ဝၢႆးလင် သိုၵ်းမၢၼ်ႈပိုၼ်ၽၢဝ်ႇႁၢမ်ႈႁႄႉလွင်ႉတေႃႉၶူဝ်းၵုၼ်ႇမိူင်းထႆးမိူင်းၶႄႇၶဝ်ႈမိူင်းတႆးမိူင်းမၢၼ်ႈမႃးၼႆႉ ၶူဝ်းၶွင်ၵိၼ်ယမ်ႉႁႃသိုဝ်ႉယၢပ်ႇ ၵႃႈၶၼ်ယႂ်ႇသုင် ၵူၼ်းမိူင်းဝဵင်းတူၼ်ႈတီး လႆႈၵိၼ်တၢင်းၵိၼ် ဢၼ်မူတ်း ဢႃယု ၵူၼ်းတူၼ်ႈတီးလၢတ်ႈၼင်ႇၼႆ ။ ၶူဝ်းၶွင်ဢၼ်တေၶၢမ်ႈလႅၼ်လိၼ် လႄႈ မႃးတၢင်းၼမ်ႉ ၶဝ်ႈမႃးမိူင်းမၢၼ်ႈမိူင်းတႆး ဢၼ်သိုၵ်းမၢၼ်ႈႁၢမ်ႈ ဝႆႉမိူဝ်ႈၵၢင်လိူၼ်ဢေႃႊၵတ်ႊသ် ၼၼ်ႉတႄႉမီး 35 ယၢင်ႇ လႄႈႁဵတ်းႁႂ်ႈ ၵူၼ်းၵႃႉ- ၸဝ်ႈရူတ်ႉၸဝ်ႈၵႃး  - ၸဝ်ႈႁၢၼ်ႉၶၢႆၶူဝ်းၵုၼ်ႇၸိူဝ်းၼႆႉပဵၼ်ဢၼ်ယၢပ်ႇၽိုတ်ႇ။ တွၼ်ႈတႃႇၵူၼ်းမိူင်းၵေႃႈ...

  ဝဵင်းပၢင်လွင်း မိူင်းတႆးပွတ်းၸၢၼ်း မၢၵ်ႇၶိူဝ်သူမ်ႈ ဢမ်ႇမီးၵႃႈၶၼ် - တေဢဝ်ၵႂႃႇၶၢႆၵေႃႈ   သုမ်းၵႃႈႁႅင်း ၵႃႈၼမ်ႉမၼ်းၸၢၵ်ႈၵူၺ်းယဝ်ႉၼႆသေ ၸဝ်ႈသူၼ်ထွၵ်ႇပႅတ်ႈ ပဵၼ်ၵေႃႇပဵၼ်ၵွင် သုမ်းတင်းၼမ်တင်းလၢႆ။ တႄႇႁူဝ်လိူၼ် ဢွၵ်ႉထူဝ်ႊပိူဝ်ႊ ၼႆႉမႃး ၶၼ်မၢၵ်ႇၶိူဝ်သူမ်ႈ ၼႂ်းလွၵ်းၵၢတ်ႇမီး ၼိုင်ႈၸွႆႉ 400 ထိုင် 500 ပျႃးၵူၺ်း၊  မၢၵ်ႇၶိူဝ်သူမ်ႈၼႆႉသမ်ႉပဵၼ်မဵဝ်းဝႆႉႁိုင်ဢမ်ႇလႆႈလႄႈ ၶၼ်လီဢမ်ႇလီၵေႃႈပေႃးပိတ်းယဝ်ႉၵႃႈလႆႈၶၢႆ ။ လၢႆးလႂ်ၵေႃႈ...

ဝၢႆးလင်ပၢင်တိုၵ်းၽႅၼ်ယၼ်ႇသိုၵ်း 1027 မႃး သိုၵ်းမၢၼ်ႈယိုတ်းမိူင်း တင်း သိုၵ်းၶၢင် (KIA) ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းမိူင်းၶၢင် လႄႈၽႄႈလၢမ်းၸွတ်ႇထိုင် ၸွမ်းလႅၼ်လိၼ်ၵႂႃႇသေ ၾၢႆႇလူင်ပွင်ၸိုင်ႈမိူင်းၶႄႇ လႆႈဢိုတ်းပႅတ်ႈ ၽၵ်းတူၶၢမ်ႈ လႅၼ်လိၼ်မိူင်းၶႄႇ ဢၼ်တိတ်းၸပ်းၵၼ်ဝႆႉတင်းမိူင်းၶၢင်ၼၼ်ႉ ႁိုင်ၶၢဝ်းတၢင်းမွၵ်ႈ 1 ပီ။ ၽၵ်းတူၶၢမ်ႈလႅၼ်လိၼ်မိူင်းၶၢင်-မိူင်းၶႄႇ ၸိူဝ်းၺႃးလူင်ပွင်ၸိုင်ႈမိူင်းၶႄႇဢိုတ်းႁပ်းၵႂႃႇၼၼ်ႉ ပဵၼ်တီႈ ၵၢၼ်ႇပၢႆႉတီႇ၊ လၢႆႇၸႃႇ၊ မၢႆၵျႃယၢင်...

သိုၵ်းဝႃႉ  UWSA  တေဢိုတ်းၽၵ်းတူၶၢမ်ႈလႅၼ်လိၼ် ပၢင်သၢင်း (လၢၼ်ႇမူင်ႇဢႃး) ဢၼ်တိတ်းၸပ်းၵၼ်ဝႆႉတင်း မိူင်းၶႄႇ    တေၵိုတ်း ၵၢၼ်ၵႃႉၶၢႆ တေႃႉၶူဝ်းၵုၼ်ႇၶၢမ်ႈၽၵ်းတူလႅၼ်လိၼ်ၸူဝ်ႈၶၢဝ်းၼႆ ႁွင်ႈၵၢၼ်ၶၢဝ်ႇ ၶွင်ၸုမ်းသိုၵ်းဝႃႉ ပိုၼ်ၽၢဝ်ႇၵႂႃႇ  မိူဝ်ႈဝၼ်းတီႈ 20 လိူၼ်ဢွၵ်ႉထူဝ်ႊပိူဝ်ႊၼႆႉ ၼႆယဝ်ႉ။ ၽၵ်းတူၶၢမ်ႈလႅၼ်လိၼ် မိူင်းၶႄႇ လႄႈ ပၢင်သၢင်းၼႆႉ တေဢိုတ်း တႄႇလိူၼ်ၼႃႈ လိူၼ်ၼူဝ်ႊဝႅမ်ႊပိူဝ်ႊ 1...

တႄႇဢဝ်ႁူဝ်လိူၼ်ဢွၵ်ထူဝ်ႊပိူဝ်ႊၼႆႉမႃး သိုၵ်းမၢၼ်ႈႁႄႉရူတ်ႉၵႃးတၢင်ႇၶူဝ်းသေ ၵူတ်ႇထတ်းတီႈ ၵဵတ်ႉ/လၢၼ်ႇ ဝဵင်းလွႆလႅမ်ၸိုင်ႈတႆးပွတ်းၸၢၼ်း၊ ပိူင်လူင်ထတ်းၶူဝ်းၵုၼ်ႇမိူင်းၶႄႇ မိူင်းထႆး - ၸဝ်ႈၵႃးၼႂ်းပိုၼ်ႉတီႈလၢတ်ႈၼင်ႇၼႆ။  ၸဝ်ႈၵႃးတၢင်ႇၶူဝ်းၵုၼ်ႇဢၼ်လႅၼ်ႈမိူင်းတႆးပွတ်းႁွင်ႇပွတ်းၸၢၼ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -“ဢၼ်ၶဝ်ၸႅတ်ႈၵုၼ်ႇတေႉၵေႃႈ မၼ်းတေပဵၼ်ၵုၼ်ႇမိူင်းၶႄႇ မိူင်းထႆးၼၼ်ႉၶႃႈၼႆ၊ ပေႃးပႃးလိၵ်ႈၶႄႇ လိၵ်ႈထႆးတေႉ ၶဝ်တိုၼ်းဢမ်ႇပၼ်ၶၢမ်ႈၶႃႈ တီႈမိူင်းပွၼ်ၼႆႉ။  ၶဝ်ထတ်းၸဵမ်ၶူဝ်းၼုင်ႈ ၶူဝ်းၵိၼ် ၶူဝ်းၸႂ်ႉ ၵူႈၸိူဝ်ႉၵူႈလွင်ႈ။ ဢၼ်တူဝ်ၶႃႈထူပ်းတေႉၵေႃႈ မၼ်းတေပဵၼ်ၶူဝ်းဢၼ်မႃးတၢင်းမိူင်းၶႄႇ ၸဵမ်သိူဝ်ႈၶူဝ်းႁိုဝ်ႉ ပေႃးပႃးမိၵ်ႈမၢႆမိူင်းၶႄႇ...

ၼႂ်းၶၢဝ်းတၢင်း 2 ဝၼ်း ၵူၼ်း 2 ၵေႃႉၺႃးၶႃႈႁႅမ်တၢႆ တီႈဝဵင်းတူၼ်ႈတီးလႄႈ ဝဵင်းဢွင်ႇပၢၼ်း ၸိုင်ႈတႆးပွတ်းၸၢၼ်း ဢမ်ႇႁူႉပဵၼ်ၼမ်ႉမိုဝ်းၽႂ်။   ၼႂ်းဝၼ်းတီႈ 16/10/2025  ယၢမ်းၵၢင်ၶိုၼ်း ရူတ်ႉၵႃးဢွၼ်ႇသႅၼ်းႁွၼ်ႊတႃႊၾိတ်ႉလမ်းၼိုင်ႈ တၢင်ႇၶၢပ်ႈတူဝ်တၢႆၵူၼ်းၵေႃႉၼိုင်ႈမႃးပႅတ်ႈၼိူဝ်သဵၼ်ႈတၢင်းၸဝ်ႈၸၢမ်ႇထုၼ်း ၼႂ်းပွၵ်ႉမဵဝ်ႉမ   ဝဵင်းလူင်တူၼ်ႈတီး ။ ၵူၼ်းၸၢႆးပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ၵူၼ်းဢၼ်ထုၵ်ႇၶႃႈႁႅမ်ဝႆႉၼၼ်ႉ ပဵၼ်ၵူၼ်းၸၢႆး ဢႃယု ၼႂ်းၵႄႈ 30-40 ၊...

သိုၵ်းမၢၼ်ႈ ဢိင်ၶေႃႈဢၢင်ႈ ၵၢၼ်တီႉၺွပ်းၶူဝ်းၵုၼ်ႇၸိူဝ်းဢမ်ႇမီးမၢႆၾၢင်ပဵၼ်တၢင်းၵၢၼ်ၼၼ်ႉသေ သင်ႇဢိုတ်းလၢၼ်ႇ တီႈၶူဝ်ၶၢမ်ႈလႅၼ်လိၼ်မိူင်းယၢင်းၽိူၵ်ႇ - မိူင်းထႆး တီႈဝဵင်းမျႃႉဝတီႇလႄႈ ၵဵတ်ႉလၢၼ်ႇၽၵ်းတူၶၢမ်ႈလႅၼ်လိၼ် မိူင်းၶႄႇ - မိူင်းတႆး တီႈဝဵင်းမူႇၸေႊ ႁၢၼ်ႉတေႃႇယၢမ်းလဵဝ်ၵေႃႈ ပႆႇပိုတ်ႇပၼ်ႁႂ်ႈၵူၼ်းမိူင်းတေႃႉၶူဝ်းၵုၼ်ႇ ၶၢမ်ႈၵႂႃႇမႃးပဵၼ်တၢင်းၵၢၼ် ၼႆယဝ်ႉ။ ၸဝ်ႈၵၢၼ်ပၢႆးမၢၵ်ႈမီး ၸိူဝ်းတေႃႉၶူဝ်းၵုၼ်ႇ တၢင်းၾင်ႇမိူင်းထႆးလႄႈ မိူင်းၶႄႇ ၶဝ်ႈမႃးၼႂ်းမိူင်းႁူမ်ႈတုမ် (မိူင်းမၢၼ်ႈ) ၼႆႉ ဢမ်ႇၸၢင်ႈႁဵတ်းၵၢၼ်ၵႃႉၶၢႆလႆႈလွတ်ႈလႅဝ်း...

ဝၼ်းတီႈ 16  လႄႈ 17 /09/2025  လူင်ပွင်ၸိုင်ႈမိူင်းၶႄႇ ၸတ်းႁဵတ်းပၢင်ၵုမ်လူင် ၵၢၼ်ႁူမ်ႈမိုဝ်းသိုဝ်ႇၵဵဝ်ႇလူၺ်ႈၶူင်း ၵၢၼ် သဵၼ်ႈတၢင်းႁွပ်ႈလူၵ်ႈ (2025 Media Cooperation Forum on Belt and Road) တီႈမိူင်းယုၼ်ႊၼၼ်ႊ ၸိုင်ႈမိူင်းၶႄႇ။ လူင်ပွင်ၸိုင်ႈမိူင်းၶႄႇ မွၵ်ႇႁွင်ႉဢဝ် ၸိုင်ႈမိူင်းၸိူဝ်းၵဵဝ်ႇၶွင်ႈၸွမ်း ၼႂ်းၶူင်းၵၢၼ် သဵၼ်ႈတၢင်းႁွပ်ႈလူၵ်ႈ...

သိုၵ်းမၢၼ်ႈဢၼ်ပႂ်ႉၵဵတ်ႉ/လၢၼ်ႇ တၢင်းၶဝ်ႈ/ဢွၵ်ႇဝဵင်းတႃႈၶီႈလဵၵ်း ႁႄႉၵူတ်ႇထတ်းၸဝ်ႈၵႃးလႄႈၵူၼ်းမိူင်းၸိူဝ်းၶဝ်ႈဢွၵ်ႇၵႂႃႇမႃးႁၢဝ်ႈႁႅင်း။ ၸဝ်ႈရူတ်ႉၵႃးၵေႃႉၼိုင်ႈ ဢႃယုမွၵ်ႈ 30 ပီ လၢတ်ႈတီႈၽူႈတွႆႇႁွၵ်ႈဝႃႈ - “ သိုၵ်းမၢၼ်ႈတီႈၵဵတ်ႉ/လၢၼ်ႇ ၶဝ်ႈ/ဢွၵ်ႇတႃႈၶီႈလဵၵ်းၼၼ်ႉ ၵူတ်ႇထတ်း ၸဝ်ႈၵႃးႁႅင်းၼႃႇ ။ ၸဵမ်မိူဝ်ႈႁၢင်လိူၼ် ဢေႃႊၵတ်ႉသ်ပူၼ်ႉမႃး တေႃႇထိုင်ယၢမ်းလဵဝ်ၼႆႉၼေႈ ။ ဝၢႆးလင် ဢၼ်ၶဝ်ဢမ်ႇပၼ် တၢင်ႇၶူဝ်းၵုၼ်ႇ မိူင်းထႆး ၶဝ်ႈဢွၵ်ႇၼၼ်ႉၼေႈ။ ဢၼ်ထတ်းႁႅင်းၼႆႉပဵၼ်တီႈၵဵတ်ႉ/လၢၼ်ႇ...

တႄႇႁၢင်လိူၼ်ဢေႃႊၵတ်ႉသ်မႃး ၸဝ်ႈၼႃႈတီႈၸိူဝ်းပႂ်ႉၵဵၵ်ႉလၢၼ်ႇ မူႇၸေႊ လႄႈ ၸေႊၵဝ်ႇ ၽၵ်းတူၶၢမ်ႈလႅၼ်လိၼ်မိူင်းတႆး- မိူင်းၶႄႇ ႁေႉႁၢမ်ႈ ဢမ်ႇပၼ်ၵူၼ်းမိူင်းတေႃႉဢဝ်ၶူဝ်းၵုၼ်ႇ လတ်းၽၢၼ်ႇသေႁူးယဝ်ႉလႄႈ ႁဵတ်းႁႂ်ႈၵူၼ်းပိုၼ်ႉတီႈတင်းသွင်ၾၢႆႇ ယၢပ်ႇၽိုတ်ႇၵၢၼ်တေႃႉၶူဝ်းၵုၼ်ႇ ။ သင်တေလုၵ်ႉတၢင်းၾင်ႇမိူင်းတႆး တေႃႉဢဝ်ၶူဝ်းၵုၼ်ႇၶၢမ်ႈၵႂႃႇတၢင်းမိူင်းၶႄႇၵေႃႈ ၺႃးၸဝ်ႈၼႃႈတီႈတႂ်ႈသိုၵ်းမၢၼ်ႈ ႁေႉႁၢမ်ႈ၊ လုၵ်ႉၼႂ်းမိူင်းၶႄႇသေ တေတေႃႉဢဝ်ၶူဝ်းၵုၼ်ႇၶၢမ်ႈမႃးတၢင်းမိူင်းမၢၼ်ႈၵေႃႈ ၺႃးၸဝ်ႈၼႃႈတီႈၾၢႆႇမိူင်းၶႄႇၶဝ် ႁၢမ်ႈ တိုၼ်းဢမ်ႇပၼ်ၶၢမ်ႈလႃးလႃး ။ ယၢမ်းလဵဝ်ၽၵ်းတူ ႁေႃၶမ်းလႄႈ...

ပူၼ်ႉမႃးလိူၼ်ၵျူႊလၢႆႊ လိူၼ်ဢေႃႊၵတ်ႊသ် ပီၼႆႉ ၸွမ်ၸိုင်ႈမိူင်းဢမေႊရိၵၼ်ႊ ပိုၼ်ၽၢဝ်ႇတႃႇတိူဝ်းၵဵပ်း ၶွၼ်ႇၼိူဝ်လၢႆလၢႆၸိုင်ႈမိူင်းၼႂ်းလုမ်ႈၾႃႉ။ ႁဵတ်းႁႂ်ႈသုၵ်ႉယုင်ႈတူၵ်းၸႂ်လႂ်တိုၼ်ႇၵၼ်ၵႂႃႇမူတ်း။ ၽွင်းၶၢဝ်း ပၢႆးမၢၵ်ႈမီးလုမ်ႈၾႃႉတူၵ်းယူႇယၢမ်းလဵဝ် ဢမေႊရိၵၼ်ႊသမ်ႉ ပိုၼ်ၽၢဝ်ႇၸိူင်ႉၼႆၼႆႉ ႁဵတ်းႁႂ်ႈၵူၼ်းမိူင်း ၸိူဝ်းယူႇၼႂ်းၸိုင်ႈမိူင်းဢၼ်တိုၵ်ႉႁုၼ်ႈမုၼ်းယူႇၸိူဝ်းၼၼ်ႉၵေႃႈ ပဵၼ်ဢၼ်မႆႈၸႂ်သုၵ်ႉၸႂ်။ ၶၼ်ၶွၼ်ႇလုမ်ႈၾႃႉသုင် ၼႂ်းဝၼ်းမိူဝ်ႈၼႆႉ ၽႂ်တေပဵၼ်ၵေႃႉလႆႈ ၼမ်ႉတွၼ်းၽွၼ်းလီ။ ၽႂ်တေပဵၼ်ၵူၼ်းၵိၼ်းၸႂ် ၼႆယဝ်ႉ။ ၵဵဝ်ႇလူၺ်ႈ ၸွမ်ၸိုင်ႈမိူင်းဢမေႊရိၵၼ်ႊ တူဝ်ႊၼေႃႊ ထရမ်ႉ...

ၵၢတ်ႇၵၢင်ၶမ်ႈ ဢၼ်မီးတီႈၼႂ်းပွၵ်ႉ တပိၼ်သူၺ်ႇထီး ( ႁိမ်းႁေႃသဝ်ယၢမ်းမူင်း ) တင်းၼႃႈ City Square Shopping Centre တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ  ယူႇတီႈႁွင်ႈၵၢၼ်ၾၢႆႇလိူမ်ႈလႆႇ ၶၢႆပၼ်တီႈၶွမ်ႊပၼီႊသေ တေဢၢင်းသၢင်ႈ ႁိူၼ်းတိုၵ်းၼႆလႄႈ ၸဝ်ႈႁၢၼ်ႉတၢင်းၵိၼ်ၵူၼ်းပိုၼ်ႉတီႈပဵၼ်ဢၼ်မႆႈၸႂ်  ။  ၼၢင်းယိင်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ၸႂ်ႈဢေႃႈ ၊ သင်ၸိူဝ်ႉဝႃႈ ၸႂ်ႉပိၵ်ႉၼႆ တွၼ်ႈတႃႇ...

ၽွင်းသဵၼ်ႈတၢင်းၵၢၼ်ၵႃႉၶၢႆ တီႈလႅၼ်လိၼ်ယၢင်းၽိူၵ်ႇ - ထႆး ၺႃးဢိုတ်းႁၢမ်ႈၵၢၼ်တေႃႉၶူဝ်းၵုၼ်ႇတီႈ ၶူဝ်လႅၼ်လိၼ်မၢႆ (2) ဝဵင်းမျႃႉဝတီႇယဝ်ႉၼၼ်ႉ သိုၵ်းမၢၼ်ႈ တႄႇၵူတ်ႇထတ်းၶူဝ်းၵုၼ်ႇ ဢၼ်လုၵ်ႉတၢင်းမိူင်းထႆး ၶဝ်ႈၵႂႃႇၼႂ်းမိူင်းမၢၼ်ႈၼၼ်ႉႁၢဝ်ႈႁႅင်းသေ ဢိုတ်းႁၢမ်ႈသဵၼ်ႈတၢင်းတေႃႉၶူဝ်းၵုၼ်ႇၵႂႃႇ တၢင်းမိူင်းမၢၼ်ႈထုင်ႉပဵင်းလႄႈ မိူင်းတႆးပတ်းပိုၼ်ႉ ၼႆယဝ်ႉ။ မိူဝ်ႈပူၼ်ႉမႃး ဝၼ်းတီႈ 18/08/2025 ၼၼ်ႉ သိုၵ်းမၢၼ်ႈ ဢိုတ်းပႅတ်ႈၶူဝ်မၢႆ (2) တီႈလႅၼ်လိၼ်မႄႈသွတ်ႈ -...

ၼႂ်းၶၢဝ်းတၢင်းသွင်လိူၼ်ပူၼ်ႉမႃးၼႆႉ သၢႆၵၢၼ်မိၼ် ဢၼ်လုၵ်ႉတၢင်းတႃႈၵုင်ႈ ဢွၵ်ႇၶၢဝ်းတၢင်းမႃး ဝဵင်းတႃႈၶီႈလဵၵ်း လႅၼ်လိၼ်တႆး - ထႆးၼႆႉ မီးၵူၼ်းၼုမ်ႇ ၶီႇမႃးၸွမ်းၵူႈလမ်းလႄႈ ႁဵတ်းႁႂ်ႈဝႂ်ႁိူဝ်းမိၼ် ၶၢႆလီႁႅင်းသေ ၵူၼ်းၶၢႆဝႂ်ႁိူဝ်းမိၼ် ၸင်ႇဢဝ်တိုဝ်ႉတၢင်းၼႆႉ ၶိုၼ်ႈၵႃႈၶၼ်ဝႂ်ႁိူဝ်းမိၼ် တူပ်ႉၼႅပ်ႇ ၼႆယဝ်ႉ။ ၵႃႈၶၼ်ဝႂ်ႁိူဝ်းမိၼ် ဢၼ်ၶွမ်ႊပၼီႊသၢႆၵၢၼ်မိၼ်ၶဝ် မၵ်းမၼ်ႈဝႆႉၼၼ်ႉတႄႉ တႃႈၵုင်ႈ (ယၼ်ႇၵုင်ႇ) - တႃႈၶီႈလဵၵ်းၼႆႉ မီးယူႇမွၵ်ႈ...

ယၢမ်းလဵဝ် တႃႇတေႃႉၶူဝ်းၵုၼ်ႇတၢင်းလႅၼ်လိၼ်တႆး - ထႆး ၶဝ်ႈမႃးၼႂ်းမိူင်းၼႆႉ သိုၵ်းမၢၼ်ႈ သင်ႇပိၵ်ႉဢိုတ်းႁႄႉႁၢမ်ႈ ၵူတ်ႇထတ်းႁၢဝ်ႈႁႅင်းလႄႈ ႁဵတ်းႁႂ်ႈၵူၼ်းဢွၵ်ႇတႃႈပႆတၢင်းလူတ်းယွမ်း ၵူၼ်းႁေႃႈရူတ်ႉၵႃးၵေႃႈ လႆႈၵိုတ်းယၢင်ႉၼႃႈၵၢၼ်ၽႂ်မၼ်းတင်းၼမ် ၼႆယဝ်ႉ။ ၵူၼ်းႁေႃႈရူတ်ႉၵႃး တႃႈၶီႈလဵၵ်း - လၢႆးၶႃႈ လၢတ်ႈတီႈၽူႈတွႆႇႁွၵ်ႈဝႃႈ - “လုၵ်ႉတႃႈၶီႈလဵၵ်း တေမိူဝ်းမိူင်းတႆးလၢႆတီႈၼႆႉ ၸဝ်ႈၵႃးၶဝ် ၵိုတ်းပႅတ်ႈၼမ်ႁႅင်းၼႃႇ မၢင်ၵေႃႉၼႆႉသမ်ႉပေႃး ဢမ်ႇၸၢင်ႈဢွၵ်ႇၵႃးယဝ်ႉ။ ယွၼ်ႉသင်လႄႈ...