Tuesday, June 25, 2024

ၽူႈၸၢႆးၵေႃႉၼိုင်ႈ တၢႆတီႈႁိမ်းၸၼ်ႉၸွမ်ပၢႆးမေႃယႃ ဝဵင်းတူၼ်ႈတီး

Must read

ၽူႈၸၢႆးၵေႃႉၼိုင်ႈ ဢႃယု မွၵ်ႈ 40 ပီ တၢႆဝႆႉတၢင်းလင်ၸၼ်ႉၸွမ် ၾၢႆႇပၢႆးမေႃယႃ ဝဵင်းတူၼ်ႈတီး  ထုၵ်ႇႁႅမ်တၢႆႁိုဝ် တၢႆယွၼ်ႉသင်ဢမ်ႇႁူႉဝႃႈၼႆ။  

ၸၼ်ႉၸွမ်ၾၢႆႇပၢႆးမေႃယႃ ဝဵင်တူၼ်ႈတီး

ဝၼ်းတီႈ 30/5/2022 ယၢမ်းၵၢင်ဝၼ်း ၵူၼ်းဝၢၼ်ႈထူပ်းႁၼ် တူဝ်တၢႆ ၽူႈၸၢႆးၵေႃႉၼိုင်ႈ ဢႃယုမွၵ်ႈ 40 ပီ တီႈ တၢင်းလင်ၸၼ်ႉၸွမ် ၾၢႆႇပၢႆး မေႃယႃ ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ။  

- Subscription -

ၵူၼ်းႁိမ်းႁွမ်းၼၼ်ႉ လၢတ်ႈတီႈၽူႈတွႆႇႁွၵ်ႈဝႃႈ -“မၼ်းၸၢႆးပဵၼ်ၽႂ် ယွၼ်ႉသင်လႄႈတၢႆ ဢၼ်ဝႃႈၼၼ်ႉ ပႆႇႁူႉၶႃႈ။ ၵူၼ်းတၢႆၼၼ်ႉ တေမီးဢႃယု မွၵ်ႈ 40 ပီ သမ်ႉမႃးတၢႆလင်ၸၼ်ႉၸွမ်လႄႈ ႁဵတ်းႁႂ်ႈၵူၼ်းၼႂ်းပွၵ်ႉယွမ်ႇ ဢိၵ်ႇလုၵ်ႈႁဵၼ်း ဢွၼ်ၵၼ်တူၵ်းၸႂ် ၶႃႈဢေႃႈ”- ဝႃႈၼႆ။

ဝၢႆးလင် ထူပ်းႁၼ် တူဝ်တၢႆ ၽူႈၸၢႆး ဢႃယုမွၵ်ႈ 40 ပီၼႆႉယဝ်ႉ သိုၵ်းလႄႈ ပလိၵ်ႈမၢၼ်ႈ ၼႅတ်ႈမႃးဢဝ်တူဝ်တၢႆ မၼ်းၸၢႆးၵႂႃႇၵမ်းလဵဝ်။

မွၵ်ႈၵၢင်လိူၼ်မေႊ ပူၼ်ႉမႃးၼႆႉ သိုၵ်းမၢၼ်ႈ တပ်ႉလွႆလႅမ်၊ ၼမ်ႉၸၢင်၊ မိူင်းၼၢႆး ဢၼ်ႁူမ်ႈၵၼ်သေ သူင်ႇႁႅင်းသိုၵ်းၶိုၼ်ႈ တၢင်းတူၼ်ႈတီးၼၼ်ႉ မႃးဝႅၼ်တူၵ်းၵႃးသိုၵ်းသေ လႅၼ်ႈပၢႆႈ 3 ၵေႃႉ  ။

ဝၢႆးၼၼ်ႉ ထိုင်တီႈသိုၵ်းမၢၼ်ႈထႅမ်ႁႅင်းသိုၵ်းသေ ႁႄႉရူတ်ႉၵႃးၵူၼ်းမိူင်းၵိုတ်း ၵူတ်ႇထတ်းၸႅတ်ႈထၢမ်ႁၢဝ်ႈႁႅင်း ယဝ်ႉၵေႃႈ ဝႅတ်ႉလွမ်ႉသွၵ်ႈတဝ်ႁႃ ၸွမ်းၼႂ်းထိူၼ်ႇ ၼႂ်းၸႄႈဝဵင်းလွႆလႅမ်လႄႈ ၸႄႈဝဵင်းမိူင်းပွၼ် ၶိူဝ်းယႂ်း။  တေႃႇထိုင်ဝၼ်းမိူဝ်ႈၼႆႉ ပႆႇငိၼ်းဝႃႈ ႁႃႁၼ်ၶိုၼ်း ၵူၼ်းပိုၼ်ႉတီႈလၢတ်ႈ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း