မိူဝ်ႈဝၼ်းတီႈ 25/3/2026 ၸုမ်းႁဵတ်းၵၢၼ်သုၼ်ႇလႆႈတႃႇမိူင်းႁူမ်ႈတုမ် Justic For Myanmar ႁဵတ်းၽိုၼ်လိၵ်ႈႁၢႆးငၢၼ်းဢွၵ်ႇဝႃႈ ၶူၼ်ႉသွၵ်ႈႁၼ်ၶေႃႈမုလ်း ၵဵဝ်ႇၵပ်း လွင်ႈႁဵတ်း သၢင်ႈတူင်ႉၼိုင် ၵူၼ်းၼႂ်းမုင်ႉႁေႃႁိူၼ်း မိၼ်းဢွင်ႇလၢႆႇ ၽူႈၼမ်းသိုၵ်းမၢၼ်ႈယိုတ်းမိူင်း ၵႂႃႇသိုဝ်ႉတီႈလိၼ်ဝၢင်း လႄႈ ႁိူၼ်း ဢၼ်မီးၵႃႈၶၼ်ယႂ်ႇ Issara Residence Rama 9 ၵိုင်ႇငိုၼ်းထႆး...

သိုၵ်းမၢၼ်ႈတီႉၺွပ်းၵူၼ်းမိူင်း ဝဵင်းလွႆၶေႃ မိူင်းယၢင်းလႅင်သေ သူင်ႇၾိုၵ်းၵၢၼ်သိုၵ်း ၊ ၵူၼ်းပၢႆႈၽေးသိုၵ်းၸိူဝ်းၸင်ႇႁႃပွၵ်ႈယူႇႁိူၼ်းၶိုၼ်းၼၼ်ႉ လႆႈဢွၼ်ၵၼ်ငိူင်ႉပၢႆႈထႅင်ႈၵမ်းၼိုင်ႈ။ ဢိင်ၼိူဝ်ပၢင်တိုၵ်းၽႅၼ်ယၼ်ႇသိုၵ်း 1111 ၼႂ်းမိူင်းယၢင်းလႅင်သေ ၵူၼ်းမိူင်းၼႂ်းၸႄႈဝဵင်းလွႆၶေႃ ဢိၵ်ႇဝဵင်းႁိမ်ႁွမ်းလႆႈပၢႆႈၽေးသိုၵ်းၶၢဝ်းတၢင်းပီပၢႆ။ ထိုင်တီႈသိုၵ်းမၢၼ်ႈ တေၸတ်း ပၢင်လိူၵ်ႈတင်ႈမႃး ၶိုၼ်းတဵၵ်းႁွင်ႉဢဝ် ၵူၼ်းပၢႆႈၽေးသိုၵ်း ပွၵ်ႈယူႇၶိုၼ်း ဝၢၼ်ႈၽႂ်မိူင်းမၼ်း -  ၵွၼ်ႇၼႃႈ လိူၼ်တီႊသႅမ်ႊပိူဝ်ႊ 2025 ၼႆႉႁႂ်ႈပွၵ်ႈယူႇၶိုၼ်းပိုၼ်ႉတီႈၽႂ်မၼ်း ႁႂ်ႈယဝ်ႉတူဝ်ႈဝႃႈၼႆ။...

သိုၵ်းမၢၼ်ႈတီႉၺွပ်းၵႂႃႇ ၵူၼ်းဝၢၼ်ႈၵုင်းသိမ်ႇ(သိမ်ကုန်း) ၼႂ်းၸႄႈဝဵင်းယႂႃႇငၢၼ်ႇ 3 ၵေႃႉ ယင်းပႆႇပွႆႇပၼ်ၶိုၼ်း တီႉၵႂႃႇထႅင်ႈၵူၼ်းၸၢႆး 2 ၵေႃႉလႄႈ ႁဵတ်းႁႂ်ႈၵူၼ်းဝၢၼ်ႈမႆႈၸႂ် လွင်ႈႁူမ်ႇလူမ်ႈဝႆႉ ဝႃႈၼႆ ။ ၵၢင်လိူၼ် မၢတ်ႉၶျ် ၼႆႉၵူၺ်း သိုၵ်းမၢၼ်ႈ တီႉၵူၼ်းဝၢၼ်ႈၵုင်းသိမ်ႇ (သိမ်ကုန်း) 3 ၵေႃႉ ၼၢင်းယိင်း 2 ၵေႃႉလႄႈ ၵူၼ်းၸၢႆး...

မိူဝ်ႈဝႃး 20/03/2026 ယၢမ်းၵၢင်ၼႂ်ၸဝ်ႉ သိုၵ်းမၢၼ်ႈဢဝ်ႁိူဝ်းမိၼ်သိုၵ်းၵျႅတ်ႉၾၢႆႊတိူဝ်ႊ ယိုဝ်းသႂ်ႇတီႈဝတ်ႉဝႃးသင်ၶၸဝ်ႈ (မဟာလေးထပ်ဘုန်းတော်ကြီးကျောင်း) ဢၼ်မီးၵူၼ်းပၢႆႈၽေးသိုၵ်းမႃးသွၼ်ႈယူႇသဝ်းဝႆႉတင်းၼမ် ။ ဝတ်ႉဝႃးလင်ၼႆႉ မီးတီႈႁိမ်းၾင်ႇၼမ်ႉၵဵဝ် မီးၼႂ်းပွၵ်ႉ 3 ဝဵင်းၵၢတ်ႇသႃ တိူင်းၸႄႈၵႅင်း။ ၵူၼ်းမိူင်းဝဵင်းၵၢတ်ႇသႃလၢတ်ႈဝႃႈ - ၶိူင်ႈမိၼ်ၵျႅတ်ႊၾၢႆႊတိူဝ်ႊမႃး 2 လမ်း။ ပွႆႇမၢၵ်ႇလူင်သႅၼ်း 500 ပွင်ႊ တူၵ်းသႂ်ႇၼိူဝ်ဝတ်ႉလီလီ ႁဵတ်းႁႂ်ႈၾႆးမႆႈဝတ်ႉဝႃးၵႂႃႇတင်းလင်။ သိုၵ်းမၢၼ်ႈႁူႉယူႇတီႈဝတ်ႉၼၼ်ႉမီးၵူၼ်းပၢႆႈၽေးသိုၵ်းမႃးသွၼ်ႈယူႇသဝ်းဝႆႉ။ တင်းၵူၼ်းတင်းသင်ၶၸဝ်ႈ...

ပွႆးသွၼ်းၼမ်ႉပီ 2026 ၼႆႉသိုၵ်းမၢၼ်ႈသင်ႇႁႂ်ႈၵူၼ်းမိူင်းၼႂ်းၼွင်ႁၢႆးယႃႈ ၸိုင်ႈတႆးပွတ်းၸၢၼ်း ႁဵတ်းပွႆးသွၼ်းၼမ်ႉၵိုၼ်းၶွၼ်ႈ ပျီႇတူႉၸိတ်ႉပဢူဝ်းတေဢဝ်ႁူမ်ႇလူမ်ႈပၼ် ၼႆ ယဝ်ႉ။ ဝၼ်းတီႈ 16/ 3/2026 လူင်ပွင်ၸိုင်ႈမိူင်းတႆး တႂ်ႈသိုၵ်းမၢၼ်ႈ ၊ ႁွင်ႈၵၢၼ်ၾၢႆႇၽွင်းငမ်း ႁွင်ႉဢဝ်ၵၢင်ႉၵႄႇ ႁူပ်ႉထူပ်းဢုပ်ႇဢူဝ်း တဵၵ်းၸႂ်ႉႁႂ်ႈၸတ်းႁဵတ်းပွႆးသွၼ်းၼမ်ႉၼႂ်းၼွင်ႁၢႆးယႃႈၵိုၼ်းၶွၼ်ႈ ဝႃႈၼႆ။ လုင်းၸၢႆး ၵူၼ်းမိူင်းပိုၼ်ႉတီႈ ၵေႃႉယူႇၼႂ်းၼွင်ႁၢႆးယႃႈ လၢတ်ႈတီႈၽူႈတွႆႇႁွၵ်ႈဝႃႈ...

မိူဝ်ႈဝႃးဝၼ်းတီႈ 18 လိူၼ်မၢတ်ႉၶျ် ၽူႈပွင်ၵၢၼ်သိုၵ်း ၸွမ်သိုၵ်းထႆး ၵျိတ်ႊၶျၼူၵ်ႊ ၼုတ်းၵျယႃႊ Chitchanok Nujjaya ၵႂႃႇႁူပ်ႉထူပ်း ဢုပ်ႇဢူဝ်း သိုၵ်းမၢၼ်ႈယိုတ်းမိူင်း တီႈဝဵင်း လူင်ၼေႇပျီႇတေႃႇ တၢမ်တူဝ်ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ၵေႃႉႁပ်ႉပုၼ်ႈၽွၼ်းယုၵ်ႉၸၼ်ႉတူဝ်ၵဝ်ႇပဵၼ် ၵႅမ်ၸွမ် ၸိုင်ႈမိူင်းႁူမ်ႈတုမ်ဝႆႉၼၼ်ႉ ႁူပ်ႉဢုပ်ႇဢူဝ်းၸွမ်း ဝႃႈၼႆ။ ၼႂ်းပၢင်ႁူပ်ႉထူပ်းၼၼ်ႉ တင်းသွင်ၾၢႆႇ ဢုပ်ႇဢူဝ်းၵၼ်ၵႂႃႇ လွင်ႈၵၢၼ်ၼိမ်တဵင်ႈၸွမ်းလႅၼ်လိၼ် မိူင်းထႆး-မိူင်းတႆး-မိူင်းမၢၼ်ႈတိတ်းၸပ်းၵၼ်...

တီႈဝဵင်းဢေးတႃႇယႃႇ ၸႄႈဝဵင်းတူၼ်ႈတီးၸိုင်ႈတႆးပွတ်းၸၢၼ်းၼၼ်ႉ ၵူၼ်းၵႂႃႇတႃႈပႆတၢင်းဢၼ်ၶဝ်ႈလႄႈဢွၵ်ႇဝဵင်းၼၼ်ႉသိုၵ်းမၢၼ်ႈပႂ်ႉၵဵတ်ႉ/လၢၼ်ႇ ၵူတ်ႇထတ်းမၢႆၾၢင်(မၢတ်ႉပူင်ႇတိၼ်ႇ) ၊ သင်ဝႃႈဢႃယု တဵမ် 18 ပီယဝ်ႉလႄႈဢမ်ႇလႅၵ်ႈမၢႆၾၢင်ဝႆႉၸိုင် သိုၵ်းမၢၼ်ႈလၢၵ်ႈလူင်းရူတ်ႉၵႃးဝႃႈၼႆ။ သိုၵ်းမၢၼ်ႈပႂ်ႉၵဵတ်ႉတႄႇၵူတ်ႇထတ်းႁဵတ်းၼႆမႃးၸဵမ်မိူဝ်ႈႁူဝ်လိူတ်မၢတ်ႉၶျ်ၼႆႉ။ ၵူတ်ႇထတ်းတင်းရူတ်ႉတၢင်ႇၵူၼ်း ရူတ်ႉၸႂ်ႉၵိုၵ်းႁိူၼ်းလႄႈ ရူတ်ႉၵႃးတၢင်ႇၵုၼ်ႇၸိူဝ်းၼႆႉပႃး။ၵူၼ်းၸိူဝ်းဢႃယုတဵမ် 18 ယဝ်ႉ သင်ဝႃႈဢမ်ႇလႅၵ်ႈမၢႆၾၢင်ဝႆႉၸိုင် လၢၵ်ႈလူင်းရူတ်ႉၵႃးသေ မႂ်ငိုၼ်းၼိုင်ႈၵေႃႈဢမ်ႇတႅမ်ႇလိူဝ် 5 မိုၼ်ႇပျႃး။ ပေႃးပၼ်ငိုၼ်း ၸင်ႇပွႆႇပၼ်ၶိုၼ်းၼႆ  ၸဝ်ႈၵႃးဢႃယု...

သိုၵ်းမၢၼ်ႈယိုတ်းမိူင်းထႅမ်ႁႅင်းသိုၵ်း ၶဝ်ႈၵႂႃႇပၵ်းတပ်ႉတီႈဢိူင်ႇၵျွၵ်ႉငႅၵ်ႉ ၼႂ်းၸႄႈဝဵင်းဝၢၼ်ႈငႂ်ႈ (ယႂႃႇငၢၼ်ႇ) ၸိုင်ႈတႆးပွတ်းၸၢၼ်းယဝ်ႉ တီႉၺွပ်းၵူၼ်းဝၢၼ်ႈ 5 ၵေႃႉ။ ယွၼ်းငိုၼ်း ၵႃႈထုတ်ႇတူဝ်တီႈၵူၼ်းမိူင်း ၼိုင်ႈၵေႃႉလႂ်ၼပ်ႉႁူဝ်သိပ်းသႅၼ်ပျႃးယဝ်ႉ ၸင်ႇပွႆႇပၼ်ၶိုၼ်း ၼႆယဝ်ႉ ။ တႄႇၼႂ်းလိူၼ်မတ်ႉၶျ် ဝၼ်းတီႈ 8 ၵူၼ်းဝၢၼ်ႈၵျွၵ်ႉငႅၵ်ႉ(ကျောက်ငှက်) 5 ၵေႃႉ ၽွင်းၵႂႃႇလႄႇႁိူၼ်းပီႈၼွင်ႉ ၺႃးသိုၵ်းမၢၼ်ႈတီႉၺွပ်းၵႂႃႇ ၼိူဝ်သဵၼ်ႈတၢင်း ဝၢၼ်ႈဢူၵ်ႉတုၼ်း (အုတ်တွင်း)...

တႃႇၶိုၼ်းမႄးၵေႃႇသၢင်ႈ ႁူင်းလဵၼ်ႈဢဵၼ်ႁႅင်းႁႂ်ႈၶႅမ်ႉလိူဝ်ၵဝ်ႇ ၊ တႃႇၵေႃႇသၢင်ႈ ဢၢင်ႇလဵၼ်ႈၼမ်ႉၼႆသေ သိုၵ်းမၢၼ်ႈဢွၵ်ႇလိၵ်ႈ လိုပ်ႈႁၢၼ်ႉၶၢႆၶူဝ်း 200 ႁွင်ႈႁႂ်ႈၶၢႆႉဢွၵ်ႇသေ တႄႇၵူၼ်ႇယႃႉႁွင်ႈႁၢၼ်ႉတၢင်းၶၢႆ ဢၼ်မီးၵၢင်ဝဵင်းတူၼ်ႈတီး ၸိုင်ႈတႆးပွတ်းၸၢၼ်း ဝႃႈၼႆ ။ မိူဝ်ႈဝႃးဝၼ်းတီႈ 16/3/2026 တႄႇယၢမ်းၵၢင်ၼႂ် သိုၵ်းမၢၼ်ႈတႄႇယႃႉ ႁွင်ႉႁၢၼ်ႉဢၼ်မီးႁိမ်းႁွမ်းသူၼ်မွၵ်ႇပူဝ်ႇၶျူၵ်ႈဢွင်ႇသၢၼ်း ( ဗိုလ်ချုပ်အောင်ဆန်း ) တီႈပၢင်ႇလဵၼ်ႈဢဵၼ် ႁႅင်းၵၢင်ဝဵင်းတူၼ်ႈတီးၵႂႃႇ...

ၸုမ်းၸိူဝ်းႁဵတ်းၵၢၼ်သိုၵ်းၵၢၼ်မိူင်းၵမ်ႈၼမ် ၵႆႉလႄႇလၢတ်ႈဝႃႈ ႁဵတ်းတႃႇၵူၼ်းမိူင်း ႁဵတ်းတႃႇဝၢၼ်ႈမိူင်းၼႆလွၼ်ႉလွၼ်ႉ ။ ၵူၺ်းၵႃႈ ဢိင်ၼိူဝ် လွင်ႈႁပ်ႉႁၼ်ဢမ်ႇမိူၼ်ၵၼ်သေ ၵၢၼ်ၸိူဝ်းၶဝ်ႁဵတ်းၼၼ်ႉ ႁဵတ်းႁႂ်ႈၵူၼ်းမိူင်းယၢပ်ႇၵိၼ်းလိူဝ်ၵဝ်ႇ ။ ပေႃးတူၺ်းမိူင်းတႆးသမ်ႉၶႅၼ်းယုင်ႈ ၸုမ်းလႂ်ၵေႃႈဝႃႈ ဢၼ်ၸဝ်ႈၵဝ်ႇႁဵတ်းၼၼ်ႉၸိုဝ်ႈၸႂ်ႈၼႆသေ ႁဵတ်းၽႂ်ႁဵတ်းမၼ်း တိုၵ်းၽႂ်တိုၵ်းမၼ်း ၽႅၼ်ၽႂ်ၽႅၼ်မၼ်း ။ ပေႃးသိုၵ်းၸုမ်းၼိုင်ႈတင်းၸုမ်းၼိုင်ႈ မီးလွင်ႈတွၵ်ႉတႅၵ်ႉၵၼ်မႃး ၵူၼ်းမိူင်းယိင်ႈ ယူႇယၢပ်ႇ ။ ၵဵပ်းၶွၼ်ႇၵေႃႈလႆႈပၼ် ၵဵပ်းၵူၼ်းၵေႃႈလႆႈပၼ်...

ၵွၼ်ႇၼႃႈသိုၵ်းမၢၼ်ႈယိုတ်းမိူင်း တေတႄႇၸတ်းပၢင်ၵုမ်လူင်သၽႃးၸိူဝ်ႉၸၢတ်ႈ၊ သၽႃးၸႄႈမိူင်း လႄႈ တိူင်း၊ သၽႃးၵူၼ်းမိူင်းၼၼ်ႉ တူဝ်တႅၼ်းၶိုၵ်ႉတွၼ်း လူင်ပွင်ၸိုင်ႈမိူင်း ၶႄႇ မိတ်ႊသတိူဝ်ႊ တဵင်ႉသျီႊၵျွၼ်ႊ ၼမ်းၼႃႈ ႁွင်ႉဢဝ်ၽူႈမီးပုၼ်ႈၽွၼ်းၼႂ်းမိူင်းၶႄႇလၢႆလၢႆၵေႃႉသေ မႃးႁူပ်ႉထူပ်းဢုပ်ႇဢူဝ်း တူဝ်တႅၼ်းသိုၵ်းမၢၼ်ႈ ဢူးတၢၼ်းသူၺ်ႇ ၵေႃႉႁပ်ႉပုၼ်ႈၽွၼ်းဝႆႉပဵၼ် ၽွင်းလူင်ၼွၵ်ႈမိူင်း ဝႃႈၼႆ။ မိူဝ်ႈဝၼ်းတီႈ 13 လိူၼ်မၢတ်ႉၶျ် ပီ 2026 ယၢမ်းဝၢႆးဝၼ်း...

ၼင်ႇႁိုဝ်တေၽဵဝ်ႈမူၺ်ႉလႆႈ ၵၢၼ်သုၵ်ႈလၢင်ႉငိုၼ်းလမ် ႁဵတ်းငိုၼ်းၽိူၵ်ႇ၊ ၵူၼ်းၸိူဝ်းဢဝ်ငိုၼ်းၵမ်ႉထႅမ် ၽူႈၵေႃႇၵၢၼ်ႁၢႆႉၸိူဝ်းၼၼ်ႉၼႆသေ သိုၵ်းမၢၼ်ႈယိုတ်းမိူင်း တမ်းဝၢင်းမၵ်းမၼ်ႈ မူႇပိူင်/ၾိင်ႈမိူင်းမႂ်ႇ ဢၼ်ၸၢင်ႈၵူတ်ႇထတ်းလႆႈ သဵၼ်ႈတၢင်းငိုၼ်းၶဝ်ႈငိုၼ်းဢွၵ်ႇၵူၼ်းမိူင်းၵူႈၵေႃႉသေ တေသွၵ်ႈႁႃၵူတ်ႇထတ်း ဢဝ်လိူင်ႈၵူၼ်းၸိူဝ်း ပူၼ်ႉပႅၼ်မၢႆမီႈၾိင်ႈ မိူင်းၵႂႃႇ ဝႃႈၼႆ။ မိူဝ်ႈဝၼ်းတီႈ 11 လိူၼ်မၢတ်ႉၶျ် ပီ 2026 သိုၵ်းမၢၼ်ႈယိုတ်းမိူင်း ယႃႉပၵ်းပိူင်ၵၢၼ်ၽဵဝ်ႈမူၺ်ႉငိုၼ်းလမ် (ငိုၼ်းၽိတ်းမၢႆမီႈ)...

တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼႆႉ သိုၵ်းမၢၼ်ႈဢမ်ႇပၼ်ၶၢႆၼမ်ႉမၼ်းၸၢၵ်ႈပၼ် ရူတ်ႉၵႃးၸိူဝ်းဢမ်ႇမီးဝႂ်  လၢႆႊသိၼ်ႊ  ဝႃႈၼႆ။ သိုၵ်းမၢၼ်ႈပိုၼ်ႇၽၢဝ်ႇလၢတ်ႈဝႆႉဝႃႈ ယွၼ်ႉတေဢမ်ႇၶၢႆၼမ်ႉမၼ်းၸိူဝ်ႉၾႆးပၼ် ရူတ်ႉၵႃးဢမ်ႇမီး ဝတ်းဝႂ်လႄႈ သင်ၸိူဝ်ႉၵူတ်ႇထတ်းႁၼ်မႅၼ်ႈ ရူတ်ႉၵႃးဢမ်ႇမီးဝႂ်လၢႆႊသိၼ်ႊ  ၶဝ်ႈထႅဝ်ပႂ်ႉသိုဝ်ႉ ၼမ်ႉမၼ်း တီႈပၢမ်ႉၼမ်ႉမၼ်းၸိုင်   တေဢဝ်လိူင်ႈဝႃႈၼႆ။    ဝၢႆးသိုၵ်းမၢၼ်ႈပိုၼ်ႇၽၢဝ်ႇယဝ်ႉ  ဝၼ်းတီႈ 12/3/2026 ယၢမ်းၵၢင်ၼႂ် ပၢမ်ႉၼမ်ႉမၼ်း တီႈဝဵင်း တူၼ်ႈတီး ၵူတ်ႇထတ်းရူတ်ႉၵႃးၸိူဝ်းမီးဝႂ်လၢႆႊသိၼ်ႊသေ ၸင်ႇၶၢႆပၼ်ၼမ်ႉမၼ်းလႄႈ...

ဝၢႆးလင်သိုၵ်းမၢၼ်ႈ ယိုတ်းဢဝ်ဢႃႇၼႃႇၸိုင်ႈမိူင်းမႃး တႄႇပီ 2021 ၼၼ်ႉ ႁူဝ်ၼပ်ႉလုၵ်ႈႁဵၼ်းၼႂ်းမိူင်းႁူမ်ႈတုမ်မၢၼ်ႈ ၸိူဝ်းၶၢႆႉၵႂႃႇၶိုၼ်ႈၸၼ်ႉၸွမ်တီႈၼႂ်းမိူင်းထႆး ၵိုင်ႉၵၢင်ႉပုင်ႈ ၶိုၼ်ႈမႃးႁႅင်းၼႆ ၽိုၼ်လိၵ်ႈ ၶူၼ်ႉၶႂႃႉ လွင်ႈႁႅင်းၵၢၼ်ယၢၼ်မိူင်းဢၼ်ၼိုင်ႈ ႁၢႆးငၢၼ်းဝႆႉၼင်ႇၼႆ။ ၼႂ်းၽိုၼ်လိၵ်ႈၶူၼ်ႉၶႂႃႉၼၼ်ႉလၢတ်ႈၼႄဝႆႉဝႃႈ - ၵွၼ်ႇၼႃႈသိုၵ်းမၢၼ်ႈ ပႆႇယိုတ်းဢႃႇၼႃႇၸိုင်ႈမိူင်းၼၼ်ႉ လုၵ်ႈႁဵၼ်းမိူင်းႁူမ်ႈတုမ်မၢၼ်ႈ ၸိူဝ်းၶဝ်ႈၵႂႃႇၶိုၼ်ႈၸၼ်ႉၸွမ် ၼႂ်းမိူင်းထႆး မီးမွၵ်ႈ 2800 ၵေႃႉၵူၺ်း၊ ၼႂ်းပီ 2024...

သိုၵ်းမၢၼ်ႈတႄႉ ၸဵမ်မိူဝ်ႈၸတ်းလႆႈပၢင်လိူၵ်ႈတင်ႈသေ ၵႂႃႇမႃးၶဝ်ႈဢွၵ်ႇတၢင်ႇၸိုင်ႈမိူင်းၼႂ်းလုမ်ႈၾႃႉ ၶတ်းၸႂ် ႁဵတ်းႁႂ်ႈမိူင်းႁိမ်းႁွမ်းမၵ်ႈမၼ်ႈမႃးၵမ်းလွႆးလွႆး ။ ၼင်ႇႁိုဝ် ၵူၼ်းၼမ် တေႁၼ်လီၼိူဝ် လွင်ႈႁဵတ်းသၢင်ႈၼၼ်ႉ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ယင်းပိုၼ်ၽၢဝ်ႇလၢတ်ႈဝႃႈ ပၢင်လိူၵ်ႈတင်ႈၵမ်းၼႆႉ ပဵၼ်တႃႇ ၵွၼ်းၵိူင်ႈလႆႈ သၽႃးလႄႈလူင်ပွင်ၸိုင်ႈမႂ်ႇ ၼႆလူးၵွၼ်ႇ။ ၼႂ်းလိူၼ်မၢတ်ႉၶျ်ၼႆႉ သိုၵ်းမၢၼ်ႈႁၢင်ႈႁႅၼ်း ႁွင်ႉဢဝ်တႅၼ်းၽွင်းၸိူဝ်းပေႉ ၼႂ်းၵၢၼ်လိူၵ်ႈတင်ႈ ၵႂႃႇၼေႇပျီႇတေႃႇ ။...