ၵူၼ်းပၢႆႈၽေးသိုၵ်း ၼႂ်းၸႄႈဝဵင်းမိူင်းၵိုင် ႁူဝ်ၵူၼ်း 3 ႁဵင်ပၢႆ ပႆႇၸၢင်ႈပွၵ်ႈၶိုၼ်းႁိူၼ်းယေးဝၢၼ်ႈသူၼ်ၽႂ်မၼ်း ယၢမ်းလဵဝ် သမ်ႉၶဝ်ႈၶၢဝ်းၵတ်းမႃးယဝ်ႉလႄႈ  လူဝ်ႇၽႃႈႁူမ်ႇၶူဝ်းၼွၼ်းလႄႈ သိူဝ်ႈၶူဝ်းဢုၼ်ႇ။ ၵူၼ်းဝၢၼ်ႈလၢႆဢိူင်ႇလၢႆဝၢၼ်ႈဢၼ်ပၢႆႈၽေးသိုၵ်းမႃးသွၼ်ႈဝႆႉလၢႆလၢႆတီႈၼႂ်း ဢိူင်ႇပၢင်ႇၵေႇတုတင်း ႁၢမ်းငၢႆး ၸႄႈဝဵင်းမိူင်းၵိုင်ႁူဝ်ၵူၼ်း  3,200 ပၢႆၼၼ်ႉ  ယၢမ်းလဵဝ်ၶဝ်ႈၶၢဝ်းၵတ်းယဝ်ႉလႄႈ ၵူၼ်းပၢႆႈၽေးသိုၵ်း ထူပ်းတၢင်းယၢပ်ႇၽိုတ်ႇ လူဝ်ႇတၢင်းၸွႆႈထႅမ် ၽႃႈႁူမ်ႇၶူဝ်းၼွၼ်းလႄႈ သိူဝ်ႈၶူဝ်းဢုၼ်ႇ ၸိူဝ်းၼႆႉ။ ၽူႈၸွႆႈထႅမ် ၵူၼ်းပၢႆႈၽေးသိုၵ်း ၼႂ်းၸႄႈဝဵင်းမိူင်းၵိုင်...

ပီႈၼွင်ႉတႆး ႁွတ်ႈၼွၵ်ႈမိူင်း/ ၼႂ်းမိူင်း ႁူမ်ႈၵၼ်သေ သူင်ႇၶူဝ်းၶွင်ၵိၼ်ယႅမ်ႉ ၶူဝ်းၸႂ်ႉၶူဝ်းသွႆ ၸွႆႈထႅမ် ၵူၼ်းပၢႆႈၽေးသိုၵ်း ၼႂ်းမိူင်းတႆး  ထႅင်ႈ။ ဝၼ်းတီႈ 11-12/10/2021 ၶၢဝ်းတၢင်း သွင်ဝၼ်းမႃးၼႆႉ ယူႇတီႈ ၸုမ်းႁူမ်ႈသၢင်ႈၸွႆႈထႅမ် ၵူၼ်းပၢႆႈၽေး ၼႂ်းမိူင်းတႆး တၢင်းပွတ်းဝဵင်းၶူဝ်လမ်၊ မိူင်းၵိုင်လႄႈ ၵျွၵ်ႉမႄး၊ ၸွႆႈၵမ်ႉထႅမ်  ၵူၼ်းပၢႆႈၽေးသိုၵ်းထႅင်ႈ ပဵၼ်ပွၵ်ႈၵမ်း 5...

ၶၢဝ်းတၢင်းၸမ်လိူၼ် ပၢင်တိုၵ်းယင်းတိုၵ်ႉပဵၼ်ယူႇလႄႈ ၵူၼ်းမိူင်းၵိုင်ဢၼ်လႆႈပၢႆႈၽေးသိုၵ်း ႁူဝ်ၵူၼ်း 3 ႁဵင်ပၢႆၼၼ်ႉ ပႆႇၸၢင်ႈပွၵ်ႈႁိူၼ်းယေးဝၢၼ်ႈဢိူင်ႇၸဝ်ႈၵဝ်ႇၶိုၼ်း။ တႄႇဢဝ် ဝၼ်းတီႈ 14/9/2021 မႃး တေႃႇထိုင် မိူဝ်ႈၼႆႉ ဝၼ်းတီႈ 11/10/2021   ၼႂ်းၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆး ပွတ်းၸၢၼ်း  ပၢင်တိုၵ်း ၼႂ်းၵႄႈ SSPP တင်း RCSS  ပဵၼ်ႁၢဝ်ႈႁႅင်း...

ၵူၼ်းပၢႆႈၽေးသိုၵ်းဢၼ်မႃးမီးတီႈမိူင်းငေႃႉ ၸႄႈဝဵင်းၵျွၵ်ႉမႄး ၸိူဝ်းဢမ်ႇမီးမၢႆၾၢင် (မၢတ်ႈပူင်ႇတိၼ်ႇ) ၼၼ်ႉ ယၢပ်ႇၽိုတ်ႇတႃႇသမ်းၶဵမ်ႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ။ ၸိူဝ်းၶဝ်ပၢႆႈၽေးသိုၵ်းမႃး ဢမ်ႇတၼ်းလႆႈဢဝ်မၢႆၾၢင် ၸႄႈဝႂ်သင်မႃးလူး။ ၵမ်ႈၽွင်ႈၵေႃႈ ဢႃယုတဵမ် 18 ယဝ်ႉၵေႃႈ ပႆႇလႆႈႁဵတ်း မၢႆၾၢင်။ ၵွပ်ႈၼႆလႄႈ ဢမ်ႇၸၢင်ႈၵႂႃႇသမ်းၶဵမ် ယႃႈယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ ၸိူင်ႉပိူၼ်ႈ။ ယၢမ်းလဵဝ်တႄႉ ၸွႆႈၶဝ်တၢင်ႇယွၼ်းမၢႆၾၢင်ဝႆႉယူႇ- ၽူႈၸွႆႈထႅမ် ၵူၼ်းပၢႆႈၽေးသိုၵ်းတီႈ...

ၼၢႆးမွၼ်ႇၼူႉ ဢႃယု 86 ပီ ၵူၼ်းဝၢၼ်ႈႁူဝ်ၶၢႆး ဢၼ်ၶီႇထူဝ်ႈလႃႈၵျီႈပၢႆႈၽေးပၢင်တိုၵ်း မႃးပိၼ်ႈၵၢင်တၢင်း မၢတ်ႇၸဵပ်းလႄႈ လႆႈၵႂႃႇယူတ်းယႃတူဝ်ဝႆႉတီႈႁူင်းယႃၸဝ်ႈၸၢမ်ႇထုၼ်းဝဵင်းတူၼ်ႈတီးၼၼ်ႉ လူႉသဵင်ႈၵႂႃႇၼႂ်ၼႆႉ 8/10/2021 သေ ၸုမ်းပရႁိတ ၼမ်ႉၶူင်းဝဵင်းတူၼ်ႈတီးၸွႆႈထႅမ်လုမ်းလႃးၶၢပ်ႈတူဝ်ယဝ်ႉလီငၢမ်း။ ၵူၼ်းၼုမ်ႇၽူႈၶဝ်ႈပႃးၼႂ်းၸုမ်းၸွႆႈထႅမ်လွင်ႈယူတ်းယႃတူဝ် ၼၢႆးမွၼ်ႇၼူႉ ၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ -“တီႈတႄႉမၼ်း ၼၢႆးမွၼ်ႇၼူႉၼႆႉသမ်ႉပေႃးယူႇလီယဝ်ႉၼၼ်ႉ။ ႁူဝ်ၶဝ်ႇမၼ်း ဢၼ်လႆႈၽႃႇတတ်းမၼ်းဝႆႉပေႃးလီမႃးယဝ်ႉ ။ ဝူင်ႈတေမႃးၼႆႉသမ်ႉပေႃးတေဢၢင်ႈပွၵ်ႈမိူဝ်းၶိုၼ်းမိူင်းၵိုင်ယဝ်ႉၶႃႈဢေႃႈ။ ထိုင်မႃးၼႂ်ၼႆႉ မွၵ်ႈ...

သင်ၶၸဝ်ႈ ထုင်ႉပူင်း သီႇသႅင်ႇ ႁူမ်ႈၵၼ် ၽွတ်ႈၸုမ်းပွင်ၵၢၼ် တႃႇၸွႆႈထႅမ်ၵူၼ်းပၢႆႈၽေးသိုၵ်း ၼႂ်းမိူင်းတႆး ဝႃႈၼႆ။ မိူဝ်ႈဝႃး ဝၼ်းတီႈ 4/10/2021 သင်ၶၸဝ်ႈ ထုင်ႉပူင်း ၸတ်းႁဵတ်းပၢင်ၵုမ် ဢုပ်ႇဢူဝ်းၵၼ် တီႈဝတ်ႉၵုၼ်ၵွင်းမူး ဢိူင်ႇၼွင်မွၼ် ၸႄႈဝဵင်းသီႇသႅင်ႇ ႁူမ်ႈၵၼ် ၽွတ်ႈ ၸုမ်းပွင်ႈၵၢၼ် တႃႇၸွႆႈထႅမ်ၵူၼ်းပၢႆႈၽေးသိုၵ်း  ၼႂ်းမိူင်းတႆးယၢမ်းလဵဝ် ၼႆယဝ်ႉ။ ၸဝ်ႈၶူးဝႃႇလိင်ႇတ ၸဝ်ႈၵွၼ်းဝတ်ႉသၢႆလႅင်းမႂ်ႇ...

မိူဝ်ႈၼႆႉ ဝၼ်းတီႈ 5/10/2021 ယၢမ်းၵၢင်ၼႂ် ၸၢႆးလူၺ် ဢႃယု 30 ပီ ၵူၼ်းဝၢၼ်ႈၵုင်းပဝ်း ဢိူင်ႇပၢင်ႇၵေႇတု ၸႄႈဝဵင်းမိူင်းၵိုင် ၸႄႈတွၼ်ႈ လွႆလႅမ် ၸိုင်ႈတႆးပွတ်းၸၢၼ်း ဢၼ်ၺႃးၸၢၵ်ႇမၢၵ်ႇ ၸွမ်းၼႂ်းၵႄႈပၢင်တိုၵ်း RCSS တင်း SSPP ၼၼ်ႉ လႆႈလူႉတၢႆၵႂႃႇ တီႈႁူင်းယႃလူင် ၵူၼ်းမိူင်း ဝဵင်းမိူင်းၵိုင်...

ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉ တီႈမိူင်းငေႃႉ ၸႄႈဝဵင်းၵျွၵ်ႉမႄးၼၼ်ႉ ယၢမ်းလဵဝ် ႁူဝ်ၵူၼ်း 260 ပၢႆ  ပဵၼ်ၵူၼ်းထဝ်ႈ လုၵ်ႈဢွၼ်ႇလႄႈ မႄႈယိင်းၵမ်ႈၼမ်၊  မႄႈမၢၼ်းပႃး 10 ၵေႃႉ ဝႃႈၼႆ။ ၸိူဝ်းၶဝ်မီးတီႈ ဝတ်ႉတႃႈလူင် ၵိင်ႇၽႄႈဝဵင်းမိူင်းငေႃႉ ၸႄႈဝဵင်းၵျွၵ်ႉမႄး။ လိူၼ်သႅပ်ႊထႅမ်ႊပိူဝ်ႊ ပူၼ်ႉမႃးၼႆႉ  ၵိူတ်ႇလုၵ်ႈဢွၼ်ႇၼႂ်းပၢင်သဝ်းၼၼ်ႉ 2 ၵေႃႉ ။...

မိူဝ်ႈၼႆႉ ဝၼ်းတီႈ 4/10/2021 ယၢမ်းႁူဝ်ၶမ်ႈ မွၵ်ႈ 5 မူင်း RCSS လႄႈ SSPP ပိုတ်းယိုဝ်းၵၼ်ၼႂ်းဢိူင်ႇပၢင်ႇၵေႇတု ၸႄႈဝဵင်းမိူင်းၵိုင်၊ မၢၵ်ႇလူင်တူၵ်းၼႂ်းဝၢၼ်ႈလႄႈ ၵူၼ်းဝၢၼ်ႈၵုင်းပဝ်း ၺႃးၸၢၵ်ႇမၢၵ်ႇ မၢတ်ႇၸဵပ်း  4 ၵေႃႉ ၸုမ်းၸွႆႈထႅမ် လႆႈႁၢမ်တူဝ်သူင်ႇႁူင်းယႃမိူင်းၵိုင် ဝႆႉဝႃႈၼႆ။ ၵူၼ်းဝၢၼ်ႈၼႂ်းဢိူင်ႇပၢင်ႇၵေႇတု ၵေႃႉၼိုင်ႈ...

ၵူၼ်းပၢႆႈၽေးသိုၵ်း တီႈမိူင်းၵိုင် ႁူဝ်ၵူၼ်းသၢမ်ႁဵင်ပၢႆ ပႆႇၸၢင်ႈပွၵ်ႈႁိူၼ်း  ၼႂ်းပိုၼ်ႉတီႈ တိုၵ်ႉမီးလွင်ႈၶဵင်ႈၶႅင်ၵၢၼ်သိုၵ်းတေႃႇၵၼ် ပဵၼ်ပၢင်တိုၵ်းၵၼ် ယူႇ။   မိူဝ်ႈၼႆႉ   ဝၼ်းတီႈ 4/10/2021 ယၢမ်းၵၢင်ၼႂ် ၼႂ်းဢိူင်ႇႁၢမ်းငၢႆး ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆး ပွတ်းၸၢၼ်း သိုၵ်း RCSS တင်း SSPP တိုၵ်ႉသိုပ်ႇပဵၼ်ပၢင်တိုၵ်းၵၼ်။ ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉတီႈဝတ်ႉၵုင်းၸူင်ၼၼ်ႉ လၢတ်ႈတီႈၽူႈတွႆႇႁွၵ်ႈဝႃႈ...

တႆးႁွတ်ႈၼွၵ်ႈမိူင်း/ ၼႂ်းမိူင်း ႁူမ်ႈၵၼ်သေ ၸွႆႈထႅမ် ၵူၼ်းပၢႆႈၽေးသိုၵ်း ၼႂ်းမိူင်းတႆး မီးၶၢဝ်းတၢင်း 4 ပွၵ်ႈယဝ်ႉ ႁူမ်ႈငိုၼ်း တင်းမူတ်း တီႈလႆႈ ၵမ်ႉထႅမ်ၸွႆႈမႃး မွၵ်ႈ 400 သႅၼ်ပျႃး ဝႃႈၼႆ။ မိူဝ်ႈဝၼ်းတီႈ 1/10/2021 ၼၼ်ႉ ယူႇတီႈၸုမ်းႁူမ်ႈသၢင်ႈၸွႆႈထႅမ် ၵူၼ်းပၢႆႈၽေးသိုၵ်း ၼႂ်းမိူင်းတႆး လႆႈႁၢင်ႈႁႅၼ်း ၸွႆႈထႅမ်...

ၵူၼ်းပၢႆႈၽေးသိုၵ်းဢၼ်မႃးမီးတီႈ ဢိူင်ႇႁၢမ်းငၢႆး ၸႄႈဝဵင်းမိူင်းၵိုင်ၼၼ်ႉ မႄႈလုၵ်ႈမႄႈလၢင်းၼမ်  ဢၼ်တိုၵ်ႉၸင်ႇႁႃမႃးၵိူတ်ႇလဵင်ႉလုၵ်ႈၼႂ်းပၢင်သဝ်းၼႆႉၵေႃႈမီးလႄႈ  ယၢပ်ႇၽိုတ်ႇတီႈယူႇတီႈသဝ်း  လွင်ႈၸႂ်ႉၶူဝ်းသွႆ။ တီႈၵျွင်းမုၼ်ၸဝ်ႈၵုင်းၸူင် ၼႂ်းဢိူင်ႇႁၢမ်းငၢႆးၼၼ်ႉ မီးၵူၼ်းပၢႆႈၽေးသိုၵ်း 750 ပၢႆ။  ၼႂ်းၼၼ်ႉမီးမႄႈလုၵ်ႈဢွၼ်ႇလဵၵ်ႉ 20 ပၢႆ၊ မီးလုၵ်ႈဢွၼ်ႇ 3 ၶူပ်ႇလူင်းတႂ်ႈ 40 ပၢႆ ၊ 6 ၶူပ်ႇလူင်းတႂ်ႈ 85 ၵေႃႉ...

ၸုမ်းပၢႆးမွၼ်းတႆး တုၵ်းယွၼ်းထိုင် ပီႈၼွင့်ၵူၼ်းမိူင်း ၼႂ်းမိူင်း/ ၼွၵ်ႈမိူင်း ႁူမ်ႈၵၼ် ၵမ့်ထႅမ် ၵူၼ်းထူပ်းၽေးသိုၵ်း၊ ၽေးသႃႇၽဝ လႄႈ ၽေးၵူႈလွင်ႈ ၼႂ်းမိူင်းတႆးဝႃႈၼႆ။ ၸဝ်ႈပၢႆးမွၼ်းတႆး ၼႂ်းမိူင်း/ ၼွၵ်ႈမိူင်း တင်းၼမ် ႁူမ်ႈၵၼ် ၶွတ်ႇၽွတ်ႈၶိုၼ်ႈမႃး ၸုမ်းပၢႆး မွၼ်းတႆးသေ တေတူင်ႉၼိုင်ႁဵတ်းသၢင်ႈ တႃႇၸွႆႈထႅမ် ၵူၼ်းမိူင်းတႆး ထူပ်းတၢင်းယၢပ်ႇၽိုတ်ႇ ၽေးပၢင်တိုၵ်း၊...

ၵူၼ်းပၢႆႈၽေးသိုၵ်းတီႈဝဵင်းၵျွၵ်ႉမႄး မီး 4000 ပၢႆ  ႁိုင်မႃးၶၢဝ်းတၢင်း 7-8 လိူၼ်ယဝ်ႉၵေႃႈ တေႃႇထိုင်ယၢမ်းလဵဝ် ပႆႇၸၢင်ႈပွၵ်ႈၶိုၼ်းႁိူၼ်းယေး ။ သိုၵ်းဢူၺ်းလီပွတ်းႁွင်ႇ ဢၼ်ပဵၼ် TNLA တင်း SSPP လႄႈတင်း RCSS ပိုတ်းယိုဝ်းၵၼ်ၼႂ်းၸႄႈဝဵင်းၵျွၵ်ႉမႄး ၸဵမ်မိူဝ်ႈလိူၼ် ၾႅပ်ႉပိဝ်ႊရီႊမႃးတေႃႇထိုင်ယၢမ်းလဵဝ် ယိုဝ်းယိုဝ်းၵိုတ်းၵိုတ်း၊ ၵူၼ်းဝၢၼ်ႈၸိူဝ်းပၢႆႈၽေးသိုၵ်းမႃးယူႇၸွမ်း ဝတ်ႉဝႃးၽႃသိူဝ်ႇလႄႈ ႁိူၼ်းယေးပီႈၼွင်ႉ  ႁူဝ်ၵူၼ်းတေမီးမွၵ်ႈ...

ၵူၼ်းပၢႆႈၽေးသိုၵ်း တီႈၸႄႈဝဵင်းၵျွၵ့်မႄး ၸိုင်ႈတႆးပွတ်းႁွင်ႇၸပ်းတၢင်းပဵၼ်ၶူဝ်ႊဝိတ့် 19 မွၵ်ႈ 200 ၵေႃ့  ဝႃႈၼႆ။ မိူဝ်ႈၼႆ့ ဝၼ်းတီႈ 17/9/2021 ၵူတ်ႇထတ်းပၢႆးယူႇလီပၼ် ၵူၼ်းပၢႆႈၽေးသိုၵ်း ၼႂ်းဢိူင်ႇမိူင်းတၢင်ႈ ၼႂ်းၸႄႈဝဵင်းၵျွၵ်ႉမႄး၊ တီႈပၢင်သဝ်းဝၢၼ်ႈပဵင်းၶႃး ထူပ်းႁၼ်ၵူၼ်းၸပ်းၶူဝ်ႊဝိတ်ႉ 29 ၵေႃ့၊ ဝၢၼ်ႈ ၼႃးမူၼ်းႁၼ် 5 ၵေႃ့  ။ ၽူႈၸွႆႈထႅမ် ၵူၼ်းပၢႆႈၽေးသိုၵ်း...