ၼႂ်းၶၢဝ်းတၢင်း မိၼ်းဢွင်ႇလၢႆႇ ၶိုၼ်ႈပဵၼ်ၸွမ်ၸိုင်ႈယိုတ်းမိူင်းသေ ၶွတ်ႇၽွတ်ႈလူင်ပွင်ၸိုင်ႈမႂ်ႇယဝ်ႉ ႁိုင်ၶၢဝ်းတၢင်းသွင်လိူၼ်ၵူၺ်း ပလိၵ်ႈ လႄႈ သိုၵ်းမၢၼ်ႈ ၸိူဝ်းပႂ်ႉၵူတ်ႇထတ်းယူႇ ၸွမ်းၵဵတ်ႉလၢၼ်ႇ ၸႂ်ႉတိုဝ်းလွၵ်းလၢႆး IT သေ တီႉၺွပ်းဢဝ်ၵူၼ်းမိူင်းၵႂႃႇ 746 ၵေႃႉ ဝႃႈၼႆ။ မိူဝ်ႈပူၼ်ႉမႃး ဝၼ်းတီႈ 7/6/2026 ၸေႃႇလိၼ်းထုၼ်း ၽူႈၵွၼ်းပလိၵ်ႈ ၸုမ်းလူင်ပွင်ၸိုင်ႈယိုတ်းမိူင်း မွၵ်ႇလၢတ်ႈၵႂႃႇၼႂ်းႁူင်းပွႆႇငဝ်းႁၢင်ႈသဵင် MRTV...

မိူဝ်ႈၼႆႉ ဝၼ်းတီႈ 30/5/2026 ယၢမ်းၵၢင်ၼႂ် 8 မူင်း မိၼ်းဢွင်ႇလၢႆႇ ၸွမ်ၸိုင်ႈယိုတ်းမိူင်း ၶီႇႁိူဝ်းမိၼ်ၶိုၵ်ႉတွၼ်းသေ လုၵ်ႉဝဵင်းလူင်ၼေႇပျီႇတေႃႇ ဢွၵ်ႇၶၢဝ်းတၢင်းၵႂႃႇမိူင်းဢိၼ်းတီႊယိူဝ်ႊ ပိူဝ်ႈတႃႇႁူပ်ႉထူပ်းၸွမ်ၸိုင်ႈမိူင်းဢိၼ်ႊတီႊယိူဝ်ႊ ၼႆယဝ်ႉ။ ၵူၼ်းၸိူဝ်းၵႂႃႇၸွမ်းမိၼ်းဢွင်ႇလၢႆႇၼၼ်ႉ ပႃးဢူးၶိၼ်ႇယီႇ ၽွင်းလူင်မိူင်းႁူမ်ႈတုမ် တီႈလုမ်းၸွမ်ၸိုင်ႈ၊ ဢူးတိၼ်ႇမွင်ႇသူၺ်ႇ ၽွင်းလူင်ၾၢႆႇၼွၵ်ႈမိူင်း၊ တွၵ်ႊတိူဝ်ႊၵၢၼ်ႇၸေႃႇ ၽွင်း လူင် ႁွင်ႈၵၢၼ်ၾၢႆႇငိုၼ်းတွင်း လႄႈ လွင်ႈၶွၼ်ႇ၊...

ၸွမ်ၽွင်းလူင် မိူင်းဢိၼ်ႊတီႊယိူဝ်ႊ သျှရီႊၼႃႊရၼ်ႊတရႃႇ မူဝ်ႇတီႇ မွၵ်ႇႁွင်ႉၸွမ်ၸိုင်ႈယိုတ်းမိူင်း မိၼ်းဢွင်ႇလၢႆႇ ဢႅဝ်ႇယဵမ်ႈဢိၼ်ႊတီႊယိူဝ်ႊ ပဵၼ်တၢင်းၵၢၼ် လႄႈ ၸွမ်ၸိၵ်း သိုၵ်းမၢၼ်ႈတူၵ်းလူင်းတေၵႂႃႇ ဝႃႈၼႆမႃးလႄႈ ၼႂ်းၶၢဝ်းတၢင်းဝူင်ႈဝၢင်ႈၼႆႉ ၸင်ႇလႆႈၸတ်းၽႅၼ် တႃႇဢွၵ်ႇၶၢဝ်းတၢင်းၵႂႃႇ မိူင်းဢိၼ်ႊတီႊယိူဝ်ႊ ၼႆယဝ်ႉ။ ၼႂ်းၶၢဝ်းတၢင်း ဢိၼ်ႊတီႊယိူဝ်ႊၼႆႉ မိၼ်းဢွင်ႇလၢႆႇ တေၵႂႃႇႁူပ်ႉ ၸွမ်ၸိုင်ႈမိူင်းဢိၼ်ႊတီႊယိူဝ်ႊ...

ၸွမ်ၸိုင်ႈ သိုၵ်းမၢၼ်ႈယိုတ်းမိူင်း မိၼ်းဢွင်ႇလၢႆႇ လၢတ်ႈၼႂ်းပၢင်ၵုမ်ၸုမ်းလူင်ပွင်ၸိုင်ႈ ဢၼ်ၸတ်းႁဵတ်းတီႈၼေႇပျီႇတေႃႇ ဝၼ်းတီႈ 27 လိူၼ်မေႊ ၼႆႉဝႃႈ ၼႂ်းၶၢဝ်းတၢင်း 5 ပီၼႆႉ တေဢၢၼ်းၶတ်းၸႂ် ႁဵတ်းႁႂ်ႈလႆႈလွင်ႈငမ်းယဵၼ်။ ယၢမ်းလဵဝ်ၵေႃႈ လႆႈမွၵ်ႇႁွင်ႉတႃႇဢုပ်ႇၵုမ်လွင်ႈငမ်းယဵၼ်ဝႆႉ ၼႂ်းၶၢဝ်းတၢင်းၽႅၼ်ၵၢၼ် 100 ဝၼ်း၊ မီးလွင်ႈဢုပ်ႇၵုမ်ၵၼ်တင်းၽူႈမီးပုၼ်ႈၽွၼ်း ၼႂ်းၸုမ်းယိပ်းၵွင်ႈၵၢင်ႇၸၢဝ်းၶိူဝ်း (EAO) ၵမ်ႈၽွင်ႈဝႆႉယူႇ ဝႃႈၼႆ။ ၸွမ်ၸိုင်ႈ...

မိူဝ်ႈၼႆႉ ဝၼ်းတီႈ 6/5/2026 ႁူဝ်ပဝ်ႈ ဢႃႊသီႊယၼ်ႊ ပိုၼ်ၽၢဝ်ႇယွၼ်းႁူပ်ႉ တေႃႇဢွင်ႇသၢၼ်းၸူႉၵျီႇ ၵေႃႉၺႃးသိုၵ်းမၢၼ်ႈယိုတ်းမိူင်းၵုမ်းၶင်ဝႆႉ ပီယၢဝ်းၶၢဝ်းႁိုင်။ သိုဝ်ႇၶၢဝ်ႇ Reuter ႁၢႆးငၢၼ်းဝႆႉဝႃႈ - ႁူဝ်ပဝ်ႈ ဢႃႊသီႊယၼ်ႊ လႄႈ ၽွင်းတၢင်ၶိုၵ်ႉတွၼ်း ဢႃႊသီႊယၼ်ႊ ဢွၵ်ႇလိၵ်ႈတိုၵ်းသူၼ်း လူင်ပွင်ၸိုင်ႈသိုၵ်း ႁႂ်ႈပၼ်တေႃႇဢွင်ႇသၢၼ်းၸူႉၵျီႇ ႁူပ်ႉၵၼ်တင်း တူဝ်တႅၼ်းၸုမ်း ဢႃႊသီႊယႅၼ်ႊၵူၺ်းဢမ်ႇၵႃး ႁႂ်ႈလႆႈႁူပ်ႉပႃး...

မိၼ်းဢွင်ႇလၢႆႇ ၸွမ်ၸိၵ်းသိုၵ်း ယိုတ်းဢႃႇၼႃႇၸိုင်ႈမိူင်း လႆႈႁပ်ႉၸၼ်ႉ ၶိုၼ်ႈပဵၼ်ၸွမ်ၸိုင်ႈ မိူင်းႁူမ်ႈတုမ် ပဵၼ်တၢင်းၵၢၼ်လၢႆဝၼ်းၵူၺ်း ၸုမ်းသိုၵ်းတဢၢင်း (TNLA) ၽူႈသၢင်ႈ ၽႅၼ်ၵၢၼ်ယၼ်ႇသိုၵ်း 1027 သေ ယိုဝ်းသိုၵ်းမၢၼ်ႈမႃးမိူင်းတႆးပွတ်းႁွင်ႇပေႃးႁၢမ်းပေႃးလႅဝ်ၼၼ်ႉ ႁိပ်ႈ ၼႅတ်ႈ ႁဵတ်းလိၵ်ႈပိုၼ်ၽၢဝ်ႇ ဢွၵ်ႇပဵၼ် တၢင်းၵၢၼ်ဝႃႈ ႁပ်ႉႁူမ်ၸူမ်းတွၼ်ႈ မိၼ်းဢွင်ႇလၢႆႇ ၶိုၼ်ႈပဵၼ်ၸွမ်ၸိုင်ႈသေ ၸတ်းၽွတ်ႈ လူင်ပွင်ၸိုင်ႈ...

မိူဝ်ႈဝႃး ဝၼ်းတီႈ 20/04/2026 မိၼ်းဢွင်ႇလၢႆႇၸွမ်ၸိုင်ႈယိုတ်းမိူင်း ၸတ်းပၢင်ၵုမ် လူင်ပွင်ၸိုင်ႈသိုၵ်း ဢွၼ်တၢင်းသုတ်း ၼႂ်းၶၢဝ်းတၢင်းယိုတ်းမိူင်းယဝ်ႉ 5 ပီသေ လၢတ်ႈၵႂႃႇဝႃႈ ၼႂ်းၶၢဝ်းတၢင်း 3 လိူၼ် တေႁွင်ႉၸုမ်းယိပ်းၵွင်ႈၵၢင်ႇၸၢဝ်းၶိူဝ်းတင်းသဵင်ႈ ဢုပ်ႇဢူဝ်းၵၢၼ်ငမ်းယဵၼ် လႄႈ PDF ၵေႃႈ တေလႆႈဝၢင်းၶိူင်ႈ ၼႆယဝ်ႉ။ ၼႂ်းပၢင်ၵုမ် လူင်ပွင်ၸိုင်ႈသိုၵ်း ပွၵ်ႈၵမ်းႁႅၵ်ႈၼၼ်ႉ မိၼ်းဢွင်ႇလၢႆႇ...

ၼႂ်းၵၢင်လိူၼ်ဢေႊပရႄႊလ် ၶၢဝ်းပွႆးသွၼ်းၼမ်ႉ (သၢင်းၵျၢၼ်ႇ) ဝၼ်းတီႈ 15/4/2026 ၼႆႉ သိုၵ်းတဢၢင်း (TNLA) ဢွၵ်ႇလိၵ်ႈပိုၼ်ၽၢဝ်ႇ ပဵၼ်တၢင်းၵၢၼ် ႁူမ်ၸူမ်းၸွမ်း ၸွမ်ၸိၵ်းသိုၵ်းမၢၼ်ႈယိုတ်းမိူင်း မိၼ်းဢွင်ႇလၢႆႇ လႆႈၶိုၼ်ႈၸၼ်ႉပဵၼ်ၸွမ်ၸိုင်ႈ ပဵၼ်တၢင်းၵၢၼ် ၼႆယဝ်ႉ။ ၼႂ်းလိၵ်ႈပိုၼ်ၽၢဝ်ႇၼၼ်ႉ တႅမ်ႈပႃးဝႆႉဝႃႈ - မုင်ႈမွင်း လူင်ပွင်ၸိုင်ႈမႂ်ႇ ဢၼ်ဢူးမိၼ်းဢွင်ႇလၢႆႇ တေၼမ်းၼႃႈ ၵႂႃႇၼႃႈၼၼ်ႉ သိုပ်ႇထိင်းသိမ်းၶေႃႈတူၵ်းလူင်းၵိၼ်ၵႅၼ်ႇ...

ဢူးမိၼ်းဢွင်ႇလၢႆႇ ၸွမ်ၸိုင်ႈ ယိုတ်းဢႃႇၼႃႇၸိုင်ႈမိူင်း တေဢွၼ်ႁူဝ်ၼမ်းၼႃႈ ၵေႃႇမတီႇသၢင်ႈလွင်ႈငမ်း ယဵၼ် လႄႈ ၵၢၼ်ၶွတ်ႇလိူတ်ႈၽွမ်ႉႁူမ်ႈၸိူဝ်ႉၸၢတ်ႈ (NSPCC) ၊ ၸွမ်သိုၵ်း ယႃႇပျေႉ ၵေႃႉတေႁပ်ႉပဵၼ်ႁူဝ် ပဝ်ႈ ၶွတ်ႇၽွတ်ႈၶိုၼ်းၵေႃႇမတီႇငူပ်ႉငီႉလွင်ႈငမ်းယဵၼ် (NSPNC) လႄႈ ၵႅမ်ၸွမ်ၸိုင်ႈ ၵေႃႉထီႉ 1 ဢူးၺူဝ်ႇၸေႃး ပဵၼ်ႁူဝ်ပဝ်ႈ ၵေႃႇမတီႇပွင် ၵၢၼ်...

ၵွၼ်ႇ​​ပႆႇတႄႇပၢင်လိူၵ်ႈတင်ႈ ႁူဝ်ပဝ်ႈပႃႇတီႇသၢင်ႇသီႈ ၵႆႉၵႆႉလူင်းႁႃသဵင် ​​ၼေသၢႆသီတီႈၵူၼ်းမိူင်းဝႃႈ ​​ယၢမ်း ၶဝ်ပဵၼ်လူင်ပွင်ၸိုင်ႈ တေႁဵတ်းၼၼ်ႁဵတ်းၼႆ။ ထိုင်ၼႃႈၼႅၼ်ႈမႃး တၢမ်တူဝ်မၼ်း​​​​ၵေႃႉပဵၼ်ႁူဝ်ပဝ်ႈဢမ်ႇၵႃး  ပဵၼ်​ပႃး​​ၵေႃႉ​​ပေႉပၢင်လိူၵ်ႈတင်ႈ ယင်းဢမ်ႇၸၢင်ႈတၵ်းသဵင်၊ ၸွမ်ၸိၵ်းသိုၵ်းလူင် ​​ၵေႃႉဢမ်ႇလူင်းလိူၵ်ႈတင်ႈ ၶိုၼ်ႈၼင်ႈပႅတ်ႈတီႈပလၢင်ႇၸွမ်ၸိုင်ႈၼၼ်ႉ​​ ၵႃႈလႆႈဢႃႈပၢၵ်ႇတူၺ်းလၢႆၵွႆး။ ၽိူဝ်ႇမႃးၽွတ်ႈၸုမ်း လူင်ပွင် ၸိုင်ႈ ​​ၵေႃႈ ၼႂ်းၵူၼ်း 30 ၼၼ်ႉ ၸိူဝ်းႁူဝ်ၼႃႈၸုမ်းသၢင်ႇသီႈ ​​တေႃႉတႄႉလႆႈၶဝ်ႈပႃးၸွမ်းႁႃႈ​​ၵေႃႉဝႃႇ၊...

မိူဝ်ႈၼႆႉ ဝၼ်းတီႈ 7 လိူၼ်ဢေႊပရႄႇ ယၢမ်းၵၢင်ၼႂ် ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ဢမ်ႇၵႂႃႇ ၶဝ်ႈႁူမ်ႈၸွမ်း ပၢင်ၵုမ်လုမ်းသၽႃးမိူင်းႁူမ်ႈတုမ်သေတႃႉ ႁဵတ်းလိၵ်ႈသူင်ႇယိုၼ်ႈ ၸူး ႁူဝ်ပဝ်ႈ လုမ်းသၽႃး မိူင်းႁူမ်ႈတုမ်သေ ၵႄႈလိတ်ႈၶေႃႈထၢမ် တႅၼ်းၽွင်း လႄႈ ႁႂ်ႈမၵ်းမၼ်ႈ ႁွင်ႈၵၢၼ်ၽွင်းလူင် လႄႈ ၸၼ်ႉၽွင်းလူင် ပဵၼ်တၢင်းၵၢၼ်ၵႂႃႇ ၼႆယဝ်ႉ။ ၵေႃႉဢၢၼ်ႇလိၵ်ႈ...

မိူဝ်ႈဝၼ်းတီႈ 6 လိူၼ်ဢႄႊပရႄႊ ယၢမ်းတၢမ်းၶမ်ႈ ၽွင်းတၢင်မိူင်းၶႄႇ H.E. Ms. Ma Jia ႁွတ်ႈထိုင်မိူင်းမၢၼ်ႈ ႁူပ်ႉမိၼ်းဢွင်ႇလၢႆႇ ၸွမ်ၸိုင်ႈၵေႃႉမႂ်ႇ တီႈဝဵင်းလူင်ၼေႇပျီႇတေႃႇ ။ ဝၢႆးလင်လုမ်းသၽႃးမိူင်းႁူမ်ႈတုမ် ပိုၼ်ၽၢဝ်ႇ မိၼ်းဢွင်ႇလၢႆႇ ၸွမ်ၸိၵ်းသိုၵ်းမၢၼ်ႈ ၶိုၼ်ႈပဵၼ်ၸွမ်ၸိုင်ႈၵေႃႉမႂ်ႇ မိူင်းႁူမ်ႈတုမ်ယဝ်ႉ ယူႇတီႈၽွင်းတၢင်လူင်မိူင်းၼွၵ်ႈသေ ဢၼ်ၶဝ်ႈမႃးႁူပ်ႉထူပ်း မိၼ်းဢွင်ႇလၢႆႇ ၼႆႉ မၼ်းၼၢင်းပဵၼ်ၵေႃႉဢွၼ်တၢင်းသုတ်း။ လိူဝ်ၼၼ်ႉ...

မိူဝ်ႈၼႆႉ ဝၼ်းတီႈ 3 လိူၼ်ဢေႊပရႄႇ တႄႇယၢမ်းၵၢင်ၼႂ် 10 မူင်း လုမ်းသၽႃးမိူင်းႁူမ်ႈတုမ် ဢၼ်မီးတူဝ်တႅၼ်းတပ်ႉသိုၵ်းမၢၼ်ႈ လႄႈ ၵူၼ်းၼႂ်းပႃႇတီႇသၢင်ႇသီႈ ၼမ်လိူဝ်ပိူၼ်ႈ သုတ်းၼၼ်ႉ ၸတ်းႁဵတ်းပၢင်ၶတ်းလိူၵ်ႈ ၸွမ်ၸိုင်ႈၵေႃႉမႂ်ႇ မိူင်းႁူမ်ႈတုမ်ၵႂႃႇ တီႈဝဵင်းလူင်ၼေႇပျီႇတေႃႇ။ ၼႂ်းဝၼ်းပၢင်ၶတ်းလိူၵ်ႈၸွမ်ၸိုင်ႈၵေႃႉမႂ်ႇၼၼ်ႉ တူဝ်တႅၼ်းတပ်ႉသိုၵ်းလႄႈ တႅၼ်းၽွင်းၸိူဝ်းယူႇၼႂ်းပႃႇတီႇ ဢၼ်ႁၼ်လီၵမ်ႉထႅမ်ၸွမ်းၸုမ်းသိုၵ်းမၢၼ်ႈယိုတ်းမိူင်းၼၼ်ႉ ႁူမ်ႈသဵၼ်ႈမီးဝႆႉၼႂ်းလုမ်းသၽႃးမိူင်းႁူမ်ႈတုမ် 586 ၵေႃႉသေတႃႉ မီးၵူၼ်းဢဝ်ၶႂၢင်ႉ...

ၵႅမ်ၸွမ်ၸိုင်ႈ သၢမ်ၵေႃႉ ဢၼ်ထုၵ်ႇမၵ်းမၼ်ႈဝႆႉမႂ်ႇမႂ်ႇ ဝၢႆးလင်ပၢင်လိူၵ်ႈတင်ႈယဝ်ႉၼၼ်ႉ လုမ်းသၽႃးမိူင်း ႁူမ်ႈတုမ် တေၶတ်းလိူၵ်ႈပဵၼ်ၸွမ်ၸိုင်ႈၵႂႃႇ ၵေႃႉၼိုင်ႈ ၼႂ်းဝၼ်းမိူဝ်ႈ ၽုၵ်ႈ လိူၼ်ဢေႊပရႄႇ ဝၼ်းတီႈ 3 ၵႂႃႇ ၼႆယဝ်ႉ။ ဢူးဢွင်ႇလိၼ်းတူၺ်း ၽူႈမီးၸၼ်ႉသိုၵ်းမၢၼ်ႈၵေႃႉၵဝ်ႇ ယၢမ်းလဵဝ် ႁပ်ႉပဵၼ်ၼႃႇယၵ လုမ်းသၽႃးမိူင်းႁူမ်ႈတုမ် ပိုၼ်ၽၢဝ်ႇလၢတ်ႈၵႂႃႇဝႃႈ “မိူဝ်ႈၽုၵ်ႈ ဝၼ်းတီႈ 3 ၼႆႉ...

ၼႂ်းဝၼ်းၶွပ်ႈၶူပ်ႇတဵမ် 81 ပီ တဵမ် တပ်ႉသိုၵ်းမၢၼ်ႈၼႆႉ သိုၵ်းမၢၼ်ႈယိုတ်းမိူင်း ၸတ်းပၢင်ၼႄၵၢၼ်သိုၵ်းၵႂႃႇ ၶိုၵ်ႉယႂ်ႇလူင် တီႈဝဵင်းလူင်ၼႄႇပျီႇတေႃႇ ၽူႈၼမ်းၵၢၼ်သိုၵ်းယၢမ်းလဵဝ် လႄႈ မိူဝ်ႈပူၼ်ႉမႃး ဢိၵ်ႇ ၽူႈယႂ်ႇၵူၼ်းလူင် ၼႂ်းတပ်ႉသိုၵ်း ဢၼ်ၵဝ်ႇ ဢၼ်မႂ်ႇ ၶဝ်ႈႁူမ်ႈၸွမ်း။ ၼႂ်းပၢင်ၵႅဝ်ၼၼ်ႉ မိၼ်းဢွင်ႇလၢႆႇ ၸွမ်ၸိၵ်းသိုၵ်းမၢၼ်ႈ ၽူႈၵွၼ်းၵၢၼ်သိုၵ်းသုင်သုတ်း ၵေႃႉယုၵ်ႉယွင်ႈၸဝ်ႈၵဝ်ႇၶိုၼ်ႈပဵၼ်ၸၼ်ႉၵႅမ်ၸွမ်ၸိုင်ႈႁင်းၵူၺ်းသေ ၸတ်းပၢင်လိူၵ်ႈတင်ႈ ပိုၼ်ၽၢဝ်ႇႁွင်ႉပၢင်ၵုမ်လူင်လုမ်းတႅၼ်းၽွင်းၵူႈၸၼ်ႉသေ...