ဝၢႆးလင်မိူင်းဢမေႊရိၵၼ်ႊ တင်း မိူင်းဢီႊရၼ်ႊ ယိုဝ်းၵၼ်မႃး ႁိုင်ၶၢဝ်းတၢင်းသၢမ်ဝူင်ႈ ၵူၼ်းမိူင်းႁူမ်ႈတုမ် ၵေႃႈ ႁူပ်ႉပၼ်ႁႃၼမ်ႉမၼ်းၸၢၵ်ႈႁၢဝ်ႈႁႅင်း သိုၵ်းမၢၼ်ႈယိုတ်းမိူင်း ၵိုင်ႉ ၵၢင်ႉယုၵ်ႉၶၼ်ၼမ်ႉ မၼ်း ၸၢၵ်ႈ ပုင်ႈၶိုၼ်ႈၵႂႃႇထိုင် 55 % တီႈဝဵင်းတႃႈၵုင်ႈ ထိုင်ၵႂႃႇ ၼိုင်ႈလီႇတႃႇလႂ် 8,000 ပျႃး ၼႆယဝ်ႉ။ ယွၼ်ႉပၼ်ႁႃပၢင်တိုၵ်းၼႂ်းဝၼ်းဢွၵ်ႇၵၢင်ၼႆႉသေ သိုၵ်းမၢၼ်ႈယိုတ်းမိူင်းႁူမ်ႈတုမ်ၵေႃႈ ပိုၼ်ၽၢဝ်ႇဢွၵ်ႇ...

ဢိင်ၼိူဝ်ၶၼ်ၼမ်ႉမၼ်းၸိူဝ်ႉၾႆးၵႃႈၶၼ်သုင် ႁႃသိုဝ်ႉယၢပ်ႇမႃးသေ သၢႆၵၢၼ်မိၼ်လၢႆလၢႆဢၼ်ၼႂ်းမိူင်းမၢၼ်ႈ လႆႈၵိုတ်းလိုဝ်ႈဝႆႉ- ႁၢၼ်ႉၶၢႆဝႂ်ၶိူင်ႈမိၼ်မၢင်ႁၢၼ်ႉၼႆႉ တႄႇပၼ်ၶိုၼ်းငိုၼ်းၵႃႈဝႂ်ၶိူင်ႈမိၼ်ဢၼ်ပိူၼ်ႈမႃးသိုဝ်ႉဝႆႉၸိူဝ်းၼၼ်ႉယူႇယဝ်ႉဝႃႈၼႆ။ သိုဝ်ႇၶၢဝ်ႇမၢၼ်ႈဢီႊရႃႊဝတီႊ တႅမ်ႈတၢင်ႇဝႆႉဝႃႈ - ၵူၼ်းၶၢႆဝႂ်ၶိူင်ႈမိၼ် မိူင်းမၢၼ်ႈလၢတ်ႈဝႃႈ- သၢႆၵၢၼ်မိၼ်တၢင်ႇဢၼ်လၢတ်ႈဝႃႈ တေလူတ်းၼမ်ႉၼၵ်းၶူဝ်း ၵူၼ်းၶီႇၶိူင်ႈမိၼ်ၼႆၵူၺ်း။ သၢႆၵၢၼ်မိၼ် MAI တႄႉပိုၼ်ၽၢဝ်ႇဝႃႈ ၵိုတ်းလိုဝ်ႈဝႆႉသၢႆမိၼ်ပွတ်းၼႂ်ၽွင်ႈယဝ်ႉ” -ဝႃႈၼႆ။ ၼွၵ်ႈလိူဝ်ၼၼ်ႉ ၵူၼ်းၶၢႆဝႂ်ၶိူင်ႈမိၼ်ယင်းလၢတ်ႈဝႃႈ - တၢင်းႁၢၼ်ႉၶၢႆဝႂ်ၶိူင်ႈမိၼ် လႆႈသိုပ်ႇၾူၼ်ႊလၢတ်ႈၵူၼ်းၶီႇၶိူင်ႈမိၼ်ဝႃႈ- သၢႆၵၢၼ်မိၼ်တၢင်ႇဢၼ်ၵိုတ်းလိုဝ်ႈၶၢဝ်းတၢင်းဝႆႉၽွင်ႈယဝ်ႉလႄႈ ႁႂ်ႈဢွၼ်ၵၼ်ထတ်းၶျႅၵ်ႉတူၺ်းဝႂ်ၶိူင်ႈမိၼ်ဢၼ်ၸဝ်ႈၵဝ်ႇသိုဝ်ႉဝႆႉသေ...

ဝၼ်းတီႈ 18 လိူၼ်မၢတ်ႉၶျ် မိူဝ်ႈဝႃးၼႆႉ ဢီႊရၼ်ႊ ဢဝ်မၢၵ်ႇၼူၾႆးယိုဝ်းသႂ်ႇ ဢွင်ႈတီႈသူင်ႇဢွၵ်ႇႁႅင်းထၢတ်ႈသၽႃႇဝ (LNG) ၼႂ်းဝဵင်း Ras Laffan၊ မိူင်းၵႃႊတႃႊ မီးလွင်ႈလူႉသုမ်း ၵႂႃႇတၢင်းၼမ် ဝႃႈၼႆ။ ဝၢႆးသေ ဢိတ်ႉသ်ရေႊ ပွႆႇမၢၵ်ႇတိုၵ်းတေႃးသႂ်ႇ ႁူင်းႁုင်ႁႅင်းထၢတ်ႈသၽႃႇဝ တီႈမိူင်းဢီႊရၼ်ႊယဝ်ႉ လူင်ပွင်ၸိုင်ႈမိူင်းဢီႊရၼ်ႊ လႆႈပၼ်ၾၢင်ႉဝႆႉဝႃႈ တေၶိုၼ်းၶဝ်ႈတိုၵ်းဢွင်ႈတီႈ ၵဵပ်းသိမ်းႁႅင်းထၢတ်ႈသၽႃႇဝ...

ပီၼႆႉ ၸဝ်ႈၼႃးထုင်ႉပူင်း ဢမ်ႇမီးတိုၼ်းလၢင်း တႃႇၽုၵ်ႇသွမ်ႈလႄႈ လႆႈပွႆႇတူင်ႈၼႃး 3 ႁဵင် ဢေႊၶိူဝ်ႊႁၢမ်းလၢႆ ၼႆယဝ်ႉ ။ ၵူႈပီပီၼႆႉ  ပေႃးထိုင်ၶၢဝ်းႁူဝ်လိူၼ်မတ်ႉၶျ် ပဵၼ်ၽွင်းၸဝ်ႈၼႃးၼႂ်းထုင်ႉပူင်း တႄႇၽုၵ်ႇ ၶဝ်ႈၼွင် ယဝ်ႉဝႃႈၼႆသေတႃႉ ယွၼ်ႉဢမ်ႇမီးတိုၼ်းလၢင်း ဢမ်ႇမီးၵူၼ်းႁဵတ်းၵၢၼ်လႄႈ ၸဝ်ႈၼႃး ၵမ်ႈၼမ် လႆႈပွႆႇၼႃးၸဝ်ႈၵဝ်ႇႁၢမ်းလၢႆတင်းၼမ်ဝႃႈၼႆ  ။ ၸဝ်ႈၼႃးထုင်ႉပူင်းၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ -“ ပီၼႆႉ ၼႃးၼႆႉႁၢမ်းၵႂႃႇၼမ်ၼႃႇ...

မိူင်းဢမေႊရိၵၼ်ႊ တင်း မိူင်းဢီႊရၼ်ႊ ယိုဝ်းၵၼ်မႃးႁိုင်ၶၢဝ်းတၢင်း 10 ဝၼ်းပၢႆယဝ်ႉလႄႈ သင်တေသိုပ်ႇပဵၼ်ၵႂႃႇႁိုင်လိူဝ်ၼၼ်ႉၸိုင် ၵၢၼ်ပၢႆးမၢၵ်ႈမီးလုမ်ႈၾႃႉ ၸၢင်ႈလူႉၵွႆ လႄႈ ႁၢႆႉၸႃႉႁႅင်းလိူဝ်ၼႆႉထႅင်ႈ ဝႃႈၼႆ။ မိူဝ်ႈဝၼ်းတီႈ 11 လိူၼ်မၢတ်ႉၶျ် ၽူႈၶၢၼ်ပၢၵ်ႇ သိုၵ်းမိူင်းဢီႊရၼ်ႊ ပၼ်ၾၢင်ႉ တူၵ်ႇတၵ်ႉထိုင် မိူင်းဢမႄႇရိၵၼ်ႇ ႁႂ်ႈႁၢင်ႈႁႅၼ်းတူဝ် ပႂ်ႉႁပ်ႉလွင်ႈၶဵင်ႇတႃႉလူင် ဢၼ်ၸၢင်ႈတုမ်ႉ ...

တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼႆႉ သိုၵ်းမၢၼ်ႈဢမ်ႇပၼ်ၶၢႆၼမ်ႉမၼ်းၸၢၵ်ႈပၼ် ရူတ်ႉၵႃးၸိူဝ်းဢမ်ႇမီးဝႂ်  လၢႆႊသိၼ်ႊ  ဝႃႈၼႆ။ သိုၵ်းမၢၼ်ႈပိုၼ်ႇၽၢဝ်ႇလၢတ်ႈဝႆႉဝႃႈ ယွၼ်ႉတေဢမ်ႇၶၢႆၼမ်ႉမၼ်းၸိူဝ်ႉၾႆးပၼ် ရူတ်ႉၵႃးဢမ်ႇမီး ဝတ်းဝႂ်လႄႈ သင်ၸိူဝ်ႉၵူတ်ႇထတ်းႁၼ်မႅၼ်ႈ ရူတ်ႉၵႃးဢမ်ႇမီးဝႂ်လၢႆႊသိၼ်ႊ  ၶဝ်ႈထႅဝ်ပႂ်ႉသိုဝ်ႉ ၼမ်ႉမၼ်း တီႈပၢမ်ႉၼမ်ႉမၼ်းၸိုင်   တေဢဝ်လိူင်ႈဝႃႈၼႆ။    ဝၢႆးသိုၵ်းမၢၼ်ႈပိုၼ်ႇၽၢဝ်ႇယဝ်ႉ  ဝၼ်းတီႈ 12/3/2026 ယၢမ်းၵၢင်ၼႂ် ပၢမ်ႉၼမ်ႉမၼ်း တီႈဝဵင်း တူၼ်ႈတီး ၵူတ်ႇထတ်းရူတ်ႉၵႃးၸိူဝ်းမီးဝႂ်လၢႆႊသိၼ်ႊသေ ၸင်ႇၶၢႆပၼ်ၼမ်ႉမၼ်းလႄႈ...

ၼႂ်းဝၼ်းလဵဝ်ၵူၺ်း ႁိူဝ်းတေႃႉတၢင်ႇၶူဝ်းၵုၼ်ႇၵူၼ်းမိူင်း ၺႃးတိုၵ်းတေႃး တီႈႁိမ်းႁွမ်း သၢႆၼမ်ႉ ႁေႃႊမူၵ်ႉ (Hormuz Strait) ဢမ်ႇယွမ်း 5 လမ်း ဝႃႈၼႆ။ ယွၼ်ႉပၢင်တိုၵ်း ဢီႊရၼ်ႊ ဢၼ်ပဵၼ်ယူႇၼႂ်းပိုၼ်ႉတီႈတႃဝၼ်းဢွၵ်ႇၵၢင်ၼၼ်ႉသေ ၼႂ်းဝၼ်းတီႈ 11 လိူၼ်မၢတ်ႉၶျ်ၼႆႉ ၸိုင်ႈမိူင်း 32 မိူင်း ႁူမ်ႈၵၼ်တႅပ်းတတ်း တႃႇဢဝ်ၼမ်ႉမၼ်းမဵၼ် ဢၼ်ၵဵပ်းသိမ်း ၵႅမ်ဝႆႉ...

တႄႇႁူဝ်လိူၼ် မတ်ၶျ်ႉၼႆႉ ၼႆႉမႃး ယွၼ်ႉၼမ်ႉမၼ်းၸိူဝ်ႉၾႆး ႁႃသိုဝ်ႉယၢပ်ႇ ၵႃႈၶၼ်ပုင်ႈၶိုၼ်ႈသုင်ႇႁႅင်း  မိူၼ်ၼင်ႇ ၶၼ်ၵုၼ်ႇ ၊ ၵႃႈၵႃး ၼႂ်းမိူင်းတႆးပွတ်းၸၢၼ်း လၢႆလၢႆဝဵင်း ပုင်ႈၶိုၼ်ႈၸွမ်း ၵူၼ်းမိူင်းယၢပ်ႇၽိုတ်ႇတႃႇၵႂႃႇမႃး ဝႆႉဝႃႈၼႆ ။ ၵူၼ်းၵႃႉၶူဝ်းၵုၼ်ႇဝဵင်းၼမ်ႉၸၢင်ႇလၢတ်ႈၽူႈတွႆႇႁွၵ်ႈဝႃႈ -“ ဢမ်ႇၸႂ်ႈဝႃႈ ၼမ်ႉမၼ်းၵူၺ်း ၊ တလဵဝ်ၼႆႉ ၶူဝ်းၵုၼ်ႇၸိူဝ်းၼၼ်ႉၵေႃႈ ဢွၼ်ၵၼ် ႁိမ်ၵၼ်သိုဝ်ႉဝႆႉၼမ်ၼႃႇ...

ငဝ်းလၢႆးၵၢၼ်သိုၵ်း ၵၢၼ်မိူင်းလုမ်ႈၾႃႉ ဢမ်ႇၼိမ်သဝ်းလႄႈ ၶၼ်ၶမ်းလုမ်ႈၾႃႉၵေႃႈ ၵိုင်ႉၵၢင်ႉပုင်ႈၶိုၼ်ႈသေ ၶၼ်ၶမ်းၼႂ်းမိူင်းႁူမ်ႈတုမ် (မိူင်းမၢၼ်ႈ) ၵေႃႈ ၼိုင်ႈၵျၢပ်ႈလႂ် ထိုင်ၵႂႃႇ 110 သႅၼ်ပျႃးပၢႆ ၼႆယဝ်ႉ။ မိူဝ်ႈၼႆႉ ဝၼ်းတီႈ 3/3/2026 ယၢမ်းၵၢင်ၼႂ် ၶၼ်ၶမ်းၼႂ်းမိူင်းမၢၼ်ႈ ဢၼ်ၸုမ်းၵႃႉၶၢႆၶမ်း တိူင်းတႃႈၵုင်ႈ (YGEA) တႂ်ႈလူင်ပွင်ၸိုင်ႈသိုၵ်းမၢၼ်ႈယိုတ်းမိူင်းၶဝ် မၵ်းမၼ်ႈပဵၼ်တၢင်း ၵၢၼ်ဝႆႉၼၼ်ႉ ၼိုင်ႈၵျၢပ်ႈလႂ်...

ဝၼ်းတီႈ 2 မိူဝ်ႈၼႆႉ ၶၼ်ၼမ်ႉမၼ်းၸၢၵ်ႈပုင်ႈၶိုၼ်ႈသုင်ႁႅင်းႁဵတ်းႁႂ်ႈၵူၼ်းမိူင်းတႆးပွတ်းၸၢၼ်းပွတ်းဢွၵ်ႇ တူင်ႉတိုၼ်ႇၼႅတ်ႈႁႃသိုဝ်ႉၼမ်ႉမၼ်း မၢင်ႁၢၼ်ႉထိုင်တီႈလႆႈပိၵ်ႉႁၢၼ်ႉဝႆႉဝႃႈၼႆ။ ပႃႈၼၢင်းၼၢင်း ၵူၼ်းၵႃႉၶူဝ်းၵုၼ်ႇၵိၼ်ယမ်ႉ ၸႄႈတွၼ်ႈလၢင်းၶိူဝ်းလၢတ်ႈၽူႈတွႆႇႁွၵ်ႈဝႃႈ-“ မိူဝ်ႈသိုၼ်းၼမ်ႉမၼ်းၼိုင်ႈလိတ်ႉ 10000 ၵူၺ်း ။ မိူဝ်ႈဝႃး 11000 ။ ထိုင်မိူဝ်ႈၼႆႉ 13000 ပျႃး။ ၶိုၼ်ႈမႃးယိုၵ်ႈယိုၵ်ႈ။ ႁဝ်းၶႃႈၸိူဝ်းပဵၼ်ၸဝ်ႈၵႃး ၸဝ်ႈၵုၼ်ႇၼႆႉ ၼႅတ်ႈၵႂႃႇသိုဝ်ႉမိူဝ်ႈၼႆႉ။ ယၢမ်းၵၢင်ၼႂ်တိုၵ်ႉသိုဝ်ႉလႆႈယူႇ။ ထိုင်ယၢမ်းဝၢႆးဝၼ်းၼႆႉ...

တႄႇႁၢင်ပီ  2025 မႃး သိုၵ်းမၢၼ်ႈ ႁၢမ်ႈၵူၼ်းမိူင်းတေႃႉတၢင်ႇ ၶူဝ်းၵုၼ်ႇမိူင်းထႆး - မိူင်းၶႄႇၶိုၼ်ႈ ဝဵင်းတူၼ်ႈတီး - တင်ႈၵဵတ်ႉ/လၢၼ်ႇ တီႈမိူင်းပွၼ် ၊ သင်ၸိူဝ်ႉဢမ်ႇမီးဝႂ်ႁပ်ႉႁွင်းတၢင်ႇ ၶူဝ်းၵုၼ်ႇၸိုင် သိုၵ်းမၢၼ်ႈယိုတ်းဢဝ်မူတ်း ဝႃႈၼႆ။ ၸဝ်ႈၵႃးလႅၼ်ႈသဵၼ်ႈတၢင်း ပၢင်လူင် - တူၼ်ႈတီးလၢတ်ႈၽူႈတွႆႇႁွၵ်ႈဝႃႈ -“တီႈၵဵတ်ႉလၢၼ်ႇ မိူင်းပွၼ်ၼႆႉ ပေႃးပဵၼ်ၶူဝ်းမိူင်းၶႄႇ- မိူင်းထႆးၼႆႉ...

ရူတ်ႉၵႃး ၸိူဝ်းတၢင်ႇဢဝ် တႅင်ၸမ်ႇပူႇ လႄႈ တႅင်ႁွမ် တၢင်းမိူင်းမၢၼ်ႈ၊ မိူင်းတႆး တေႃႉၵႂႃႇသူင်ႇၶၢႆတၢင်းမိူင်းၶႄႇၼၼ်ႉ ယၢမ်းလဵဝ် လႆႈၵႂႃႇၵိုတ်းၶမ်ဝႆႉ တီႈၵဵတ်ႉလၢၼ်ႇ တႃႈလေႃႉ မိူင်းလႃး ၼပ်ႉႁူဝ်ပၢၵ်ႇလမ်းယူႇ ၼႆယဝ်ႉ။ ၵူၼ်းႁပ်ႉသိုဝ်ႉတႅင်ၼႂ်းမိူင်းၶႄႇ ဢေႇလူင်းၵႂႃႇႁႅင်းသေဢမ်ႇၵႃး တီႈၵဵတ်ႉလၢၼ်ႇၾၢႆႇမိူင်းၶႄႇၵေႃႈ ၵူတ်ႇထတ်းရူတ်ႉၵႃး ၸိူဝ်းလုၵ်ႉတၢင်းမိူင်းမၢၼ်ႈၵႂႃႇႁၢဝ်ႈႁႅင်းသေ ၼိုင်ႈဝၼ်းလႂ် ပၼ်ၵႃးတၢင်ႇမၢၵ်ႇမႆႉမၢၵ်ႇတွၵ်ႈ...

သိုၵ်းၵဝ်ႈၵၢင်ႉ ဝဵင်းသႅၼ်ဝီ မိူင်းတႆးပွတ်းႁွင်ႇ ႁွင်ႉဢဝ်ပေႃႈလဵင်ႉ ၸဝ်ႈငိုၼ်းသႃး ၸၢဝ်းၶႄႇ ၶဝ်ႈမႃးႁဵတ်းၵၢၼ်ပၢႆးမၢၵ်ႈမီးၼႂ်းၸႄႈဝဵင်းသႅၼ်ဝီသေ ၸႂ်ႉဢႃႇၼႃႇသိုၵ်း တဵၵ်းယိုတ်း ဢဝ်တီႈလိၼ်ၵူၼ်းဝၢၼ်ႈၵူၼ်းသူၼ် ပိူဝ်ႈတႃႇပၼ် ပေႃႈလဵင်ႉလၢဝ်းပၢၼ်းၶႄႇၶဝ် ႁဵတ်းသူၼ်ၽုၵ်ႇသွမ်ႈၵူၺ်ႈ (တစ်သျှူးဌက်ပျော) ဝႃႈၼႆ။ ၼႂ်းႁူဝ်ပီ 2026 ၵၢင်လိူၼ်ၵျႅၼ်ႊၼိဝ်ႊရီႇၼႆႉ သိုၵ်းၶႄႇၵဝ်ႈၵၢင်ႉ လႄႈ လၢဝ်းပၢၼ်းၶႄႇၶဝ် ဢဝ်ၶိူင်ႈၸၢၵ်ႈ ဢၼ်ၸႂ်ႉတိုဝ်းၼႂ်းၵၢၼ်တီႇၽဵဝ်ႈပႃႇထိူၼ်ႇ၊ သူၼ်ႁႆႈၼႃး မႃးထုၺ်လိၼ်...

မိူဝ်ႈၼႆႉဝၼ်းတီႈ 30/1/2026 ယၢမ်းၵၢင်ၼႂ် ၶၼ်ၶမ်းလုမ်ႈၾႃႉ ၼိုင်ႈဢွင်ႊသ်လႂ် မီးယူႇ 5,195 တေႃႊလႃႊ။ သင်တႅၵ်ႈၼိူင်းၵၼ်တင်း မိူဝ်ႈဝႃး 29/1/2026 ၸိုင် လူင်းၵႂႃႇမွၵ်ႈ 340 တေႃႊလႃႊ။ ယၢမ်းလဵဝ် ၼိုင်ႈၵျၢပ်ႈ (ဢၼ်မီးၼမ်ႉၼၵ်း 16 ပႄး) ၼႆႉ မီးယူႇ 11,000,000 ပျႃး (ၼႆႉပဵၼ်ၵႃႈၶၼ်ၸဝ်ႈႁၢၼ်ႉၶဝ်ၶၢႆ)...

ၼႂ်းႁူဝ်ပီ 2026 ၼႆႉ ပိဝ်ႇႁႃႇမူး ၵေႃႉၼင်ႈဝႆႉတီႈတပ်ႉမၢၼ်ႈထုင်ႉၼမ်ႉလၼ်ႈ ၸႄႈဝဵင်းသီႇပေႃႉ ၸတ်းဢဝ်ႁႅင်းသိုၵ်း မွၵ်ႈ 100 ပၢႆသေ ၵႂႃႇတီႉၺွပ်းဢဝ် ရူတ်ႉၵႃးတၢင်ႇၵုၼ်ႇ မိူင်း ၶႄႇ ဢၼ်တိုၵ်ႉပႂ်ႉၶီႇပူင်ႈ (ပလူင်ႈ /ႁိူဝ်း) ၶၢမ်ႈၼမ်ႉတူႈ တီႈဝၢၼ်ႈတႃႈလူင် ၸႄႈဝဵင်းၵျွၵ်ႉမႄး မိူင်းတႆးပွတ်းႁွင်ႇ ၼႆယဝ်ႉ။ သိုၵ်းမၢၼ်ႈဢၼ်ပၵ်းတပ်ႉဝႆႉတီႈၼမ်ႉလၼ်ႈၼႆႉ ဢမ်ႇပွင်ႇၶၢဝ်ႇ၊ ဢမ်ႇငူပ်ႉငီႉသင်တင်း...