ဝၢႆးလင် ၼမ်ႉထူမ်ႈၼမ်ႉၼွင်းၽွင်းမိူဝ်ႈပီ 2024 ၼၼ်ႉမႃး ၵူၼ်းမိူင်း ဝၢၼ်ႈၵုင်းသွၼ်း (ကုန်းဆောင်း) တီႈဝဵင်းပၢင်လႃႈ (ပၢင်းတလႃႉ) ၸိုင်ႈတႆးပွတ်းၸၢၼ်းၼႆႉ လႆႈၸႂ်ႉၼမ်ႉဢမ်ႇ ၸိုၼ်ႈသႂ်  လူဝ်ႇတင်းၸွႆႈထႅမ် တႃႇပူၵ်းပွင်ၶိုၼ်း ဝႃႈၼႆ  ။ ယၢမ်းလဵဝ် ၼမ်ႉၵိၼ်၊ ၼမ်ႉၸႂ်ႉ တႃႇၵူၼ်းဝၢၼ်ႈၵုင်းသွၼ်းၼႆႉ လႆႈပိုင်ႈဢိင်ၼမ်ႉႁွင်ႈ ဢၼ်မီးတီႈ ဝၢၼ်ႈၼၼ်ႉၵူၺ်းလႄႈ...

ပီၼႆႉယွၼ်ႉၾိင်ႈၾႃႉရႃႇသီႇလႅၵ်ႈလၢႆႈၵတ်းႁႅင်းလႄႈ ၼႂ်းၶၢဝ်းတၢင်း လိူၼ်လဵဝ်ၵူၺ်း  ၵူၼ်းထဝ်ႈ ၼႂ်းပၢင်သဝ်းၵူၼ်းပၢႆႈၽေးသိုၵ်း  ဝဵင်းပၢင်လွင်း ၸိုင်ႈတႆးပွတ်းၸၢၼ်း  တၢႆ 6 ၵေႃႉ  ။ ၼႂ်းလိူၼ် ၼူဝ်ႊဝႅမ်ႊပိူဝ်ႊ ၾိင်ႈၾႃႉရႃႇသီႇလႅၵ်ႈလၢႆႈ  ၼႂ်းမိူင်းတႆးၵတ်းလိူဝ်ၸႂ်ႁႅင်းလႄႈ ၵူၼ်းထဝ်ႈလုၵ်ႈဢွၼ်ႇ ဢွၼ်ၵၼ်ပဵၼ်ဢမ်ႇယူႇလီ။ တီႈပၢင်သဝ်းၵူၼ်းပၢႆႈၽေးသိုၵ်း ဝဵင်းပၢင်လွင်းၼၼ်ႉၵေႃႈ ၵူၼ်းပၢႆႈၽေးသိုၵ်း ဢမ်ႇမီးၽႃႈႁူမ်ႇၶူဝ်းၼွၼ်းတဵမ်ထူၼ်ႈ ၼႂ်းၶၢဝ်းတၢင်းလိူၼ်လဵဝ်ၵူၺ်း ၵူၼ်းပၢႆႈၽေးသိုၵ်း ...

ယွၼ်ႉၾူၼ်တူၵ်းႁၢဝ်ႈႁႅင်း ပဵၼ်ၼမ်ႉထူမ်ႈၼမ်ႉၼွင်း တီႈၼႂ်းၵုၼ်ၶဵဝ်ဢေႊသျႃႊ ၸဵင်ႇၸၢၼ်းဝၼ်းဢွၵ်ႇ 3 ၸိုင်ႈမိူင်း မိူၼ်ၼင်ႇ မိူင်းဢိၼ်ႊတူဝ်ႊၼီႊသျႃႊ၊ မိူင်းမလေႊသျႃႊ တင်း မိူင်းထႆး မီးၵူၼ်းလူႉတၢႆ 600 ပၢႆ၊ ႁူဝ်ၼပ်ႉၵူၼ်း တႃႇ 4 လၢၼ်ႉပၢႆသမ်ႉ လႆႈထူပ်းၽေး ယၢပ်ႇၽိုတ်ႇၵိၼ်းၸႂ်ဝႆႉ ဝႃႈၼႆ။ လူမ်းလႅင်ႉၶၢဝ်းမႆႈ ဢၼ်ဢမ်ႇသူႈလႆႈႁၼ်ၼၼ်ႉ ၽတ်ႉထွင်းၶဝ်ႈၼႂ်းပိုၼ်ႉတီႈ မႃႊလႅတ်ႉၵႃႊ...

မိူဝ်ႈဝႃး ဝၼ်းတီႈ 27 လိူၼ်ၼူဝ်ႊဝႅမ်ႊပိူဝ်ႊ သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႃႈ တေတႄႇပၼ်ႇၸၢၵ်ႈ ႁူင်းၸၢၵ်ႈၾႆးၾႃႉထၢၼ်ႇႁိၼ် တီႈဝၢၼ်ႈသီႇၵိပ်ႇ ၸႄႈဝဵင်းပၢင်လွင်း ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉၶိုၼ်း ၼႆယဝ်ႉ။ ဝၢႆးလင် ပီ 2021 သိုၵ်းမၢၼ်ႈယိုတ်းမိူင်းယဝ်ႉၼႆႉ သိုၵ်းမၢၼ်ႈသိုပ်ႇမူၼ်ႉမႄး ႁူင်းၸၢၵ်ႈၾႆးၾႃႉထၢၼ်ႇႁိၼ် တီႈဝၢၼ်ႈသီႇၵိပ်ႇ ႁႂ်ႈၶိုၼ်ႈၸၼ်ႉမႃးလိူဝ်ၵဝ်ႇထႅင်ႈၼႆသေ ယၢမ်းလဵဝ် မူၼ်ႉမႄးယုၵ်ႉမုၼ်း ၶိူင်ႈၸႂ်ႉတိုဝ်းၼႂ်း ႁူင်းၸၢၵ်ႈယဝ်ႉတူဝ်ႈလီငၢမ်းတင်းသဵင်ႈ...

ယၢမ်းလဵဝ် တီႈမိူင်းထႆးပွတ်းတႂ်ႈ လၢႆလၢႆၸႄႈဝဵင်း ဢိၵ်ႇပႃးဝဵင်းလူင်ႁၢတ်ႇယႂ်ႇ ဢၼ်ပဵၼ်ဝဵင်းယႂ်ႇသုတ်း မၢႆ 5 ၼႂ်းမိူင်းထႆးၼၼ်ႉ ၼမ်ႉၼွင်းထူမ်ႈဝႆႉႁၢဝ်ႈႁႅင်း။ ႁွင်ႈၵၢၼ်ၾၢႆႇၵဵဝ်ႇၶွင်ႈၽေးသၽႃႇဝမိူင်းထႆး DDPM ပိုၼ်ၽၢဝ်ႇဝႆႉဝႃႈ မီးၵူၼ်းထူပ်းၽေးၼမ်ႉ မွၵ်ႈ 2 လၢၼ်ႉၵေႃႉ လူဝ်ႇတၢင်းၸွႆႈထႅမ်ၶဝ်ႈၼမ်ႉတၢင်းၵိၼ် လႄႈ ၵမ်ႈၽွင်ႈယွၼ်းတၢင်းၸွႆႈထႅမ် တႃႇတေၶၢႆႉတီႈယူႇသဝ်း ဝႃႈၼႆ။ တႄႇဝၼ်းတီႈ 19 ဝၼ်းပုတ်ႉဝူင်ႈပူၼ်ႉမႃးၼႆႉ ၼမ်ႉယိုင်ႈၼွင်းထူမ်ႈ...

ၾူၼ်တူၵ်းႁၢဝ်ႈႁႅင်း တီႈၼႂ်းမိူင်းဝႅတ်ႊၼၢမ်း၊ မၢင်ပိုၼ်ႉတီႈ ၾူၼ်တူၵ်းထပ်းၵၼ်ဢမ်ႇထၢတ်ႇ 3-4 ဝၼ်း။ တႄႇဢဝ်ႁၢင်လိူၼ် ဢွၵ်ႉထူဝ်ႊပိူဝ်ႊပူၼ်ႉမႃး တေႃႇထိုင်ၼႂ်းဝၼ်းတီႈ 23/11/2025 ၼႆႉ ယွၼ်ႉၾူၼ်တူၵ်းႁၢဝ်ႈႁႅင်း ၼႂ်းမိူင်းဝႅတ်ႊၼၢမ်းပွတ်းၸၢၼ်း တင်း ပွတ်းဢွၵ်ႇသေ ႁဵတ်းႁႂ်ႈၼမ်ႉၼွင်းထူမ်ႈ၊ လိၼ်ၵူၼ်ႇပင်း မီးၵူၼ်းလူႉတၢႆ 90 ပၢႆ။ ယွၼ်ႉၾူၼ်တူၵ်းႁၢဝ်ႈႁႅင်းသေ ပိုၼ်ႉတီႈၶႅၵ်ႇၼွၵ်ႈမိူင်းၶဝ် ၵႂႃႇဢႅဝ်ႇလႄႇတွင်ႈတဵဝ်းလႄႈ...

ယွၼ်ႉၽေးသၽႃႇဝသေ ၼႂ်းၶၢဝ်းတၢင်း 10 ပီ ႁူဝ်ၼပ်ႉၵူၼ်း 250 လၢၼ်ႉၵေႃႉ တူဝ်ႈလုမ်ႈၾႃႉ လႆႈႁၢမ်းႁိူၼ်းယေး တီႈယူႇသဝ်းၼႆ - ၸၢတ်ႈၸိုင်ႈလုမ်ႈၾႃႉ ႁၢႆးငၢၼ်းပိုၼ်ၽၢဝ်ႇဝႆႉၼင်ႇၼႆ။ ၽိုၼ်လိၵ်ႈႁၢႆးငၢၼ်းၼႆႉ UNHCR လႆႈပိုၼ်ၽၢဝ်ႇၵႂႃႇ ၼႂ်းဝၼ်းတီႈ 10/11/2025 ဝၼ်းၸတ်းႁဵတ်းပၢင်ၵုမ် ၺီႇလႃႇၶၢမ်ႇ ၵဵဝ်ႇလူၺ်ႈၾိင်ႈၾႃႉရႃႇသီႇလႅၵ်ႈလၢႆႈ COP30 တီႈဝဵင်း ပီႊလမ်ႊ ၸိုင်ႈမိူင်း...

ဝၢႆးလင်သိုၵ်းမၢၼ်ႈလူင်းမိုဝ်း ႁဵတ်းၶိုၼ်းႁူင်းၸၢၵ်ႈၸိုၼ်း ပၢင်ပႅၵ်ႇၶိုၼ်းၼႆႉ ၼမ်ႉဝူၺ်ႇႁင်ႈ ႁူင်းၸၢၵ်ႈ လႆလူင်း ၼႂ်းထုင်ႉပူင်း ႁဵတ်းႁႂ်ႈၵူၼ်းဝၢၼ်ႈၼႂ်းဢိူင်ႇ 9 ဢိူင်ႇ ၼႂ်းထုင်ႉပူင်း ၸိုင်ႈတႆးပွတ်းၸၢၼ်း ယူႇယၢပ်ႇၵိၼ်းၸႂ်   ။ တႄႇၼႂ်းႁူဝ်လိူၼ် ၼူဝ်ႊဝႅမ်ႊပိူဝ်ႊ ၼႆႉမႃး ၼမ်ႉဝူၺ်ႇႁင်ႈႁူင်းၸၢၵ်ႈ ပၢင်ပႅၵ်ႇ ဢၼ်မီးၼႂ်းၸႄႈဝဵင်းတူၼ်ႈတီးၼၼ်ႉ  လႆလူင်း ၼႂ်း ဢိူင်ႇ 9 ဢိူင်ႇ...

မိူဝ်ႈဝၼ်းတီႈ 28/10/2025 ၸုမ်းၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး (SHRF) ဢွၵ်ႇလိၵ်ႈပိုၼ်ၽၢဝ်ႇဝႆႉဝႃႈ ၶွမ်ႊပၼီႊၸိူဝ်းၶုတ်း ႁႄႈလိၼ် လႄႈ ၶမ်း ၸွမ်းၵႄးၼမ်ႉၵူၵ်း ၼႂ်းထုင်ႉမိူင်းယွၼ်း ၸႄႈဝဵင်းမိူင်းသၢတ်ႇ မိူင်းတႆးပွတ်းဢွၵ်ႇၼၼ်ႉ လူင်ပွင်ၸိုင်ႈမိူင်းၶႄႇ ယူႇၾၢႆႇလင်သေၵမ်ႉယၼ်ပၼ်ဝႆႉယူႇ ဝႃႈၼႆ။ ၶွမ်ႊပၼီႊၸိူဝ်းၶုတ်းၶမ်းယူႇၸိူဝ်းၼၼ်ႉ ၸိုဝ်ႈႁွင်ႉဝႃႈ China Investment Mining Company ၼႆသေ တိုၵ်ႉသိုပ်ႇႁဵတ်းၵၢၼ်ၶုတ်းႁႄႈလိၼ်ယူႇ ၼႂ်းမိူင်းတႆးပွတ်းဢွၵ်ႇ...

သိုၵ်းမၢၼ်ႈၸႂ်ႉၵူၼ်းပၢႆႈၽေးသိုၵ်းတၢင်းဝဵင်းလွႆၶေႃ ပွၵ်ႈၶိုၼ်းႁိူၼ်း သမ်ႈမိူဝ်း ထူပ်းၽေးၼမ်ႉထူမ်ႈထႅင်ႈလႄႈ ၶိုၼ်းလႆႈပၢႆႈထႅင်ႈ ပဵၼ်ၵူၼ်းမိူင်းၼႂ်းၸႄႈဝဵင်း ပၢင်လွင်း ၊ သီႇသႅင်ႇ ၊ ယွင်ႁူၺ်ႈ ၸိူဝ်းၼႆႉ။ မီးၶၢဝ်ႇၼႂ်းပိုၼ်ႉတီႈဝႃႈ  ႁၢင်လိူၼ် သႅပ်ႉထႅမ်ႊပိူဝ်ႊ ၼႆႉမႃး ၾူၼ်တူၵ်းဢမ်ႇထၢတ်ႇ။  ၾၢႆႇၼိုင်ႈ သိုၵ်းမၢၼ်ႈသမ်ႉပိုတ်ႇၾၢႆၼမ်ႉမိူင်းပၢႆးလႄႈႁဵတ်းႁႂ်ႉၼမ်ႉမႄႈၽီလူး ၼွင်းလူၼ်ႉၾင်ႇ ။ ၶဝ်ႈထူမ်ႈၼႂ်းဝဵင်းလွႆၶေႃ ႁဵတ်းႁႂ်ႈၵူၼ်းပၢႆႈၽေးသိုၵ်း ၸိူဝ်းပွၵ်ႈမိူဝ်းယူႇၶိုၼ်းၼၼ်ႉ လႆႈထူပ်းၽေးၼမ်ႉထႅင်ႈၼႆယဝ်ႉ ။ ၼၢင်းယိင်းဢႃယု...

ၵႃးတၢင်ႇလိၼ်လႄႈမၢၵ်ႇႁိၼ် ဢၼ်ဢွၵ်ႇတီႈမေႃႇငိုၼ်း မေႃႇႁႄႈဝဵင်းၼမ်ႉတူႈ တၢင်ႇမႃးၼမ်ႉၼၵ်းၼမ်လူၼ်ႉပူၼ်ႉလိူဝ်သေ ၵႂႃႇမႃးၼမ်ၵူႈဝၼ်း ၼိူဝ်သဵၼ်ႈတၢင်းၼမ်ႉတူႈ - လႃႈသဵဝ်ႈ ၸိုင်ႈတႆးပွတ်းႁွင်ႇ ႁဵတ်းႁႂ်ႈသဵၼ်ႈတၢင်းလူႉၵွႆ ၵူၼ်းမိူင်းၵႂႃႇမႃး ယၢပ်ႇၽိုတ်ႇ။ တႄႇၼႂ်းလိူၼ် ဢေႃႊၵတ်ႉသ် ၼႆႉမႃး ၵႃး Truck တၢင်ႇၶူၺ်လိၼ် ၶီႈလိၼ် မၢၵ်ႇႁိၼ် လုၵ်ႉတၢင်းဝဵင်းၼမ်ႉတူႈ လူင်းမႃးတၢင်း ဝၢၼ်ႈဢီႇၼၢႆး ၸႄႈဝဵင်းလႃႈသဵဝ်ႈၶိုၼ်းၶိုၼ်းဝၼ်းဝၼ်းလႄႈႁဵတ်းႁႂ်ႈသဵၼ်ႈတၢင်းလူႉၵွႆ...

ဝၼ်းတီႈ 10/10/2025 ယၢမ်းၵၢင်ၼႂ် 9 မူင်း 45 မိၼိတ်ႉ ၽႅၼ်ႇလိၼ်ဝႆ တွၼ်ႈၸၢၼ်းမိူင်းၾိလိပ်ႉပိၼ်ႊသ် ႁႅင်းသၼ်ႇဝႆ 7.4 မႅၵ်ႊၼီႊၵျုတ်ႉ လႄႈ ၾၢႆႇပႂ်ႉတူၺ်းၽႅၼ်ႇလိၼ်ဝႆ ပိုၼ်ၽၢဝ်ႇၽေးသိုဝ်ႊၼႃႊမီႊ (ၽႅၼ်ႇလိၼ်ဝႆတႂ်ႈပၢင်ႇလၢႆႇ) ။ သုၼ်ၽႅၼ်ႇလိၼ်ဝႆၼႆႉ ပဵၼ်တီႈ ၽၢႆႇဢွၵ်ႇၵုၼ် မိၼ်ႊၻႃႊၼၢဝ်ႊ Mindanao ဢၼ်ယၢၼ်ၵႆ ဝဵင်းလူင် Davao...

လူမ်းလႅင်ႉလူင် တၢႆႊၾုၼ်ႊ ရႃႊၵႃႊသႃႊ ဢၼ်ၽတ်ႉထွင်းၵႂႃႇ ၼႂ်းႁၢင်လိူၼ် September ၼႆႉ ဢဵၼ် ႁႅင်းယႂ်ႇပဵင်းၵၼ်တၢင်း လူမ်ႉလႅင်ႉ Hurricane ၸၼ်ႉထီႉ 5 ၊ ပဵၼ်လူမ်းလႅင်ႉ ဢဵၼ်ႁႅင်းယႂ်ႇ လိူဝ်ပိူၼ်ႈ သုတ်းၼႂ်းပီ 2025 သေဢမ်ႇၵႃး ယူႇသဝ်းလႆႈ ၼႂ်းပၢင်လၢႆႇၶႄႇပွတ်းၸၢၼ်း ႁိုင်ပဵၼ်လၢႆလၢႆဝၼ်း ဝႃႈၼႆ။လူမ်းလႅင်ႉလူင်...

မိူင်းဢိၼ်ႊတူဝ်ႊၼီသျႃႊ ဢဝ်ယုၵ်းယၢၵ်း/ တဝ်ႈပလၢတ်ႉသတိၵ်ႉသ် ႁဵတ်းပဵၼ်ႁိူဝ်းသေ ပၼ်ႇလဵပ်ႈ ၼႂ်းမႄႈၼမ်ႉ ၶျီႊလီႊဝူင်ႊ (Ciliwung River) ဢၼ်လႆလတ်းၵၢင်ဝဵင်းလူင် ၵျႃႊၵႃႊတႃႊၼိူဝ်လႄႈ ၵျႃႊၵႃႊတႃႊတႂ်ႈဝႆႉ။ ယိူင်းဢၢၼ်းတႃႇပၼ်ပိုၼ်ႉႁူႉလွင်ႈႁၵ်ႉသႃသိင်ႇဝႅတ်ႉလွမ်ႉ ဝႃႈၼႆ။ ႁိူဝ်း ဢၼ်ဢဝ်ယုၵ်းယၢၵ်း/တဝ်ႈပလၢတ်ႉသတိၵ်ႉသ်သေ ၶူင်သၢင်ႈႁဵတ်းဝႆႉၼၼ်ႉ မၢင်ဢၼ် ပဵၼ်ႁၢင်ႈတူဝ်သတ်း၊ ရူတ်ႉၵႃး၊ ႁုၼ်ႇႁၢင်ႈၵူၼ်းၸိုဝ်ႈလိုဝ်းလင်ၼႂ်းမိူင်း လႄႈ ႁၢင်ႈႁိူၼ်းတိုၵ်းလူင် ၸိူဝ်းၼႆႉ။ ၸတ်းႁဵတ်းၵႂႃႇမိူဝ်ႈႁၢင်လိူၼ်သႅပ်ႊထႅမ်ႊပိူဝ်ႊပူၼ်ႉမႃး...

ၵူၼ်းမိူင်းၶႄႇ ဢၼ်ၵႂႃႇၶိုၼ်ႈလွႆသုင်လူင် ဢႄႊဝရႅတ်ႊ ႁူဝ်ၵူၼ်း 350 ပၢႆ ၺႃးၽေးလူမ်းလႅင်ႉသေ ၶမ်ဝႆႉၼိူဝ်လွႆလႄႈ ၸဝ်ႈၼႃႈတီႈၼႂ်းပိုၼ်ႉတီႈ လႆႈသူင်ႇၵူၼ်းၵႂႃႇၸွႆႈထႅမ်ဝႆႉၼႆ သိုဝ်ႇၶၢဝ်ႇၼႂ်းမိူင်းၶႄႇ ပိုၼ်ၽၢဝ်ႇဝႆႉၼင်ႇၼႆ။ ဝၼ်းတီႈ 1 ထိုင် 8 ဢွၵ်ႊထူဝ်ႊပိူဝ်ႊၼႆႉ ပဵၼ်ၽွင်းယၢမ်း ဝၼ်းလိုဝ်ႈတွၼ်ႈတႃႇၵူၼ်းမိူင်းၶႄႇ။ ပဵၼ်ဝၼ်းၸိူဝ်ႉၸၢတ်ႈမိူင်းၶႄႇလႄႈ ၵူၼ်းႁဵတ်းၵၢၼ်လူင်ပွင်ၸိုင်ႈလႆႈဝၼ်းလိုဝ်ႈ 8 ဝၼ်းသွၼ်ႉၵၼ်။ ၽွင်းၼႆႉ ၵူၼ်းမိူင်းၵမ်ႈၼမ် ဢွၵ်ႇလႄႇတွင်ႈတဵဝ်းၵၼ်၊...