သိုၵ်းရတ်ႉသျႃး တင်း သိုၵ်းမၢၼ်ႈ ႁူမ်ႈၵၼ် ၾိုၵ်းၵၢၼ်သိုၵ်း ႁိုင်ၶၢဝ်းတၢင်း 11 ဝၼ်း တီႈဝဵင်းလူင်ၼေႇပျီႇတေႃႇ မိူင်းမၢၼ်ႈထုင်ႉပဵင်း ၼႆယဝ်ႉ။ ပၢင်ႁူမ်ႈၵၼ်ၾိုၵ်းၵၢၼ်သိုၵ်းပွၵ်ႈၼႆႉ သႂ်ႇၸိုဝ်ႈဝႆႉဝႃႈ Tropical Storm ၼႆသေ တႄႇၵၢၼ်မိူဝ်ႈဝၼ်းတီႈ 6-17/7/2026 ၸႂ်ႉတိုဝ်းပိဝ်ႇႁႃႇၽႅၼ်ၵၢၼ်တိုၵ်း ၼႂ်းထိူၼ်ႇ လႄႈ ၽႅၼ်ၵၢၼ်တိုၵ်း လွၵ်းလၢႆးၵၢပ်ႈပၢၼ်မႂ်ႇ ၸဵမ်ၸိူဝ်းၼႆႉ- ဝႃႈၼႆ။ လႆႈႁူႉဝႃႈ...

ၵူၼ်းမိူင်းပိုၼ်ႉတီႈၸိူဝ်းယူႇၼႂ်းၸႄႈဝဵင်းမိူင်းၼၢႆး ၺႃးၽူႈၵွၼ်းၸႄႈဝဵင်း ႁူမ်ႈၵၼ်တင်း ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်းသေ ၵဵပ်းငိုၼ်း ၵူႈႁိူၼ်း ၼိုင်ႈလိူၼ်လႂ် 20000 ပျႃး ဢမ်ႇၸႅင်ႈဝႃႈ တေဢဝ်ၸႂ်ႉတိုဝ်းၼႂ်းၶၵ်ႉ တွၼ်ႈ ၵၢၼ်ဢၼ်လႂ်တေႉတေႉ- ဝႃႈၼႆ။ တႄႇႁူဝ်ပီ 2026 မႃးၼႆႉ သိုၵ်းမၢၼ်ႈၵေႃႈ ၵဵပ်းသိုၵ်းမႂ်ႇသေ ၶွတ်ႇၽွတ်ႈၸုမ်းပျီႇတူႉၸိတ်ႉပၼ် ၸွမ်းၼႂ်းပွၵ်ႉ ႁႂ်ႈပဵၼ်တႃႇဢဝ်ႁူမ်ႇလူမ်ႈဝႆႉ ။ ၵူၼ်းမိူင်းပိုၼ်ႉတီႈၵေႃႉယူႇဝႆႉ ၼႂ်းၸႄႈဝဵင်းမိူင်းၼၢႆးၵေႃႉၼိုင်ႈ...

မိူဝ်ႈဝၼ်းတီႈ 9 လိူၼ်ၵျူႊလၢႆႊ လူင်ပွင်ၸိုင်ႈသိုၵ်းမၢၼ်ႈယိုတ်းမိူင်း ၸတ်းပၢင်ၵုမ်လူင်လုမ်းသၽႃးမိူင်းႁူမ်ႈတုမ်သေ ဢုပ်ႇဢူဝ်းတူၵ်းလူင်းမၵ်းမၼ်ႈၵၼ် ထႅင်ႈဢမ်ႇႁိုင်သင်ၼႆႉ တေႁႂ်ႈဢူးတိၼ်ႇမွင်ႇသူၺ်ႇ ၽွင်းလူင်ၾၢႆႇမိူင်းၼွၵ်ႈၵႂႃႇႁူပ်ႉဢုပ်ႇဢူဝ်း ၸွမ်း ၽွင်းလူင်မိူင်းၼွၵ်ႈ ၸိူဝ်းပဵၼ်ၽူႈၶဝ်ႈၸုမ်း ၼႂ်းၸိုင်ႈမိူင်းဢႃႊသီႊယၼ်ႊ ၼႆယဝ်ႉ။ ပၢင်ႁူပ်ႉဢုပ်ႇၵၼ်ၼႆႉ တေၸတ်းႁဵတ်းတီႈလႂ် ဝၼ်းလႂ်ၼႆၼၼ်ႉ သိုၵ်းမၢၼ်ႈဢမ်ႇပိုၼ်ၽၢဝ်ႇပဵၼ်တၢင်းၵၢၼ်သေတႃႉ ၸွမ်းၼင်ႇႁွင်ႈၵၢၼ်ၽွင်းလူင်ၾၢႆႇၼွၵ်ႈမိူင်း မိူင်းထႆးပိုၼ်ၽၢဝ်ႇဝႆႉတႄႉ တေပဵၼ်ၼႂ်းဝၼ်းတီႈ 12 ႁူပ်ႉၵၼ်တီႈ ဝဵင်းၽတ်ႉထယႃး မိူင်းထႆးၼႆ...

တႄႇၵၢင်လိူၼ်ၵျႃၼ်ႊ မႃးသိုၵ်းမၢၼ်ႈၸီႉသင်ႇ ပူတ်းပႅတ်ႈၵဵတ်ႉလၢၼ်ႇ ၼႂ်းၸိုင်ႈတႆးပွတ်းၸၢၼ်း လၢႆလၢႆတီႈယူႇသေတႃႉ ၶၼ်ၵုၼ်ႇလႄႈ ၵႃႈၵႃး ဢမ်ႇယွမ်းလူင်း  ႁဵတ်းႁႂ်ႈ ၵူၼ်းၵႃႉၶၢႆၵုၼ်ႇ ယၢပ်ႇၽိုတ်ႇဝႆႉ   ။ ၵဵတ်ႉလၢၼ်ႇ ၼႂ်းၸိုင်ႈတႆးပွတ်းၸၢၼ်း ဢၼ်ပူတ်းပႅတ်ႈ ယၢမ်းလဵဝ်ၼၼ်ႉ ပဵၼ်ၵဵတ်ႉလၢၼ်ႇ ၼိူဝ်သဵၼ်ႈတၢင်း တူၼ်ႈတီး - ႁူဝ်ပူင်း ၊ တူၼ်ႈတီး -မိူင်းသူႈ ၊...

ပလိၵ်ႈမၢၼ်ႈ သိုၵ်းမၢၼ်ႈတီႉၺွပ်း ၵူၼ်းဝၢၼ်ႈဢၼ်ၵႂႃႇ ၶူႈလိၼ်တီႈၵုၼ်ၽူး (ကျွန်းမျော) တႃႇၽုၵ်ႇသွမ်ႈၼႂ်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈ  ၸိုင်ႈတႆးပွတ်းၸၢၼ်းၼၼ်ႉသေ  သူင်ႇၵႂႃႇၾိုၵ်းၵၢၼ်သိုၵ်း - ၼႄးဝႃႈ ပဵၼ်ၵူၼ်းလၵ်ႉ။  တီႈၼွင်ႁၢႆးယႃႈၼႆႉ ပဵၼ်ပိုၼ်ႉတီႈ ၵူၼ်းမိူင်းၽုၵ်ႇမၢၵ်ႇၶဝ်ႈတဝ်ႈၼမ်ႉၼိူဝ်ၵုၼ်ၽူး  (ကျွန်းမျော) သေ ႁႃၵိၼ်လဵင်ႉတွင်ႉၵမ်ႈၼမ် ။တင်ႇတႄႇ ၼႂ်းလိူၼ်မေႇ ပီ 2025 ၼၼ်ႉမႃး သိုၵ်းမၢၵ်ႈႁတ်ႉႁၢမ်ႈ လွင်ႈဢဝ်ၵုၼ်ၽူး...

တႄႇဢဝ်ဝၼ်းတီႈ 20 လိူၼ်ဢေႊပရိူဝ်ႊလ် 2026 ၼၼ်ႉ မႃး ဢူးမိၼ်းဢွင်ႇလၢႆႇ ဢၼ်တႅင်ႇတင်ႈလူင်ပွင်ၸိုင်ႈႁင်းၵူၺ်း ပိုၼ်ၽၢဝ်ႇ ၽႅၼ်ၵၢၼ် 100 ဝၼ်း တႃႇၸတ်းပွင်ႁွင်ႈၵၢၼ်ဢၼ်ယူႇတႂ်ႈၽွင်းလူင်ၾၢႆႇလႂ်ၾၢႆႇၼၼ်ႉ လႄႈ တႃႇၶိုင်ပွင်လွင်ႈငမ်းယဵၼ်ၸိူဝ်းၼႆႉပႃး ။ ၸွမ်းၼင်ႇ ISP ထတ်းသၢင်ဝႆႉတႄႉ လၢႆးလၢတ်ႈလႄႈလၢႆးႁဵတ်းလူင်ပွင်ၸိုင်ႈဢၼ်သိုၵ်းမၢၼ်ႈတႅင်ႇတင်ႈ ဢမ်ႇပႆႇ မႅၼ်ႈႁွႆးလဵဝ်ၵၼ်ဝႃႈၼႆ ၼႂ်းၽႅၼ်ၵၢၼ် 100 ဝၼ်းၼၼ်ႉ...

တႄႇဢဝ်လိူၼ်ထီႉသွင် ၾႅပ်ႉပိဝ်ႊရီႊ ပီ 2021 တေႃႇထိုင် ဝၼ်းတီႈ 22 လိူၼ်ထူၼ်ႈႁူၵ်း ၵျုၼ်ႊ ပီ 2026 ဝၢႆးလင် တပ်ႉသိုၵ်းမၢၼ်ႈ ယိုတ်းဢဝ်ဢႃႇၼႃႇၸိုင်ႈမိူင်းမႃးၼႆႉ ၵူၼ်းမိူင်း ထုၵ်ႇႁဵတ်းႁၢႆႉႁႅမ်တၢႆ 8100 ပၢႆ ဝႃႈၼႆ။ ၵမ်ႈၼမ် လႆႈလူႉတၢႆယွၼ်ႉ သိုၵ်းမၢၼ်ႈၸႂ်ႉႁိူဝ်းမိၼ်တိုၵ်းပွႆႇမၢၵ်ႇ၊ ၸႂ်ႉၶိူင်ႈၵွင်ႈလူင် ယိုဝ်းတိုၵ်း၊ ...

ၼႂ်းလိူၼ် ၵျုၼ်ႊပီ 2026 ၼႆႉ သိုၵ်းမၢၼ်ႈယိုတ်းမိူင်းၶိုၼ်ႈႁဵတ်းလူင်ပွင်ၸိုင်ႈသေ   ၶိုၼ်းသိုပ်ႇသၢႆၸႂ်ၸုမ်းဢုပ်ႇဢူဝ်းလွင်ႈငမ်းယဵၼ်လႄႈ ၵၢၼ်ၽွမ်ႉႁူမ်ႈၸိူဝ်ႉၸၢတ်ႈ NSPNC ယဝ်ႉ ႁူပ်ႉဢုပ်ႇၵၼ်တင်း ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၸုမ်းၼိုင်ႈယဝ်ႉၸုမ်းၼိုင်ႈ။ ဝၼ်းတီႈ 4/6/2026 ႁူပ်ႉၵၼ်တင်းၸုမ်းတႆးလႅင်၊ ဝၼ်းတီႈ 9 လႄႈ 10/6/2026 ႁူပ်ႉၵၼ်တင်း NCA-S EAOs ၸုမ်းၸၢဝ်းၶိူဝ်းၸိူဝ်းလူင်းလၢႆးမိုဝ်းၵိုတ်းတိုၵ်း၊ ဝၼ်းတီႈ 12/06/2026...

မိူဝ်ႈဝၼ်းတီႈ 22/6/2026 ယၢမ်းတၢမ်းၶမ်ႈ 4 မူင်း ဢူးတိၼ်ႇမွင်ႇသူၺ်ႇ ႁွင်ႈၵၢၼ်ၽွင်းလူင်ၾၢႆႇၼွၵ်ႈမိူင်း မိူင်းႁူမ်ႈတုမ် ႁူပ်ႉထူပ်းၸွမ်း H.E. Mr. Indra Mani Pandey ၽူႈၼမ်းၼႂ်းသုင်သုတ်း ၸုမ်းပၢႆးပၺ်ႇၺႃႇ လႄႈ ပၢႆးမၢၵ်ႈမီး ဢၢဝ်ႇၿင်းၵလႃး (ၵူတ်ႉၼမ်ႉပၢင်ႇလၢႆႇ ၿင်းၵလႃး) BIMSTEC တီႈဝဵင်းလူင်ၼေႇပျီႇတေႃႇ ။ ၽွင်းတူဝ်တႅၼ်း...

မိူဝ်ႈဝႃး ဝၼ်းတီႈ 17/6/2026 ယၢမ်းၵၢင်ၶမ်ႈ 7 မူင်းၶိုင်ႈ ႁွင်ႈၵၢၼ်သိုဝ်ႇ ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး SSPP Info ပိုၼ်ၽႄႈဢွၵ်ႇ ၶေႃႈဢုပ်ႇဢူဝ်း SSPP/SSA လႄႈ ၶေႃႈတုမ်ႉတွပ်ႇ ၵေႃႇမတီႇဢုပ်ႇဢူဝ်း လွင်ႈငမ်းယဵၼ် ၶွင်ၸုမ်းသိုၵ်းမၢၼ်ႈ (NSPNC) ဝႆႉ ႁူမ်ႈသဵၼ်ႈမီးယူႇ 13 ၶေႃႈ။ ၼႂ်းၶေႃႈဢုပ်ႇဢူဝ်းၵၼ်...

ဝၢႆးလင်သိုၵ်းမၢၼ်ႈ ပိုၼ်ၽၢဝ်ႇၸႂ်ႉတိုဝ်းပၵ်းပိူင် သိုၵ်းၵူၼ်းမိူင်းမႃးၼႆႉ 2025 ပီလဵဝ်ၵူၺ်း သိုၵ်းမၢၼ်ႈတဵၵ်းၶၢၼ်းႁႂ်ႈၵူၼ်းမိူင်းၶဝ်ႈႁၢပ်ႇၵၢၼ်သိုၵ်း 6 မိုၼ်ႇၵေႃႉပၢႆ၊ ၼမ်လိူဝ် ၵွၼ်ႇၼႃႈပႆႇယိုတ်းဢႃႇၼႃႇ ၼႂ်းပီ 2020 ၼၼ်ႉ မွၵ်ႈ 6 ပုၼ်ႈၼႆ ၸုမ်းၶူၼ်ႉၶႂႃႉလွင်ႈႁူမ်ႇလူမ်ႈ လႄႈ ၵၢၼ်သိုၵ်း (MDSI) ပိုၼ်ၽၢဝ်ႇဝႆႉ မိူဝ်ႈဝၼ်းတီႈ 12 လိူၼ်ၵျုၼ်ႊၼႆႉ။ သိုၵ်းမၢၼ်ႈၼႆႉ...

သိုၵ်းမၢၼ်ႈ တီႉၺွပ်းၵုမ်းၶင်တူဝ် တေႃႇဢွင်ႇသၢၼ်းၸူႉၵျီႇ ၸဵမ်မိူဝ်ႈၼႂ်းႁူဝ် ပီ 2021 ၼၼ်ႉမႃး တေႃႇထိုင်ယၢမ်းလဵဝ် လိပ်းၶီးမီးၸႂ်ႁႃႉဢမ်ႇမီးၵေႃႈ ဢမ်ႇႁၼ်သိုၵ်းမၢၼ်ႈပိုၼ်ၽၢဝ်ႇဢွၵ်ႇတႅၵ်ႇလႅင်း ။ ပေႃးၸမ်ထိုင်ဝၼ်းၵိူတ်ႇ တေႃႇဢွင်ႇသၢၼ်းၸူႉၵျီႇမႃး ၵူႈပီပီၼႆ ၵူၼ်းၼႂ်းမိူင်းၼွၵ်ႈမိူင်း တူင်ႉၼိုင်တႃႇ တေႃႇဢွင်ႇသၢၼ်းၸူႉၵျီႇ ႁႂ်ႈၸဵဝ်းပူၼ်ႉလွတ်ႈတူတ်ႈတၢမ်ႇၶွၵ်ႈဢၼ်သိုၵ်းမၢၼ်ႈၵုမ်းၶင် ၼႆယူႇသေတႃႉဢမ်ႇႁၼ်ၶိုပ်ႈၼႃႈသင် ။ ပီၼႆႉၵေႃႈ ၸုမ်းလုၵ်ႉၽိုၼ်ႉလၢႆၸုမ်း တိုၵ်းသူၼ်း ၵူၼ်းမိူင်းပတ်းပိုၼ်ႉ ႁႂ်ႈတူင်ႉတိုၼ်ႇၼႄၵၢင်ၸႂ်တေႃႇသိုၵ်းမၢၼ်ႈ...

သိုၵ်းမၢၼ်ႈယိုတ်းမိူင်း ဢၼ်တႅင်ႇတင်ႈၶိုၼ်းတူဝ်ၵဝ်ႇပဵၼ်လူင်ပွင်ၸိုင်ႈဝႆႉၼႆႉ ႁၢင်ႈႁႅၼ်းတေၵႂႃႇႁူပ်ႉထူပ်း ဢုပ်ႇဢူဝ်း ၸွမ်း ၽူႈၼမ်းၸုမ်းသိုၵ်းဝႃႉ (UWSA) တင်း ၸုမ်းသိုၵ်းမိူင်းလႃး (NDAA) ၼႂ်းၶၢဝ်းတၢင်း ၵၢင်လိူၼ်ၵျုၼ်ႊ ပီ 2026 ၼႆႉ ဝႃႈၼႆ။ တူဝ်တႅၼ်းၾၢႆႇသိုၵ်းမၢၼ်ႈ တေပဵၼ် ၸွမ်သိုၵ်းလူင် ယႃႇပျေႉ ၼမ်းၼႃႈ၊ တေၵႂႃႇႁူပ်ႉဢုပ်ႇဢူဝ်း ၵဵဝ်ႇၵပ်းလူၺ်ႈလွင်ႈၶၵ်ႉၵၢၼ်ငမ်းယဵၼ် ။ တေၵႂႃႇႁူပ်ႉၸုမ်းသိုၵ်းဝႃႉ...

ၸဵမ်မိူဝ်ႈ 1962 ၼၼ်ႉမႃး သိုၵ်းမၢၼ်ႈမၢပ်ႇၼႄးဝႃႈ ၸဝ်ႈၾႃႉတႆး ၶႂ်ႈသၢင်ႈမိူင်းတႅၵ်ႇယၢႆႈ ၶႂ်ႈၽၢတ်ႇဢွၵ်ႇ မိူင်းႁူမ်ႈတုမ် ၼႆသေ ဢဝ်ဢဵၼ်ႁႅင်းသိုၵ်း မိပ်ႇငႅၼ်းယိုတ်းဢႃႇၼႃႇၸဝ်ႈၾႃႉမိူင်းတႆးသေဢမ်ႇၵႃး ပေႉၵိၼ်လူလၢႆ ၵူၼ်းၼႂ်းမိူင်းတႆး ၼပ်ႉႁူဝ်ႁဵင်။ တႄႇဢဝ်ၼၼ်ႉမႃး မိူင်းတႆး ပဵၼ်ၽိုၼ်းပဵၼ်ၾႆးမႃးဢမ်ႇထၢတ်ႇ ။ တပ်ႉသိုၵ်းမိူင်းတႆး MTA ယၢမ်ႈႁိူင်း မႃးၵေႃႈ ၺႃးသိုၵ်းမၢၼ်ႈ သေႃႇသူၼ်းႁႂ်ႈဝၢင်းၶိူင်ႈပႅတ်ႈလုမ်းလုမ်း။ၽွင်းၼၼ်ႉ တပ်ႉၵွင်...

မိူဝ်ႈဝၼ်းတီႈ 14/6/2026 ယၢမ်းဝၢႆးဝၼ်း 2 မူင်းပၢႆ 15 မိၼိတ်ႉ သိုၵ်းမၢၼ်ႈ တင်း ပလိၵ်ႈမၢၼ်ႈ ႁူမ်ႈၵၼ်ၵႂႃႇတီႉၺွပ်းဢဝ် ၵူၼ်းႁဵတ်းၵၢၼ်ၵျႃႊၽျႅၼ်ႉ ၸိူဝ်းလွၵ်ႇလႅၼ်ၵိၼ်ငိုၼ်းပိူၼ်ႈတင်းဢွၼ်ႊလၢႆႊ ဢၼ်မီးယူႇၼႂ်းႁိူၼ်းလင်ၼိုင်ႈ ပွၵ်ႉၵွင်းမူးလွႆ ဝဵင်းမူႇၸေႊ - ယိုတ်းဢဝ်ၵႂႃႇလႆႈ ၵူၼ်းၸိူဝ်းၵဵဝ်ႇၶွင်ႈတႃႇ 94 ၵေႃႉ လႄႈ ၶိူင်ႈၸႂ်ႉတိုဝ်းၼႂ်းၼႃႈၵၢၼ် ၵူႈသႅၼ်းသႅၼ်း...