ၶၢဝ်ႇ

ၵေႃႁူမ်ႈသၢင်ႈၵူၼ်းၼုမ်ႇတႆး TYN ၸတ်းႁဵတ်းပၢင်ပၼ်ပိုၼ်ႉႁူႉ လၢႆးႁၢင်ႈႁႅၼ်းၽွင်းထူပ်းငဝ်းလၢႆးၶိုၵ်ႉၶၵ်ႉ မိူၼ်ၼင်ႇ ပေႃးပဵၼ်ပၢင်တိုၵ်း ထုၵ်ႇလီႁၢင်ႈႁႅၼ်းၸိူင်ႉႁိုဝ်လႄႈ ထုၵ်ႇလီငိူင်ႉဝႄႈၽေးၸိူင်ႉႁိုဝ် ၸဵမ်ၸိူဝ်းၼႆႉ။ ပၢင်သွၼ်ပၼ်ပိုၼ်ႉႁူႉၼႆႉ ၸတ်းႁဵတ်းတီႈ ဝတ်ႉသွၼ်ထမ်း ဝၢၼ်ႈၼႃးမၢၵ်ႇၶေႃ ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ၼႂ်းဝၼ်းတီႈ 25-27/8/2019 တႃႇၶၢဝ်းတၢင်း 3 ဝၼ်း။ ဢၼ် TNY လႆႈပူင်သွၼ်ၵႂႃႇသမ်ႉ တင်းမူတ်းမီး 4 ႁူဝ်ၶေႃႈ။...

ႁႅင်းၵၢၼ်တႆး ဢႃယု 22 ပီ တီႈၵဵင်းမႆႇ ၸိုင်ႈထႆး ၵိူတ်ႇပဵၼ်ၽေးဢုပၢတ်ႈ ၺႃးရူတ်ႉၵႃး ၽႃႇသေ လႆႈလူႉတၢႆ တီႈႁူင်းယႃ ၸႄႈဝဵင်းႁၢင်လူင်း ဝႃႈၼႆ။ ဝၼ်းတီႈ 25/8/2019 ယၢမ်းၵၢင်ၶိုၼ်း ၸၢႆးဢူင်းမိၼ်ႉ ဢႃယု 22 ပီ လုၵ်ႉတၢင်းၸႄႈဝဵင်းႁၢင်လူင်း မုင်ႈၼႃႈၸူး တၢင်းဝဵင်း ၵဵင်းမႆႇသေ လႆႈၵိူတ်ႇပဵၼ်ၽေးဢုပၢတ်ႈ...

Myanmar PRO (Myanmar Performance Rights Organization) ၸုမ်းႁၵ်ႉသႃသုၼ်ႇလႆႈပၢႆးမွၼ်း မိူင်းမၢၼ်ႈ ပိုၼ်ၽၢဝ်ႇဝႃႈ ၸဝ်ႈၶွင်ၽဵင်းၵႂၢမ်းၼႆႉပဵၼ်ၽူႈတႅမ်ႈၵႂၢမ်း၊  ပေႃးဢမ်ႇလႆႈၶႂၢင်ႉ ဢၼုယၢတ်ႈတီႈၸဝ်ႈၶွင် တိုၼ်းတေဢမ်ႇလႆႈဢဝ်ၸႂ်ႉ ၼႂ်းၵၢၼ်ပၢႆးမၢၵ်ႈမီးလႂ်သေဢၼ် တေဢဝ်လိူင်ႈၼင်ႇပၵ်းပိူင်မၢႆမီႈမီးဝႆႉ ဝႃႈၼႆ။ ဢဝ်သဵင်တွႆႇတိုင်ႈၵူၺ်းၵေႃႈလီ၊ ၼိူဝ်ႉၽဵင်းၵႂၢမ်းၵေႃႈလီ၊ ဢဝ်တင်းႁူဝ်ၵေႃႈယဝ်ႉ ပေႃးဢမ်ႇလႆႈဢၼုယၢတ်ႈ တီႈၸုမ်း Myanmar PRO ၸိုင် တိုၼ်းတေဢမ်ႇလႆႈဢဝ်ႁွင်ႉ...

ၵူၼ်းပၢႆႈၽေးသိုၵ်း တီႈလႃႈသဵဝ်ႈ ႁူဝ်ၵူၼ်းႁိမ်းၸမ် 3,000 ၵေႃႉ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်းမူတ်းယဝ်ႉ။ မိူဝ်ႈၼႆႉ ဝၼ်းတီႈ 26/08/2019 ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈဝတ်ႉဝိႁၢရ်လူင်မၢၼ်ႈသူႈ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ ၶိုၼ်းဢွၼ်ၵၼ်ပွၵ်ႈမိူဝ်းႁိူၼ်းယေးၽႂ်မၼ်းမူတ်းယဝ်ႉ။ ၸၢႆးႁၢၼ်ႇ ႁူဝ်ပဝ်ႈ ၸုမ်းၵူၼ်းၼုမ်ႇတႆး TYO ၸိုင်ႈတႆးပွတ်းႁွင်ႇ လၢတ်ႈတီႈၽူႈတွႆႇႁွၵ်ႈဝႃႈ “ မိူဝ်ႈၼႆႉ ၵူၼ်းပၢႆႈၽေးသိုၵ်း တီႈၵျွင်းမၢၼ်ႈသူႈ ဢွၼ်ၵၼ်ပွၵ်ႈမိူဝ်းမူတ်းယဝ်ႉၶႃႈ။ မိူဝ်ႈဝႃးသမ်ႉ...

သင်ၶၸဝ်ႈလႄႈ ၸုမ်းတူင်ႉၼိုင်တူင်ႇဝူင်းပၢႆးပၺ်ႇၺႃႇတႆး ႁူပ်ႉဢုပ်ႇၵၼ် ပွၵ်ႈၵမ်း 2 ႁူမ်ႈၵၼ် မၵ်းမၼ်ႈၵေႃႁူမ်ႈသၢင်ႈ ပၢႆးပၺ်ႇၺႃႇၸိူဝ်ႉၸၢတ်ႈတႆး တီႈဝဵင်းတူၼ်ႈတီး မီးၽူႈၶဝ်ႈႁူမ်ႈ ၸမ် 50 တူၼ်/ ၵေႃႉ။ ဝၼ်းတီႈ 24-25/8/2019 သင်ၶၸဝ်ႈလႄႈ ၸုမ်းတူင်ႉၼိုင်တူင်ႇဝူင်း ၾၢႆႇပၢႆးပၺ်ႇၺႃႇ လၢႆလၢႆတီႈ ႁူမ်ႈၵၼ်ၶွတ်ႇၽွတ်ႈ တႃႇပၢႆးပၺ်ႇၺႃႇၸိူဝ်ႉၸၢတ်ႈတႆး ပၢင်ၵုမ်ၼႆႉ ၸတ်းႁဵတ်းတီႈ ဝတ်ႉဝေႇလုဝၼ်ႇ...

ဢိင်ၼိူဝ်လွင်ႈပဵၼ်ပၢင်တိုၵ်း ၼႂ်းၸိုင်ႈတႆးပွတ်းႁွင်ႇသေ ၽူႈတႅၼ်းသၽႃးသႅၼ်ဝီ မႆႈၸႂ်ၾၢင်ႉထိုင်လွင်ႈႁူမ်ႇလူမ်ႈ လွင်ႈ ၵႂႃႇမႃးၵူၼ်းမိူင်း ယၢမ်းၵၢင်ၶမ်ႈ- ၵၢင်ၶိုၼ်း။ ၸၢႆးၸိင်ႇလူႇ ၽူႈတႅၼ်းသၽႃးၸႄႈမိူင်း ၶဵတ်ႇလိူၵ်ႈတင်ႈ မၢႆ 2 ၸႄႈဝဵင်းသႅၼ်ဝီ လၢတ်ႈတီႈၽူႈတွႆႇႁွၵ်ႈဝႃႈ “ ယူႇတီႈၽူႈၵွၼ်း ၸႄႈဝဵင်းသႅၼ်ဝီ လႆႈပွင်ႇၶၢဝ်ႇၸူး တီႈၽူႈၵွၼ်းပွၵ်ႉ/ ဢိူင်ႇ ႁႂ်ႈမွၵ်ႇလၢတ်ႈပၼ်ၾၢင်ႉထိုင်ၵူၼ်းဝၢၼ်ႈ ၵူၼ်းဢိူင်ႇႁဝ်း တႄႇဢဝ်ယၢမ်းၵၢင်ၶိုၼ်း 10...

PPST တိုၵ်းသူၼ်းထိုင် တပ်ႉသိုၵ်းလူင်ပွင်ၸိုင်ႈမၢၼ်ႈလႄႈ ၸုမ်းဢူၺ်းလီ ပွတ်းႁွင်ႇ တင်းသွင်ၾၢႆႇ ႁႂ်ႈလူတ်းယွမ်း ပၢင်တိုၵ်း ဢၼ်ပဵၼ်ယူႇ ၼႂ်းၸိုင်ႈတႆးပွတ်းႁွင်ႇလႄႈ ၸႄႈမိူင်းရၶႅင်ႇ ဝႃႈၼႆ။ ဝၼ်းတီႈ 25/8/2019 ယူႇတီႈၸုမ်းယိပ်းၵွင်ႈၵၢင်ႇၸၢဝ်းၶိူဝ်း 10 ၸုမ်း ဢၼ်လူင်းလၢႆးမိုဝ်း ၵိုတ်းတိုၵ်းပတ်းပိုၼ်ႉတူဝ်ႈမိူင်း NCA ၸတ်းႁဵတ်းပၢင်ၵုမ်ယဝ်ႉ ႁူမ်ႈၵၼ် ဢွၵ်ႇၶေႃႈပိုၼ်ၽၢဝ်ႇ တင်းမူတ်းမီး 6...

ၵေႃပွင်ၵၢၼ်ႁူင်းႁဵၼ်းထမ်ႇမ ၸႄႈဝဵင်းသီႇပေႃႉ ၸတ်းႁဵတ်းပၢင်ႁူပ်ႉထူပ်း မေႃသွၼ် ၶွပ်ႈသၢမ်လိူၼ် တႃႇသိုပ်ႇၶိုၼ်ႈ ၼႃႈၸူးၸၼ်ႉ ႁဵၼ်းမႂ်ႇ ဝႃႈၼႆ။ ဝၼ်းတီႈ 25/8/2019 ယူႇတီႈမုၵ်ႉၸုမ်းၵေႃပွင်ၵၢၼ်ႁူင်းႁဵၼ်းထမ်ႇမ ၸႄႈဝဵင်းသီႇပေႃႉ ပတ်းပိုၼ်ႉဢွၼ် ႁူဝ်ၸတ်းႁဵတ်း ပၼ်ႁူပ်ႉထူပ်းၶူးသွၼ်/ မေႃသွၼ် သၢမ်လိူၼ် 1 ပွၵ်ႈ တီႈဝၢၼ်ႈၶၢႆးသိမ်ႇ ဢိူင်ႇၼွင်ၵေႃႈ ၸႄႈဝဵင်းသီႇပေႃႉ ၸိုင်ႈတႆးပွတ်း ႁွင်ႇ...

ပၢင်ၵုမ် ၸုမ်းၽူႈၼမ်း PPST ၸတ်းႁဵတ်းတီႈၵဵင်းမႆႇ တႃႇၶၢဝ်းတၢင်း 5 ဝၼ်း ၸတ်းႁဵတ်းယဝ်ႉတူဝ်ႈလီငၢမ်း။ ဝၼ်းတီႈ 21-25/8/2019 ယူႇတီႈၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၵိုတ်းတိုၵ်းလူင်းလၢႆးမိုဝ်း ပတ်းပိုၼ်ႉတူဝ်ႈမိူင်း NCA 10 ၸုမ်း ၸတ်းႁဵတ်းပၢင်ၵုမ်ဢုပ်ႇဢူဝ်းၵၼ် ၼႂ်းပီ 2019 ပွၵ်ႈၵမ်း 4 တီႈၵဵင်းမႆႇ ၸိုင်ႈထႆး မီးၽူႈၶဝ်ႈႁူမ်ႈတင်းမူတ်း 72...

ၾၢႆႇႁူမ်ႇလူမ်ႈသိုၵ်း ၸယၽ လူင်ပွင်ၸိုင်ႈ ၼေႇပျီႇတေႃႇ တီႉၺွပ်းၼုမ်ႇတႆး သွင်ပီႈၼွင်ႉ မၢပ်ႇၼႄးဝႃႈ ၵဵဝ်ႇၶွင်ႈၵၼ်တင်း ၸုမ်းဢူၺ်းလီသိုၵ်း သၢမ်ၸုမ်း  ၶဝ်ႈလူမ်ႇယိုဝ်း ၸၼ်ႉၸွမ်သိုၵ်း DSTA တီႈဝဵင်းပၢင်ႁူႈ။ ဝၼ်းတီႈ 17/8/2019 ပူၼ်ႉမႃးၼႆႉ ၽူႈယႂ်ႇၵူၼ်းလူင်ပွၵ်ႉၽွင်ႇတေႃႇ ဝဵင်းပၢင်ႁူႈ(မေႇမဵဝ်ႉ) ၸွမ်းသူင်ႇၼႄ တၢင်း ၾၢႆႇႁူမ်ႇလူမ်ႈသိုၵ်း ၸယၽ ၶွင်သိုၵ်းလူင်ပွင်ၸိုင်ႈမၢၼ်ႈ ၼေႇပျီႇတေႃႇ...

တိူင်းသိုၵ်းၶူဝ်လမ် ႁႅင်းသိုၵ်း ႁိမ်းပၢၵ်ႇ ၶဝ်ႈငဝ်ႈငုၼ်း  တပ်ႉပီႇတူႉၸိတ်ႉ 758 ၼႃးပွႆး  မိူဝ်ႈဝႃး သေ ၵၵ်းၶင် သႅၼ်းၽူႈၼမ်းဝႆႉ၊ သႅၼ်းၽူႈၼမ်း ပၢၼ်ၵၢင် ၵမ်ႈၽွင်ႈ ငိူင်ႉဝႄႈဝႆႉၵေႃႈမီး။ ဝၼ်းတီႈ 22/8/2019  ယၢမ်းႁူဝ်ၶမ်ႈ တူဝ်ၽူႈၵွၼ်းတိူင်းသိုၵ်းၶူဝ်လမ် ၸွမ်ႁၢၼ် မိၼ်ႉလၢႆႇ ၵုမ်းႁႅင်းသိုၵ်း ႁိမ်းပၢၵ်ႇသေ ၽႅဝ်ၵႂႃႇၼမ်ႉႁူးၽရႃးထမ်ႈ  ဢၼ်မီး...

ၶၢဝ်းတၢင်း 2-3 ဝၼ်းမႃးၼႆႉ ၸုမ်းယိပ်းၵွင်ႈၵၢင်ႇ ႁႄႉၵဵပ်းၶွၼ်ႇ ရူတ်ႉၵႃးၵႂႃႇမႃး ၼိူဝ်သဵၼ်ႈတၢင်း ၼမ်ႉဢုၼ်ႇ - တီးမႃႉ လႄႈ တႃႈမိူင်းငႅၼ်း။ ၸဝ်ႈၵႃး ဢၼ်ႁပ်ႉတေႃႉသူင်ႇၵူၼ်း မူႇၸေႊ - တႃႈမိူင်းငႅၼ်ႈ လၢတ်ႈတီႈၽူႈတွႆႇႁွၵ်ႈဝႃႈ “ ပဵၼ်သိုၵ်းၸုမ်းဢူၺ်းလီ ပွတ်း ႁွင်ႇ၊ ၶဝ်ပႂ်ႉၵဵပ်းတီႈတီးမႃႉၼၼ်ႉယဝ်ႉ ပဵၼ်သိုၵ်းၶၢင် တင်း...

ႁူင်းႁဵၼ်းလႄႈၵၢတ်ႇ ၼႂ်းၸႄႈဝဵင်းၼမ်ႉၶမ်း ဢၼ်ပိၵ်ႉဢိုတ်းဝႆႉ ယွၼ်ႉပၢင်တိုၵ်းၼၼ်ႉ မိူဝ်ႈၼႆႉပိုတ်ႇၶိုၼ်းမိူၼ်ၵဝ်ႇယဝ်ႉ ဝႃႈၼႆ။ မိူဝ်ႈၼႆႉ ဝၼ်းတီႈ 23/8/2019 ဢမ်ႇမီးသဵင်ၵွင်ႈသဵင်မၢၵ်ႇယဝ်ႉလႄႈ ၵူၼ်းမိူင်းၼမ်ႉၶမ်း ဢွၼ်ၵၼ်တူင်ႉၼိုင်ၵႂႃႇမႃးၶိုၼ်း မိူၼ်ၵဝ်ႇ။ ႁူင်းႁဵၼ်းလူင်ပွင်ၸိုင်ႈ ၼႂ်းၸႄႈဝဵင်းၼမ်ႉၶမ်း ၸိူဝ်းပိၵ်ႉဝႆႉ ၼၼ်ႉၵေႃႈ ပိုတ်ႇၶိုၼ်းမိူၼ်ၵဝ်ႇယဝ်ႉ ဝႃႈၼႆ။ ၸၢႆးမၢဝ်း ၵူၼ်းပိုၼ်ႉတီႈၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ “ မိူဝ်ႈၼႆႉ ၵူၼ်းမိူင်း တူင်ႉၼိုင်ၵႂႃႇမႃး...

ၾူၼ်လူမ်းတူၵ်းထပ်းၵၼ်လၢႆဝၼ်း ၼမ်ႉလုပ်ႇၼွင်းထူမ်ႈ တၢင်းပွၵ်ႉၸွၼ်ႊၸူဝ်ႇ လႄႈ တီႈၶူင်ႈ တီႈယၢၼ်း ၼႂ်းၸႄႈ ဝဵင်းမူႇၸေႊ လႅၼ်လိၼ်တႆး - ၶႄႇ ၸိုင်ႈတႆးပွတ်းႁွင်ႇ။ မိူဝ်ႈဝႃး ဝၼ်းတီႈ 22/8/2019 ယၢမ်းၵၢင်ၶမ်ႈ ၾူၼ်တူၵ်းႁၢဝ်ႈႁႅင်းလႄႈ ၼမ်ႉလုပ်ႇၼွင်းထူမ်ႈ ၼႂ်းပွၵ်ႉၸွၼ်ႊၸူဝ်ႇ၊ ပွတ်း မၢၼ်ႈဝဵင်း ၼႂ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ ထူမ်ႈထိုင်ၼႂ်းႁိူၼ်းၵူၼ်းဝၢၼ်ႈ ရူတ်ႉၵႃးၵေႃႈ...

ၵဵဝ်ႇၵပ်းလွင်ႈပၢင်တိုၵ်းၼႂ်းၵႄႈ ၸုမ်းဢူၺ်းလီပွတ်းႁွင်ႇလႄႈ တပ်ႉသိုၵ်းတပ်ႉမတေႃႇ ၼႂ်းၸိုင်ႈတႆး ပွတ်းႁွင်ႇ ဢၼ်ပဵၼ်မႃးၼၼ်ႉသေ ၽွင်းတၢင်ၶိုၵ်ႉတွၼ်းမိူင်းၶႄႇ မိတ်ႉသ်တိူဝ်ႊ သုၼ်းၵေႃႇသျႅင်ႊ မွၵ်ႇႁွင်ႉ ၸုမ်းဢူၺ်းလီပွတ်းႁွင်ႇ ႁူပ်ႉထူပ်းဢုပ်ႇၵုမ်ၵၼ်တီႈၼႂ်းမိူင်းၶႄႇ ။ ဝၼ်းတီႈ 21/8/2019 ပူၼ်ႉမႃးၼႆႉ တူဝ်တႅၼ်းမိူင်းၶႄႇ မိတ်ႉသ်တိူဝ်ႊ သုၼ်းၵေႃႇသျႅင်ႊ  မွၵ်ႇႁွင်ႉ သႅၼ်း ႁူဝ်ပဝ်ႈ ဢမ်ႇၼၼ် ၵႅမ်ႁူဝ်ပဝ်ႈ လုၵ်ႈၸုမ်းဢူၺ်းလီပွတ်းႁွင်ႇ ...