ပၢင်လိူၵ်ႈတင်ႈ ဢၼ်သိုၵ်းမၢၼ်ႈယိုတ်းမိူင်း ၼမ်းၸတ်းၵႂႃႇ ၼႂ်းၵႄႈငဝ်းလၢႆးဝၢၼ်ႈမိူင်းသုၵ်ႉယုင်ႈဢူၼ်မေႃး ၵူၼ်းမိူင်းႁူပ်ႉတၢင်းယၢပ်ႇယူႇၼၼ်ႉ ယဝ်ႉတူဝ်ႈၵႂႃႇတင်းသၢမ်ပွၵ်ႈ သၢမ်ၵမ်း။ ၶွမ်ႊမသျိၼ်ႊၵမ်ၵၢၼ်ပၢင်လိူၵ်ႈ တင်ႈ မိူင်းႁူမ်ႈတုမ် ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈယိုတ်းမိူင်းၼၼ်ႉ ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႃႈ ပႃႇတီႇသၢင်ႇသီႈ လႆႈတႅၼ်း ၽွင်းၼမ်လိူဝ်ပိူၼ်ႈသုတ်းၵႂႃႇ ၼႆယဝ်ႉ။
တီႈၼင်ႈတႃႇတႅၼ်းၽွင်း ၼႂ်းသၽႃးၵူၼ်းမိူင်း၊ သၽႃးၸႄႈမိူင်းလႄႈတိူင်း၊ သၽႃးၸိူဝ်ႉၸၢတ်ႈ၊ သၽႃးၸၢဝ်းၶိူဝ်းၼၼ်ႉ ပႃႇတီႇသၢင်ႇသီႈ USDP လႆႈတူဝ်တႅၼ်း တႃႇၵႂႃႇၼင်ႈၼႂ်းလုမ်းသၽႃး ပဵၼ်တၢင်း ၵၢၼ် ႁူမ်ႈသဵၼ်ႈမီးယူႇ 739 ၵေႃႉ။ ပႃႇတီႇၽွမ်ႉႁူမ်ႈၸၢဝ်းၶိူဝ်း (တိုင်းရင်းသားစည်းလုံးညီညွတ်ရေးပါတီ) လႆႈတႅၼ်းၽွင်းၵႂႃႇ 68 ၵေႃႉ၊ ပႃႇတီႇသိူဝ်ၽိူၵ်ႇ (ရှမ်း နှင့် တိုင်းရင်းသားများဒီမိုကရက်တစ်ပါတီ ) SNDP လႆႈတႅၼ်းၽွင်းၵႂႃႇ 39 ၵေႃႉၼႆယဝ်ႉ။
ပႃႇတီႇၸိူဝ်းၶဝ်ႈလိူၵ်ႈတင်ႈၸွမ်း ၼႂ်းပၢင်လိူၵ်ႈတင်ႈသိုၵ်းမၢၼ်ႈယိုတ်းမိူင်းၼမ်းၸတ်းၼၼ်ႉ ႁူမ်ႈသဵၼ်ႈမီးယူႇ 32 ၸုမ်း။ ၼေႃႇၽွင်းတႅၼ်းၸိူဝ်းထုၵ်ႇလိူၵ်ႈပဵၼ် တူဝ်တႅၼ်းၶဝ်ႈ ၵႂႃႇၼင်ႈၼႂ်းလုမ်းသၽႃး ၵူၼ်းမိူင်း မီး 263 ၵေႃႉ၊ သၽႃးၸိူဝ်ႉၸၢတ်ႈ တီႈ FPTP မီး 73 ၵေႃႉ PR မီး 84 ၵေႃႉ ႁူမ်ႈသဵၼ်ႈပဵၼ် 157 ၵေႃႉ၊ သၽႃးၸႄႈတိူင်း လႄႈ ၸႄႈမိူင်း တီႈ FPTP မီး 255 ၵေႃႉ PR မီး 321 ၵေႃႉ ႁူမ်ႈသဵၼ်ႈပဵၼ် 576 ၵေႃႉ၊ သၽႃးၸၢဝ်းၶိူဝ်း ႁူမ်ႈသဵၼ်ႈမီး 29 ၵေႃႉ ၼႆယဝ်ႉ။
ဢွင်ႈတီႈၶဵတ်ႇလိူၵ်ႈတင်ႈ တႃႇတင်းမိူင်းပတ်းပိုၼ်ႉၼႆႉ သိုၵ်းမၢၼ်ႈၸတ်းႁဵတ်းၵႂႃႇ တႃႇ 688 တီႈ။ တႅၼ်းၽွင်း ၸိူဝ်းထုၵ်ႇမၵ်းမၼ်ႈၵႂႃႇပဵၼ်တၢင်းၵၢၼ်ၼၼ်ႉ မီးယူႇ 1025 ၵေႃႉ။ ၼႂ်းၼၼ်ႉ ပႃႇတီႇသၢင်ႇသီႈ လႆႈၵႂႃႇတႃႇ 739 ၵေႃႉ ၵိၼ်ၶၢတ်ႇၵႂႃႇတင်းပုတ်းတင်းတႅင်ႈ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ