ပေႃးထိုင်ၶၢဝ်းၾႃႉၶၢဝ်းၾူၼ်မႃး ၵူၼ်းမိူင်းၵူဝ်သုတ်းၼႆႉပဵၼ်လွင်ႈလူမ်းလႅင်ႉ ၼမ်ႉၼွင်းၼမ်ႉထူမ်ႈ။ ပီႈၼိုင်ႈ ယဝ်ႉ ပီၼိုင်ႈ ၽေးသၽႃႇဝၼႆႉႁၢႆႉႁႅင်းမႃးတိၵ်းတိၵ်း။  ၵမ်ႉဝႃႈ လူမ်းလႅင်ႉ ၶႃႊၵျိၵိ (KAJIKI) ဝႃႇ ၵမ်ႉဝႃႈ လူမ်းလႅင်ႉၼွင်ၾႃႉ ဝႃႇ  ပဵၼ်ၸိုဝ်ႈလူမ်းလႅင်ႉဢၼ် ၵူၼ်းမိူင်းတႆးဢမ်ႇတွၼ်ႉငိၼ်းတွၼ်ႉၾၢင်ႉသေပွၵ်ႈ ။ ၵူၺ်းၵႃႈ ပေႃးၶဝ်ႈၸိုဝ်ႈဝႃႈ ပဵၼ်လူမ်းလႅင်ႉၼႆတႄႉ ဢၼ်လႂ်ၵေႃႈ တိုၼ်းၸၢင်ႈပဵၼ်ၽေးတေႃႇသၢႆၸႂ်ၼႆ ၵမ်ႈၽွင်ႈၵေႃႈ...

တႄႇၼႂ်းႁၢင်လိူၼ် ဢေႃးၵတ်ႉသ် ၼႆႉမႃး ၾူၼ်တူၵ်းဢမ်ႇထၢတ်ႇ ၾၢႆႇၼိုင်ႈ သိုၵ်းမၢၼ်ႈသမ်ႉပိုတ်ႇၾၢႆၼမ်ႉမိူင်းပၢႆးလႄႈႁဵတ်းႁႂ်ႉၼမ်ႉၽီလူး ၼွင်းလူၼ်ႉၾင်ႇ ၶဝ်ႈထူမ်ႈၼႂ်းဝဵင်းလွႆၶေႃ ၊ ၵူၼ်းမိူင်းၸိူဝ်းယူႇတီႈတႅမ်ႇတီႈယၢၼ်းလႆႈပၢႆႈၽေးၼမ်ႉ။ ၵူၼ်းဢၼ်လႆႈငိူင်ႉပၢႆႈၽေးၼမ်ႉမီး 100 ပၢႆ ပဵၼ် ၵူၼ်းပွၵ်ႉတေႃးၼၶူႇ ၊ တေႃးဢူႉၶူႇ ၊   သူၺ်ႇတွင်ႇ  လႄႈပွၵ်ႉဢၼ်  မီးတီႈတႅမ်ႇ ၸိူဝ်းၼႆႉ  ။ ၼၢင်းယိင်းၵူၼ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ ၼမ်ႉၶိုၼ်ႈသုင်...

ၾၢႆႇလၢမ်းၶၢတ်ႈၾိင်ႈၾႃႉရႃႇသီႇ မိူင်းထႆးပိုၼ်ၽၢဝ်ႇဝႃႈ လူမ်းလႅင်ႉၼွင်ၾႃႉ လုၵ်ႉတၢင်းၼမ်ႉပၢင်ႇလၢႆႇ ဢၼ်ႊၻႃႊမၼ်ႊ ၶိုၼ်ႈမႃးၼၼ်ႉ တေထိုင်မိူင်းမၢၼ်ႈတွၼ်ႈတႂ်ႈလႄႈ မိူင်းထႆးတွၼ်ႈၼိူဝ်၊ တွၼ်ႈၵၢင် ၼႂ်းဝၼ်းတီႈ 31/08/2025 တေႃႇထိုင် ဝၼ်းတီႈ 02/09/2025 ။ ၵွပ်ႈၼႆ ၵူၼ်းမိူင်းမၢၼ်ႈတွၼ်ႈတႂ်ႈ ၼႂ်းတိူင်းတၼၢဝ်းသီ၊ မိူင်းယၢင်း၊ မိူင်းမွၼ်း၊ မိူင်းယၢင်းလႅင်လႄႈ တိူင်းပႃႇၵိူဝ်၊ တႃႈၵုင်ႈ၊ တိူင်းၼမ်ႉၵဵဝ် ၸိူဝ်းၼႆႉ...

ၵူၼ်းမိူင်းတႆးၼႆႉ လႆႈၶၢမ်ႇတၢမ်ႇ ယွၼ်ႉဝၢၼ်ႈမိူင်းသုၵ်ႉယုင်ႈမႃး ၼပ်ႉႁူဝ်သိပ်းပီယဝ်ႉ။ ယူႇလႂ်ၵေႃႈ ဢမ်ႇလွတ်ႈၽေးၸုမ်းယိပ်းၵွင်ႈၵၢင်ႇသေတီႈ။ မိူၼ်ၼင်ႇ တၢင်းမိူင်းယွင်း ၸိုင်ႈတႆးပွတ်းဢွၵ်ႇၼႆႉၵေႃႈ ဢမ်ႇသူႈမီးပၢင်တိုၵ်းသိုၵ်းသိူဝ်သေတႃႉ သမ်ႉမီးၸုမ်းယိပ်းၵွင်ႈၵၢင်ႇလၢႆၸုမ်း ယူႇဝႆႉလႄႈ လႆႈၵူဝ်လႆႈမႆႈၸႂ်ယူႇလၢႆလွင်ႈ။ ၼႂ်းႁၢင်လိူၼ်ဢေႃႊၵတ်ႊသ် ပူၼ်ႉမႃးၼႆႉ ႁူဝ်ပဝ်ႈ တပ်ႉပႂ်ႉလႅၼ်လိၼ်သိုၵ်းမၢၼ်ႈ (နယ်ခြားစောင့် တပ်) ဢၼ်မီးတၢင်းမိူင်းယုၼၼ်ႉ ၺႃးငွႆးယိုဝ်း။ ဢမ်ႇတိူဝ်ႉၺႃးမၼ်းၸၢႆးသေတႃႉ ၵူၺ်းၵႃႈ တိူဝ်ႉၺႃး ၵူၼ်းႁေႃႈၵႃးမၼ်းလူႉတၢႆထင်တီႈ။...

ၾူၼ်တူၵ်းဢမ်ႇထၢတ်ႇ ၼမ်ႉႁူၺ်ႈၼမ်ႉလွႆၼွင်း ႁဵတ်းႁႂ်ႈၵူၼ်းမိူင်းၼႂ်းၸႄႈဝဵင်းပၢင်လွင်း မၢတ်ႇၸဵပ်းလူႉတၢႆ ႁိူၼ်းယေးၵူၼ်းမိူင်းလူႉၵွႆ တီႈဝၢၼ်ႈပွင်းလွင်း ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ဝႃႈၼႆ။ ၼႂ်းဝၼ်းတီႈ 27/08/2025 ယၢမ်းၵၢင်ၼႂ် 1 မူင်းၶိုင်ႈ ၾူၼ်တူၵ်းႁၢဝ်ႈႁႅင်း ႁဵတ်းႁႂ်ႈလိၼ်ၵူၼ်ႇ ၼမ်ႉႁူၺ်ႈၼမ်ႉလွႆၼွင်း ႁိူၼ်းၵူၼ်းဝၢၼ်ႈဢေႇတိၼ်ႇ ဢိူင်ႇသပေႇၵုင်း ဝဵင်းပွင်းလွင်း ၸႄႈဝဵင်းပၢင်လွင်း ၵူၼ်းမိူင်းလူႉတၢႆ 2 ၵေႃႉ မၢတ်ႇၸဵပ်းႁၢဝ်ႈႁႅင်း...

ၼႂ်းဝၼ်းတီႈ 26/08/2025 မိူင်းဢိၼ်ႊတီႊယႃႊ ပိုတ်ႇၾၢႆၼမ်ႉလႄႈ ႁဵတ်းႁႂ်ႈၼမ်ႉ ၼွင်းထူမ်ႈ ပိုၼ်ႉတီႈဢၼ်ယူႇတႅမ်ႇ ၼႂ်းမိူင်း ပႃႊၵိတ်ႊသထၢၼ်ႊ၊ ၵူၼ်းမိူင်း သႅၼ်ပၢႆ လႆႈၶၢႆႉပၢႆႈတီႈယူႇ ႁူပ်ႉလွင်ႈယၢပ်ႇၽိုတ်ႇ ဝႃႈၼႆ။ ၵႄႈၵၢင် မိူင်းဢိၼ်ႊတီႊယႃႊ တင်း မိူင်းပႃႊၵိတ်ႊသထၢၼ်ႊၼႆႉ မီးလွင်ႈၶဵင်ႈၶႅင်ၵၼ်ဝႆႉသေ ၼႂ်းလၢႆလိူၼ်ပူၼ်ႉမႃးၼႆႉၵေႃႈ လႆႈတတ်းၶၢတ်ႇ ၵၢၼ်ၵပ်းသိုပ်ႇၽွင်းတၢင် ၵၼ်ဝႆႉ။ ၵူၺ်းၵႃႈ ၼႂ်းဝၼ်းတီႈ 25/08/2025...

လူမ်းလႅင်ႉႁႅင်းယႂ်ႇ ၶႃႊၵျိၵိ KAJIKI ၶဝ်ႈ တီႈမိူင်းဝႅတ်ႉၼၢမ်းမိူဝ်ႈဝၼ်းတီႈ 25/08/2025 ၼၼ်ႉ ၵူၼ်းမိူင်းတၢႆ 3 ၵေႃႉ၊ ၼႂ်းဝဵင်းလူင် ႁၢတ်ႇၼွႆႉ Hanoi ၵေႃႈပဵၼ်ၼမ်ႉပဵၼ်ၼွင်တင်းဝဵင်းၼႆ ႁွင်ႈၵၢၼ်ၶၢဝ်ႇမိူင်းဝႅတ်ႉၼၢမ်း ဢွၵ်ႇဝႆႉၼင်ႇၼႆ။ လူမ်းလႅင်ႉ တၢႆႊၾုၼ်ႊ ၶႃႊၵျိၵိ KAJIKI ၼႆႉ ၶဝ်ႈမိူင်းဝႅတ်ႉၼၢမ်းယဝ်ႉ သိုပ်ႇမုင်ႈၼႃႈၶိုၼ်ႉၾင်ႇ မိူင်းလၢဝ်း သိုပ်ႇၶၢဝ်းတၢင်းႁွတ်ႈထိုင်...

လူမ်းလႅင်ႉၽတ်ႉၶဝ်ႈ  ၼွင်ႁၢႆးယႃႈလႄႈ ၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း  ႁိူၼ်းယေးလႄႈႁူင်းႁဵၼ်း လူႉၵွႆၼမ် လူဝ်ႇတင်းၸွႆႈထႅမ်ပူၵ်းပွင်ၶိုၼ်း  ။ ၼႂ်းဝၼ်းတီႈ 26/8/2025 ယၢမ်းဝၢႆးဝၼ်း 1 မူင်း ၾူၼ်တူၵ်း လူမ်းလႅင်ႉၶဝ်ႈ ဝၢၼ်ႈ လူင်ပႅၼ်ႈ ဝၢၼ်ႈမွၵ်ႇ လႄႈ ဝၢၼ်ႈဢၼ်မီးၼႂ်းဢိူင်ႇၼမ်ႉတူၵ်း ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း။ လင်ၶႃးႁိူၼ်းယေးၵူၼ်းမိူင်း ဢိၵ်ႇႁူင်းႁဵၼ်း ပိဝ်ၸွမ်းလူမ်းတင်းၼမ်။...

မိူဝ်ႈၼႆႉ ဝၼ်းတီႈ 26/8/2025 ယၢမ်းဝၢႆးဝၼ်း ၾူၼ်တူၵ်းဢမ်ႇထၢတ်ႇ လူမ်းလႅင်ႉၶဝ်ႈၼႂ်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ႁိူၼ်းယေးၵူၼ်းဝၢၼ်ႈလူႉၵွႆမွၵ်ႈ 20 လင် ။ ၼၢင်းယိင်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ႁူဝ်ၶမ်ႈၼႆႉ ၾူၼ်တူၵ်းဢမ်ႇထၢတ်ႇ လူမ်းလႅင်ႉပတ်ႉဢဝ်လင်ႁိူၼ်းမွၵ်ႈ 20 လင် ပႃးၵႂႃႇၸွမ်းလူမ်း ၊  ၼမ်ႉၼႂ်းၼွင်ၵေႃႈ သုင်ၶိုၼ်ႈမႃးၶိုၼ်း၊ ဢၼ်ၺႃးလူမ်းပတ်ႉၵွႆၼမ်ပဵၼ်တၢင်းဝၢၼ်ႈ ႁူဝ်ၼွင်(ကန်ခေါင်း)...

ယွၼ်ႉလူမ်းလႅင်ႉတၢႆႊၾူၼ်ႊ ၵႃႇၵျီႇၵီႇ (KAJIKI) ဢၼ်ပတ်ႉထွင်းယူႇတီႈ ၼႂ်းပၢင်ႇလၢႆႇၶႄႇပွတ်းၸၢၼ်းၼၼ်ႉသေ တီႈၼႂ်းမိူင်းႁူမ်ႈတုမ်မၢၼ်ႈ ဢိၵ်ႇပႃးမိူင်းတႆး ၾူၼ်တေတူၵ်းႁႅင်း၊ တေၸၢင်ႈမီးၽေး ၼမ်ႉၼွင်းထူမ်ႈ၊ လိၼ်ႇၵူၼ်ႇပင်း ဝႃႈၼႆ။ ဢူးၵျေႃႇမူဝ်းဢူး ၽူႈၵုမ်းၸီႉသင်ႇ တီႈႁွင်ႈၵၢၼ် ၾၢႆႇၾိင်ႈၾႃႉရႃႇသီႇမိူင်းမၢၼ်ႈ လၢတ်ႈဝႃႈ - ၼႂ်းၶမ်ႈဝၼ်းတီႈ 25 ၼႆႉ လူမ်းလႅင်ႉ ၵႃႇၵျီႇၵီႇ တေၽတ်ႉထွင်းၶဝ်ႈ ၼႂ်းမိူင်းဝႅတ်ႉၼၢမ်း...

ပူၼ်ႉမႃးလၢႆဝၼ်းၼႆႉ ၾူၼ်တူၵ်းႁႅင်း လိၼ်ၵူၼ်ႇ ၼႂ်းမိူင်းပႃႊၵိတ်ႊသတၢၼ်ႊ ပွတ်းႁွင်ႇလႄႈ ထုင်ႉၵႅတ်ႉသ်မီးယိူဝ်း ပိုၼ်ႉတီႈၾၢႆႇမိူင်းပႃႊၵိတ်ႊသတၢၼ်ႊၵုမ်းၵမ်ၼၼ်ႉ ၽူႈမီးပုၼ်ႈၽွၼ်းၶဝ်လၢတ်ႈဝႃႈ မီးၵူၼ်းလူႉတၢႆ 300 ပၢႆ ႁၢႆလၢႆဝႆႉ 200 ပၢႆ - ဝႃႈၼႆ။ ၵူၼ်းၸိူဝ်းလူႉတၢႆၵမ်ႈၼမ် ပဵၼ်ၼႂ်းၸႄႈတွၼ်ႈၶၢႆႇပႃႇ ပႃႇၶျႃႉတုၼ်ႇဝႃႇ၊ ဢၼ်မီးလွင်ႈတုမ်ႉတိူဝ်ႉ လူႉသုမ်းၼမ်လိူဝ်ပိူၼ်ႈသမ်ႉ ပဵၼ်ၸႄႈတွၼ်ႈပူႇၼႃႇ မီးၵူၼ်းႁၢႆလၢႆဝႆႉ 209 ၵေႃႉ၊...

ၼႂ်းလိူၼ်ဢေႃႊၵတ်ႊသ်ၼႆႉ ၾူၼ်တူၵ်းထပ်းၵၼ်လၢႆဝၼ်းသေ ႁဵတ်းႁႂ်ႈၼမ်ႉယိုင်ႈၶိုၼ်ႈႁၢဝ်ႈႁႅင်း ၼႂ်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ႁဵတ်းႁႂ်ႈၵူၼ်းမိူင်းပၢႆႈၽေးၼမ်ႉသေဢမ်ႇၵႃး သူၼ်ႁႆႈၼႃး ၸိူဝ်းၼႆႉၵေႃႈ လူႉသုမ်းၸွမ်းထႅင်ႈတင်းၼမ်လၢႆ ၼႆယဝ်ႉ။ ၵူၼ်းပိုၼ်ႉတီႈ ၼႂ်းၼွင်ႁၢႆးယႃႈ လၢတ်ႈတီႈၽူႈတွႆႇႁွၵ်ႈဝႃႈ - “ၵၢၼ်ၽုၵ်ႇသွမ်ႈတႄႉ ဢမ်ႇၸၢင်ႈလၢတ်ႈယဝ်ႉ မိူဝ်ႈၼမ်ႉယိုင်ႈၼွင်းထူမ်ႈၼမ်ၸိူင်ႉၼႆၼႆႉ ၼႃးၼႂ်းၼွင်ၼႆႉ ႁူဝ်ပၢၵ်ႇမၼ်း တေသုမ်းမွၵ်ႈ 99 % ယဝ်ႉ။ ၼမ်ႉမႃးထူမ်ႈပႅတ်ႈမူတ်း...

 ဝၼ်းတီႈ13/8/2025 ယၢမ်းႁူဝ်ၶမ်ႈ 9 မူင်း ၾူၼ်တူၵ်းဢမ်ႇထၢတ်ႇ ၼမ်ႉၼမ်ၶိုၼ်ႈမႃးလႄႈ ၵူၼ်းမိူင်းၼႂ်းၼွင်ႁၢႆးယႃႈ ၸိုင်ႈတႆးပွတ်းၸၢၼ်း ၵိုင်ႉၵၢင်ႉလႆႈၶၢႆႉၶူဝ်းဝႆႉတီႈသုင်  လႆႈငိူင်ႉပၢႆႈၽေးၼမ်ႉ ထႅင်ႈ  ။ ၼၢင်းယိင်းဢႃယု 24 ပီ ၵူၼ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ၶမ်ႈဝႃးၼႆႉ ၾူၼ်တူၵ်းႁႅင်းၼႃႇၼမ်ႉၵိုင်ႉၵၢင်ႉၶိုၼ်ႈမႃးၸမ်သွၵ်ႇလႆႈဢွၼ်ၵၼ် လုၵ်ႉၶၢႆႉၶူဝ်းၶၢႆႉလဵင်း တေႃႉဝႆႉတီႈသုင် ၊ ၵူၼ်းၵေႃႈလႆႈငိူင်ႉပၢႆႈၽေးၼမ်ႉ ၊ တလဵဝ် ၼႂ်းၼွင်ႁၢႆးယႃႈၼႆႉ...

တီႈဝဵင်းလၢႆႇၸႃႇ ငဝ်ႈငုၼ်းသိုၵ်းၶၢင် KIO/ KIA ၼႂ်းမိူင်းၶၢင်ၼၼ်ႉ ယွၼ်ႉၾူၼ်တူၵ်းႁၢဝ်ႈႁႅင်းသေ ႁဵတ်းႁႂ်ႈၼမ်ႉႁူၺ်ႈၼမ်ႉလွႆ လုပ်ႇၼွင်းထူမ်ႈသႂ်ႇႁိူၼ်းယေးၵူၼ်းမိူင်း၊ ႁွင်ႈတၢင်းၶၢႆလႄႈ ရူတ်ႉၵႃး တင်းၼမ် လူႉသုမ်းၸွမ်း။ ၼႂ်းဝၼ်းတီႈ 11/08/2025 တႄႇယၢမ်းၵၢင်ၼႂ်မွၵ်ႈ 5 မူင်း ၾူၼ်တူၵ်းႁၢဝ်ႈႁႅင်း ၼႂ်းဝဵင်းလၢႆႇၸႃႇ။ ထိုင်ၶၢဝ်းယၢမ်းမွၵ်ႈ 10 မူင်းၼႆႉ ၼမ်ႉႁွင်ႈ ဢၼ်လႆလတ်းဝဵင်းလၢႆႇၸႃႇၼၼ်ႉ ၼွင်းလူၼ်ႉၾင်ႇသေ...

ဝၼ်းတီႈ 6/8/2025 ၾူၼ်တူၵ်းႁၢဝ်ႈႁႅင်း ၼမ်ႉႁူၺ်ႈၼမ်ႉလွႆ ၼွင်းလေႃႇၶဝ်ႈယွင်ၵဵပ်းၼမ်ႉဝၢၼ်ႈလုၵ်းပႃ ၊ ၼမ်ႉလူၼ်ႉယွင် ၼွင်းထူမ်ႈၸွမ်းသဵၼ်ႈတၢင်းၵႂႃႇ ၼွင်ပိင်-ပုင်ႇဝူဝ်း လႄႈ ထူမ်ႈပႃးႁိူၼ်းယေးၵူၼ်းမိူင်း ၸိူဝ်းမီးၼႂ်းပွၵ်ႉ 5 ထုင်ႉၼွင်ပိင် ၸႄႈဝဵင်း ၵျွၵ်ႉမႄး ၸိုင်ႈတႆးပွတ်းႁွင်ႇ။ ၼမ်ႉၵိုင်ႉၵၢင်ႉလူၼ်ႉလုပ်ႇၼွင်းမႃးႁႅင်းလႄႈ ၽဵဝ်ႈဢဝ်ၵႂႃႇပႃး ရူတ်ႉၵႃးၸိူဝ်းတိုၵ်ႉလႅၼ်ႈယူႇၸွမ်းသဵၼ်ႈတၢင်း ၵႃးလမ်းၼိုင်ႈ လွင်ႈလႆၵႂႃႇၸွမ်းၼမ်ႉ၊ ၼႂ်းၼၼ်ႉ ပႃးၵူၼ်းၵႂႃႇၸွမ်း သွင်ၵေႃႉ...