ဢိင်ၼိူဝ်တၢင်းပဵၼ်ၶူဝ်ႊဝိတ်ႉ ၽႄႈလၢမ်း ၊ ဢိင်ၼိူဝ်ပၢႆးမၢၵ်ႈမီးတူၵ်းသေ ၼႂ်းမိူင်းႁူမ်ႈတုမ်ၼႆႉ ၵူၼ်းမိူင်း 14 လၢၼ်ႉလူဝ်ႇတၢင်းၸွႆႈထႅမ်ပၢႆးပိူင်ၵူၼ်း၊ ၼႂ်းၼၼ်ႉပႃးလုၵ်ႈဢွၼ်ႇ 5 လၢၼ်ႉဝႃႈၼႆ။ ၸုမ်းၸွႆႈထႅမ်လုၵ်ႈဢွၼ်ႇ ၸၢတ်ႈၸိုင်ႈလုမ်ႈၾႃႉ UNICEF ပိုၼ်ၽၢဝ်ႇ ဝႃႈ ၵွၼ်ႇၼႃႈသိုၵ်းပႆႇယိုတ်းမိူင်းၼၼ်ႉ လုၵ်ႈဢွၼ်ႇ မိူင်းမၢၼ်ႈ ယူႇၼႂ်းၶၵ်ႉတွၼ်ႈဢၼ်ဝႃႈယၢပ်ႇၽိုတ်ႇ ၼၼ်ႉၵူၺ်း။ ဝၢႆးလင်သိုၵ်းမၢၼ်ႈယိုတ်းမိူင်းယဝ်ႉ လုၵ်ႈဢွၼ်ႇမိူင်းမၢၼ်ႈ ယူႇၼႂ်းၶၵ်ႉတွၼ်ႈ ၽၢၼ်ၵိၼ်းၼၼ်ႉယဝ်ႉ...

ၼႂ်းဝဵင်းပၢင်လူင် ၸိုင်ႈတႆးပွတ်းၸၢၼ်း ၵူတ်ႇထတ်းႁၼ် လုၵ်ႈဢွၼ်ႇ  ဢႃယု 6 လိူၼ် တိတ်းၸပ်း ၸိူဝ်ႉမႅင်းတၢင်းပဵၼ်ၶူဝ်ႊ ဝိတ်ႉ 19 ၵေႃႉၼိုင်ႈ ဝႃႈၼႆ။ ပူၼ်ႉမႃး မိူဝ်ႈဝၼ်းတီႈ 8/10/2021 ၼႆႉ ၼႂ်းဝဵင်းပၢင်လူင် ၸႄႈဝဵင်းလွႆလႅမ် ၸိုင်ႈတႆးပွတ်းၸၢၼ်း ၵူတ်ႇထတ်းႁၼ် ၵူၼ်းတိတ်းၸပ်း ၸိူဝ်ႉမႅင်း တၢင်းပဵၼ်ၶူဝ်ႊဝိတ်ႉ 19...

ၼႂ်းၸႄႈဝဵင်းၵဵင်းတုင် ၵူၼ်းတၢႆယွၼ်ႉတၢင်းပဵၼ်ၶူဝ်ႊဝိတ်ႉ 19 ဢၼ်ဢႃယုလဵၵ်ႉသုတ်း ပဵၼ်လုၵ်ႈဢွၼ်ႇယိင်း ဢႃယု 2 ၶူပ်ႇ  ။ လုၵ်ႈဢွၼ်ႇယိင်း ဢႃယု 2 ၶူပ်ႇ ဢၼ်လူႉတၢႆယွၼ်ႉတၢင်းပဵၼ်ၶူဝ်ႊဝိတ်ႉ မိူဝ်ႈဝႃး ဝၼ်းတီႈ 1/9/2021   တီႈႁူင်းယႃလူင်ၵူၼ်းမိူင်းၵဵင်းတုင် ၼႆႉပဵၼ်ၵူၼ်းဝၢၼ်ႈပၢင်မတ်း ဢိူင်ႇပၢင်မတ်း ၸႄႈဝဵင်းၵဵင်းတုင် ၼႆယဝ်ႉ။ ။ ၵူၼ်း  ၵဵင်းတုင် ၵေႃႉၼိုင်ႈ...

သွင်ၽူဝ်မေး ၵူၼ်းပွၵ်ႉႁူဝ်မူၼ်ႇ ၸႄႈဝဵင်းမူႇၸေႊ ၽိတ်းမေႃးၵၼ် ၵေႃႉပဵၼ်ၽူဝ် ပၢတ်ႇၶေႃးၶႃႈႁႅမ် မေးၼၢင်း တၢႆၵိုၵ်းႁိူၼ်းယေးယဝ်ႉသေပၢႆႈ ဝႃႈၼႆ။ မိူဝ်ႈဝႃး ဝၼ်းတီႈ 13/5/2021 ယၢမ်းၵၢင်ၶမ်ႈ မွၵ်ႈ 7 မူင်း  ၵေႃႉပဵၼ်ၽူဝ် မဝ်းယႃႈသေ ၽိတ်းပေႃႉမေးၼၢင်း   ပၢတ်ႇၶေႃးၶႃႈႁႅမ်ၵၼ်။    ၵူၼ်းပွၵ်ႉႁူဝ်မူၼ်ႇ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “...

မိူဝ်ႈၼႆႉဝၼ်းတီႈ 23/2/2021 မီးၵူၼ်းၸုမ်းၼိုင်ႈ ဢွၵ်ႇမႃးၼႄၵၢင်ၸႂ်ၵၢင်ဝဵင်းလႃႈသဵဝ်ႈ ၵမ်ႉထႅမ်ၶွင်ႊသီႊ သိုၵ်းဢၼ်ယိုတ်းဢႃႇၼႃႇဝၢၼ်ႈမိူင်း။ တင်ႈဢဝ်ၵၢင်ဝၼ်းတဵင်ႈပၢႆတေႃႇထိုင် မွၵ်ႈ 2 မူင်း  မီးၵူၼ်းၸုမ်းၼိုင်ႈဢဵၼ်ႁႅင်းမွၵ်ႈ 500 ၶွၼ်ႈၵၼ်တီႈပွၵ်ႉ 1 သေပႆ တၢင်း ၼႄၵၢင်ၸႂ်။ ၵူၼ်းၵႃႉလႃႈသဵဝ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ- “ပဵၼ်ၶႄႇၵမ်ႈၼမ်ၶႃႈယဝ်ႈ။ ၶႄႇၼိူဝ်လွႆပုၼ်ႉၶႃႈၼေႈ။ မၢင်ၵေႃႉယင်းဢမ်ႇမေႃလၢတ်ႈၵႂၢမ်းမၢၼ်ႈ ၵႂၢမ်းတႆးလူးၵွၼ်ႇ။ ယဝ်ႉၵေႃႈပဵၼ်ၵူၼ်းထဝ်ႈလႄႈ လုၵ်ႈဢွၼ်ႇၵမ်ႈၼမ်။လႅပ်ႈတေၶဝ်ဢမ်ႇပႆတၢင်းၵႆၼႃ။ ၶဝ်မႃးၸုၵ်းၶဝ်ႈထႅဝ်ၵၼ်တီႈႁူင်းႁဵၼ်း ဢ-မ-ၵ...

တီႈဝဵင်းတႃႈၶီႈလဵၵ်း ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ-19 ၼမ်ၶိုၼ်ႈၵူႈဝၼ်း မိူဝ်ႈဝႃးဝၼ်းလဵဝ် ၵူတ်ႇထတ်းႁၼ် 10 ၵေႃႉ ပႃးလုၵ်ႈဢွၼ်ႇလႅင်   ဢႃယု 5 လိူၼ် ၵေႃႉၼိုင်ႈ ဝႃႈၼႆ။ ဝၼ်းတီႈ 8/12/2020 ယၢမ်းၵၢင်ၶမ်ႈ 8 မူင်း ယူႇတီႈႁွင်ႈၵၢၼ်ၵူတ်ႇထတ်းၸိူဝ်ႉမႅင်းၶူဝ်ႊဝိတ်ႉ 19 ပွတ်းၸၢၼ်း ပိုၼ်ၽၢဝ်ႇ ဢွၵ်ႇမႃးဝႃႈ ၼႂ်းၸိုင်ႈတႆးပွတ်းဢွၵ်ႇၶူင်း ၵူၼ်းတိတ်းၸပ်းတၢင်းပဵၼ်တင်းမူတ်းမီး...

ၵူၼ်းတႃႈၶီႈလဵၵ်း 6 ၵေႃႉပေႃႈမႄႈလုၵ်ႈၵႂႃႇဢႅဝ်ႇယဵမ်ႈၵဵင်းတုင် ၵႂႃႇၼွၼ်းတီႈႁူင်းႁႅမ်း၊ ၸဝ်ႈၼႃႈတီႈၶဝ်ႈၵူတ်ႇထတ်း ၶူဝ်ႊဝိတ်ႉပၼ် ၊ ထူပ်းႁၼ်ၸိူဝ်ႉမႅင်းတီႈလုၵ်ႈဢွၼ်ႇဢႃယု 8 ၶူပ်ႇ ၼၼ်ႉ။ ဝၼ်းတီႈ 26/11/2020 ယၢမ်းၵၢင်ၶမ်ႈ ၸဝ်ႈၼႃႈတီႈ လႆႈဢဝ်ၶိူင်ႈၸၢၵ်ႈ RDT ၶဝ်ႈၵူတ်ႇထတ်း ၶူဝ်ႊဝိတ်ႉပၼ် တီႈႁူင်းႁႅမ်း တီႈၼိုင်ႈၼႂ်းၸႄႈ ဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်းသေ ၵူတ်ႇထတ်းထူပ်းႁၼ်ၸိူဝ်ႉမႅင်းတီႈလုၵ်ႈဢွၼ်ႇ ဢႃယု...

မိူဝ်ႈၼႆႉ ဝၼ်းတီႈ 8/11/2020 ယၢမ်းၵၢင်ၼႂ် လုၵ်ႈဢွၼ်ႇ ဢႃယု ပႆႇတဵမ် 18 ပီ ဢွၼ်ၵၼ် ယိပ်းဝႂ်တူဝ်ႇၵိၼ်ႇ (ဝႂ်ၶိဝ်း) ၵႂႃႇ သႂ်ႇၶႅပ်းၵၢင်ၸႂ် ၼႂ်းၶဵတ်ႇသဵင်လိူၵ်ႈတင်ႈမၢႆ 2 တင်းၼမ် မိူၼ်ၼင်ႇ ႁူင်းတွတ်ႈၶႅပ်း ၼမ်ႉယွၼ်း၊ ႁူင်းႁဵၼ်း ဝၢၼ်ႈမႂ်ႇ၊ ဝၢၼ်ႈ ၾၢႆ...

လုၵ်ႈဢွၼ်ႇ ဢႃယု 5 ၶူပ်ႇ ဢၼ်ပႃးၼႂ်းၵႃး ၸုမ်းသူၼ်းတုမ်ႁႃသဵင် ပႃႇတီႇႁူဝ်သိူဝ် တီႈၸႄႈဝဵင်းမူႇၸေႊ လႆႈပဵၼ်ၽေးဢုပၢတ်ႈ တူၵ်းၵႂႃႇၼႂ်းၼမ်ႉမၢဝ်းၼၼ်ႉ တေႃႇထိုင်ယၢမ်းလဵဝ် ပႆႇႁၼ်တူဝ်တၢႆ မၼ်းၸၢႆး ဝႃႈၼႆ။ ၸုမ်းသွၵ်ႈႁႃတူဝ်တၢႆ ၸၢႆးၸိုၼ်ႈၶိူဝ်း ဢႃယု 5 ၶူပ်ႇ ဢၼ်ပႃးၵႂႃႇၸွမ်းၵႃးၸုမ်းသူၼ်းတုမ် ပႃႇတီႇႁူဝ်သိူဝ် ၊ ဢၼ်တူၵ်းၵႂႃႇၼႂ်းၼမ်ႉမၢဝ်း ၼၼ်ႉ သေႃႉႁႃမႃး...

ၽွင်းၶၢဝ်းတၢင်းပဵၼ်ၶူဝ်ႊဝိတ်ႉ 19 ၽႄႈလၢမ်းယူႇတူဝ်ႈလူၵ်ႈၼႆႉ ၼႂ်းမိူင်းတႆးလၢႆၸႄႈဝဵင်း ဢွၼ်ၵၼ် ပိၵ်ႉဢိုတ်းၵၢတ်ႇ တီႈၵူၼ်းၵိုၼ်းၶွၼ်ႈၼမ် ႁူင်းႁဵၼ်းၸိူဝ်းၼႆႉ ပိူဝ်ႈတႃႇၵႅတ်ႇၵင်ႈတၢင်းပဵၼ်။ တီႈႁူင်းႁဵၼ်းပရႁိတ လွႆလူင် ပၺ်ႇၺႃႇၽေႃးထိ ဝဵင်းတူၼ်ႈတီးၵေႃႈ ပိူဝ်ႈတႃႇလုၵ်ႈႁဵၼ်းၶဝ် တေဢမ်ႇၶၢတ်ႇၵၢၼ်ႁဵၼ်းၼၼ်ႉ လႆႈဝၢင်းၽႅၼ်ႁႄႉၵင်ႈတၢင်းပဵၼ်သေ ပူင်သွၼ်လိၵ်ႈလၢႆးပၼ် လုၵ်ႈႁဵၼ်းၶဝ်ယူႇ-ၼႆယဝ်ႉ။ ၸဝ်ႈၶူးသီႇရိထမ်ႇမ ၽိပႃႇလ ၽူႈၵေႃႇတင်ႈႁူင်းႁဵၼ်း လၢတ်ႈတီႈၽူႈတွႆႇႁွၵ်ႈဝႃႈ- “ၵဵဝ်ႇၵပ်းလူၺ်ႈ လွင်ႈၼႆႉသေ ၼင်ႇႁိုဝ်လုၵ်ႈဢွၼ်ႇၶဝ်ပေႃးတေဢမ်ႇၶၢတ်ႇၵၢၼ်ႁဵၼ်းၼႆ...

ၸုမ်းပွင်ၵၢၼ်ပၢႆးပၺ်ႇၺႃႇ RCSS တီႈလွႆတႆးလႅင်း ၸတ်းႁဵတ်းပၢင်ပၼ် တၢင်းႁူႉပေႃႈမႄႈလႄႈလုၵ်ႈႁဵၼ်း ၸဝ်ႈယွတ်ႈသိုၵ်းၶဝ်ႈႁူမ်ႈမွၵ်ႇလၢတ်ႈၶေႃႈၵႂၢမ်း ပၼ်ႁႅင်းပေႃႈမႄႈလုၵ်ႈႁဵၼ်း   ။ မိူဝ်ႈဝၼ်းတီႈ 08/05/2020 တင်ႈတႄႇပွတ်းၼႂ်ယၢမ်း 09:00 မူင်းၵႂႃႇ၊ ၸုမ်းပွင်ၵၢၼ်ပၢႆးပၺ်ႇၺႃႇ ၶွင်ႇသီႇဢဝ်ၶိုၼ်းၸိုင်ႈတႆး ၸတ်းႁဵတ်းပၢင်ပၼ်ၵႂၢမ်းႁူႉ တၢင်းႁူႉတၢင်းႁၼ် ၼႂ်းႁူင်းႁေႃးလူင် တီႈႁူင်းႁဵၼ်းၸၼ်ႉသုင် ငဝ်ႈၸိုင်ႈလွႆတႆးလႅင်း။ မီးၽူႈယႂ်ႇၵူၼ်းလူင် ၵူႈႁွင်ႈၵၢၼ် လႄႈ ၶူးသွၼ် လုၵ်ႈႁဵၼ်း...

မိူဝ်ႈဝၼ်းတီႈ 4/7/2019 တပ်ႉပလိၵ်ႈၾၢႆႇၵူတ်ႇထတ်းလွင်ႈၵေႃႇၵၢၼ်ႁၢႆႉ  တိၺွပ်းၵူၼ်းႁေႃႈလူတ်ႉ ၽူႈၵွၼ်းႁူင်းႁဵၼ်း   ၸၼ်ႉဢွၼ် (မူကြို) Winsdom Hill တီႈၼေႇပျီႇတေႃႇ။ ဢဝ်လိူင်ႈ တၢင်ႇလုမ်းတြႃး ပိုတ်ႇဢမု ဝႆႉဝႃႈ ၵူၼ်းႁေႃႈလူတ်ႉပဵၼ်ၽူႈဢၼ်လီထၢင်ႇထိူမ် ၼႂ်းပၼ်ႁႃ လုၵ်ႈဢွၼ်ႇ 3 ၶူပ်ႇ   တီႈႁူင်းႁဵၼ်းၺႃးၵၼ်ႉၸၼ် ၼၼ်ႉဝႃႈၼႆ။ ဢၼ်ပလိၵ်ႈၶဝ်တိၺွပ်းဢဝ်လိူင်ႈၼႆႉပဵၼ်  ဢွင်ႇၵျေႃႇမဵဝ်း (ဢွင်ႇၵျီး) ဢႃယု...

မၢၵ်ႇတႅၵ်ႇတီႈမၢၼ်ႈပၢင်ႇ(ပလွင်ႈ) ထုင်ႉမိူင်းဝီး ၼႂ်းၸေႈဝဵင်းၼမ်ႉၶမ်းလႄႈ လုၵ်ႈဢွၼ်ႇတၢႆ 2 ၵေႃႉမၢတ်ႇၸဵပ်း 8 ၵေႃႉ။ လႆႈႁၢမ်သူင်ႇတူဝ်ႁူင်းယႃလူင်ၼမ်ႉၶမ်း။ မၢၵ်ႇၼႆႉတႅၵ်ႇမိူဝ်ႈဝၼ်းတီႈ 26 /04/2019 ယၢမ်းဝၢႆးဝၼ်း 5 မူင်း။ ပဵၼ်မၢၵ်ႇလူင်ဢၼ်ၸႂ်ႉၼႂ်းပၢင်တိုၵ်း။ၵူၼ်းၼမ်ႉၶမ်းလၢတ်ႈဝႃႈ  လႅပ်ႈပဵၼ်မၢၵ်ႇလူင်မေႃႇထႃႇ ဢၼ်လႆႈဝႅၵ်ႇဢဝ်ၼၼ်ႉလႄႈ မၢၵ်ႇတႅၵ်ႇသဵင်လင်ႁႅင်း။ ဝၢၼ်ႈဢၼ်ယူႇႁိမ်းႁွမ်းၼၼ်ႉပေႃးလႆႈငိၼ်းသဵင်ဝႃႈၼႆ။ ၵူၼ်းမၢၼ်ႈပၢင်ႇ ၶူဝ်လူင်လိသေႃးလၢတ်ႈဝႃႈ- “လႅပ်ႈတေလုၵ်ႈဢွၼ်ႇၶဝ်ႁၼ်မၢၵ်ႇၼႆႉတူၵ်းဝႆႉသေ ၵဵပ်းမႃးလဵၼ်ႈလႄႈ တႅၵ်ႇၼႂ်းမိုဝ်းၶဝ်ႁိုဝ်ၼႆ ၸဝ်ႈၼႃႈတီႈပလိၵ်ႈလႄႈ...