ပျီႇတူႉၸိတ်ႉပဢူဝ်းPNO  လွၵ်ႇငိုတ်ႈ တဵၵ်းၸႂ်ႉႁႂ်ႈၵူၼ်းပၢႆႈၽေးသိုၵ်း ဝၢၼ်ႈၼမ်ႉတူၵ်း ၼႂ်းၸႄႈဝဵင်းပၢင်လွင်း လႅၼ်လိၼ်တႆး-ယၢင်းလႅင် ပွၵ်ႈယူႇၶိုၼ်းႁိူၼ်းယေးယဝ်ႉ ၵဵပ်းငိုၼ်း ဢၢၼ်ႇႁူဝ်သႅၼ်ပျႃး  ။   တႄႇႁူဝ်လိူၼ် မတ်ႉၶျ်ၼႆႉမႃး ၵူၼ်းပၢႆႈၽေးသိုၵ်း ၸိူဝ်းယူႇဝႆႉ ဝဵင်းပၢင်လွင်း လႄႈၼႂ်းၼွင်ႁၢႆးယႃႈၸိူဝ်းၼၼ်ႉ ယူႇတီႈပျီႇတူႉၸိတ်ႉPNO တဵၵ်းၸႂ်ႉပွၵ်ႈယူႇႁိူၼ်းၽႂ်မၼ်းသေ လွၵ်ႇငိုတ်ႈလၢတ်ႈဝႃႈ သင်ဢမ်ႇပွၵ်ႈမိူဝ်ႈၼႆၸိုင် တေယိုတ်းဢဝ်ႁိူၼ်းယေးၼႆယဝ်ႉ ။ တွၼ်ႈတႃႇၵႅမ်ႉထႅမ်ၸုမ်းပျီႇတူႉၸိတ်ႉပဢူဝ်းၼႆႉသေ ၵူၼ်းပၢႆႈၽေးသိုၵ်းၸိူဝ်းပွၵ်ႈယူႇႁိူၼ်း ယူႇတီႈပျီႇတူႉၸိတ်ႉပဢူဝ်း...

ၵူၼ်းပၢႆႈၽေးသိုၵ်း ၵေႃႉပွၵ်ႈယူႇၶိုၼ်းႁိူၼ်းၸဝ်ႈၵဝ်ႇ ၼႂ်းၸႄႈဝဵင်းၾၢႆၶုၼ် ထုၵ်ႇၸုမ်းပျီႇတူႉၸိတ်ႉပဢူဝ်း PNO တီႉၺွပ်းၵႂႃႇသေ ပေႃႉထုပ်ႉၸႅတ်ႈထၢမ်ႁၢဝ်ႈႁႅင်း ထိုင်တီႈလူႉတၢႆ ၵႂႃႇ ဝႃႈၼႆ ။ မိူဝ်ႈဝၼ်းတီႈ 19/2/2026 ၵူၼ်းပၢႆႈၽေးသိုၵ်း ၸိုဝ်ႈႁွင်ႉလုင်းမွင်ႇတၢၼ်း ဢႃႇယု 50 ပီပၢႆ ၸၢဝ်းၵယၢၼ်း ယူႇဝၢၼ်ႈၵႃႇလႁွင်ႇ (ကာလရှေ့ရွာ) ဢိူင်ႇၼႃးႁီး ၸႄႈဝဵင်းၾၢႆၶုၼ် ပွၵ်ႈ မိူဝ်းယူႇၶိုၼ်းႁိူၼ်းမၼ်းၸၢႆး...

ပျီႇတူႉၸိတ်ႉ PNO ႁွင်ႉဢဝ်ၵူၼ်းဢၼ်မီးၼႂ်း ၸႄႈဝဵင်းတူၼ်ႈတီး ၊ ၸႄႈဝဵင်းသီႇသႅင်ႇ ၊ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ၸိူဝ်းယၢမ်ႈၾိုၵ်းၵၢၼ်သိုၵ်းၼႂ်းပျီႇတူႉၸိတ်ႉ PNO ၼၼ်ႉသေ သူင်ႇပိုၼ်ႉတီႈပဵၼ်ပၢင်တိုၵ်း ၼႆယဝ်ႉ  ။ တႄႇၼႂ်းႁူဝ်လိူၼ် ၾႅပ်ႊပိဝ်ႊရီႊမႃးၼႆႉ သိုၵ်းမၢၼ်ႈႁူမ်ႈပျီႇတူႉၸိတ်ႉပဢူဝ်း PNO ပဵၼ် ပၢင်တိုၵ်း ပိုတ်းယိုဝ်းၵၼ်တင်း PNLA တီႈဝၢၼ်ႈပၢင်မၢၵ်ႇ  ၼႂ်းၸႄႈဝဵင်းမွၵ်ႇမႆႇႁၢဝ်ႈႁႅင်း...

ပျီႇတူႉၸိတ်ႉ PNO ပိုၼ်ၽၢဝ်ႇလၢတ်ႈဝႃႈ ပိုတ်းယိုဝ်းၵၼ်တင်း  PNLA သေ ယိုတ်းလႆႈတပ်ႉငဝ်ႈငုၼ်းၵဝ်ႇ PNLA   တီႈဝၢၼ်ႈပၢင်မၢၵ်ႇ  ၼႂ်းၸႄႈဝဵင်းမွၵ်ႇမႆႇ ဝႃႈၼႆ။ တႄႇဝၼ်းတီႈ 1 လိူၼ်ၵျႅၼ်ႊၼိဝ်ႊရီႊၼႆႉမႃး သိုၵ်းမၢၼ်ႈ တင်း ပျီႇတူႉၸိတ်ႉပဢူဝ်း PNO လုၵ်ႉတီႈဢိူင်ႇႁူဝ်ၼမ်ႉသေ ထူဝ်းသိုၵ်းလတ်းထိူၼ်ႇ မုင်ႈၼႃႈၸူး ငဝ်ႈငုၼ်း တပ်ႉသိုၵ်း PNLA တၢင်းဝၢၼ်ႈပၢင်မၢၵ်ႇ...

တႄႇႁူဝ်လိူၼ် ၾႅပ်ႉပိဝ်ႊရီႊၼႆႉ သိုၵ်းမၢၼ်ႈၵဵပ်းသိုၵ်းမႂ်ႇ တႃႇၸုပ်ႈ 20  တီႈထုင်ႉပူင်း ၸိုင်ႈတႆးပွတ်းၸၢၼ်း  ပျီႇတူႉၸိတ်ႉ PNO ဢမ်ႇၵႅတ်ႇၶႄႁႄႉၵင်ႈသေဢမ်ႇၵႃး ပၢႆလွၵ်ႇငိုတ်ႈၵူၼ်းမိူင်းပႃးဝႃႈ  တေဢမ်ႇဢဝ်ပုၼ်ႈၽွၼ်းလွင်ႈႁူမ်ႇလူမ်ႈပၼ်ပႃးယၢမ်းၵၢင်ၶမ်ႈ ၵၢင်ၶိုၼ်း ဝႃႈၼႆ ။ ၼႂ်းထုင်ႉပူင်းၼႆႉ ၸူဝ်ႈသိုၵ်းမၢၼ်ႈပိုၼ်ၽၢဝ်ႇၵဵပ်းသိုၵ်းမႂ်ႇမႃးၼႆႉ ၶၢၼ်းၵူၼ်းမိူင်း   သႂ်ႇငိုၼ်း တႃႇၸွႆႈ ၵူၼ်းၵႂႃႇႁၢပ်ႇၵၢၼ်သိုၵ်း ၼိုင်ႈလင် 1 မိုၼ် ထိုင်...

တႄႇၼႂ်းလိူၼ်ၵျႅၼ်ႊၼိဝ်ႊရီႊ ၼႆႉမႃးပျီႇတူႉၸိတ်ႉPNO တဵၵ်းၶၢၼ်း ၵူၼ်းဝၢၼ်ႈထီႇရီး ၊ ၼမ်ႉပွၼ် ၊ ၼမ်ႉဢုၼ်ႇဢၼ်မီးၼႂ်းထုင်ႉၸၢမ်ၵႃး ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း 15 ဝၼ်းၼိုင်ႈပွၵ်ႈ ဢဝ်ႁူမ်ႇလူမ်ႈၼႂ်းဝၢၼ်ႈၼႆယဝ်ႉ ။ ၵူၼ်းၵႂႃႇဢဝ်ႁူမ်ႇလူမ်ႈၼႆႉ လႆႈၼုင်ႈၶိူဝ်းပျီႇတူႉၸိတ်ႉပဢူဝ်းသေ ယိပ်းၵွင်ႈ ပႂ်ႉၸွမ်းပိုၼ်ႉတီႈPNO  ။ ၽွင်းပျီႇတူႉၸိတ်ႉၶၢၼ်းတႃႇဢဝ်ႁူမ်ႇလူမ်ႈၼၼ်ႉသင်ဝႃႈ ဢမ်ႇၶႂ်ႈၵႂႃႇၼႆၸိုင်ႇ လႆႈဢဝ်ငိုၼ်း 3သႅၼ်5 မိုၼ်ႇပျႃးၸၢင်ႈၵူၼ်းၵႂႃႇတႅၼ်းတၢင်ႇ ၼႆယဝ်ႉ...

ပျီႇတူႉၸိတ်ႉ PNO ႁၢမ်ႈၵူၼ်းမိူင်းထုင်ႉ ၸၢမ်ၵႃး ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ၶဝ်ႈဢွၵ်ႇၼႂ်းဝၢၼ်ႈ ၼႂ်းဝၼ်းပၢင်လိူၵ်ႈတင်ႈသေ ဢဝ်ႁူမ်ႇလူမ်ႈဝႆႉ ႁၢဝ်ႈႁႅင်း   ။ ပၢင်လိူၵ်ႈတင်ႈ ပွၵ်ႈၵမ်း 3 ၼႆႉ တေၸတ်းႁဵတ်း  မိူင်းႁူမ်ႈတုမ်ပတ်းပိုၼ်ႉ   63 ၸႄႈဝဵင်း မိူဝ်ႈၽုၵ်ႈဝၼ်းတီႈ 25/1/2026 ။ ၼႂ်းမိူင်းတႆး ပႃး 9...

ပျီႇတူႉၸိတ်ႉပဢူဝ်း ၵဵပ်းၶွၼ်ႇတီႈၵူၼ်းမိူင်း ၼႂ်းၸႄႈဝဵင်းပၢင်လွင်း ၼိုင်ႈပီၼႆႉ ဢၢၼ်ႇႁူဝ်သိပ်း သႅၼ်ပျႃးလႄႈ ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇၵိၼ်းၸႂ်ၼႆယဝ်ႉ။ သိုၵ်းပျီႇတူႉၸိတ်ႉပဢူဝ်း (PNO) ၼႆႉ တႄႇၵုမ်းၵမ် ၾၢႆႇဢွၵ်ႇဝဵင်းပၢင်လွင်း မိူဝ်ႈႁၢင်ပီ 2024 ၼၼ်ႉမႃး ၼႄၶေႃႈဢၢင်ႈလၢႆလွင်ႈသေ ၵဵပ်းၶွၼ်ႇတီႈၵူၼ်းမိူင်းပိုၼ်ႉတီႈမႃး ႁိုင်ၶၢဝ်းတၢင်း ၼိုင်ႈပီပၢႆ။ ၵူၼ်းၸၢႆးၵေႃႉယူႇၼႂ်းၸႄႈဝဵင်းပၢင်လွင်း လၢတ်ႈတီႈၽူႈတွႆႇႁွၵ်ႈဝႃႈ -“ ဝၢၼ်ႈဢၼ်မီးၾၢႆႇ ၸၢၼ်းဝဵင်းပၢင်လွင်း ဝၢၼ်ႈပျီႇတူႉၸိတ်ႉပဢူဝ်းၶဝ် ၵုမ်းၵမ်ဝႆႉၸိူဝ်းၼၼ်ႉ...

ပၢင်လိူၵ်ႈတင်ႈ ပွၵ်ႈၵမ်း 2 ဢၼ်သိုၵ်းမၢၼ်ႈယိုတ်းမိူင်း ၸတ်းႁဵတ်းၵႂႃႇၼႆႉ တီႈၼႂ်းၸႄႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်းၼႆႉ ပႃႇတီႇပဢူဝ်း လႆႈၶႅပ်းၵၢင်ၸႂ် ၼမ်လိူဝ်ပိူၼ်ႈသုတ်းသေ ဢွင်ႇပေႉ ဝႃႈၼႆ။ ၵူၼ်းၵႂႃႇတွတ်ႈၶႅပ်းၵၢင်ၸႂ်တီႈဝဵင်းသီႇသႅင်ႇလၢတ်ႈၽူႈတွႆႇႁွၵ်ႈဝႃႈ -“တီႈသီႇသႅင်ၼႆႉ ပဢူဝ်းၵမ်ႈၼမ် ယူႇသဝ်း ၊ မိူဝ်ႈပႃႇတီႇၶဝ်(ပႃႇတီႇပဢူဝ်း ) လူင်းမႃးသူၼ်းတုမ်ၵေႃႈလၢတ်ႈဝႆႉပႃးယူႇဝႃႈ ၶဝ်တေသၢင်ႈပၼ် လွင်ႈငမ်း ယဵၼ်တွၼ်ႈတႃႇ ၵူၼ်းမိူင်း ၊ ႁႂ်ႈၵူၼ်းၸၢဝ်းၶိူဝ်းလဵဝ်ၵၼ်တွတ်ႈပၼ်ၵၼ်ၼႆ...

သိုၵ်းမၢၼ်ႈယိုတ်းမိူင်း ႁူမ်ႈတင်း ပျီႇတူႉၸိတ်ႉပဢူဝ်း PNO သေ ထႅမ်ႁႅင်းထူဝ်းသိုၵ်းၶဝ်ႈ တီႈမီးငဝ်ႈငုၼ်း တပ်ႉသိုၵ်းပူတ်းပွႆႇၸိူဝ်ႉၸၢတ်ႈပဢူဝ်း PNLA ၼႂ်းဢိူင်ႇၵိူၼ်ႇတူလူင် ၸႄႈဝဵင်းမွၵ်ႇမႆႇ ၸိုင်ႈတႆးပွတ်းၸၢၼ်း၊ သွင်ၾၢႆႇလႆႈပဵၼ်ပၢင်တိုၵ်းၵၼ် လၢႆဝၼ်းယဝ်ႉ ဝႃႈၼႆ။ တႄႇဝၼ်းတီႈ 1 လိူၼ်ထူၼ်ႈၼိုင်ႈ သိုၵ်းမၢၼ်ႈ တင်း ပျီႇတူႉၸိတ်ႉပဢူဝ်း PNO လုၵ်ႉတီႈဢိူင်ႇႁူဝ်ၼမ်ႉသေ ထူဝ်းသိုၵ်းၶဝ်ႈၼႂ်းထိူၼ်ႇ မုင်ႈၼႃႈၸူး...

တႃႇသူင်ႇၼႃႈသိုၵ်း ၼႆသေ ပျီႇတူႉၸိတ်ႉ PNO ၶၢၼ်းၵူၼ်းမိူင်းၼိုင်ႈဝၢၼ်ႈ 10 ၵေႃႉ တီႈထုင်ႉၸၢမ်ႈၵႃး ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇၵိၼ်းၸႂ် ဝႃႈၼႆ ။ တႄႇႁူဝ်လိူၼ် တီႊသႅမ်ႊပိူဝ်ႊၼႆႉမႃး  ပျီႇတူႉၸိတ်ႉ PNO တဵၵ်းၶၢၼ်းၵူၼ်းဝၢၼ်ႈၸၢမ်ၵႃး 15 ၵေႃႉ ၊ ဝၢၼ်ႈတူင်ႈတႃႇ 10 ၵေႃႉ ၊...

တႄႇႁၢင်လိူၼ်ဢွၵ်ႉထူဝ်ႊပိူဝ်ႊၼၼ်ႉမႃး ပျီႇတူႉၸိတ်ႉ PNO တဵၵ်းၶၢၼ်းၵူၼ်းဝၢၼ်ႈထီႇရီး ၊ ၼမ်ႉပွၼ် ၊ ၼမ်ႉဢုၼ်ႇဢၼ်မီးၼႂ်းထုင်ႉၸၢမ်ၵႃး ၸႄႈဝဵင်းယွင်ႁူၺ်ႈၾိုၵ်းၵၢၼ်သိုၵ်း ၼႆသေ တဵၵ်းဢဝ် သူင်ႇၼႃႈသိုၵ်း ဝႃႈၼႆ ။ ပျီႇတူႉၸိတ်ႉပဢူဝ်း လွၵ်ႇငိုတ်ႈလၢတ်ႈဝႃႈ ၽႂ်ဢမ်ႇၵႂႃႇတေတီႉၺွပ်းၼႆလႄႈ ၵူၼ်းဝၢၼ်ႈၼႂ်းထုင်ႉၸၢမ်ၵႃး လႆႈၵႂႃႇၼႃႈသိုၵ်းၼိုင်ႈဝၢၼ်ႈ 20 ၵေႃႉ ၼႂ်းၸႄႈဝဵင်းပၢင်လွင်း- ၾၢႆႇၶုၼ် လႅၼ်လိၼ် တႆး-...

ပျီႇတူႉၸိတ်ႉပဢူဝ်း (PNO) တဵၵ်းယွၼ်းၵဵပ်းငိုၼ်း ၵူၼ်းမိူင်းပိုၼ်ႉတီႈ ၼႂ်းထုင်ႉၼွင်ႁၢႆးယႃႈ ၸႄႈဝဵင်းယွင်ႁူၺ်ႈ မိူင်းတႆးပွတ်းၸၢၼ်း ၼိုင်ႈၵေႃႉလႂ် ၼိုင်ႈလိူၼ် 5 သႅၼ်ပျႃး။ ၵူၼ်းၸိူဝ်းဢမ်ႇမီးငိုၼ်းပၼ်လႆႈၼၼ်ႉ ၺႃးပျီႇတူႉၸိတ်ႉပဢူဝ်းႁွင်ႉၵႂႃႇၾိုၵ်းၵၢၼ်သိုၵ်းသေ သူင်ႇၵႂႃႇၼႃႈသိုၵ်း ၸွမ်းဢွင်ႈတီႈပဵၼ်ပၢင်တိုၵ်းၵမ်းသိုဝ်ႈ ၼႆယဝ်ႉ။ တႄႇလိူၼ်ဢေႃးၵၢတ်ႉသ် ဝူင်ႈထီႉၼိုင်ႈမႃး ႁၢၼ်ႉတေႃႇထိုင်ဝၼ်းမိူဝ်ႈၼႆႉ (8/11/2025)  ၵူၼ်းမိူင်းပိုၼ်ႉတီႈ ၸိူဝ်းယူႇတီႈဝၢၼ်ႈၽြႃးလွႆ၊ ဝၢၼ်ႈၼမ်ႉမႆႈ၊ ဝၢၼ်ႈလိၼ်ပူၵ်ႇတႅၵ်ႇ ၸိူဝ်းပၢႆႈၽေးပၢင်တိုၵ်းယဝ်ႉသေ...

ၽွင်းသိုၵ်းမၢၼ်ႈထူဝ်းသိုၵ်းၶဝ်ႈၼႂ်းၸႄႈဝဵင်းဝၢၼ်ႈငႂ်ႈ (ယႂႃႇငၢၼ်ႇ) ၸိုင်ႈတႆးပွတ်းၸၢၼ်းၼၼ်ႉ ပူႇၵႄႇ လႄႈ ၵူၼ်းမိူင်း ထုၵ်ႇၵူၼ်းဢမ်ႇႁူႉၾၢႆႇၶဝ်ႈမႃး ၶႃႈႁႅမ်တၢႆ ။ ၼႂ်းဝၼ်းတီႈ 28/10/2025 မီးၸုမ်းဢမ်ႇႁူႉၾၢႆႇၶဝ်ႈၼႂ်းဝၢၼ်ႈၵျွၵ်ႉပီႉသပ်ႉ ( ကျောက်ပိဇပ် ) သေ ယိုဝ်းပူႇၵႄႇလုင်းတိၼ်ႉဝေႇ( ဦးတင့်ဝေ) ဢႃယု 40 ပီလႄႈ ၺီႇထုတ်ႉ(ညီထွဋ် ) ဢႃယု 30...

ပလိၵ်ႈမၢၼ်ႈၾၢႆႇ ၽဵဝ်ႈမူၺ်ႉယႃႈမဝ်းၵမ် လႄႇလမ်းႁႃတီႉၺွပ်းၵူၼ်းသူႇသမ်းၵိၼ်ယႃႈ ၼႂ်းၸႄႈဝဵင်း ယွင်ႁူၺ်ႈၸိုင်ႈတႆးပွတ်းၸၢၼ်း မႂ်ငိုၼ်းပႃး၊ ၸိူဝ်းပၼ်ငိုၼ်းလႆႈၵေႃႈပွႆႇပၼ်တူဝ်ၶိုၼ်း ၸိူဝ်းဢမ်ႇၵၼ် ငိုၼ်းသမ်ႉတဵၵ်းဢဝ်ၵႂႃႇၾိုၵ်းၵၢၼ်သိုၵ်း ဝႃႈၼႆ။  ၼႂ်းဝၼ်းတီႈ 13/10 /2025 ၼၼ်ႉ ပလိၵ်ႈသိုၵ်းမၢၼ်ႈလႄႈ ပျီႇတူႉၸိတ်ႉပဢူဝ်း PNO တီႉၺွပ်း ၵူၼ်း သူႇသမ်းၵိၼ်ယႃႈ တီႈၼႂ်းထုင်ႉၼွင်ႁၢႆးယႃႈ ၸႄႈဝဵင်းယွင်ႁူၺ်ႈ 11 ၵေႃႉ ၊...