ၽွင်းမိူဝ်ႈ သင်ၶၸဝ်ႈ 34 တူၼ် တိုၵ်ႉပႆဢွၵ်ႇၶၢဝ်းတၢင်းပဵၼ်ထႅဝ်ယူႇၼၼ်ႉ မီးလုၵ်ႈဢွၼ်ႇဢႃယု 11 ၶူပ်ႇ ၵေႃႉၼိုင်ႉ ႁေႃႈရူတ်မႃး ၽႃႇသႂ်ႇ လွၼ်ႇထင်တီႈ 5 တူၼ် ၊ မိူဝ်ႈၸုမ်းၸွႆႈတူင်ႇၵူၼ်းမႃးၽႅဝ်ၼၼ်ႉၵူၺ်း လူႉလွၼ်ႇထႅင်ႈ 3 တူၼ် လွၼ်ႇတီႈလဵဝ် 8 တူၼ် ဝႃႈၼႆ။
သင်ၶၸဝ်ႈတူၼ်ၼိုင်ႈလၢတ်ႈတီႈသိုဝ်ႇထႆး ဝႃႈ – “ သင်ၶၸဝ်ႈ တိုၵ်ႉမႃးႁူမ်ႈၵၼ် မိူဝ်ႈၶမ်ႈဝႃးၵူၺ်း ဝႃႈတေပႆတၢင်းဢွၵ်ႇၶၢဝ်းတၢင်းၸွမ်းၵၼ် ၵွၼ်ႇၶဝ်ႈဝႃႇ ။ တင်းမူတ်း 34 တူၼ်။ မိူဝ်ႈၼႆႉ တုမ်ၵၼ်သေ ဢွၵ်ႇၶၢဝ်းတၢင်း ။ ဢမ်ႇထၢင်ႇသေဢိတ်း မႃးၺႃးၸိူင်ႉၼႆ ။ ရူတ်ႉၼၼ်ႉ ႁေႃႈမႃးဝႆးၼႃႇသေ မႃးၽႃႇသႂ်ႇ ထႅဝ်သင်ၶၸဝ်ႈ ။ မွၵ်ႈ 5 တူၼ်ၼႆႉ တၼ်းႁၼ်သေ ၾၢင်ႉဝႄႈ ။ လိူဝ်ၸိူဝ်းၼၼ်ႉတႄႉ ဢမ်ႇတၼ်းႁူႉတၼ်းႁၼ်သင်လႄႈ ၺႃးရူတ်ႉၼၼ်ႉ မႃးၵႂၢတ်ႇဢဝ်ၵႂႃႇမူတ်း ။ မွၵ်ႈ 2-3 သႅၵ်ႉၵႅၼ်ႉၼႆႉၵူၺ်း ” ဝႃႈၼႆ။
သင်ၶၸိူဝ်းလွတ်ႈမၢတ်ႇၸဵပ်းလူႉတၢႆၼႆႉ တေႃႉတႄႉ ပဵၼ်ၸိူဝ်းဢၼ်ယူႇတၢင်းၼႃႈလႄႈ တၢင်းလင်ၵူၺ်း ၸိူဝ်းယူႇ ၵၢင်ထႅဝ်တႄႉ ၺႃးၽႃႇမူတ်းဝႃႈၼႆ။
သင်ၶၸဝ်ႈ ၸိူဝ်းႁူမ်ႈတုမ်ၵၼ်သေပႆဢွၵ်ႇတၢင်းၼႆႉ လုၵ်ႉမႃးလၢႆၸႄႈဝဵင်း ။ တေဢၢၼ်းလုၵ်ႉ ၸႄႈတွၼ်ႈမုၵ်ႉၵၻႃႊႁၢရ် တေႃႇ ထိုင် ၸႄႈဝဵင်းၼမ်ႉၶုၼ်ႇ ၸႄႈတွၼ်ႈဢုၿူၼ်ႊရၢတ်ႉၶျ်ထႃႊၼီႊ တႃႇၶၢဝ်းတၢင်း 20 ၵွၼ်ႇပႆႇၶဝ်ႈဝႃႇ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ