ႁွင်ႈၵၢၼ်ၶၢဝ်ႇတႆးလွတ်ႈလႅဝ်း ပိုၼ်ၽၢဝ်ႇဝႃႈ ဝၼ်းတီႈ 27/05/2026 ၽွင်းမိူဝ်ႈ ႁူဝ်ပဝ်ႈ ၶွင်ႇသီႇဢဝ်ၶိုၼ်းၸိုင်ႈတႆး RCSS ၸွမ်သိုၵ်းလူင် ယွတ်ႈသိုၵ်း ႁွတ်ႈထိုင်တီႈဝၢၼ်ႈၼၢင်း ဢိူင်ႇၶူဝ်ဢုတ်ႇ ၸႄႈဝဵင်းၶူဝ်လမ် ၸိုင်ႈတႆးပွတ်းၸၢၼ်းၼၼ်ႉ တပ်ႉသိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပၼ်ႇလဵပ်ႈႁိမ်းဝၢၼ်ႈၼၢင်း ဝႃႈၼႆ။ ဝၼ်းၼၼ်ႉၵၢင်ၼႂ်မွၵ်ႈ 10 မူင်း ၽွင်းမိူဝ်ႈ ႁူဝ်ပဝ်ႈ RCSS ႁူပ်ႉထူပ်းၵူၼ်းမိူင်း...

ၸွမ်ၸိုင်ႈ သိုၵ်းမၢၼ်ႈယိုတ်းမိူင်း မိၼ်းဢွင်ႇလၢႆႇ လၢတ်ႈၼႂ်းပၢင်ၵုမ်ၸုမ်းလူင်ပွင်ၸိုင်ႈ ဢၼ်ၸတ်းႁဵတ်းတီႈၼေႇပျီႇတေႃႇ ဝၼ်းတီႈ 27 လိူၼ်မေႊ ၼႆႉဝႃႈ ၼႂ်းၶၢဝ်းတၢင်း 5 ပီၼႆႉ တေဢၢၼ်းၶတ်းၸႂ် ႁဵတ်းႁႂ်ႈလႆႈလွင်ႈငမ်းယဵၼ်။ ယၢမ်းလဵဝ်ၵေႃႈ လႆႈမွၵ်ႇႁွင်ႉတႃႇဢုပ်ႇၵုမ်လွင်ႈငမ်းယဵၼ်ဝႆႉ ၼႂ်းၶၢဝ်းတၢင်းၽႅၼ်ၵၢၼ် 100 ဝၼ်း၊ မီးလွင်ႈဢုပ်ႇၵုမ်ၵၼ်တင်းၽူႈမီးပုၼ်ႈၽွၼ်း ၼႂ်းၸုမ်းယိပ်းၵွင်ႈၵၢင်ႇၸၢဝ်းၶိူဝ်း (EAO) ၵမ်ႈၽွင်ႈဝႆႉယူႇ ဝႃႈၼႆ။ ၸွမ်ၸိုင်ႈ...

ဝၢႆးသေသိုၵ်းမၢၼ်ႈယိုတ်းမိူင်းယဝ်ႉ ၵူၼ်းမိူင်းထူပ်းတၢင်းယၢပ်ႇၽိုတ်ႇလၢႆလွင်ႈ ပႃးၸဵမ်လွင်ႈယူႇသဝ်းၵိၼ်သၢင်ႈလႄႈ လွင်ႈၵႂႃႇလွင်ႈမႃးၸိူဝ်းၼႆႉ။ ယွၼ်ႉၵူႈလွင်ႈလွင်ႈ ဢမ်ႇမီးလွင်ႈထၢင်ႇႁၢင်ႈလႄႈ တုမ်ႉတိူဝ်ႉၵၢၼ်ႁႃၵိၼ်လဵင်ႉတွင်ႉ ၵူၼ်းမိူင်း ။ ထိုင်မိူဝ်ႈလဵဝ် ၵဵတ်ႉမၢၼ်ႈ ၼႂ်းၵႄႈသဵၼ်ႈတၢင်း တႃႈၶီႈလဵၵ်း - ၵဵင်းတုင် တိုၵ်ႉၵူတ်ႇထတ်း ဢမ်ႇယင်ႉ ဢမ်ႇလိုဝ်ႈ။ ယႃႇဝႃႈ တေၵိုတ်းလွင်ႈၵမ်ၵိၼ်းၵူၼ်းမိူင်း သမ်ႉၶႅၼ်းႁၢင်ႈႁၢႆႉလိူဝ်ၵဝ်ႇလူးၵွၼ်ႇ ဝႃႈၼႆ ။ မိူဝ်ႈၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ...

တႄႇၵၢင်လိူၼ်မေႊၼႆႉမႃး သိုၵ်းမၢၼ်ႈႁူမ်ႈပျီႇတူႉၸိတ်ႉ PNO ၶဝ်ႈၵူတ်ႇထတ်းသဵၼ်ႈမၢႆၶႅၵ်ႇ ၼႂ်းပွၵ်ႉၼႂ်းယွမ်ႇ  ၼႂ်းဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း သေဢမ်ႇၵႃး ၵူတ်ႇထတ်းၵူၼ်းၵႂႃႇမႃးႁၢဝ်းႁႅင်း  ။ ၵူၼ်းၸၢႆးၼႂ်းဝဵင်းယွင်ႁူၺ်ႈလၢတ်ႈၽူႈတွႆႇႁွၵ်ႈဝႃႈ -“ တလဵဝ်ၼႆႉ သိုၵ်းမၢၼ်ႈၶဝ်ႈ ၵူတ်ႇထတ်း သဵၼ်ႈမၢႆၶႅၵ်ႇသေ  တီႉၺွပ်းပႃး ၊ ၸွမ်းၵဵတ်ႉလၢၼ်ႇၸိူဝ်းၼၼ်ႉၵေႃႈ ၵူတ်ႇထတ်းၵူၼ်းၵႂႃႇမႃး  ႁၢဝ်ႈႁႅင်း  ယၢမ်းလဵဝ်ၼႆႉ ပေႃးဢမ်ႇၸႂ်ႈၵူၼ်းပိုၼ်ႉတီႈၼႆႉ လီၾၢင်ႉၵႂႃႇၾၢင်ႉမႃးၵၼ်ၼႃႇ ”-...

မိူဝ်ႈဝၼ်းတီႈ 24/5/2026 ယၢမ်းတၢမ်းၶမ်ႈ မွၵ်ႈ 5 မူင်းၶိုင်ႈ မၢၵ်ႇသျွတ်ႉတၢႆႉတူၼ်ႊ တူၵ်းတႅၵ်ႇသႂ်ႇ ၼႂ်းဝဵင်းသီႇပေႃႉၵႂႃႇ 3 လုၵ်ႈ ႁဵတ်းႁႂ်ႈၵူၼ်းမိူင်းၸိူဝ်းယူႇၼႂ်းပိုၼ်ႉတီႈ တူၵ်းၸႂ်တိုၼ်ႇၵႂႃႇ ဢမ်ႇမီးၵူၼ်းမၢတ်ႇၸဵပ်းၸွမ်း ၼႆယဝ်ႉ။ ၵူၼ်းမိူင်းပိုၼ်ႉတီႈ ဝဵင်းသီႇပေႃႉ လၢတ်ႈၼႄတီႈၽူႈတွႆႇႁွၵ်ႈဝႃႈ “မၢၵ်ႇၼႆႉ ၵႂႃႇတူၵ်းသႂ်ႇ ႁိမ်းလုၵ်းၽဝ်ထၢၼ်ႇ တီႈဝၢၼ်ႈၼွင်ဢိုင်ႇ ၼၼ်ႉၼိုင်ႈလုၵ်ႈ၊ ၾၢႆႇၼွၵ်ႈဝၢၼ်ႈၼွၵ်ႈၵၢတ်ႇၼၼ်ႉ ၼိုင်ႈလုၵ်ႈ...

မိူဝ်ႈၼႆႉဝၼ်းတီႈ 25/5/2026 ၸုမ်းႁဵတ်းၵၢၼ်သုၼ်ႇလႆႈတႃႇမိူင်းႁူမ်ႈတုမ် Justice For Myanmar ႁဵတ်းၽိုၼ်လိၵ်ႈႁၢႆးငၢၼ်းဢွၵ်ႇဝႃႈ ၾဵတ်ႉပုၵ်ႉသ် (Facebook) ပူတ်းပႅတ်ႈ ၼႃႈလိၵ်ႈ (Page) ဢၵွင်ႉ (Account) ၵရုပ်ႉ (Group)ၵူၼ်းၸိူဝ်းႁဵတ်း တူဝ်တႅၼ်းၶၢႆပၼ် ၵၢတ်ႉၾူၼ်း Mytel / MECtel လႄႈ ၼႃႈလိၵ်ႈ ဢၵွင်ႉ...

သိုၵ်းမၢၼ်ႈ တင်း သိုၵ်းလွႆတဢၢင်း ၵႂႃႇႁူပ်ႉထူပ်းဢုပ်ႇဢူဝ်းၵၼ် တီႈဝဵင်းၶုၺ်ႊမိင်ႊ ၼႂ်းမိူင်းၶႄႇ ႁိုင်ၶၢဝ်းတၢင်း 2 ဝၼ်း ၾၢႆႇသိုၵ်းမၢၼ်ႈ တုၵ်းယွၼ်းဢဝ်ၶိုၼ်း ၸႄႈဝဵင်းၼမ်ႉၶမ်း၊ ၼမ်ႉတူႈ၊ မိူင်းလူင် လႄႈ မိူင်းငေႃႉ ၸိူဝ်းၸုမ်းသိုၵ်းလွႆတဢၢင်းၵုမ်းၵမ်ပၼ်ႇၵၢၼ်ၽွင်းငမ်းဝႆႉ ၼႆယဝ်ႉ။ ၾၢႆႇလူင်ပွင်ၸိုင်ႈမိူင်းၶႄႇ ယူႇၵၢင်ႁဵတ်းၶဵဝ်ပၼ်သေ ၽူႈမီးၸၼ်ႉ တင်းသွင်ၸုမ်း လႆႈၵႂႃႇႁူပ်ႉဢုပ်ႇၵၼ် မိူဝ်ႈဝၼ်းတီႈ 12-13/5/2026...

မိူဝ်ႈဝၼ်းတီႈ 14/5/2026 လူင်ပွင်ၸိုင်ႈ သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဢွၵ်ႇဝႃႈ ႁၢင်ႈႁႅၼ်းၶပ်းၶိုင်ဝႆႉ ပၵ်းပိူင်ၾိင်ႈမိူင်း ဢၼ်တေၸၢင်ႈတီႉၺွပ်း လႄႈ ပၼ်တၢမ်ႇ ၵူၼ်းၸိူဝ်း ႁဵတ်းၵၢၼ်လွၵ်ႇလႅၼ်ၵိၼ်ငိုၼ်း တင်းဢွၼ်ႊလၢႆး (ၵျႃႊၽျႅၼ်ႉ) ၊ ၵူၼ်းၸိူဝ်းႁဵတ်းၽိတ်းပၵ်းပိူင် မိူၼ်ၼင်ႇ ၵၢၼ်လွၵ်ႇငိုတ်ႈ ၵၢၼ်ႁုၵ်းႁၢႆႉၸိူဝ်းၼႆႉလႆႈ ထိုင်တၢမ်ႇတၢႆၼၼ်ႉဝႆႉယဝ်ႉလီငၢမ်း ယဝ်ႉဝႃႈၼႆ။ ၼႂ်းမိူင်းႁူမ်ႈတုမ်ၼႆႉ ဝၢႆးလင်ၸုမ်းသိုၵ်းမၢၼ်ႈယိုတ်းမိူင်းယဝ်ႉ...

ပေႃးထိုင်မႃး ၼႂ်းပီ 2029 မိူင်းတီႇမေႃး (Timor Leste) တေႁပ်ႉႁဵတ်းပဵၼ်ႁူဝ်ပဝ်ႈ ၸုမ်းဢႃႊသီႊယၼ်ႊ ဝႃႈၼႆ။ မိူင်းတီႇမေႃးၼႆႉ တိုၵ်ႉမႃးၶဝ်ႈႁူမ်ႈပဵၼ်လုၵ်ႈၸုမ်း ဢႃႊသီႊယၼ်ႊ မိူဝ်ႈလိူၼ် ဢွၵ်ႊထူဝ်ႊပိူဝ်ႊ ပီၵၢႆ၊ ယၢမ်းလဵဝ် ၼႂ်းဢႃႊသီႊယၼ်ႊ မိူင်းၶဝ်ႈၸုမ်းတင်းမူတ်း မီး 11 မိူင်း။ လွင်ႈ မိူင်းတီႇမေႃး တေႁပ်ႉႁဵတ်းပဵၼ် ႁူဝ်ပဝ်ႈ...

ႁူဝ်လိူၼ်မေႊၼႆႉ ၸုမ်းသိုၵ်းဝႃႉ ၸုမ်းသိုၵ်းမိူင်းလႃး လႄႈ ၸုမ်းသိုၵ်းမၢၼ်ႈ တီႉၺွပ်းဢဝ် ၵူၼ်းမိူင်းၶႄႇ ၸိူဝ်းၶဝ်ႈမႃးႁဵတ်းၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆး (ၵျႃႊ ၽျႅၼ်ႉ) သူင်ႇမွပ်ႈပၼ်ၶိုၼ်းတီႈ လူင်ပွင်ၸိုင်ႈမိူင်းၶႄႇ။ မိူဝ်ႈဝႃး ဝၼ်းတီႈ 11/5/2026 ယၢမ်းၵၢင်ၼႂ် သိုၵ်းမၢၼ်ႈဢဝ်ၵူၼ်းႁဵတ်းၵၢၼ်ၵျႃႊၽျႅၼ်ႉ ၵႂႃႇမွပ်ႈသူင်ႇ ပၼ်ၶိုၼ်းတီႈ လူင်ပွင်ၸိုင်ႈမိူင်းၶႄႇ တီႈၽၵ်းတူၶၢမ်ႈလႅၼ်လိၼ် မိူင်းမၢၼ်ႈ-မိူင်းၶႄႇ ၵဵတ်ႉလၢၼ်ႇမၢၼ်ႈဝဵင်း ။ ၵူၼ်းမိူင်းပိုၼ်ႉတီႈ ၼႂ်းၸႄႈဝဵင်းမူႇၸေႊ...

တင်ႈတႄႇ သိုၵ်းမၢၼ်ႈပိုၼ်ၽၢဝ်ႇ ပၵ်းပိူင်ၵူၼ်းမိူင်းၵူႈၵေႃႉ ဢႃယု 18 ၶိုၼ်ႈၼိူဝ်တေႃႇထိုင် 35 ပီ တေလႆႈႁၢပ်ႇၵၢၼ်သိုၵ်းမိူဝ်ႈႁူဝ်ပီ 2024 ၼၼ်ႉသေ  တႄႇဢဝ်2024 လိူၼ်ဢေႊပရိူဝ်ႊ မႃးတေႃႇထိုင် ယၢမ်းလဵဝ် သိုၵ်းမၢၼ်ႈၵဵပ်းၵူၼ်းတႃႇၾိုၵ်းၵၢၼ်သိုၵ်းၸုပ်ႈထူၼ်ႈ 24 ဝႆႉယူႇ။ သိုၵ်းမၢၼ်ႈပိုၼ်ၽၢဝ်ႇဝႃႈ ၸတ်းပွႆးလူင်ပၢင်သွၼ်ယဝ်ႉ ၸုပ်ႈထူၼ်ႈ 18 ဝႃႈၼႆသေတႃႉ ၸုမ်း...

ဝၼ်းတီႈ 8/5/2026 မိူဝ်ႈၼႆႉ ဢႃႊသီႊယၼ်ႊ ၸတ်းပၢင်ၵုမ်ထူၼ်ႈၵမ်း 48 တီႈဝဵင်း သီႊပူႊ မိူင်းၾလိပ်ႉပိၼ်း၊ ႁူဝ်ၼႃႈသိုၵ်းမၢၼ်ႈယိုတ်းမိူင်းတႄႉ ပႆႇလႆႈသုၼ်ႇၶဝ်ႈႁူမ်ႈပၢင်ၵုမ်။ ယွၼ်ႉၵၢၼ်ၽဵဝ်ႈမူၺ်ႉႁဵတ်းႁၢႆႉတေႃႉ ၸုမ်းၶတ်းၶၢၼ်ႉ ဢိၵ်ႇပႃး ပၼ်ႁႃသိုၵ်းသိူဝ် ဝၢႆးလင်တပ်ႉသိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းၸိူဝ်းၼၼ်ႉသေ ဢႃႊသီႊယႅၼ်ႊ တႅပ်းတတ်းဝႆႉဝႃႈ တေဢမ်ႇပၼ်မိူင်းမၢၼ်ႈ ၶဝ်ႈႁူမ်ႈၸွမ်းပၢင်ၵုမ်လွင်ႈယႂ်ႇ။ ယွၼ်ႉၼၼ် တီႈယူႇ ႁူဝ်ၼႃႈမိူင်းႁူမ်ႈတုမ်မၢၼ်ႈၼႆႉ ဢူးႁွၵ်ႉၶၼ်ႉသုမ်း...

ၸုမ်းပလိၵ်ႈ လႄႈ သိုၵ်းမၢၼ်ႈ ၸိူဝ်းပႂ်ႉဢဝ်ႁူမ်ႇလူမ်ႈ ၸွမ်းၶူဝ် ၸွမ်းသဵၼ်ႈတၢင်း ၼႂ်းမိူင်းတႆးပွတ်းၸၢၼ်း ပွတ်းဢွၵ်ႇၼၼ်ႉ ႁေႉရူတ်ႉၵႃးတၢင်ႇၶူဝ်းၵုၼ်ႇ ရူတ်ႉၵႃးတၢင်ႇ ၵူၼ်း ဢွၵ်ႇၶၢဝ်းတၢင်းသေ ၵူတ်ႇထတ်း ထဵတ်ႈထၢမ် ယွၼ်းတူၺ်းပႃးလိၵ်ႈၵမ်ႉတၢင်းႁူင်းပလိၵ်ႈ တီႈၵူၼ်းၸိူဝ်းဢွၵ်ႇၶၢဝ်းတၢင်းၼၼ်ႉႁၢဝ်ႈႁႅင်းယူႇ ဝႃႈၼႆ။ မိူဝ်ႈႁူဝ်လိူၼ်မေႊၼႆႉ ၸုမ်းသိုၵ်းမၢၼ်ႈ ၸိူဝ်းပႂ်ႉ ႁူမ်ႇလူမ်ႈၶူဝ်လူင်ၶၢမ်ႈၼမ်ႉၶူင်း တီႈတႃႈၵေႃႈ ၵႄႈၵၢင် ဝဵင်းၵႃလိ လႄႈ...

သိုၵ်းမၢၼ်ႈတီႉၵူၼ်းတူင်ႉၼိုင်ၼႂ်းၵၢၼ်မိူင်းယဵတ်ႈၶွၵ်ႈ တင်ႈတႄႇယိုတ်းဢႃႇၼႃႇၸိုင်ႈမိူင်းမႃးတေႃႇထိုင်ယၢမ်းလဵဝ် မီးမႃးထိုင် 3 မိုၼ်ႇပၢႆ။ ၼႂ်းၵႄႈၼႆႉ ၼင်ႇႁိုဝ် ၵူၼ်းမိူင်းတၢင်းၼွၵ်ႈတၢင်းၼႂ်းပေႃးတေႁၼ်လီယွမ်းႁပ်ႉၼၼ်ႉ သိုၵ်းမၢၼ်ႈ ဢဝ်တိုဝ်ႉတၢင်းဝၼ်းလမ်ႇလွင်ႈသေဢၼ်ဢၼ် ပူတ်းပွႆႇပၼ်ၵူၼ်းတူၵ်းၶွၵ်ႈမႃးလၢႆၵမ်း ။ မိူဝ်ႈပီမႂ်ႇဝၼ်းၼိုင်ႈသၢင်းၵျၢၼ်ႇၼႆႉ သိုၵ်းမၢၼ်ႈပွႆႇပၼ်ၵူၼ်းတူၵ်းၶွၵ်ႈ 4 ႁဵင်ပၢႆ- ပႃးမႃး ၸွမ်ၸိုင်ႈၵဝ်ႇ ဢူးဝိၼ်းမျိၼ်ႉ။  တေႃႇဢွင်ႇသၢၼ်းၸူႉၵျီႇတႄႉ ဢမ်ႇပႃး ။ ထိုင်မႃး လိူၼ်ႁူၵ်းမူၼ်း...

ဝၼ်းတီႈ 30/04/2026 ၶမ်ႈဝႃးၼႆႉ သိုၵ်းမၢၼ်ႈပိုၼ်ၽၢဝ်ႇဝႃႈ ၶၢႆႉ ၻေႃႇဢွင်ႇသၢၼ်းၸူႉၵျီႇ ႁူဝ်ၼႃႈပႃႇတီႇၼူၵ်ႉယုင်း NLD  ဢွၵ်ႇၶွၵ်ႈသေ ဢဝ်မႃးၵုမ်းၶင်ၵိုၵ်းႁိူၼ်း  ဝႆႉယဝ်ႉ- ဝႃႈၼႆ။  သိုၵ်းမၢၼ်ႈပိုၼ်ၽၢဝ်ႇဝႃႈ “ ဢဝ်ဢွင်ႇသၢၼ်းၸူႉၵျီႇ ဢွၵ်ႇၶွၵ်ႈမႃးၵုမ်းၶင်ၵိုၵ်းႁိူၼ်းယဝ်ႉ” ဝႃႈၼႆသေတႃႉ ဢဝ်ဢွၵ်ႇၶွၵ်ႈဢၼ်လႂ်- လုၵ်ႉတီႈလႂ်သေတေဢဝ်  မႃးၵုမ်းၶင်ၵိုၵ်းႁိူၼ်းတီႈလႂ်ၼႆၸိူဝ်းၼႆႉ သိုၵ်းမၢၼ်ႈဢမ်ႇလၢတ်ႈပႃး။ၵူၺ်းၵႃႈ သိုၵ်းမၢၼ်ႈပိုၼ်ၽၢဝ်ႇပႃးဝႃႈ - တူတ်ႈတၢမ်ႇဢၼ်မၼ်းၼၢင်းလႆႈႁပ်ႉၼၼ်ႉ တေႁႂ်ႈသိုပ်ႇႁပ်ႉၽွင်းၵုမ်းၶင်ၵိုၵ်းႁိူၼ်းၼၼ်ႉပႃးယူႇ...