သိုၵ်းမၢၼ်ႈ ၽႃႇၺႃးမၢၵ်ႇမႅင်းၾင်လိၼ်ၸဝ်ႈၵဝ်ႇၶိုၼ်း တၢႆထင်တီႈ 2 ၵေႃႉ

189

ၶွင်ႇသီႇသိုၵ်းမၢၼ်ႈ ယိုတ်းမိူင်း ၵႂႃႇၽႃႇၺႃးမၢၵ်ႇမႅင်းၾင်လိၼ် ဢၼ်ၶဝ်ၶိုၼ်း ႁၢင်ႈၵၢင်ဝႆႉ ၼႂ်းၸႄႈဝဵင်းပၢင်လွင်း လူႉတၢႆ ထင်တီႈ 2 ၵေႃႉ ။

Photo by – SHAN/ ဝဵင်းပၢင်လွင်း

သိုၵ်းမၢၼ်ႈတင်း ပျီႇတူႉၸိတ်ႉပဢူဝ်း PNA ႁူမ်ႈၵၼ် တူင်ႉၼိုင်ပၵ်းတပ်ႉဝႆႉ တီႈႁိမ်းဝၢၼ်ႈပၢင်ၵူမ် ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ။   ဝၼ်းတီႈ 24/5/2022  သိုၵ်းမၢၼ်ႈ 2 ၵေႃႉ  လူင်းၵႂႃႇဢၢပ်ႇၼမ်ႉတီႈတႃႈ ၽႃႇၺႃးမၢၵ်ႇမႅင်းၾင်လိၼ်ၶဝ်ၶိုၼ်းႁင်းၵူၺ်းသေ  လူႉတၢႆထင်တီႈ 2 ၵေႃႉ  ။

ၵူၼ်းပၢင်လွင်း လၢတ်ႈတီႈၽူႈတွႆႇႁွၵ်ႈဝႃႈ – “မိူဝ်ႈဝူင်ႈပူၼ်ႉၼၼ်ႉ သိုၵ်းမၢၼ်ႈလူင်းၵူတ်ႇထတ်းၸွမ်းႁိမ်းႁွမ်းဝၢၼ်ႈ ၼၼ်ႉ ဢဵၼ် ႁႅင်းသိုၵ်း မီး 10 ပၢႆ ႁူမ်ႈတင်း PNA သေ ပႂ်ႉယၢမ်းဝႆႉ။  သိုၵ်းမၢၼ်ႈ သွင်ၵေႃႉ လူင်းၵႂႃႇဢၢပ်ႇၼမ်ႉၼႆသေ ယဵပ်ႇၺႃးမၢၵ်ႇမႅင်း ဢၼ်ၶဝ် ႁၢင်ႈၵၢင်ဝႆႉ လႆႈလူႉတၢႆထင်တီႈၶႃႈဢေႃႈ”- ဝႃႈၼႆ။

ႁိမ်းႁွမ်းဝၢၼ်ႈပၢင်ၵူမ် ၼႆႉ  မီး သိုၵ်းမၢၼ်ႈတင်း ပျီႇတူႉၸိတ်ႉပဢူဝ်း PNA ၵူၺ်း ယူႇသဝ်းတူၵ်ႉၼိုင်ပႂ်ႉၵူတ်ႇထတ်းၵူၼ်းၵႂႃႇမႃး။

ၸွမ်းၼႂ်းထိူၼ်ႇ ႁိမ်းႁွမ်းဝၢၼ်ႈၼႆႉ  မီးၶဝ်ၵူၺ်း ယူႇသဝ်းတူင်ႉၼိုင်။ ၵွပ်ႈၼႆလႄႈ လူဝ်ႇလႆႈဝႆႉသတိတႄႉတႄႉၶႃႈ။   ၼႂ်းထိူၼ်ႇ  ၸွမ်းႁိမ်းႁွမ်းဝၢၼ်ႈၼႆႉ မၢၵ်ႇၵႆႉတႅၵ်ႇလၢႆလၢႆၵမ်းယဝ်ႉၶႃႈ”- ၵူၼ်းပၢင်လွင်း သိုပ်ႇလၢတ်ႈၼႄၼင်ႇၼႆ။

ဢိင်ၼိူဝ် လွင်ႈမၢၵ်ႇမႅင်းၼႆႉသေ ယူႇတီႈ ၸုမ်းတူင်ႉၼိုင် တႃႇၵႅတ်ႇၵင်ႈမၢၵ်ႇမႅင်းတႅၵ်ႇ ၵူႈမိူင်းမိူင်း နိုင်ငံတကာမြေမြှုပ်မိုင်းများတားဆီးရေးလှုပ်ရှားမှု (ICBL) တုၵ်းယွၼ်းၸူး ၸုမ်းယိပ်းၵွင်ႈၵၢင်ႇတင်းမူတ်းပႃးၸဵမ်ၸုမ်းသိုၵ်းမၢၼ်ႈ။   ယွၼ်ႉပိူဝ်ႈ ဢၼ်ယဵပ်ႇၺႃးတႅၵ်ႇသႂ်ႇမၢတ်ႇၸဵပ်းလူႉတၢႆၼႆႉပဵၼ်ၵူၼ်းမိူင်းၵမ်ႈၼမ် ဝႃႈၼႆ။

တႄႇဢဝ် ပီ 2000 ၼၼ်ႉမႃး တေႃႇထိုင် ပီ 2020 ၼႂ်းၸႄႈမိူင်းၶၢင်တင်းမိူင်းတႆး မီးၵူၼ်းယဵပ်ႇၺႃးမၢၵ်ႇလူႉတၢႆ မၢတ်ႇၸဵပ်းၼမ်တီႈသုတ်း ယူႇတီႈ Landmine Monitor ၵဵပ်းၶေႃႈမုၼ်းတႅမ်ႈမၢႆဝႆႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ