လိူၼ်မၢတ်ႉၶျ် ဝၼ်းတီႈ 20 ၵူႈပီပီၼႆႉ ၸုမ်းၶူၼ်ႉၶႂႃႉၼႂ်းလုမ်ႈၾႃႉလၢႆမိူင်း ႁူမ်ႈၵၼ် မၵ်းမၼ်ႈဝႆႉပဵၼ် ဝၼ်းသိူဝ်းၸႂ်ၵူႈမိူင်းမိူင်း ။ ပီ 2026 ၼႆႉ လႆႈႁၼ် ပိုၼ်ၽၢဝ်ႇဢွၵ်ႇမႃးဝႃႈ မိူင်းဢၼ်မီးတၢင်းသိူဝ်းၸႂ်သုတ်းၼႂ်းလုမ်ႈၾႃႉ ပဵၼ် ၸိုင်ႈမိူင်းၾိၼ်ႊလႅၼ်ႊ ။ ၸိုင်ႈမိူင်း ဢၼ်ႁူမ်ႈၶူၼ်ႉၶႂႃႉဝႆႉ တၢင်းသိူဝ်းၸႂ်ၵူၼ်းမိူင်း မီးဝႆႉ ၸိုင်ႈမိူင်း 140...

ၽွင်ႈၶၢဝ်းမႆႈၼႆႉ ၵူၼ်းပၢႆႈၽေးသိုၵ်း ႁဵင်ပၢႆ ဢၼ်မီးၼႂ်းဢိူင်ႇၵိူၼ်ႇတူလူင် ဝဵင်းမွၵ်ႇမႆႇ ၸိုင်ႈတႆးပွတ်းၸၢၼ်း ယၢပ်ႇၵိၼ်းၼမ်ႉၵိၼ်ၼမ်ႉၸႂ်ႉ ဝႃႈၼႆ ။ တႄႇႁူဝ်ပီ 2026 မႃးၼႆႉ ယွၼ်ႉသိုၵ်းမၢၼ်ႈ တင်း ပျီႇတူႉၸိတ်ႉပဢူဝ်း PNO လႄႈ တပ်ႉသိုၵ်း PNLA ပဵၼ်ပၢင်တိုၵ်း ပိုတ်းယိုဝ်းၵၼ်တၢင်းဝၢၼ်ႈပၢင်မၢၵ်ႇၼၼ်ႉသေ ႁဵတ်းႁႂ်ႈၵူၼ်းမိူင်းၼႂ်းပိုၼ်ႉတီႈ မွၵ်ႈ 5 ဝၢၼ်ႈ...

ၵူၼ်းပၢႆႈၽေးသိုၵ်း ၸိူဝ်းပၢႆႈမႃးသွၼ်ႈယူးသဝ်းဝႆႉၼႂ်းပွၵ်ႉၼႂ်းယွမ်ႇ လႄႈဝၢၼ်ႈဢိူင်ႇ ၸွမ်းၶႅပ်ႇဝဵင်းတူၼ်ႈတီး ၺႃးၵၢင်ႉၵႄႇသင်ႇႁႂ်ႈတၢင်ႇသဵၼ်ႈမၢႆၶႅၵ်ႇ  ၼိုင်ႈဝူင်ႈၼိုင်ႈပွၵ်ႈ  ၊ ၽႂ်ဢမ်ႇတၢင်ႇ တေၸႅင်ႈၸူးပလိၵ်ႈ ႁႂ်ႈမႃးတီႉၺွပ်းဝႃႈၼႆ  ။ ဢိင်ၼိူဝ်ပၢင်တိုၵ်းၽႅၼ်ယၼ်ႇသိုၵ်း 1111 ၼႂ်းမိူင်းယၢင်းလႅင်သေ ၵူၼ်းမိူင်းၼႂ်းၸႄႈဝဵင်းလွႆၶေႃ ၊ ၾၢႆၶုၼ် ပၢႆႈမႃးယူႇတီႈၶႅပ်ႇဝဵင်းတူၼ်ႈတီး  မီးၸမ် 2 ပီယဝ်ႉ။ ၵၢင်ႉၵႄႇဝဵင်းတူၼ်ႈတီးဝႃႈ ၵူၼ်းပၢႆႈၽေးသိုၵ်း  ပေႃးဢမ်ႇတၢင်ႇသဵၼ်ႈမၢႆၶႅၵ်ႇ ပလိၵ်ႈတေတီႉ ၼၢင်းယိင်းၵူၼ်းမိူင်းဝဵင်းလွႆၶေႃ ပၢႆႈၽေးသိုၵ်းယူႇတီႈဝဵင်းတူၼ်ႈတီးလၢတ်ႈၽူႈတွႆႇႁွၵ်ႈဝႃႈ...

လုၵ်ႈဢွၼ်ႇၸိူဝ်းလႆႈငိူင်ႉပၢႆႈၽေးသိုၵ်းယူႇဝႆႉၼႂ်းထိူၼ်ႇ ႁိမ်းဝၢၼ်ႈၼႃးႁီး ဢိူင်ႇၵိူၼ်ႇတူလူင် ၸႄႈဝဵင်းမွၵ်ႇမႆႇ ဢမ်ႇလႆႈၵိၼ်ၶဝ်ႈၼမ်ႉတၢင်းၵိၼ်လီ ၶၢတ်ႇဢႃႇႁႃႇရႃႉ လူဝ်ႇတၢင်း ၸွႆႈထႅမ်ဝႆႉႁၢဝ်ႈႁႅင်း ၼႆယဝ်ႉ ။ ယွၼ်ႉသိုၵ်းမၢၼ်ႈ တင်း ပျီႇတူႉၸိတ်ႉပဢူဝ်း PNO လႄႈ တပ်ႉသိုၵ်း PNLA ပဵၼ်ပၢင်တိုၵ်းယိုဝ်းၵၼ်တၢင်းဝၢၼ်ႈပၢင်မၢၵ်ႇၼၼ်ႉသေ ႁဵတ်းႁႂ်ႈၵူၼ်းမိူင်းၼႂ်းပိုၼ်ႉတီႈ မွၵ်ႈ 5 ဝၢၼ်ႈ ႁူဝ်ၼပ်ႉၵူၼ်းၼိုင်ႈႁဵင်ၵေႃႉပၢႆ လႆႈငိူင်ႉပၢႆႈၽေးသိုၵ်းယူႇ ၼႆယဝ်ႉ...

တႄႇႁၢင်လိူၼ် ၾႅပ်ႉပိဝ်ႊရီႊၼႆႉမႃး ပၢင်တိုၵ်းတၢင်းဢိူင်ႇၵိူၼ်တူလူင် ၸႄႈဝဵင်းမွၵ်ႇမႆႇ ၸိုင်ႈတႆးပွတ်းၸၢၼ်း ယဵၼ်ဝႆႉသေတႃႉ ၵူၼ်းပၢႆႈၽေးသိုၵ်း ပႆႇၸၢင်ႈ ပွၵ်ႈမိူဝ်းႁိူၼ်းယေးၽႂ်မၼ်း ၊ လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ် ဝႆႉဝႃႈၼႆ ။ တႄႇဝၼ်းတီႈ 1 လိူၼ်ၵျႅၼ်ႊၼိဝ်ႊရီႊၼႆႉမႃး သိုၵ်းမၢၼ်ႈ တင်း ပျီႇတူႉၸိတ်ႉပဢူဝ်း PNO ထူဝ်းသိုၵ်းၸူး ငဝ်ႈငုၼ်း တပ်ႉသိုၵ်း PNLA...

မိူဝ်ႈၼႆႉဝၼ်းတီႈ 25/1/2026 ပဵၼ်ဝၼ်းပၢင်လိူၵ်ႈတင်ႈၼႆႉ ၵၢင်ႉၵႄႇၼႂ်းဝၢၼ်ႈလွၵ်ႇငိုတ်ႈ ႁႂ်ႈၵူၼ်းပၢႆႈၽေးသိုၵ်း မႃးတွတ်ႈၶႅပ်းၵၢင်ၸႂ် သင်ဢမ်ႇမႃးတွတ်ႈ တေဢမ်ႇပွၵ်ႈၶိုၼ်း ႁိူၼ်းၼႆယဝ်ႉ ။ ၵူၼ်းၸၢႆးပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ ၵူၼ်းပၢႆႈၽေးသိုၵ်းဢၼ်မီးတီႈတၢင်းတူၼ်ႈတီးၼႆႉ လႆႈမိူဝ်းပၼ်ၶႅပ်းၵၢင်ၸႂ်တၢင်းသွင်းပျွင်းၶိုၼ်း ၊ ၵၢင်ႉၵႄႇလၢတ်ႈဝႃႈ ပေႃးၶႂ်ႈမႃးယူႇၶိုၼ်း တီႈဝၢၼ်ႈ တေလႆႈမႃးတွတ်ႈၶႅပ်းၵၢင်ၸႂ်ၼႆ ၊ တၢင်းပုၼ်ႉၼႆႉ PNO ၶဝ်ႁႅင်းယႂ်ႇဝႆႉ ၵူဝ်ဢမ်ႇမီးၵူၼ်းၵႂႃႇ တွတ်ႈၶႅပ်းၵၢင်ၸႂ်လႄႈယူဝ်ႉ...

ၵူၼ်းပၢႆႈၽေးသိုၵ်း 1500 ပၢႆ ဢၼ်မီးၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ဢမ်ႇလႆႈတင်းၵမ်ႉၸွႆႈမႃး ပီပၢႆယဝ်ႉ လူဝ်ႇတၢင်းၸွႆႈထႅမ်ႁၢဝ်ႈႁႅင်း ဝႃႈၼႆ ။ ၵူၼ်းၸွႆႈထႅမ် ၵူၼ်းပၢႆႈၽေးသိုၵ်းၼႂ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“တီႈယူႇတႄႉ လႆႈႁဵတ်း သုမ်ႉယူႇတီႈလိၼ်ဢၼ်ၵူၼ်းဝၢၼ်ႈပၼ်ဝႆႉ ၊ တႃႇၵိၼ်တႃႇယႅမ်ႉတႄႉ ယၢပ်ႇၽိုတ်ႇဝႆႉဢေႃႈ ။ ယွၼ်ႉၵူၼ်းပၢႆႈၽေးသိုၵ်းၵမ်ႈၼမ် ပဵၼ်ၵူၼ်းႁဵတ်းၵၢၼ်ႁႃၸဝ်ႉၵိၼ်ၶမ်ႈ ၊ မိူဝ်ႈလဵဝ် ၵၢၼ်ၵေႃႈ ႁႃယၢပ်ႇ...

သိုၵ်းမၢၼ်ႈပွႆႇမၢၵ်ႇ တီႈလႅၼ်ၶႅၼ်ႈ  မိူင်းယႆ - သီႇပေႃႉ တီႈဢၼ်သိုၵ်းၵဝ်ႈၵၢင်ႉယူႇသဝ်းဝႆႉၼၼ်ႉ ႁဵတ်းႁႂ်ႈၵူၼ်းမိူင်းမွၵ်ႈ 300 ၵေႃႉ လႆႈငိူင်ႉပၢႆႈၽေးသိုၵ်း- ယၢမ်းလဵဝ် တႄႉဢွၼ်ၵၼ်ပွၵ်ႈၶိုၼ်းႁိူၼ်းယေးယဝ်ႉဝႃႈၼႆ။ 9/1/2026 ယၢမ်းၵၢင်ၼႂ် 10 မူင်းၶိုင်ႈ သိုၵ်းမၢၼ်ႈဢဝ်ႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ႁိမ်းဝၢၼ်ႈ သႅၼ်တေႃ ဢၼ်မီးၼိူဝ်သဵၼ်ႈတၢင်းၸႄႈဝဵင်းမိူင်းယႆၵႂႃႇတၢင်း ဝဵင်းသီႇပေႃႉ ႁဵတ်းႁႂ်ႈၵူၼ်းမိူင်းလႆႈငိူင်ႉပၢႆႈၽေးသိုၵ်း ။...

ပၢင်တိုၵ်း ၽႅၼ်ယၼ်ႇသိုၵ်း 1027 ပွၵ်ႈၵမ်းသွင်ၼႆႉ သိုၵ်းတဢၢင်း ၵုမ်းလႆႈ ၸႄႈဝဵင်းသီႇပေႃႉ၊ ဝဵင်းၵျွၵ်ႉမႄး၊ ဝဵင်းၼွင်ၶဵဝ်၊ ဝဵင်းမိူင်းလူင်၊ ဝဵင်းမိူင်းငေႃႉ၊ ဝဵင်းမိူင်းမိတ်ႈ၊ ဝဵင်းၼမ်ႉသၼ်ႇ၊ ဝဵင်းမၢၼ်ႈတူင်ႈ၊ ဝဵင်းၵူတ်ႉၶၢႆ၊ ဝဵင်းၼမ်ႉၶမ်း လႄႈ ဝဵင်းၼမ်ႉတူႈ ၸဵမ်ၸိူဝ်းၼႆႉ။ ပိူင်ပဵၼ် လွင်ႈႁိမ်ၸိင်းၼႃႈတီႈၵၼ်ၸိူဝ်းၼႆႉ ၶႄႇၵေႃႈ တိုၼ်းပၵ်းတႃပႂ်ႉတူၺ်းယူႇတႃႇသေႇ။ ပေႃးလႅပ်ႈတေတုမ်ႉတိူဝ်ႉၽွၼ်းပၢင်ႈၶႄႇယဝ်ႉၼႆ ၶႄႇတေႁွင်ႉဢဝ်...

ၵူၼ်းပၢႆႈၽေးသိုၵ်း ဝဵင်းၾၢႆၶုၼ် ၸိုင်ႈတႆးပွတ်းၸၢၼ်း  ပွၵ်ႈမိူဝ်းဢဝ် ၶဝ်ႈၵၢပ်ႇ တီႈႁိူၼ်း သေ မႃးၶိုၼ်း တီႈပၢင်သဝ်းၼၼ်ႉ ႁၢႆၵႂႃႇၵၢင်တၢင်း  လႆႈၶၢဝ်းတၢင်း ဝူင်ႈၼိုင်ႈၸင်ႇမီးၵူၼ်း သိုပ်ႇၾူၼ်း မႃးႁႂ်ႈဢဝ်ငိုၼ်းမႃးထုတ်ႇဢဝ် ။ မၼ်းၸၢႆး ၸိုဝ်ႈႁွင်ႉ - ၵူဝ်ႇဢွင်ႇၵူဝ်ၵူဝ်ႇ ဢႃယု 25  ပီ ယူႇဝဵင်းၾၢႆၶုၼ်  ။  ပီၵၢႆ...

ၵူၼ်းပၢႆႈၽေးပၢင်တိုၵ်း 1000 ပၢႆ ၼႂ်းၸႄႈဝဵင်းဝၢၼ်ႈငႂ်ႈ (ယႂႃႇငၢၼ်ႇ) ၸိုင်ႈတႆးပွတ်းၸၢၼ်း လႆႈၶၢဝ်းတၢင်းၼိုင်ႈပီယဝ်ႉပႆႇၸၢင်ႈပွၵ်ႈၶိုၼ်းႁိူၼ်း လူဝ်ႇတၢင်းၸွႆႈထႅမ်ၶဝ်ႈၼမ်ႉတင်းၵိၼ်။ ပဵၼ်ၵူၼ်းဝၢၼ်ႈ ယၼႄး 500 ပၢႆ ဢၼ်ၺႃးသိုၵ်းမၢၼ်ႈၽဝ်ႈဝၢၼ်ႈပႅတ်ႈၽွင်းႁၢင်ပီ 2024 ပၢင်တိုၵ်းသိုၵ်းမၢၼ်ႈလႄႈ သိုၵ်းထၼူႉ DSNDA  လႄႈတင်း ၵူၼ်းဝၢၼ်ႈ ၵျွၵ်ႉတေႃးလႄႈ ဝၢၼ်ႈၺွင်ႇပိၼ်ႇသႃႇ 600 ပၢႆ  ဢၼ်ၺႃးသိုၵ်းမၢၼ်ႈဢဝ်ႁိူဝ်းမိၼ်ပွႆႇမၢၵ်ႇသႂ်ႇဝၢၼ်ႈ ၽွင်းၵၢင်ပီ...

ဝၢႆးလင် ၸုမ်းလုၵ်ႉၽိုၼ်ႉထွႆဢွၵ်ႇ  ဝဵင်းၾၢႆၶုၼ်ယဝ်ႉ တႄႇဢဝ်လိူၼ်ၵျူႊလၢႆႊၼႆႉမႃး သိုၵ်းမၢၼ်ႈႁူမ်ႈပျီႇတူႉၸိတ်ႉ ၶဝ်ႈပၵ်းတပ်ႉ ၼႂ်းဝၢၼ်ႈ သင်ႇႁႂ်ႈၵူၼ်းပၢႆႈၽေးသိုၵ်း မႃးဢဝ်ဝႂ်ႁပ်ႉႁွင်းတီႈလုမ်းၵူတ်ႇထတ်းသဵၼ်ႈမၢႆႁူဝ်ၵူၼ်းသေ  ပွၵ်ႈယူႇႁိူၼ်းယေးၽႂ်မၼ်းၶိုၼ်း ။   ပေႃး လဝၵ ထတ်းလႄႈ ဢမ်ႇၸႂ်ႈ ၵူၼ်းၼႂ်းၸႄႈဝဵင်းၾၢႆၶုၼ် ဢမ်ႇပၼ်ၶဝ်ႈယူႇၶိုၼ်းၼႂ်းဝဵင်း ဝႃႈၼႆ။   ၵူၼ်းၸွႆႈထႅမ် ၵူၼ်းပၢႆႈၽေးသိုၵ်းပၢင်လွင်း-ၾၢႆၶုၼ်လၢတ်ႈၽူႈတွႆႇႁွၵ်ႈဝႃႈ -“ၶဝ်( သိုၵ်းမၢၼ်ႈ ) ႁွင်ႉပွၵ်ႈမိူဝ်းၶိုၼ်းႁိူၼ်း။...

မိူင်းတႆးၼႆႉ မီးၸၢဝ်းၶိူဝ်းဢၼ်လၢၵ်ႇလၢႆလႄႈ သင်ပဵၼ်သူၼ်မွၵ်ႇၵေႃႈ ပဵၼ်သူၼ်ဢၼ်မီးမွၵ်ႇၸေးသီ ႁၢင်ႈလီ ။ ၵူၺ်းၵႃႈ ဢိင်ၼိူဝ်ငဝ်းလၢႆးၵၢၼ်မိူင်းၵၢၼ်သိုၵ်းသေ သုၵ်ႉယုင်ႈဢူၼ်ၵဝ်း ထိုင်တီႈၵူၼ်းမိူင်းယူႇဢမ်ႇလႆႈ ပၢႆႈဢမ်ႇလွတ်ႈ ။ ပွတ်းတၢင်းဝဵင်းၼမ်ႉၶမ်း ၸိုင်ႈတႆးပွတ်းႁွင်ႇၼႆႉ မိူဝ်ႈလဵဝ် ပၢင်တိုၵ်းယဵၼ်ယဝ်ႉသေတႃႉ တိုၵ်ႉလႆႈယူႇတႂ်ႈသိုၵ်းၵူၺ်းလႄႈ ၵူၼ်းမိူင်းပႆႇမီးလွင်ႈႁူမ်ႇလူမ်ႈသင် ။ လိူဝ်ၼၼ်ႉ ၸဝ်ႈႁၢၼ်ႉၸဝ်ႈသႅင်ႇၺႃးၵဵပ်းၶွၼ်ႇလိူဝ်ႁႅင်းလႄႈ ၸိူဝ်းလႆႈပိၵ်ႉဢိုတ်းႁၢၼ်ႉ ပၢႆႈသွၼ်ႈယူႇတၢင်ႇတီႈၵေႃႈမီး ။...

တႄႇႁူဝ်လိူၼ် တီႊသိၼ်ႊပိူဝ်ႊၼႆႉမႃး ၾိင်ႈၾႃႉရႃႇသီႇလႅၵ်ႈလၢႆႈၵတ်းႁႅင်း ႁဵတ်းႁႂ်ႈၵူၼ်းပၢႆႈ ၽေးသိုၵ်း ႁဵင်ပၢႆ ဢၼ်မီးၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း လူဝ်ႇတၢင်းၸွႆႈထႅမ် ၽႃႈၽႅၼ်ႇ ၊ သိူဝ်ႈၶူဝ်းဢုၼ်ႇ ၶဝ်ႈၼမ်ႉတၢင်းၵိၼ် ၸိူဝ်းၼႆႉ ဝႃႈၼႆ ။   ပၢင်သဝ်းၵူၼ်းပၢႆႈၽေးသိုၵ်းၼႂ်းၸႄႈဝဵင်းပၢင်လွင်းၼႆႉမီး 5 တီႈ ။ ၼိုင်ႈတီႈၼႆႉ ႁူဝ်ၵူၼ်း မီး 200...

ပေႃးဢဝ်ၶေႃႈသင်ႇသွၼ်ပုတ်ႉထဝႃႈတႄႉ တႃႇၵိူတ်ႇမႃးပဵၼ်ၵူၼ်းၼႆႉမၼ်းယၢပ်ႇၼႃႇ ၊ ၸင်ႇၼၼ်လႄႈ ပဵၼ်ၵူၼ်းမႃးၼိုင်ႈၵေႃႉယဝ်ႉၸိုင် တၵ်းလူဝ်ႇဝႆႉၵႃႈၶၼ်ၽဝပဵၼ်ၵူၼ်း။ ဝႃႈၼၼ်သေတႃႉ ၼႃႈႁိူၼ်းမၢင်ၸိူဝ်းသမ်ႉ ဢိင်ၼိူဝ်ငဝ်းလၢႆးသေ ၸၢင်ႈဢဝ်လုၵ်ႈဢွၼ်ႇဢၼ်ၵိူတ်ႇဢွၵ်ႇတွင်ႉမႃးၼၼ်ႉ ၵႂႃႇပိုၼ်ႉၵႂႃႇပွႆႇပႅတ်ႈ။ ၶၢဝ်းသိုၵ်းမၢၼ်ႈယိုတ်းမိူင်းလႄႈ ဝၢႆးပၢင်ယၼ်ႇသိုၵ်း 1027 ၼႆႉ လုၵ်ႈဢွၼ်ႇလႅင်ၸိူဝ်းၺႃးပွႆႇပႅတ်ႈၼမ်လိူဝ်မႃးဝႃႈၼႆ ။ လုၵ်ႈဢွၼ်ႇလႅင် ၵိူတ်ႇဢွၵ်ႇတွင်ႉမႃး ယင်းဢမ်ႇတၼ်းႁူႉၸၵ်းပေႃႈႁူႉၸၵ်းမႄႈ သမ်ႉပေႃးၺႃးပွႆႇပိုၼ်ႉပွႆႇပႅတ်ႈ ။ ၼႂ်းပီသွင်ပီမႃးၼႆႉ လုၵ်ႈဢွၼ်ႇလႅင် ၸိူဝ်းၺႃးပွႆႇပႅတ်ႈ...