လုၵ်ႈဢွၼ်ႇၸၢႆး ဢႃယု 11 လိူၼ် ၵူၼ်းသီႇပေႃႉ ဢၼ်ပဵၼ်တၢင်းပဵၼ်ပွတ်ႇၵႂ်ႈ ဢွၵ်းဢေႃၵႂ်ႈသေ လိုမ်းတူဝ်ၵႂႃႇ 8 ဝၼ်း ထိုင်တီႈလႆႈဢဝ်ၵႂႃႇယူတ်းယႃတူဝ်ဝဵင်းလိူဝ်ႇၼၼ်ႉ လူႉသဵင်ႈၵႂႃႇယဝ်ႉဝႃႈၼႆ။

ၸၢႆးဢွင်ႇဢူး ဢႃယု 11 လိူၼ်ၼႆႉ ယူတ်းယႃတူဝ်ဢမ်ႇတၼ်းၶိုၼ်းလႄႈ လူႉသဵင်ႈၵႂႃႇမိူဝ်ႈၼႆႉ ဝၼ်းတီႈ 9/12/2022 ႁူဝ်ၼႂ် 3 မူင်း ၼၼ်ႉယဝ်ႉၼႆ ၸုမ်းပရႁိတ မြင့်မြတ်ပါရမီ သွေးအလှူရှင်နှင့်လူမူကူညီရေး လၢတ်ႈၼင်ႇၼႆ။

မၼ်းၸၢႆးၼႆႉပဵၼ်လုၵ်ႈၸၢႆး လုင်းသႃႇထုၼ်း ပႃႈမွၼ်းၸိင်ႇ ယူႇဝဵင်းသီႇပေႃ့ ။ ၶဝ်ပေႃႈမႄႈလုၵ်ႈ ၵႂႃႇႁဵတ်းၵၢၼ်တႅပ်းဢွႆႈတင်းဝဵင်းမူႇၸေႊ။ လုၵ်ႈဢွမ်ႇဢမ်ႇယူႇလီသေတႃႉ ဢမ်ႇမီးငိုၼ်းတွင်းတဵမ်ထူၼ်ႈလႄႈဢမ်ႇၸၢင်ႈဢဝ်ၵႂႃႇယူတ်းယႃ။ ပီႈၼွင်ႉၸမ်ၸႂ်ၵေႃႈဢမ်ႇမီး။ လုၵ်ႈဢွၼ်ႇ လိုမ်းတူဝ်ၵႂႃႇလႆႈ 8 ဝၼ်း ဢမ်ႇလႆႈတၢင်းယူတ်းယႃလီလီ။ ထိုင်တီႈ ၸုမ်းၸွႆႈထႅမ် ပရႁိတ မြင့်မြတ်ပါရမီ သွေးအလှူရှင်နှင့်လူမူကူညီရေး ဝဵင်းမူႇၸေႊ ၸွႆႈဢဝ်တူဝ်သူင်ႇယူတ်းယႃ တီႈႁူင်းယႃလုၵ်ႈဢွၼ်ႇ (ကုတင် 550) ဝဵင်းလိူဝ်ႇ မိူဝ်ႈႁၢင်လိူၼ်ၼူဝ်ႊဝႅမ်ႊပိူဝ်ႊပူၼ်ႉမႃး။

ဝၢႆးလင်မၼ်းၸၢႆးလူႉသဵင်ႈၵေႃႈ ဢၼ်ပဵၼ်ပေႃႈမႄႈ လႆႈပူၼ်ႉၶၢပ်ႈတူဝ် ပၼ် မိူဝ်ႈၼႆႉ ဝၼ်းတီႈ 9/12/2022 ၼႆႉၵမ်းလဵဝ်ယဝ်ႉတူဝ်ႈလီငၢမ်း ၸုမ်းၸွႆႈထႅမ် ပရႁိတ မူႇၸေႊ လၢတ်ႈၼင်ႇၼႆ။