မိူဝ်ႈၼႆႉ ဝၼ်းတီႈ 12 လိူၼ်ၾႅပ်ႉပိဝ်ႊရီႇ ယၢမ်းၵၢင်ၼႂ် သိုၵ်းမၢၼ်ႈ တင်း သိုၵ်းၶၢင် ပဵၼ်ပၢင်တိုၵ်းၵၼ်ႁၢဝ်ႈ ႁႅင်း ႁိမ်းတပ်ႉပႂ်ႉဝဵင်းမႂ်ႇ (ဝိုင်းမော်မြို့) ခလရ - 58 ၼႂ်းၸႄႈမိူင်းၶၢင် ၼႆယဝ်ႉ။ တႄႇၶၢဝ်းယၢမ်းၵၢင်ၼႂ်ၸဝ်ႉ သဵင်ၵွင်ႈသဵင်မၢၵ်ႇလူင်ပၼ်းႁႅင်း ၸွမ်းႁိမ်းတပ်ႉသိုၵ်းမၢၼ်ႈ ၶလယ (58) ၵူၺ်းဢမ်ႇၵႃး ၸွမ်းတပ်ႉပၢင်သဝ်းသိုၵ်းမၢၼ်ႈၸွမ်းသၼ်လွႆ ႁိမ်းၶူဝ်လူင်ပလမိၼ်းထိၼ်ႇ...

ဝၢႆးသေ ပၢင်တိုၵ်းၽႅၼ်ယၢၼ်ႇသိုၵ်း 1027 ဢၼ်ၸုမ်းဢူၺ်းလီပွတ်းႁွင်ႇ သၢမ်ပီႈၼွင်ႉၼမ်းတိုၵ်းၼၼ်ႉ ယဝ်ႉတူဝ်ႈ ၵူၼ်းႁဵတ်းၵၢၼ်ၵျႃႊၽျႅၼ်ႉ ၸိူဝ်းဢၼ်မူၵ်းယူႇၸွမ်းၼႃႈလိၼ်သိုၵ်းၸၢဝ်းၶိူဝ်းၵုမ်း မိူၼ်ၼင်ႇ ၼႃႈလိၼ် သိုၵ်းၵဝ်ႈၵၢင်ႉ လႄႈ သိုၵ်းဝႃႉၵုမ်းၸိူဝ်းၼၼ်ႉ ၽူင်ႉပၢႆႈၽႅဝ်ၸွတ်ႇတူဝ်ႈၵႂႃႇၸွမ်းၼႂ်းမိူင်းတႆးလႄႈ လၢႆမိူင်း ။ သိုၵ်းမၢၼ်ႈသမ်ႉ လိုပ်ႈလမ်းတီႉၺွပ်းၸွမ်း ဢွင်ႈတီႈဢၼ်ၵျႃႊၽျႅၼ်ႉပၢႆႈမူၵ်းသွၼ်ႈဝႆႉၸိူဝ်းၼၼ်ႉ ။ လွင်ႈၼႆႉ ၵူၼ်းၸိူဝ်းလဵပ်ႈႁဵၼ်းၵၢၼ်မိူင်းတႄႉ တိုၵ်ႉဢွၼ်ၵၼ်ငမ်းငဝ်းဝႃႈ သိုၵ်းမၢၼ်ႈၶႂ်ႈလႆႈၸိုဝ်ႈလီ...

ၼႂ်းႁူဝ်လိူၼ် ၾႅပ်ႉပိဝ်ႊရီႇၼႆ ၵၢင်ႉၵႄႇပွၵ်ႉရတၼႃႇသီႇရိ ႁွင်ႉၵူၼ်းမိူင်းၸိူဝ်းယူႇၼႂ်းပွၵ်ႉ ႁဵတ်းပၢင်ၵုမ်သေ လွၵ်ႇငိုတ်ႈတီႈမုင်ႉႁေႃႁိူၼ်း ၸိူဝ်းမီးၼုမ်ႇၸၢႆး ဢႃႇယု 18 ပီ ထိုင် 35 ပီ ဢၼ်ပႃးၼႂ်းသဵၼ်ႈမၢႆ တႃႇႁၢပ်ႇၵၢၼ်သိုၵ်း ၼႂ်းဝဵင်းတူၼ်ႈတီးယဝ်ႉ ယွၼ်းငိုၼ်း ၼိုင်ႈၵေႃႉလႂ် 40 သႅၼ်ပျႃး ၼႆယဝ်ႉ။ သင်ဢမ်ႇပၼ်ငိုၼ်းလႆႈၼႂ်းၶၢဝ်းတၢင်း 3 ဝၼ်းၸိုင် တေသူင်ႇၾိုၵ်းၵၢၼ်သိုၵ်းၵမ်းသိုဝ်ႈၼႆ...

ဝၢႆးလင်သိုၵ်းမၢၼ်ႈယိုတ်းဢဝ်ဝဵင်းမိူင်းၵုတ်ႇလႆႈၶိုၼ်းၼႂ်းမိုဝ်းသိုၵ်းတဢၢင်း TNLA ႁၢင်ပီ 2025 ၼၼ်ႉသေ ယၢမ်းလဵဝ်သိုၵ်းမၢၼ်ႈဢၢၼ်းၶွတ်ႇၽွတ်ႈၾၢႆႇၽွင်းငမ်းသေၶိုၼ်း ဢၢၼ်းတေပၼ်ႇၵၢၼ်ၶိုၼ်းယူႇယဝ်ႉဝႃႈၼႆ။ သိုၵ်းမၢၼ်ႈယိုတ်းဢဝ်လႆႈၼႂ်းဝဵင်းၵူၺ်း ၸွမ်းဝၢၼ်ႈၸွမ်းဢိူင်ႇတႄႉ တိုၵ်ႉၵိုတ်းယူႇထႅင်ႈလၢႆတီႈ လႄႈ တေႃႇထိုင်မိူဝ်ႈဝႃး ဝၼ်းတီႈ 8/2/2026 ၼႆႉတႄႉ တၢင်းဝၢၼ်ႈၵုင်းၸၢမ်လႄႈ ဝၢၼ်ႈၶျွင်းၵျီး တိုၵ်ႉမီးသဵင်ၵွင်ႈတႅၵ်ႇယူႇ ။ သိုၵ်းမၢၼ်ႈတၢင်းၼႂ်းဝဵင်းၼႆႉၵေႃႈ ယိုဝ်းၵွင်ႈလူင်ၸွႆႈ ၼႆၵူၼ်းပိုၼ်ႉတီႈလၢတ်ႈၼင်ႇၼႆ။ ၵူၼ်းပိုၼ်ႉတီႈလၢတ်ႈဝႃႈ - တေႃႇထိုင်လိူၼ်ၵျႅၼ်ႊၼိဝ်ႊရီႊ 2026...

သိုၵ်းမၢၼ်ႈလၢမ်းယိုဝ်းၵွင်ႈလူင် ၼႂ်းၸႄႈဝဵင်းၾၢႆၶုၼ်  ၸၢၵ်ႇမၢၵ်ႇ တိူဝ်ႉသႂ်ႇၵူၼ်းမိူၼ်းလူႉတၢႆ မၢတ်ႇၸဵပ်း  2 ၵေႃႉဝႃႈၼႆ ။   မိူဝ်ႈၼႆႉ ဝၼ်းတီႈ 6/2/2026 ယၢမ်းၵၢင်ၼႂ် 10 မူင်း ဢမ်ႇပဵၼ်ပၢင်တိုၵ်းသင်သေ သိုၵ်းမၢၼ်ႈလၢမ်းပွႆႇမၢၵ်ႇၵွင်ႈလူင် ႁဵတ်းႁႂ်ႈ တူၵ်းတိုဝ်ႉ ၵူၼ်းဝၢၼ်ႈလႃႉတဵင်း ၾၢႆႇတူၵ်းဝဵင်းၾၢႆၶုၼ် 2 ၵေႃႉ လူႉတၢႆမၢတ်ႇၸဵပ်းၼႆယဝ်ႉ ။  ၵူၼ်းၸၢႆးဢၼ်လႆႈ လူႉတၢႆၵႂႃႇၼၼ်ႉ...

သိုၵ်းမၢၼ်ႈတႄႇႁွင်ႉၼၢင်းယိင်းဢႃယု 18 ပီ ၶိုၼ်ႈၼိူဝ် တႃႇႁၢပ်ႇၵၢၼ်သိုၵ်း တီႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း  ။ တႄႇႁူဝ်လိူၼ် ၵျႅၼ်ႊၼိဝ်ႊရီႊၼႆႉမႃးၼၢင်းယိင်းၵူၼ်းယူႇဝဵင်းသီႇသႅင်ႇ  ဢႃယု မီး18 ပီ ထိုင် 27 ပီ ၵၢင်ႉၵႄႇလူင်းၵဵပ်းသဵၼ်ႈမၢႆ တႃႇ ႁၢပ်ႇၵၢၼ်သိုၵ်း ၊ ၼႂ်းသဵၼ်ႈမၢႆ ၼၼ်ႉ ပႃးသဵၼ်ႈၸိုဝ်ႈ လုၵ်ႈဢွၼ်ႇႁဵၼ်းတိုၵ်ႉၵႂႃႇၶိုၼ်ႈႁဵၼ်းပႃး ၼႆယဝ်ႉ...

သိုၵ်းမၢၼ်ႈယိုတ်းမိူင်းပိုၼ်ၽၢဝ်ႇဢွၵ်ႇဝႃႈ တီႉၺွပ်းလႆ ၵူၼ်း လႄႈ ၶိူင်ႈၸႂ်ႉတိုဝ်း ၼႂ်းၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆး (ၵျႃႊၽျႅၼ်ႉ) 300 ၵေႃႉပၢႆ တီႈႁိမ်းဝၢၼ်ႈႁၢႆးပူႉ ၸႄႈဝဵင်းမိူင်းယႆ မိူင်းတႆးပွတ်းႁွင်ႇ ၼႆယဝ်ႉ။ မိူဝ်ႈဝၼ်းတီႈ 3 ယၢမ်းၵၢင်ၼႂ် လိူၼ်ၾႅပ်ႉပိဝ်ႊရီႇ သိုၵ်းမၢၼ်ႈ တင်း သိုၵ်းဝႃႉ ႁူမ်ႈၵၼ်ၵႂႃႇၶဝ်ႈသွၵ်ႈ ၼႂ်းသုမ်ႉၽႃႈယၢင် ဢၼ်သၢင်ႈဝႆႉၾၢႆႇၸၢၼ်းဝဵင်းမိူင်းယႆ ႁိမ်းဝၢၼ်ႈႁၢႆးပူႉၼၼ်ႉ တီႉလႆႈၵူၼ်းၸၢဝ်း...

ပၢင်လိူၵ်ႈတင်ႈ ဢၼ်သိုၵ်းမၢၼ်ႈယိုတ်းမိူင်း ၼမ်းၸတ်းၵႂႃႇ ၼႂ်းၵႄႈငဝ်းလၢႆးဝၢၼ်ႈမိူင်းသုၵ်ႉယုင်ႈဢူၼ်မေႃး ၵူၼ်းမိူင်းႁူပ်ႉတၢင်းယၢပ်ႇယူႇၼၼ်ႉ ယဝ်ႉတူဝ်ႈၵႂႃႇတင်းသၢမ်ပွၵ်ႈ သၢမ်ၵမ်း။ ၶွမ်ႊမသျိၼ်ႊၵမ်ၵၢၼ်ပၢင်လိူၵ်ႈ တင်ႈ မိူင်းႁူမ်ႈတုမ် ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈယိုတ်းမိူင်းၼၼ်ႉ ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႃႈ ပႃႇတီႇသၢင်ႇသီႈ လႆႈတႅၼ်း ၽွင်းၼမ်လိူဝ်ပိူၼ်ႈသုတ်းၵႂႃႇ ၼႆယဝ်ႉ။ တီႈၼင်ႈတႃႇတႅၼ်းၽွင်း ၼႂ်းသၽႃးၵူၼ်းမိူင်း၊ သၽႃးၸႄႈမိူင်းလႄႈတိူင်း၊ သၽႃးၸိူဝ်ႉၸၢတ်ႈ၊ သၽႃးၸၢဝ်းၶိူဝ်းၼၼ်ႉ ပႃႇတီႇသၢင်ႇသီႈ USDP...

ဝၢၼ်ႈမိူင်းၵတ်းယဵၼ်ၶိုၼ်ႈယႂ်ႇႁႃႉ ဝၢၼ်ႈမိူင်းလိူတ်ႇမႆႈတႅမ်ႇယေႃႈၼႆၼၼ်ႉ တူၺ်းသၢႆငၢႆၵူၼ်းမိူင်းၵေႃႈႁူႉ ။ ၵူၼ်းမၢင်ၸိူဝ်း မၢၵ်ႈမီးလူၼ်ႉၾႃႉၵေႃႈ မၢင်ၸိူဝ်းသမ်ႉတိုၵ်ႉယၢပ်ႇၵိၼ်းလိူဝ်ႁႅင်း ယွၼ်ႉၸိုင်ႈမိူင်းဢမ်ႇမီးပၵ်းပိူင်လီ ႁူမ်ႇငမ်းပၼ် ။ ယၢမ်းလဵဝ်ၵေႃႈ ၸိုင်ႈမိူင်းတိုၵ်ႉလူႉ ဝၢၼ်ႈလႂ်ဝဵင်းလႂ်ၵေႃႈ ၵူၼ်းမိူင်းၶၢင်း လွင်ႈၵိၼ်းၸႂ်ၸွမ်း ၵၢၼ်ႁႃၵိၼ်လဵင်ႉတွင်ႉ ။ မိူၼ်ၼင်ႇ မိူင်းတူၼ် ၸိုင်ႈတႆးပွတ်းဢွၵ်ႇၼႆႉၵေႃႈ ပဵၼ်လႅၼ်လိၼ်တႆး - ထႆးသေတႃႉ ပၢႆးမၢၵ်ႈမီးဢမ်ႇလီ...

ႁူဝ်လိူၼ်ၾႅပ်ႉပိဝ်ႊရီႊ ဝၼ်းတီႈ 1 ၼႆႉ ၸုမ်းၼၢင်းယိင်းမိူင်းမၢၼ်ႈ (WLB) ႁဵတ်းၽိုၼ်လိၵ်ႈႁၢႆးငၢၼ်း ပိုၼ်ၽၢဝ်ႇဢွၵ်ႇဝႃႈ - ၼႂ်းၶၢဝ်းတၢင်းသိုၵ်းမၢၼ်ႈယိုတ်းမိူင်းမႃး 5 ပီ ၼႆႉ ၼႂ်းပီ 2025 ၼႆႉ ၼၢင်းယိင်းလႆႈႁူပ်ႉတၢင်းယၢပ်ႇ၊ ပၼ်ႁႃ လႆႈၶၢမ်ႇတၢမ်ႇသိုၵ်း လႄႈ ႁၢမ်းသုၼ်ႇလႆႈသုၼ်ႇပဵၼ်ၵူၼ်း ၼမ်လိူဝ်ပိူၼ်ႈသုတ်း ဝႃႈၼႆ။ ၼႂ်းပီ 2025...

ဝၼ်းတီႈ 2 လိူၼ်ၾႅပ်ႉပိဝ်ႊရီႊ ယၢမ်းၵၢင်ၼႂ် 9 မူင်းပၢႆ မၢၵ်ႇၵွင်ႈလူင် တူၵ်းသႂ်ႇတီႈႁွင်ႈသွၼ်လိၵ်ႈ လုၵ်ႈႁဵၼ်းၸၼ်ႉဢွၼ်ႇ KG ၼႂ်းဝၢင်းႁူင်းႁဵၼ်းၸၼ်ႉသုင် မၢႆ 1 (အထက) ပွၵ်ႉ မဵဝ်ႉမ ဝဵင်းၽႃၵၢၼ်ႉ ၸႄႈမိူင်းၶၢင်။လုၵ်ႈဢွၼ်ႇယိင်း ၵေႃႉၼိုင်ႈလႄႈ လုၵ်ႈဢွၼ်ႇၸၢႆးၵေႃႉၼိုင်ႈ မၢတ်ႇၸဵပ်းၵႂႃႇၸွမ်း ဝႃႈၼႆ။ ႁူင်းႁဵၼ်းၸၼ်ႉသုင်လင်ၼႆႉ မီးၸမ်တပ်ႉမ 33...

ပွၵ်ႈၵမ်းၼိုင်ႈၼၼ်ႉ မီးလွင်ႈၶွင်ႈၶမ်လၢႆလွင်ႈတီႈၸၢၵ်ႈတွတ်ႈၶႅပ်းၵၢင်ၸႂ် ၊ ပွၵ်ႈၵမ်းသွင်မႃးတႄႉ ၾၢႆႇၵဵဝ်ႇၶွင်ႈၶဝ် ဢွၼ်မူၼ်ႉမႄးႁၢင်ႈႁႅၼ်းဝႆႉၽွင်ႈယဝ်ႉလႄႈ ပၼ်ႁႃဢမ်ႇၼမ်ပဵင်းပွၵ်ႈၼိုင်ႈၼၼ်ႉ ၼႆယူႇ ။ ပွၵ်ႈၵမ်းသွင်ၼၼ်ႉ ၾၢႆႇၶွမ်ႊမသျိၼ်ႊပၢင်လိူၵ်ႈတင်ႈတႄႉဝႃႈ ႁႂ်ႈမီးလွင်ႈပူင်ႇသႂ်ၼႂ်းၵၢၼ်ၶႄႉၶႅင်ႇလိူၵ်ႈတင်ႈ ၵူၺ်းၵႃႈ လွင်ႈၶႅပ်းသဵင်လူင်ႈၼႃႈၼၼ်ႉသမ်ႉ ပႃႇတီႇၸိူဝ်းၶဝ်ႈလိူၵ်ႈတင်ႈ ဢမ်ႇလူင်ႉလႅင်းၵၼ် ။ ဝၢႆးသေ ပႃႇတီႇတင်းသၢမ်ၵမ်း ယဝ်ႉတူဝ်ႈယဝ်ႉ တႅၼ်းၽွင်းၼႂ်းၽႃး ဢၼ်လႆႈတီႈယူႇၼမ်သုတ်းသမ်ႉ ပဵၼ်ဝႆႉ ပႃႇတီႇသၢင်ႇသီႈ ။ ၼႂ်းတႅၼ်းၽွင်း...

တီႈၼႂ်းၸႄႈဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်းၼႆႉ ယၢမ်းလဵဝ် ဢမ်ႇမီးၵူၼ်းဝၢၼ်ႈ ၶႂ်ႈႁပ်ႉႁဵတ်းၵၢင်ႉၵႄႇၽူႈယႂ်ႇၵူၼ်းလူင်ဝၢၼ်ႈ ၊ ဢမ်ႇႁတ်းဢွၼ်ၼမ်းႁဵတ်းလွင်ႈတူင်ႉၼိုင် ၼႂ်းဝၢၼ်ႈၼႂ်းသူၼ်သင်သေလွင်ႈ ၊ ယွၼ်ႉၵၢင်ႉၵႄႇ ၼႂ်းၸႄႈဝဵင်းယႂႃႇငၢၼ်ႇ ၵႆႉထုၵ်ႇ ၶႃႈႁႅမ်ၼႆယဝ်ႉ ။ ၼႂ်းႁၢင်လိူၼ် ၵျႅၼ်ႊၼိဝ်ႊရီႊၼႆႉ မႃးသိုၵ်းမၢၼ်ႈထူဝ်းသိုၵ်းၶဝ်ႈ ႁွင်ႉႁဵတ်းပၢင်ၵုမ်ၵူၼ်းဝၢၼ်ႈ တီႈဝၢၼ်ႈၵုင်းသိမ် ၸႄႈဝဵင်းယႂႃႇငၢၼ်ႇသေ တဵင်ၵႂၢမ်းၼၵ်းဝႆႉလွင်ႈဝႃႈ ႁၢမ်ႈတိတ်းတေႃႇ ၵမ်ႉထႅမ် ၸုမ်းလုၵ်ႉၽိုၼ်ႉ၊ တေလႆႈၸွႆႈထႅမ်ၸုမ်း...

မိၼ်းဢွင်ႇလၢႆႇ ၸႂ်ႉတၼ်းႁဵင်း ၵႅမ်ၸွမ်ၸိုင်ႈသေ ဢွၵ်ႇလိၵ်ႈၶေႃႈပူင်ၸူး ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ၵေႃႉႁပ်ႉတၼ်းႁဵင်းသုင်သုတ်းပဵၼ် ၸွမ်ပွင်ၵၢၼ်သိုၵ်းဝႆႉ ၵဵဝ်ႇလူၺ်ႈလွင်ႈတိူဝ်းဢႃႇယု ၵၢၼ်ပိုၼ်ၽၢဝ်ႇငဝ်း လၢႆးၶိုၵ်ႉၶၵ်ႉ တႃႇ 63 ၸႄႈဝဵင်း ၼႆယဝ်ႉ။ မိူဝ်ႈဝၼ်းတီႈ 30/7/2025 သိုၵ်းမၢၼ်ႈပိုၼ်ၽၢဝ်ႇဢွၵ်ႇဝႆႉ ၸႄႈဝဵင်းၸိူဝ်းၸုမ်းယိပ်းၵွင်ႈၵၢင်ႇၸၢဝ်းၶိူဝ်းၶဝ် ၵုမ်းၵမ်ဝႆႉၼၼ်ႉ ႁႂ်ႈပဵၼ်ဝႆႉငဝ်းလၢႆးၶိုၵ်ႉၶၵ်ႉ (အရေးပေါ်အခြေအနေ) တႃႇ 63 ၸႄႈဝဵင်း...

ၼႂ်းႁူဝ်ပီ 2026 ၼႆႉ ပိဝ်ႇႁႃႇမူး ၵေႃႉၼင်ႈဝႆႉတီႈတပ်ႉမၢၼ်ႈထုင်ႉၼမ်ႉလၼ်ႈ ၸႄႈဝဵင်းသီႇပေႃႉ ၸတ်းဢဝ်ႁႅင်းသိုၵ်း မွၵ်ႈ 100 ပၢႆသေ ၵႂႃႇတီႉၺွပ်းဢဝ် ရူတ်ႉၵႃးတၢင်ႇၵုၼ်ႇ မိူင်း ၶႄႇ ဢၼ်တိုၵ်ႉပႂ်ႉၶီႇပူင်ႈ (ပလူင်ႈ /ႁိူဝ်း) ၶၢမ်ႈၼမ်ႉတူႈ တီႈဝၢၼ်ႈတႃႈလူင် ၸႄႈဝဵင်းၵျွၵ်ႉမႄး မိူင်းတႆးပွတ်းႁွင်ႇ ၼႆယဝ်ႉ။ သိုၵ်းမၢၼ်ႈဢၼ်ပၵ်းတပ်ႉဝႆႉတီႈၼမ်ႉလၼ်ႈၼႆႉ ဢမ်ႇပွင်ႇၶၢဝ်ႇ၊ ဢမ်ႇငူပ်ႉငီႉသင်တင်း...