ဢိင်ၼိူဝ်တၢင်းပဵၼ်ၶူဝ်ႊဝိတ်ႉ ၽႄႈလၢမ်း ၊ ဢိင်ၼိူဝ်ပၢႆးမၢၵ်ႈမီးတူၵ်းသေ ၼႂ်းမိူင်းႁူမ်ႈတုမ်ၼႆႉ ၵူၼ်းမိူင်း 14 လၢၼ်ႉလူဝ်ႇတၢင်းၸွႆႈထႅမ်ပၢႆးပိူင်ၵူၼ်း၊ ၼႂ်းၼၼ်ႉပႃးလုၵ်ႈဢွၼ်ႇ 5 လၢၼ်ႉဝႃႈၼႆ။
ၸုမ်းၸွႆႈထႅမ်လုၵ်ႈဢွၼ်ႇ ၸၢတ်ႈၸိုင်ႈလုမ်ႈၾႃႉ UNICEF ပိုၼ်ၽၢဝ်ႇ ဝႃႈ ၵွၼ်ႇၼႃႈသိုၵ်းပႆႇယိုတ်းမိူင်းၼၼ်ႉ လုၵ်ႈဢွၼ်ႇ မိူင်းမၢၼ်ႈ ယူႇၼႂ်းၶၵ်ႉတွၼ်ႈဢၼ်ဝႃႈယၢပ်ႇၽိုတ်ႇ ၼၼ်ႉၵူၺ်း။ ဝၢႆးလင်သိုၵ်းမၢၼ်ႈယိုတ်းမိူင်းယဝ်ႉ လုၵ်ႈဢွၼ်ႇမိူင်းမၢၼ်ႈ ယူႇၼႂ်းၶၵ်ႉတွၼ်ႈ ၽၢၼ်ၵိၼ်းၼၼ်ႉယဝ်ႉ ဝႃႈၼႆ။
ယၢမ်းလဵဝ် လုၵ်ႈဢွၼ်ႇမိူင်းမၢၼ်ႈ သုမ်းသုၼ်ႇလႆႈလွင်ႈတၢင်းသိူဝ်းၸႂ် ပၢၼ်လုၵ်ႈဢွၼ်ႇဝႆႉ၊ ဝၢႆးလိုၼ်းမႃးယင်းလႆႈမႆႈၸႂ်ထိုင်ပႃး ၽေးသၢႆၸႂ်ၶဝ်လူးၵွၼ်ႇ UNICEF ပိုၼ်ၽၢဝ်ႇဝႆႉၼင်ႇၼႆ။
ၵွပ်ႈၼႆလႄႈဢိင်ၼိူဝ် ၶေႃႈၵိၼ်ၵႅၼ်ႇသုၼ်ႇလႆႈလုၵ်ႈဢွၼ်ႇ 2019 ၼၼ်ႉသေ ၵူၼ်းမိူင်းမၢၼ်ႈထုၵ်ႇလႆႈပၵ်းၸႂ်ႁဵတ်းတႃႇၵႅတ်ႇၵင်ႈသုၼ်ႇလႆႈလုၵ်ႈဢွၼ်ႇ တႃႇၸွႆႈထႅမ်ႁႂ်ႈပၢႆးတူဝ်လႄႈပၢႆးၸႂ်လုၵ်ႈဢွၼ်ႇတေၶိုၼ်ႈယႂ်ႇမႂ်ႇၸိုၼ်ႈၼၼ်ႉတႄႉတႄႉ UNICEF ပၼ်ၾၢင်ႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ