ယိူင်းဢၢၼ်းတႃႇ ႁၵ်ႉသႃ သိင်ႇဝႅတ့်လွမ့်ၾိင်ႈတိုၼ်းပဵၼ် လႄႈ တႃႇပႃႇထိူၼ်ႇႁုၼ်ႈမုၼ်း ၼႆသေ ၸုမ်းသိုၵ်း ယၢင်းၽိူၵ်ႇ KNU ပိုၼ်ၽၢဝ်ႇ မၵ်းမၢႆ ထုင့်ထိူၼ်ႇႁၢမ်ႈႁဵတ်းၽေးတေႃႇ သတ်းတင်းတူၼ်ႈမႆ့ (ဘေးမဲ့တော) တၢင်းၵႂၢင်ႈ 3000 ဢေႊၶိူဝ်ႊပၢႆ။
ၸုမ်းသိုၵ်း KNU ၸတ်းႁဵတ်းပၢင်ၵႅဝ်ႈယႂ်ႇ မိူဝ်ႈဝၼ်းတီႈ 28 လိူၼ်ၵျူႊလၢႆႊ ႁွင်ႈၵၢၼ်ၾၢႆႇပႃႇထိူၼ်ႇ လုမ်းၸိူဝ့်ၸၢတ်ႈ ယၢင်းၽိူၵ်ႇ KNU မၵ်းမၼ်ႈတီႈထိူၼ်ႇဢၼ်မီး တၢင်း ၵႂၢင်ႈ 3360 ဢေႊၶိူဝ်ႊ ဢၼ်မီးၼႂ်းၸႄႈဝဵင်း ၵျႅၵ့်ထူဝ်ႇ တင်း ၸႄႈဝဵင်းပီးလိၼ်း ၼၼ်ႉပဵၼ်တီႈထိူၼ်ႇ- “ထီးတူဝ်းၶီး” ထုင့်ထိူၼ်ႇႁၢမ်ႈႁဵတ်းၽေးတေႃႇ သတ်းတင်း တူၼ်ႈမႆ့ – ဝႃႈၼႆ။
ႁွင်ႈၵၢၼ်ၾၢႆႇပႃႇထိူၼ်ႇ လုမ်းၸိူဝ့်ၸၢတ်ႈ ယၢင်းၽိူၵ်ႇ KNU ၼႆ့ မီးဝႆ့ မူႇဝႃႇတ တႃႇႁၵ်ႉသႃသိင်ႇဝႅတ့်လွမ့် ၾိင်ႈတိုၼ်းပဵၼ် ဢိၵ်ႇပႃးတူဝ်သတ်း ၊ ယွၼ့်ၼၼ် တႄႇပီ 2017 မၵ်းမၢႆၸိုဝ်ႈ ထီးတူဝ်းၶီး ၼႆသေ ႁဵတ်းလွင်ႈၶူၼ့်ၶႂႃ့ မႃး ၼႂ်းပႃႇထိူၼ်ႇၼၼ့် ဝႃႈၼႆ။
ၼႂ်းၸႄႈတွၼ်ႈ 7 ဢၼ် ၼႃႈတီႈၸုမ်းသိုၵ်းယၢင်းၽိူၵ်ႇ KNU ၵုမ်းၵမ်ၼႆ့ မီးဝႆ့ထိူၼ်ႇႁၢမ်ႈႁဵတ်းၽေးတေႃႇ ထိူၼ်ႇတင်း တူဝ်သတ်း (တောရိုင်းတိရစ္ဆာန် ဘေးမဲ့တော) 15 ဢၼ် ၊ ထိူၼ်ႇႁၢမ်ႈတတ်း (သစ်တောကြိုးဝိုင်း) 80 ဢၼ် ၼႆ ႁွင်ႈၵၢၼ်ၾၢႆႇပႃႇထိူၼ်ႇ လုမ်းၸိူဝ့်ၸၢတ်ႈယၢင်းၽိူၵ်ႇ မၢႆဝႆ့ၼင်ႇၼႆ။
BNI
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ