ဢိင်ၼိူဝ်ငဝ်းလၢႆးၵၢၼ်မိူင်းဢမ်ႇလီလႄႈ ပၢႆးမၢၵ်ႈမီးၸိုင်ႈမိူင်းၵေႃႈတူၵ်း။ ပၵ်းပိူင်မၢႆမီႈၵေႃႈဢမ်ႇသုမ်ႇငမ်း လႆႈတူဝ်ႈထိုင်ၵူႈတီႈ။ လွင်ႈလၵ်ႉၸၵ်ႉၶုတ်ႈ လွင်ႈၵေႃႇၵၢၼ်ႁၢႆႉ ၸိူဝ်းၼႆႉပဵၼ်ၵူႈတီႈ ၵူႈဝဵင်း ။ မၢင်ပွၵ်ႈမၢင်လႂ် ပၼ်ႁႃဢၼ်ဢမ်ႇထၢင်ႇဢမ်ႇဝူၼ်ႉမႅၼ်ႈသေပွၵ်ႈၸိူဝ်းၼႆႉၵေႃႈ ၵူၼ်းမိူင်းလႆႈထူပ်းလႆႈႁၼ်မႃး။ မိူၼ်ၼင်ႇတီႈဝဵင်း တႃႈၶီႈလဵၵ်းၸိုင်ႈတႆးပွတ်းဢွၵ်ႇ ဢၼ်တိတ်းၸပ်းလႅၼ်လိၼ်ထႆးဝႆႉၼႆႉ ဝၼ်းမိူဝ်ႈၼႆႉမီးၵူၼ်းလုၵ်ႉ တၢင်ႇတီႈ သီႇလႅၼ် မႃးယူႇသဝ်းႁႃၵိၼ်လဵင်ႉတွင်ႉၼမ် ၸဝ်ႈၶႅၵ်ႇသမ်ႉပေႃးပေႉၸဝ်ႈႁိူၼ်းၵႂႃႇဝႃႈၼႆၵေႃႈလႆႈ။ ယိင်ႈၵူၼ်း ၵိုၼ်းငိုၼ်းၶွၼ်ႈ ယိင်ႈဢမ်ႇမီးလွင်ႈႁူမ်ႇလူမ်ႈ။ ယၢမ်းလဵဝ်ၸဝ်ႈၼႃႈတီႈၾၢႆႇႁူမ်ႇလူမ်ႈ...

ဝၢၼ်ႈဢၼ်မီးၼႂ်းၽႃၵၢၼ်ႉၼႆႉ မၢင်ဝၢၼ်ႈယူႇၼိူဝ်လွႆ မၢင်ဝၢၼ်ႈယူႇတိၼ်လွႆ မၢင်ဝၢၼ်ႈ ယူႇတီႈၶူင်ႈတီႈယၢၼ်း ။ ၵွပ်ႈပိူဝ်ႈၸဝ်ႈငိုၼ်းသႃးမႃးလူင်းတိုၼ်း ၶုတ်းသႅင် ၶုတ်းလိၼ်ယႃႉလွႆ မီးမႃးလၢႆသိုပ်ႇလၢႆပၢၼ်။ လႄႈ ပေႃးထိုင် ၶၢဝ်းၾူၼ် ၼမ်ႉၼွင်းမႃး ၼမ်ႉထူမ်ႈငၢႆႈ ။ ၶုတ်းၵႃႈႁိုဝ်ၵေႃႈ ပႆႇဝႃႈပေႃးလႄႈ ထိုင်တီႈၼမ်ႉလိၼ်ႁိၼ်ၽႃ ၼႂ်းၽႃၵၢၼ်ႉ လူႉၵွႆ ။ ၵူၼ်းမိူင်းပိုၼ်ႉတီႈသမ်ႉ လႆႈၺႃးၽွၼ်းယွၼ်ႈမၼ်းထိုင်မိူဝ်ႈၼႆႉ။ၼႂ်းၵၢင်လိူၼ်ၵျူႊလၢႆႊၼႆႉ ၾူၼ်သိင်း...

ဢၼ်ႁဵတ်းႁႂ်ႈ ၵူၼ်းတင်းလုမ်ႈၾႃႉ တူၵ်းၵိၼ်းႁႅင်းၼႆႉ ပႃးလူၺ်ႈတၢင်းပဵၼ်ၶူဝ်ႊဝိတ်ႉ19 လၢမ်းၽႄႈ ၼႂ်း 2019 - 2020 လၢမ်းထိုင် 2-3 ပီ ။ ပႃးၸဵမ်ၵူၼ်းၼႂ်းမိူင်းႁူမ်ႈတုမ်မၢၼ်ႈပတ်းပိုၼ်ႉ ၺႃးၽွၼ်းတုမ်ႉယွၼ်ႈမၼ်းထိုင်မိူဝ်ႈလဵဝ် ။ တေႃႈၼင်ႇၼႂ်းမိူင်းတႆးၼႆႉၵေႃႈ ထိုင်မိူဝ်ႈလဵဝ် ၵူၼ်းမိူင်းတိုၵ်ႉၺႃးၽွၼ်းယွၼ်ႈ ။ မိူၼ်ၼင်ႇ တႃႈႁိူဝ်းဝၢၼ်ႈပုင်ႇ-မိူင်းမွမ်း ဢၼ်မီးတီႈမိူင်းၽူင်း ၸႄႈတွၼ်ႈတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼၼ်ႉ...

မိူင်းတႆးၼႆႉ ပဵၼ်မိူင်းဢၼ် ၼမ်ႉလိၼ်ႁိၼ်ၽႃၶိုၵ်ႉၶႅမ်ႉၸိုၼ်ႈသႂ်လႄႈ ၸၢဝ်းၶိူဝ်းၼႂ်းမိူင်းတႆး လႆႈပိုင်ႈယူႇပိုင်ႈၵိၼ်မႃးၸဵမ်မိုၼ်ႉသိုၼ်းၵွၼ်ႇ ဢမ်ႇမီးၽေးရေႃးၵႃႇတၢင်းပဵၼ်သင်ႁၢဝ်ႈႁႅင်း။ဝၢႆးသေ မိူင်းတႆး ထုၵ်ႇၽူႈၼမ်းသိုၵ်းမၢၼ်ႈ ၸႅၵ်ႇထႅၵ်ႇလၢႆပၢၼ်ယဝ်ႉၼၼ်ႉ ၼမ်ႉလိၼ်ႁိၼ်ၽႃဢၼ်ၸိုၼ်ႈသႂ်ၵေႃႈ ၺႃးယႃႉၺႃးတဝ် ၶုတ်းဢဝ်ၶူဝ်းငဝ်ႈတိုၼ်းၼႂ်းၼမ်ႉၼိူဝ်လိၼ် ဢမ်ႇၵိုတ်းဢမ်ႇယင်ႉ။ ထိုင်မိူဝ်ႈလဵဝ် ၸဝ်ႈငိုၼ်းသႃးၶဝ် တိုၵ်ႉသိုပ်ႇၶႂ်ႈၶုတ်းၶႂ်ႈဢဝ်ယူႇၶိူဝ်းယႂ်း ၵႃႈႁိုဝ်ၵႃႈဢမ်ႇပေႃး။ ပွတ်းတၢင်းမိူင်းၽျၢၵ်ႈၸိုင်ႈတႆးပွတ်းဢွၵ်ႇၼႆႉၵေႃႈ ၵူၼ်မိူင်းယၢမ်ႈဢွၵ်ႇသဵင်မႃးလၢႆးၵမ်း ဝႃႈ ၵၢၼ်ၶုတ်းၶမ်းၼႆႉ တုမ်ႉတိူဝ်ႉၵၢၼ်ၽုၵ်ႇသွမ်ႈၵူၼ်းပိုၼ်ႉတီႈ။ ၵူၺ်းၵႃႈ ၽူႈမီးပုၼ်ႈၽွၼ်းၶဝ်ဢမ်ႇၵႄႈလိတ်ႈသင်ပၼ်လႆႈ။...

မိူင်းတႆးၼႆႉ ၸဵမ်မိူဝ်ႈတၢင်းပဵၼ်ၶူဝ်ႊဝိတ်ႉလၢမ်းၽႄႈၼၼ်ႉမႃးတေႃႇထိုင်ယၢမ်းလဵဝ် ၵူၼ်းမိူင်းပႆႇထၢင်ႇႁၢင်ႈတူင်ႉၼိုင်သင်လီငၢမ်း ။ ဝၢႆးသိုၵ်းယိုတ်းမိူင်းသေ ပၢင်တိုၵ်းၵေႃႈလိူင်ႇၼမ် ယိင်ႈၶႅၼ်းႁဵတ်းႁႂ်ႈမိူင်းသုၵ်ႉ ၵူၼ်းမိူင်းၵုမ်ႇလႆႈၵူဝ်ႁႄၸုမ်းၼၼ်ႉၸုမ်းၼႆႉ ။ မိူၼ်ၼင်ႇပွႆးလၢမ်း ပွႆးၵိၼ်ပွႆးလူႇတႄႉ ၸတ်းလႆႈၽွင်ႈယူႇသေတႃႉ ပေႃးပဵၼ်ပၢင်ပၼ်တၢင်းႁူႉ ပၢင်သွၼ်ပူၵ်းပွင်ၵူၼ်းၼုမ်ႇၼႆဢမ်ႇထၢင်ႇႁၢင်ႈ။ၼႂ်းပီ 2026 ၼႆႉ သၢႆငၢႆဝၢၼ်ႈမိူင်းပၼ်မႃးၽွင်ႈယဝ်ႉလႄႈ တူင်ႇၵူၼ်းၼႂ်းမိူင်းတႆးမၢင်ဢွင်ႈတီႈဢဝ်တိုဝ်ႉတၢင်းလီသေ မီးလွင်ႈတူင်ႉၼိုင်တႃႇပူၵ်းပွင်ၼႂ်းဝၢၼ်ႈၼႂ်းၶူင်ႇမႃး။မိူၼ်ၼင်ႇတီႈ ၸႄႈဝဵင်းမူႇၸေႊၼႆႉ မိူဝ်ႈလဵဝ် ပိုတ်ႇသွၼ်ဝႆႉပၢင်သွၼ်လိၵ်ႈလၢႆးလႄႈၾိင်ႈငႄႈၾိင်ႈထုင်းတႆးၶၢဝ်းၾူၼ် တႃႇလုၵ်ႈလၢၼ်တႆး တေသိုပ်ႇႁၵ်ႉသႃၾိင်ႈလႄႈလိၵ်ႈလၢႆးတႆးၵႂႃႇၼႆယူႇ။ ပၢင်သွၼ်လိၵ်ႈလၢႆးလႄႈၾိင်ႈငႄႈၾိင်ႈထုင်းတႆးၶၢဝ်းၾူၼ် တီႈမူႇၸေႊၼႆႉ...

ၾၢႆႇၼိုင်ႈၵေႃႈ သိုၵ်းမၢၼ်ႈ ၶႂ်ႈၵမ်ၵိၼ်းၸုမ်းလုၵ်ႉၽိုၼ်ႉၶဝ်လႄႈ သိုၵ်းမၢၼ်ႈတတ်းပႅတ်ႈလႅင်းၾူၼ်ႊ လႅင်ႊဢိၼ်ႊ ထိူဝ်ႊၼႅတ်ႉၼႂ်းၸိုင်ႈမိူင်း ၼႂ်းဢွင်ႈတီႈဢၼ်ၸုမ်းလုၵ်ႉၽိုၼ်ႉတူင်ႉၼိုင် ။ ၾၢႆႇၶွမ်ႊပၼီႊ ဢၼ်ၶူင်ႁဵတ်း ဢွၵ်ႇသၻႃႊလိင်ႉၶ်ၵေႃႈ ပၼ်ၶေႃႈဢၢင်ႈလၢႆဢၼ်သေ တႄႇ တတ်းသၻႃးလိင်ႉၶ်ၼႂ်းမိူင်းႁူမ်ႈတုမ်မၢၼ်ႈလၢႆတီႈ လႄႈ ၸုမ်းလုၵ်ႉၽိုၼ်ႉဢမ်ႇၸၢင်ႈလႆႈၶေႃႈမုလ်းၶၢဝ်ႇသၢၼ်ငၢႆႈ။ ၼႂ်းၵႄႈၼၼ်ႉ ၵူၼ်းမိူင်းၸိူဝ်းယူႇၸွမ်းဢွင်ႈတီႈၸုမ်းလုၵ်ႉၽိုၼ်ႉၵုမ်းၵမ်ၵေႃႈ ယၢပ်ႇၸႂ်ၸွမ်း ။ ဢၼ်ၸုမ်းလုၵ်ႉၽိုၼ်ႉၼႂ်းမိူင်းမၢၼ်ႈ လႆႈၸႂ်ယႂ်ႇတႃႇၵပ်းသိုပ်ႇၵပ်းသၢၼ်ၵၼ်ယူႇၼႆႉ ပဵၼ်သၻႃႊလိင်ႉၶ် ၊ ၵမ်းၼႆႉသမ်ႉ...

ၸဵမ်မိူဝ်ႈသိုၵ်းမၢၼ်ႈယိုတ်းမိူင်းသေ လႅၼ်လိၼ်ဢၼ်တိတ်းၸပ်းတၢင်ႇၸိုင်ႈမိူင်း ဢမ်ႇၼိမ်သဝ်း ၵမ်းၵမ်းမီးပၼ်ႁႃၸုမ်းယိပ်းၵွင်ႈၵၢင်ႇၸၢဝ်းၶိူဝ်းႁိမ်ၵဵပ်းၶွၼ်ႇၵၼ်  ၊ ၸုမ်းၼိုင်ႈလႄႈၸုမ်းၼိုင်ႈ ဢမ်ႇၶဝ်ႈဢွၵ်ႇၵၼ်လႆႈၸဵမ်ၸိူဝ်းၼႆႉ။ မိူၼ်ၼင်ႇ ပွတ်းတၢင်း မိူင်းႁူမ်ႈတုမ်မၢၼ်ႈတွၼ်ႈၼိူဝ်ၼႆႉၵေႃႈ လိူဝ်သေမီးပၼ်ႁႃၸုမ်းယိပ်းၵွင်ႈၵၢင်ႇၸၢဝ်းၶိူဝ်းၼႂ်းမိူင်းမၢၼ်ႈၼင်ႇၵၼ်ယဝ်ႉ  ၵူၼ်းမိူင်းသမ်ႉလႆႈသုၵ်ႉၸႂ်ၸွမ်းလွင်ႈလႅၼ်ၶႅၼ်ႈမိူင်းဢိၼ်ႊတီႊယိူဝ်ႊထႅင်ႈ ။ လွင်ႈၼႆႉ တုမ်ႉတိူဝ်ႉၾိင်ႈယူႇသဝ်းၸၢဝ်းၶိူဝ်းဢၼ်ပၵ်းသဝ်းယူႇၸွမ်းသၢပ်ႇလႅၼ်လိၼ်ၼႆႉ ပႆႇမီးၽႂ်ႁၼ်ထိုင်လႄႈ ၵႄႈလိတ်ႈႁႃတၢင်းဢွၵ်ႇပၼ်။ ၼႂ်းပၢၼ်လူင်ပွင်ၸိုင်ႈၼူၵ်ႉယုင်း ဢၼ်တေႃႇဢွင်ႇသၢၼ်းၸူႉၵျီႇ ဢွၼ်ၼမ်းၼၼ်ႉတႄႉ လႅၼ်လိၼ်ဢိၼ်ႊတီႊယိူဝ်ႊ လႄႈ မိူင်းႁူမ်ႈတုမ်မၢၼ်ႈတိတ်းၸပ်းၵၼ်ၼႆႉ ၵူၼ်းပိုၼ်ႉတီႈဢမ်ႇလူဝ်ႇဢဝ်ဝႂ်ၶႂၢင်ႉဝီႊသႃႊ...

ပေႃးၽူႈပွင်မိူင်းဢမ်ႇလီ ၵူၼ်းမိူင်းၼႆႉ ယူႇလႂ်ၵေႃႈ မီးၽေးၼမ်တီႈၼၼ်ႈ ဢမ်ႇတွၼ်ႉလႆႈယူႇၵတ်းယဵၼ်လွတ်ႈၶဵၼ် ။ ပွတ်းတၢင်းမိူင်းႁူမ်ႈတုမ်မၢၼ်ႈတွၼ်ႈၼိူဝ် ၼႂ်းတိူင်းၸႄႈၵႅင်းလႄႈ ၼႂ်းမိူင်းၶၢင်ၸိူဝ်းၼႆႉၵေႃႈ ၸဵမ်မိူဝ်ႈသိုၵ်းမၢၼ်ႈ ပႆႇယိုတ်းမိူင်း ၸၢဝ်းတႆးလႅင် ၸၢဝ်းၶၢင် ဢမ်ႇသူႈလႆႈယူႇသႃႇလူမ်ၸႂ် ယွၼ်ႉမီးၸုမ်းယိပ်းၵွင်ႈၵၢင်ႇၼင်ႇၵၼ် ၵႆႉတုမ်ႉတိူဝ်ႉၵၼ် ။ ၸုမ်းယိပ်းၵွင်ႈၵၢင်ႇဢမ်ႇသူႈဝႆႉၵၢင်ၸႂ်ၵူၼ်းမိူင်းပဵၼ်ယႂ်ႇ ပေႃးထၢင်ႇထိူမ်သင်ဢိတ်းဢွတ်းၵေႃႈ တီႉၺွပ်းၵုမ်းၶင် ။ ၼႂ်းႁူဝ်လိူၼ်ၼႆႉၵူၺ်း ၽူႈႁၵ်ႉၾိင်ႈငႄႈလိၵ်ႈလၢႆးတႆးလႅင် ၺႃးသိုၵ်းၶၢင်တီႉၺွပ်းၵႂႃႇ ဢမ်ႇယွမ်း...

ပေႃးဝႃႈ မုင်ႉႁေႃႁိူၼ်းလႂ် မီးၵူၼ်းဢၼ်ၾိင်ႈယၢမ်ႈလူႉၸိုင် ၼႃႈႁိူၼ်းၼၼ်ႉ တေဢမ်ႇမူၼ်း ၊ ၵူၼ်းႁူမ်ႈႁိူၼ်းၵေႃႈ ပဵၼ်ႁွၼ်ႉပဵၼ်မႆႈၸွမ်း ။ ဝၢၼ်ႈၼိုင်ႈဝၢၼ်ႈ မိူင်းၼိုင်ႈမိူင်းၼၼ်ႉ ပေႃးမီးၵူၼ်းၾိင်ႈယၢမ်ႈလူႉၼမ် ၵူၼ်းယူႇႁူမ်ႈဝၢၼ်ႈလဵဝ်မိူင်းလဵဝ်ၵၼ်ၵေႃႈ လႆႈသုၵ်ႉၸွမ်း ။ မိူၼ်ငဝ်းလၢႆးၵၢပ်ႈဝၢၼ်ႈပၢၼ်မိူင်းမိူဝ်ႈလဵဝ် ဢိင်ၼိူဝ် ၵူၼ်းၵေႃႇၵၢၼ်ႁၢႆႉၼမ်မႃးလႄႈ ၵူၼ်းၸိူဝ်းႁဵတ်းႁႃၵိၼ်သိုဝ်ႈယူဝ်းၵေႃႈ လႆႈယၢပ်ႇၸွမ်း ။ တီႈၶူဝ်ၶၢမ်ႈတႃႈၶီႈလဵၵ်း-မႄႈသၢႆၼႆႉ မီးၵူၼ်းၼႄၼႃႈတိူဝ်ႈဝႃႈ တေႃႉၶူဝ်းၵုၼ်ႇၼႆသေ...

ၼႂ်းၶၢဝ်းတၢင်း 5 ပီပၢႆမႃးၼႆႉ ၵူၼ်းမိူင်းပတ်းပိုၼ်ႉ တုၵ်ႉတူဝ်တုၵ်ႉၸႂ်ၸွမ်းၵၢၼ်ဝၢၼ်ႈၵၢၼ်မိူင်း ၊ ၽိူဝ်ႇမီးမႃး ပၢင်ယၼ်ႇသိုၵ်း 1027 ၵေႃႈ ၵူၼ်းမိူင်းတႆးပွတ်းႁွင်ႇ လႆႈပၢႆႈသိုၵ်းပၢႆႈသိူဝ် ၊ ႁိူၼ်းယေး ဝတ်ႉဝႃး လူႉၵွႆၵူၼ်ႇပင်း ထိုင်မိူဝ်ႈလဵဝ် ပႆႇတင်ႈတူဝ်လႆႈ ။ ယူႇၼႂ်းၵႄႈၵပ်ႉၵိၼ်းလၢႆလွင်ႈၼႆႉသေ သမ်ႉၵႆႉလႄႇမီးၸုမ်းယိပ်းၵွင်ႈၵၢင်ႇၸုမ်းၼိုင်ႈယဝ်ႉၸုမ်းၼိုင်ႈ ပၼ်တၢင်းမႆႈတၢင်းလိူတ်ႇၵူၼ်းမိူင်းထႅင်ႈ ။ တေႃႈၼင်ႇ...

ၼႂ်းပီ 2026 ၼႆႉ ၸုမ်းလုၵ်ႉၽိုၼ်ႉ PDF ၼင်ႇၵၼ် ၶဝ်ႈယိုတ်းပၢင်သဝ်းၵၼ် ပိုတ်းယိုဝ်းၵၼ်ၶိုၼ်း တီႉၺွပ်းၵၼ်ၶိုၼ်း ။ ပိူင်ပဵၼ်ၸိူဝ်းၼႆႉ ၼႂ်းပီၼႆႉ မီးမႃး ဢမ်ႇယွမ်း 10 ၵမ်းယဝ်ႉဝႃႈၼႆသေတႃႉ ၼႂ်းလိူၼ်ၵျုၼ်ႊပူၼ်ႉမႃးၼႆႉၵူၺ်း သမ်ႉပေႃးပဵၼ်ၵႂႃႇမွၵ်ႈ 4 ၵမ်းယဝ်ႉ။ ပေႃးသိုပ်ႇပဵၼ်ၼႆၵႂႃႇၸိုင် ၵၢၼ်လုၵ်ႉၽိုၼ်ႉတေထိုင်တီႈလႆႈမိူဝ်ႈလႂ်- ၵူၼ်းၸိူဝ်းယၢမ်ႈပၼ်ႁႅင်း PDF...

တႄႇဢဝ်ဝၼ်းတီႈ 20 လိူၼ်ဢေႊပရိူဝ်ႊလ် 2026 ၼၼ်ႉ မႃး ဢူးမိၼ်းဢွင်ႇလၢႆႇ ဢၼ်တႅင်ႇတင်ႈလူင်ပွင်ၸိုင်ႈႁင်းၵူၺ်း ပိုၼ်ၽၢဝ်ႇ ၽႅၼ်ၵၢၼ် 100 ဝၼ်း တႃႇၸတ်းပွင်ႁွင်ႈၵၢၼ်ဢၼ်ယူႇတႂ်ႈၽွင်းလူင်ၾၢႆႇလႂ်ၾၢႆႇၼၼ်ႉ လႄႈ တႃႇၶိုင်ပွင်လွင်ႈငမ်းယဵၼ်ၸိူဝ်းၼႆႉပႃး ။ ၸွမ်းၼင်ႇ ISP ထတ်းသၢင်ဝႆႉတႄႉ လၢႆးလၢတ်ႈလႄႈလၢႆးႁဵတ်းလူင်ပွင်ၸိုင်ႈဢၼ်သိုၵ်းမၢၼ်ႈတႅင်ႇတင်ႈ ဢမ်ႇပႆႇ မႅၼ်ႈႁွႆးလဵဝ်ၵၼ်ဝႃႈၼႆ ၼႂ်းၽႅၼ်ၵၢၼ် 100 ဝၼ်းၼၼ်ႉ...

ဢိင်ၼိူဝ်ငဝ်းလၢႆးလၢႆလွင်ႈသေ ၼုမ်ႇၸၢႆး သႅၼ်းႁုၼ်ႈမႂ်ႇၵေႃႉၼိုင်ႈ လႆႈၶၢႆႉဝၢၼ်ႈဢွၵ်ႇမိူင်း လတ်းၸူးမိူင်းၸိုင်ႈထႆး ။ထၢင်ႇၸၢတ်ႈပၢၼ်တေလီလိူဝ်သေ မိူဝ်ႈယူႇမိူင်းတႆး ၵၢၼ်ႉၸိုၼ်ႇၶတ်းၸႂ် ၶမ်ႈဝၼ်းၼႂ် ။ တၼ်းႁဵတ်းၵၢၼ် 2-3 ပီၵူၺ်း ယွၼ်ႉၸပ်းတၢင်းပဵၼ်ၶႅၼ်ႊသိူဝ်ႊလႄႈ ထိုင်တီႈ လႆႈတႅပ်းပႅတ်ႈၶႃၶွၼ်ၼိုင်ႈ ။ ဢမ်ႇမုင်ႈဢမ်ႇမွင်းသေ ၵိုင်ႉၵၢင်ႉလႆႈသုမ်းၶႃၵႂႃႇလႄႈ ယၢမ်ႈပဵၼ်ၵူၼ်းႁႅင်းၸႂ်တူၵ်း ထိုင်တီႈဢမ်ႇၶႂ်ႈသူႈၸၢတ်ႈပၢၼ်။ ၵူၺ်းၵႃႈ သမ်ႉၶိုၼ်းလုၵ်ႉၽိုၼ်ႉၸဝ်ႈၵဝ်ႇသေ ဢမ်ႇဝႃႈလွင်ႈၶဵင်ႇတႃႉ...

မိူဝ်ႈဢေႊဢၢႆႊ AI တႄႇႁိူင်းတႄႉ ဢွၼ်ၵၼ်ဝႃႈ ၵူၼ်းၵူၺ်း ပဵၼ်ဢၼ်ပွၼ်သွၼ်ပၼ်ဢေႊဢၢႆႊ ႁႂ်ႈႁူႉၶေႃႈမုလ်းၸေးလီ ။ မိူဝ်ႈလဵဝ်တႄႉ ဢေႊဢၢႆႊ ႁပ်ႉႁူႉၵူႈလွင်ႈ မၢင်လွင်ႈဢမ်ႇလူဝ်ႇၵူၼ်းပွၼ်ႈၶေႃႈမုလ်းၵေႃႈ ၶူၼ်ႉႁႃမႃးႁင်းၵူၺ်း ။ ၸင်ႇၼၼ် သင်ဝႃႈ ဢမ်ႇၵုမ်းဢေႊဢၢႆႊလႆႈလီတႄႉ မိူဝ်းၼႃႈမႃး ဢေႊဢၢႆႊ ၸၢင်ႈပေႉပုၼ်ႈၵူၼ်းသေ ႁဵတ်းႁႂ်ႈၵူၼ်းႁၢမ်းၼႃႈတီႈၵၢၼ်ငၢၼ်း ၊ ၵူၼ်းၸႂ်ႉဢေႊဢၢႆႊ ဢၼ်ဢမ်ႇမႅၼ်ႈတီႈမႅၼ်ႈတၢင်း...

တႃႇမိူင်းၼိုင်ႈမိူင်း တေၸဵဝ်းၶိုၼ်ႈယႂ်ႇၼၼ်ႉ လူဝ်ႇၽူႈမီးတၢင်းႁူႉၼမ် ၼႆသေတႃႉ မိူင်းတႆးလႄႈ ပႃးၸဵမ်မိူင်း ႁူမ်ႈတုမ်မၢၼ်ႈ ပတ်းပိုၼ်ႉ ယၢပ်ႇၽိုတ်ႇတႃႇပူၵ်းပွင်ပၢႆးပၺ်ႇၺႃႇယူႇ ။ ၶၢဝ်းသိုၵ်းမၢၼ်ႈယိုတ်းမိူင်းၼႆႉ ၸုမ်းလုၵ်ႉၽိုၼ်ႉ တႅင်ႇတင်ႈမႃးႁွင်ႈၵၢၼ်ပၢႆးပၺ်ႇၺႃႇၽႂ်မၼ်းသေ ဢမ်ႇႁူမ်ႇငမ်းလႆႈလုၵ်ႈဢွၼ်ႇတူဝ်ႈမိူင်း ။ ၸွမ်းၼင်ႇ ISP Myanmar ႁၢႆးငၢႆးဝႆႉတႄႉ ပီၵၢၼ်ႁဵၼ်း 2026-2027 ၼႆႉ ၵူၼ်းဢၼ်ႁၢင်ႇၵႆၵၢၼ်ႁဵၼ်း မီးထိုင်...