Tuesday, May 21, 2024

သိုၵ်းမၢၼ်ႈပူတ်း ၵႅမ်ၸွမ်ၸိုင်ႈ ဢူးႁိၼ်ႇၼရီႇ ပၼ်ႇထိဝ်း ပၢၼ်လူင်ပွင်ၸိုင်ႈၼူၵ်ႉယုင်း

Must read

သိုၵ်းမၢၼ်ႈ ပိုၼ်ၽၢဝ်ႇ ပူတ်းၼႃႈတီႈတၼ်းႁဵင်း ၵႅမ်ၸွမ်ၸိုင်ႈ ဢူးႁိၼ်ႇၼရီၼ်ႇ ပၼ်ႇထိဝ်းသေ ပၼ်လိုဝ်ႈၵၢၼ်ယဝ်ႉ ဝႃႈၼႆ။

ၵႅမ်ၸွမ်ၸိုင်ႈ ဢူးႁိၼ်ႇၼရီႇ ပၼ်ႇထိဝ်းၼႆႉ လႆႈႁပ်ႉပဵၼ်ၵႅမ်ၸွမ်ၸိုင်ႈ ၸဵမ်မိူဝ်ႈပၢၼ် ပႃႇတီႇၼူၵ်ႉယုင်း NLD ဢွင်ႇပေႉပၢင်လိူၵ်ႈတင်ႈ ပဵၼ်လူင်ပွင်ၸိုင်ႈသေ သိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းမႃးၵေႃႈ ဢမ်ႇပူတ်းဢမ်ႇတီႉၺွပ်းပႃးမၼ်း၊ သိုပ်ႇပၼ်တီႈယူႇ ပဵၼ်ၵႅမ်ၸွမ်ၸိုင်ႈဝႆႉ မိူၼ်ၵၼ်တင်း ဢူးမျိၼ်ႉသူၺ်ႇ ဝႃႈၼႆ။

- Subscription -

ၶဝ်သွင်ၵေႃႉၼႆႉ ဢမ်ႇၶဝ်ႈႁူမ်ႈပၢင်ၵုမ် ၵဵဝ်ႇၵပ်းမူႇပိူင် ဢၼ်ၸုမ်းသိုၵ်း ယိုတ်းမိူင်း ဢွၼ်ၼမ်းၸတ်း၊ ၵူၺ်းၶဝ်ႈႁူမ်ႈပၢင်ၵုမ်ၵႃႇလူင်ႇ ဢၼ်ၸတ်း 6 လိူၼ်ၼိုင်ႈပွၵ်ႈ ၼၼ်ႉၵူၺ်း။

ယၢမ်းလဵဝ်တႄႉ သိုၵ်းမၢၼ်ႈ ၼႄၶေႃႈဢၢင်ႈဝႃႈ ပၢႆးယူႇလီမၼ်းၸၢႆး ဢမ်ႇတဵမ်ထူၼ်ႈၼႆသေ ပူတ်းပၢၵ်ႈ မၼ်းဝႆႉယဝ်ႉ။

ၶၢဝ်ႇ VOA တႄႉ ပိုၼ်ၽၢဝ်ႇဝႃႈ ပၢင်ၵုမ်သိုၵ်းမၢၼ်ႈ မိူဝ်ႈဝၼ်းတီႈ 22 လိူၼ်ဢေႊပရိူဝ်ႊ ၼၼ်ႉၵေႃႈ ဢမ်ႇႁၼ်ပႃး ၵႅမ်ၸွမ်သိုၵ်းလူင် ၸူဝ်းဝိၼ်း (ဢၼ်မီးၶၢဝ်ႇဝႃႈ ၺႃးၸၢၵ်ႇမၢၵ်ႇၻရူၼ်ႊ တီႈမိူင်းမေႃႇလမျႅင်ႇသေ မၢတ်ႇၸဵပ်းဝႆႉ) ၶဝ်ႈႁူမ်ႈ။ ၵူၺ်းၵႃႈ ၽူႈၶၢၼ်ပၢၵ်ႇ သိုၵ်းမၢၼ်ႈတႄႉလၢတ်ႈဝႃႈ မၼ်းၸၢႆးယူႇလီၵိၼ်ဝၢၼ်သေ ႁၢပ်ႇႁၢမ်ၼႃႈၵၢၼ်တႃငၢၼ်းယူႇ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း