွက်) ဝဵင်းဢွင်ႇပၢၼ်း...

ၵူၼ်းၵျွၵ်ႉမႄး ဢၼ်ပၢႆႈၽေးသိုၵ်း မႃးႁွတ်ႈထိုင်ဝႆႉ တီႈဝဵင်းၸွၵ်ႉၸွၵ်ႇ ႁူဝ်ၵူၼ်း 500 ပၢႆၼၼ်ႉ လႆႈသိုပ်ႇပၢႆႈၽေးသိုၵ်း ထႅင်ႈ။ ဝၼ်းတီႈ 9/2/2022 ယၢမ်းႁူဝ်ၶမ်ႈ ၵူၼ်းမိူင်းၵျွၵ်ႉမႄး ၸိုင်ႈတႆးပွတ်းႁွင်ႇ ႁူဝ်ၵူၼ်း 560 ပၢႆ ဢၼ်ပၢႆႈၽေးသိုၵ်း မႃးသွၼ်ႈ ဝႆႉတီႈ ဢိူင်ႇၵဵင်းၶမ်း ဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်းၼၼ်ႉ  ပၢင်တိုၵ်းပဵၼ်မႃးၸမ်ႁိမ်းဝၢၼ်ႈ ၵဵင်းၶမ်းထႅင်ႈလႄႈ...

ပၢင်တေႃႇလွင်းၶႂ်ႈဝႃႈမီးၵူႈတီႈၵူႈဝဵင်းၼႂ်းၸိုင်ႈတႆး ႁဵတ်းၸွမ်းၶေႃႈၸီႉသင်ႇဢၼ်ၾၢႆႇလိူမ်ႈလႆႇ တႂ်ႈသိုၵ်းယိုတ်း မိူင်းၽွင်း ငမ်း ဢွၵ်ႇၶေႃႈပူင် ဝႃႈၼႆ။  ယၢမ်းလဵဝ်ၼႂ်းၸိုင်ႈတႆးပွတ်းႁွင်ႇ၊ ပွတ်းၸၢၼ်းလႄႈ ပွတ်းဢွၵ်ႇၶူင်း မိူၼ်ၼင်ႇၸႄႈဝဵင်းလႃႈသဵဝ်ႈ၊ ၵဵင်းတုင်၊ တႃႈၶီႈလဵၵ်း၊ တူၼ်ႈတီး ဢိၵ်ႇလၢႆလၢႆၸႄႈဝဵင်း  ပိုတ်ႇပၢင်တေႃႇလွင်း ပဵၼ်တၢင်းၵၢၼ်  လွတ်ႈလွတ်ႈလႅဝ်းလႅဝ်း  ။   ၵူၼ်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “တီႈလႃႈသဵဝ်ႈတႄႉ ပၢင်တေႃႇလွင်း ပိုတ်ႇမႃးႁိုင်ယဝ်ႉ။...

မေႃတႅမ်ႈႁၢင်ႈလူၼ်ႉ ၵႃႊတုၼ်ႊ ႁၢင်ႈၵိူဝ်ႉၵၢၼ်မိူင်း ၸၢႆးသၢႆလႅတ်ႇ ဢၼ်တင်းၼမ်ႁူႉဝႃႈ ၵႃႊတုၼ်ႊ ႁၢၼ်လဵတ်း ၼၼ်ႉ လူႉသဵင်ႈသုတ်းမုၼ်လူၺ်ႈတၢင်းပဵၼ်တပ်း မိူဝ်ႈဝၼ်းတီႈ 9/2/2022 တီႈႁူင်းယႃ တီႈဝဵင်းတူၼ်ႈတီး။ ၶၢပ်ႈတူဝ်မၼ်းၸဝ်ႈတႄႉ လုၵ်ႈလၢင်းမေးၼၢင်းဢဝ်မႃးလုမ်းလႃးသၢင်းၵျူဝ်ႇပၼ်တီႈ ဝဵင်းပၢင်လူင် ၼႂ်းဝၼ်းမိူဝ်ႈၼႆႉ ဝၼ်းတီႈ 11/2/2022 ။ ၵႃႊတုၼ်ႊ ႁၢၼ်လဵတ်းၼႆႉ ပဵၼ်လုၵ်ႈလၢၼ်ၸဝ်ႈၾႃႉမိူင်းၼွင်မွၼ် ဝႃႈၼႆသေတႃႉ...

သိုၵ်းမၢၼ်ႈတင်း ၸုမ်းဢူၺ်းလီပွတ်းႁွင်ႇ ပဵၼ်ပၢင်တိုၵ်းၵၼ် တၢင်းထုင်ႉမိူင်းယေႃ ၾၢႆႇဢွၵ်ႇဝဵင်း လႃႈသဵဝ်ႈႁၢဝ်ႈႁႅင်း၊ ၾၢႆႇသိုၵ်းမၢၼ်ႈ ဢဝ်ႁိူဝ်းမိၼ်သိုၵ်း လေႃႇတိုၵ်းသွင်ဝၼ်းထပ်း။ သိုၵ်းမၢၼ်ႈ တင်းၸုမ်းဢူၺ်းလီ သိုၵ်းပွတ်းႁွင်ႇပဵၼ်ပၢင်တိုၵ်းၵၼ် တၢင်းႁူတ်ႈႁၢဝ်းလွႆ ၾၢႆႇဢွၵ်ႇ မိူင်းယေႃ မွၵ်ႈ 3-4 လၵ်း ယၢၼ်ၵႆဝဵင်းလႃႈသဵဝ်ႈ ႁိမ်း 40 လၵ်း။ ပၢင်တိုၵ်း ဝၼ်းတီႈ 7...

ပၢင်တိုၵ်း တၢင်းလႅၼ်ၶႅၼ်ႈ ဝဵင်းၼမ်ႉလၼ်ႈလႄႈ ၸႄႈဝဵင်းလွၵ်ႉၸွၵ်ႇၼၼ်ႉ လၢမ်းလူင်းမႃးၸမ်ဝၢၼ်ႈၵျွၵ်ႉၵူႇ ယဝ်ႉလႄႈ ၵူၼ်းမိူင်းၼႂ်းဢိူင်ၵဵင်းၶမ်း  ဢွၼ်ၵၼ်ငိူင်ႉပၢႆႈၽေးသိုၵ်းဝႆႉထႃႈ ၵူဝ်မၢၵ်ႇၵွင်ႈ မၢၵ်ႇလူင်တူၵ်းသႂ်ႇႁိူၼ်းယေးၼႂ်းဝၢၼ်ႈဢိူင်ႇ ။ ဝၢၼ်ႈၵဵင်းၶမ်း ၸႄႈဝဵင်းလွၵ်ႉၸွၵ်ႇ မိူဝ်ႈဝႃး ဝၼ်းတီႈ 9/2/2022 ၼႆႉ ၸုမ်းဢူၺ်းလီပွတ်းႁွင်ႇ လႄႈတင်း သိုၵ်း RCSS   ပဵၼ်ပၢင်တိုၵ်းၵၼ် ႁၢဝ်ႈႁႅင်း တင်းႁိမ်းဝၢၼ်ႈၵျွၵ်ႉၵူႇ ၸႄႈဝဵင်းလွၵ်ႉၸွၵ်ႇ   မၢၵ်ႇလူင်တူၵ်းသႂ်ႇ...