Friday, March 29, 2024

ႁူမ်ႈလူႇတၢၼ်း တႃႇၵေႃႇသၢင်ႈ တၢင်းၵေးၽၢင်ဢိင်ၽြႃး တီႈၵုၼ်ၼမ်ႉလၢဝ်း ဝဵင်းမိူင်းၵိုင်

Must read

ပွႆးဝၢင်းႁၢၵ်ႈမၢၵ်ႇဢုတ်ႇငိုၼ်း/ ၶမ်း တႃႇၵေႃႇသၢင်ႈ တၢင်းၵေးၽၢင်ဢိင်ၽြႃး တီႈၵုၼ်ၼမ်ႉလၢဝ်း ၸႄႈဝဵင်းမိူင်းၵိုင် မီးသင်ၶၸဝ်ႈ လႄႈ တၵ်ႉၵႃႇသတ်းထႃး ၶဝ်ႈႁူမ်ႈလူႇတၢၼ်းၼမ်။

Photo: သင်ၶၸဝ်ႈ/ ပွႆးဝၢင်းႁၢၵ်ႈမၢၵ်ႇဢုတ်ႇငိုၼ်း – ၶမ်း တီႈၵုၼ်ၼမ်ႉလၢဝ်း 1/6/2022 ဝဵင်းမိူင်းၵိုင်

မိူဝ်ႈဝႃးဝၼ်းတီႈ 1/6/2022 ယၢမ်းၵၢင်ၼႂ် ၸဝ်ႈသြႃႇဝႃႇရိၼ်ႇတ ၸဝ်ႈၵွၼ်းဝတ်ႉ/ ၵျွင်း ဢွၼ်ႁူဝ်ၼမ်းၼႃႈ ၸတ်းႁဵတ်း ပၢင်ပွႆး တမ်း ဝၢင်းမၢၵ်ႇဢုတ်ႇငိုၼ်း/ ၶမ်း တႃႇၵေႃႇသၢင်ႈ တၢင်းၵေးၽၢင်ဢိင်ၽြႃး ထမ်ႇမၸၵ်ႉၵမုတ်ႉတြႃး တီႈၵုၼ်ၼမ်ႉလၢဝ်း ဝတ်ႉလူင်တူင်ႇလၢဝ်း ဢိူင်ႇတူင်ႇလၢဝ်း ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၼႆယဝ်ႉ။

- Subscription -

  ႁူဝ်ပဝ်ႈ သင်ၶၼႃယၵၸႄႈဝဵင်း(ၵဝ်ႇ) ဝဵင်းမိူင်းၵိုင်၊ ၸဝ်ႈသြႃႇလူင်ရေဝတ မူၺ်ႇ တေႃႇလူင်လႄႈ ၸဝ်ႈသြႃႇလူင်ၺႃႇၼေႃးၽႃႇသ ၵျွင်းၵၢင်ဝဵင်းၼမ်ႉလၼ်ႈ၊ သင်ၶၸဝ်ႈ ၼႂ်းဢိူင်ႇၵူႈၵၢၼ်ႇၵူႈၵျွင်းလႄႈ ႁူမ်ႈပႃး ၽူႈယႂ်ႇၼႂ်းပွၵ်ႉ/ ဢိူင်ႇ ဢွၼ်ၵၼ်ၶဝ်ႈႁူမ်ႈလူႇတၢၼ်း ဝၢင်းတမ်းႁၢၵ်ႈမၢၵ်ႇဢုတ်ႇငိုၼ်း/ ၶမ်း တႃႇတေၵေႃႇသၢင်ႈလူႇတၢၼ်း တၢင်းၵေးၽြႃးလူင်ထမ်ႇမ ၸၵ်ႉၵ မုတ်ႉတြႃး ယဝ်ႉတူဝ်ႈလီငၢမ်းၵႂႃႇ ယၢမ်းၵၢင်ၼႂ် 9 မူင်းၶိုင်ႈပၢႆ ၼႆယဝ်ႉ။

တၢင်းၵေးၽၢင်ဢိင်ၽြႃးလူင်ၼႆႉ ၸဝ်ႈသြႃႇလူင်ရေဝတ ႁူဝ်ပဝ်ႈ(ၵဝ်ႇ) သင်ၶၼႃႇယၵ ၸႄႈဝဵင်းမိူင်းၵိုင် ႁဵတ်းပဵၼ်ငဝ်ႈၸဝ်ႈတႃႇၼလူင်သေ ဢွၼ်ႁူဝ်လူႇတၢၼ်းဝႆႉ တႃႇတေၵေႃႇသၢင်ႈ ႁႂ်ႈပေႃးယဝ်ႉတူဝ်ႈ ၵႂႃႇလႆႈလီငၢမ်းၼၼ်ႉ သင်ဝႃႈ ၶႂ်ႈႁူမ်ႈလူႇတၢၼ်း ႁူမ်ႈသၢင်ႈပႃႇရမီႇၼႆၸိုင် ၵပ်း သိုပ်ႇလူႇတၢၼ်းၸွမ်း ၼင်ႇမၢႆၽူင်းၼႆႉ 09791742470 လႆႈယူႇ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း