ၸဝ်ႈတူၼ်ၶူးၼင်ႈၵျွင်းတူၼ်ၼိုင်ႈ တီႈဝတ်ႉမႄႈၶမ်း ဝဵင်းမႄႈၸၼ်း ၸႄႈတွၼ်ႈၵဵင်းႁၢႆး ၺႃးၸုမ်း Call Center လွၵ်ႇလႅၼ်ၵိၼ်ငိုၼ်း သုမ်းၵႂႃႇ 9 လၢၼ်ႉဝၢတ်ႇ ၺႃးၾၢႆႇသႃသၼႃၸိုင်ႈထႆး သင်ႇပူတ်းလွၼ်ႈၽႃႈလိူင်ဝႆႉ။
ၸဝ်ႈတူၼ်ၶူးၼၼ်ႉၼႃႇမၸဝ်ႈႁွင်ႉဝႃႈ ၽရ မႁႃၼေႃႇၵႅဝ်ႉ ဢိၼ်ႊတပၼ်ႊၺူဝ်ႊ ဢႃယု 64 ပီ။
ပီၵၢႆ 2025 မီးၵူၼ်းၵပ်းသိုပ်ႇၾူၼ်ႊမႃးၸူးမၼ်းၸဝ်ႈဝႃႈ “ပဵၼ်ပလိၵ်ႈၵူတ်ႇထတ်း ၾၢႆႇၵေႃႇၵၢၼ်ႁၢႆႉ။ ယွၼ်းထတ်းထၢမ်လွင်ႈငိုၼ်းတွင်းတီႈဝတ်ႉၽွင်ႈ ” ၼႆသေ ၽိူဝ်ႇလႆႈႁူႉႁူဝ်ၼပ်ႉငိုၼ်းယဝ်ႉ ၶိုၼ်းလၢတ်ႈဝႃႈ – “ငိုၼ်းဝတ်ႉၼႆႉၵဵဝ်ႇၵပ်းတင်းၸုမ်းသုၵ်ႈလၢင်ႉငိုၼ်းၸုမ်းၼိုင်ႈ- တၵ်းလႆႈၵူတ်ႇထတ်းလီလီ” ၼႆထႅင်ႈ။
ဝၢႆးၼၼ်ႉ ႁႂ်ႈၸဝ်ႈတူၼ်ၶူး ဢဝ်ငိုၼ်းဝတ်ႉၼၼ်ႉဢူၼ်းသူင်ႇၶဝ်ႈၼႂ်းပပ်ႉယေးငိုၼ်းၶဝ် ၵမ်းဢိတ်းဢိတ်း။ တေႃႇထိုင် လိူၼ်ထူၼ်ႈ 8 ပီ 2026 ၼႆႉ ၸဝ်ႈတူၼ်ၶူးလႆႈဢူၼ်းပၼ် 207 ၵမ်း ။ ပႃးၵႂႃႇငိုၼ်း 8 လၢၼ်ႉပၢႆ( ႁိမ်းၸမ် 9 လၢၼ်ႉဝၢတ်ႇ) ဝႃႈၼႆ။
ယၢမ်းလဵဝ်တႄႉ ၾၢႆႇတၢင်းသႃသၼႃ လူင်ပွင်ၸိုင်ႈထႆးသင်ႇႁႂ်ႈၸဝ်ႈတူၼ်ၶူးၼၼ်ႉ ထၢၵ်ႈသေ ႁႂ်ႈၵိုတ်းၵၢၼ်ဢၼ်မၼ်းၸဝ်ႉႁပ်ႉဝႆႉၼၼ်ႉတင်းမူတ်း။ ၾၢႆႇတၢင်းပလိၵ်ႈထႆးၵေႃႈ ႁွင်ႉထဵတ်ႈထၢမ်ဝႆႉ ယူႇဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ