ၸၼ်ႉၸွမ် ႁၢၼ်သွင်း မိူင်းၵဝ်ႊရီႊၸၢၼ်း ပိုၼ်ၽၢဝ်ႇဝႃႈ တေပၼ်တၢင်းၸွႆႈထႅမ်ၵူၼ်းၼုမ်ႇလုၵ်ႈဢွၼ်ႇမိူင်းမၢၼ်ႈ ၼႂ်းပိုၼ်ႉတီႈထူပ်းၽေးၽႅၼ်ႇလိၼ်ဝႆၼၼ်ႉဝႃႈၼႆ။
လွင်ႈၼႆႉ ၽိုၼ်ၶၢဝ်ႇ Korea JoongAng Dailyပိုၼ်ၽၢဝ်ႇဢွၵ်ႇမႃးၼႂ်းဝူင်ႈပူၼ်ႉမႃးၼႆႉ။ ၼႂ်းၼၼ်ႉတႅမ်ႈဝႆႉဝႃႈ လုၵ်ႈဢွၼ်ႇ ပႃးၸႂ်တႃႇႁဵၼ်းလိၵ်ႈလၢႆး – ၵူၼ်းၼႂ်းပိုၼ်ႉတီႈထူပ်းၽေးၽႅၼ်ႇလိၼ်ဝႆ ၼႂ်းမိူင်းမၢၼ်ႈ တွၼ်ႈၵၢင် ၊ လုၵ်ႈဢွၼ်ႇၵတ်ႉၶႅၼ်ႇလိၵ်ႈ ၸိူဝ်းၼႆႉ ပေႃးသူၼ်ၸႂ်ၼႆႉတၢင်ႇလဝ်ႈမႃးလႆႈဝႃႈၼႆ။
လုၵ်ႈႁဵၼ်းၵေႃႉဢၼ်သူၼ်ၸႂ်ၼၼ်ႉ ယိုၼ်ႈတၢင်ႇလိၵ်ႈမႃး ႁႂ်ႈပႃးလၵ်းထၢၼ်လွင်ႈဝႃႈ ထူပ်းၽေးၽႅၼ်ႇလိၼ်ဝႆသေလူႉသုမ်းတႄႉတႄႉ၊ ႁူပ်ႉလွင်ႈယၢပ်ႇၽိုတ်ႇတႄႉတႄႉ – ဢိင်ၼိူဝ်ၶေႃႈမုလ်းဢၼ်လုၵ်ႈႁဵၼ်းတၢင်ႇမႃးၼၼ်ႉသေ ထုၵ်ႇလီပၼ်ဢမ်ႇပၼ် ယူႇတီႈၶွမ်ႊမတီႊ ၸင်ႇတေတႅပ်းတတ်းသေ ပၼ်လွင်ႈၵမ်ႉၸွႆႈဝႃႈၼႆ။
လိၵ်ႈယွၼ်းတၢင်းၸွႆႈၼႆႉၸၢင်ႈတၢင်ႇယိုၼ်ႈလႆႈၼႂ်းဝၼ်းတီႈ 10 ဢေႊပရိူဝ်ႊ တေႃႇထိုင် လိူၼ်မေႊဝၼ်းတီႈ 9။ ၽႂ်သူၼ်ၸႂ်ႁႂ်ႈၶဝ်ႈတူၺ်းတီႈဝႅပ်ႉသၢႆႉၸၼ်ႉၸွမ် Hansung University ၼၼ်ႉသေ ယိုၼ်ႈတၢင်ႇလႆႈၵမ်းသိုဝ်ႈဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ