ၼမ်ႉၶမ်း

ၵူၼ်းယူႇၼႂ်းဝဵင်းၸေႊၵဝ်ႇ လင်ႁိူၼ်း 100 ပၢႆ ႁူဝ်ၵူၼ်းမွၵ်ႈ 600 ထုၵ်ႇၾၢႆႇၽွင်းငမ်းၼႃႈလိၼ်တႆး တႂ်ႈ ၶူင်း ႁွင်ႉၵႂႃႇၵၵ်းတူဝ်ဝႆႉတီႈ မိူင်းမၢဝ်း၊ တႃႇၵုမ်းၵမ်လႆႈတၢင်းပဵၼ်ၶူဝ်ႊဝိတ်ႉ 19 ပေႃးတေဢမ်ႇၽႄႈ လၢမ်း ႁၢဝ်ႈႁႅင်း ဝႃႈၼႆ။ ဝၼ်းတီႈ 8/7/2021 ယၢမ်းၵၢင်ၼႂ် ၾၢႆႇၽွင်းငမ်းၸႄႈဝဵင်းမိူင်းမၢဝ်း ၼႃႈလိၼ်ၽွင်းငမ်းတူဝ်ၵဝ်ႇ တႆးတႂ်ႈ ၶူင်း ႁွင်ႉဢဝ်ၵူၼ်းၸႃႇတီႉ...

တင်ႈဢဝ်ႁၢင်လိူၼ်ၵျုၼ်ႊမႃးတေႃႇထိုင်ဝၼ်းမိူဝ်ႈၼႆႉ 5/7/2021 တီႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇမီးၵူၼ်ႊတိတ်းၸပ်းတၢင်းပဵၼ်ၶူဝ်ႊဝိတ်ႉ 19 ပုင်ႈၶိုၼ်ႈၼမ် လူႉတၢႆၵေႃႈထပ်းၵၼ်မႃးလႄႈ ၾၢႆႇလိူမ်ႈလႆႇ ဢွၵ်ႇလိၵ်ႈသင်ႇပိၵ်ႉၵၢတ်ႇဝႆႉတႃႇၼိုင်ႈဝူင်ႈ။ ဝၼ်းတီႈ 20/6/2021 တေႃႇထိုင်ဝၼ်းတီႈ5/7/2021 မိူဝ်ႈၼႆႉတီႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ မီးၵူၼ်းၸပ်းတၢင်းပဵၼ်ၽႄႈလၢမ်းဝႆး တင်းမူတ်းမီးထိုင် 92 ၵေႃႉ။ လူႉတၢႆ  6 ၵေႃႉယဝ်ႉ ၵူၼ်းၼုမ်ႇၼမ်ႉၶမ်းလၢတ်ႈ။ “တလဵဝ်ၼႆႉ ၵူၼ်းၸပ်းတင်းပဵၼ်ၶူဝ်ႊဝိတ်ႉ 19 တီႈဝဵင်းၼမ်ႉၶမ်းၼႆႉ...

ယၢမ်းလဵဝ် ၼႂ်းမိူင်းတႆး မီးၵူၼ်းတိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19 ဢမ်ႇယွမ်း ၼိုင်ႈႁဵင်ယဝ်ႉ လူႉတၢႆ မွၵ်ႈ 20 ၵေႃႉ။ တႄႇဢဝ်ၼႂ်းလိူၼ်ၵျုၼ်ႊ 2021 ၼႆႉမႃး တၢင်းပဵၼ်ၶူဝ်ႊဝိတ်ႉ 19 ၽႄႈလၢမ်း ၼႂ်းမိူင်းတႆး သၢမ်ပွတ်းတွၼ်ႈမႃးႁၢဝ်ႈႁႅင်း ယၢမ်းလဵဝ် မီးၵူၼ်းတိတ်းၸပ်းၸိူဝ်ႉမႅင်း ၶူဝ်ႊဝိတ်ႉ 19 ဢမ်ႇယွမ်း ႁဵင်...

တၢင်းပဵၼ်ၶူဝ်ႊဝိတ်ႉ 19 လၢမ်းၽႄႈၸပ်းၵၼ်ဝႆး ၼႂ်းၸိုင်ႈတႆး ပွတ်းႁွင်ႇ ဝၼ်းလဵဝ်ၵူၺ်း မီးၵူၼ်းလူႉတၢႆ ယွၼ်ႉတၢင်းပဵၼ်ၶူဝ်ႊဝိတ်ႉ 19  ထိုင် 4 ၵေႃႉ ။    မိူဝ်ႈၼႆႉ ဝၼ်းတီႈ 1/7/2021 ၵူၼ်းမိူင်းတႆး ပွတ်းႁွင်ႇ တၢႆယွၼ်ႉတၢင်းပဵၼ်ၶူဝ်ႊဝိတ်ႉ 19 ၼႂ်းၸႄႈဝဵင်းၵျွၵ်ႉမႄး 1 ၵေႃႉ၊ ၼွင်ၶဵဝ်...

ဢိင်ၼိူဝ် ငဝ်းလၢႆး ၼႂ်းပိုၼ်ႉတီႈ လႄႈပၼ်ႁႃလၢႆလၢႆဢၼ် ဢၼ်ၵူၼ်းမိူင်းဝဵင်းၼမ်ႉၶမ်း လႆႈႁူပ်ႉထူပ်းသေ မိူဝ်ႈၼႆႉပဵၼ်ဝၼ်းၵၢတ်ႇၼႆသေတႃႉၵေႃႈ ၵၢတ်ႇၼမ်ႉၶမ်းဢမ်ႇငိုၼ်း ဝဵင်းၼမ်ႉၶမ်းပေႃးယဵၼ်သီႇလူင်ဝႆႉ ၵူၼ်းမိူင်းၼမ်ႉၶမ်းလၢတ်ႈၼင်ႇၼႆ။ မိူဝ်ႈၼႆႉ ဝၼ်းတီႈ 29/6/2021 ပဵၼ်ဝၼ်းၵၢတ်ႇ 5 ဝၼ်းလႂ် ၼိုင်ႈပွၵ်ႈ ၼႂ်းၸႄႈဝဵင်း ၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆး ပွတ်းႁွင်ႇ ဢမ်ႇမီးၵူၼ်းမႃး ၶဝ်ႈသိုဝ်ႉၶၢႆ ၸၢႆႇၵၢတ်ႇ၊...

မိူဝ်ႈၼႆႉ ဝၼ်းတီႈ 28/6/2021 ၵူၼ်းမိူင်းၼမ်ႉၶမ်းႁူမ်ႈၵၼ်ၼႄၵၢင်ၸႂ်သၢၼ်ၶတ်းသိုၵ်း SSPP ၵၢင်ဝဵင်း ၼမ်ႉၶမ်း ၊ မၢၵ်ႇတႅၵ်ႇ တိူဝ်ႉၵူၼ်း မၢတ်ႇၸဵပ်းလူႉတၢႆ။ ၵူၼ်းမိူင်းထုင်ႉမၢဝ်းလႄႈၵူၼ်းမိူင်းၼမ်ႉၶမ်း ႁူမ်ႈဢဵၼ်ႁႅင်း  မွၵ်ႈ 1000 ပႆတၢင်းၼႄၵၢင်ၸႂ် ၵၢင်ဝဵင်း ၼမ်ႉၶမ်း ၊ ႁွင်ႉပၢဝ်ႇသၢၼ်ၶတ်းသိုၵ်း SSPP ဢၼ်ယူႇၸွမ်းထုင်ႉမၢဝ်း။ ၽွင်းၼၼ်ႉ မၢၵ်ႇတႅၵ်ႇ 3...

 ၵေႃႇမတီႇတၢင်တူဝ်ၵူၼ်းမိူင်းထုင်ႉမၢဝ်း ဢၼ်သင်ၶၸဝ်ႈလႄႈ ၵူၼ်းမိူင်းထုင်ႉမၢဝ်း ႁူမ်ႈၵၼ် ၶွတ်ႇၽွတ်ႈဝႆႉၼၼ်ႉ ဢွၵ်ႇလိၵ်ႈပွင်ႇလႅင်းထိုင်ၵူၼ်းမိူင်းဝႃႈ တေ ႁူမ်ႈၸွႆႈၵႄႈလိတ်ႈ ပၼ်ႁႃ  ၼႂ်းၵႄႈသိုၵ်းတႆး သွင်ၸုမ်းဝႃႈၼႆ။ မိူဝ်ႈဝၼ်းတီႈ 18/5/2021 ယူႇတီႈၵေႃႇမတီႇတၢင်တူဝ်ၵူၼ်းမိူင်း ထုင်ႉမၢဝ်း ႁဵတ်းလိၵ်ႈဢွၵ်ႇ  ပွင်ႇလႅင်းထိုင် ပေႃႈမႄႈ ပီႈၼွင်ႉၵူၼ်းမိူင်း ထုင်ႉမၢဝ်းတင်းသဵင်ႈ ၵဵဝ်ႇလူၺ်ႈသိုၵ်းတႆး သွင်ၸုမ်း သင်ဝႃႈ မီးလွင်ႈပူၼ်ႉပႅၼ် သုၼ်ႇလႆႈသုၼ်ႇပဵၼ်...

ၵူၼ်းမိူင်း ၼမ်ႉၶမ်း ႁိမ်ဝႂ်တူဝ်ႇၵိၼ်ႇ/ တိုကင် (ဝႂ်ၶိဝ်း) တႃႇထွၼ်ငိုၼ်း တီႈယေးငိုၼ်းၵမ်ႇပေႃးၸ ၊ တေႃႇဝၼ်းမီး ၼပ်ႉႁူဝ်ပၢၵ်ႇ မၢင်ၵေႃႉ ထိုင်တီႈလႆႈၵႂႃႇ ၼွၼ်းပႂ်ႉ ပဵၼ် 2-3 ၶိုၼ်းၵေႃႈမီး  ။ တႄႇဢဝ် ႁူဝ်လိူၼ်မေႊ 2021 ၼႆႉမႃး ၵူၼ်းမိူင်း ႁႄႇၵၼ် ၵႂႃႇႁိမ်ဢဝ် ဝႂ်တူဝ်ႇၵိၼ်ႇ/...

ၵူၼ်းၼုမ်ႇ ဝဵင်းၼမ်ႉၶမ်း ၶီႇရူတ်ႉၶိူင်ႈယုၵ်ႉမိုဝ်း 3 ၼိဝ်ႉသေ ၼႄၵၢင်ၸႂ် သၢၼ်ၶတ်း ၸုမ်းသိုၵ်းမၢၼ်ႈ ယိုတ်းမိူင်း ၵူႈဝၼ်း၊ ဝၼ်းမိူဝ်ႈၼႆႉ ၺႃးၽုင်သိုၵ်းယိုတ်းဢႃႇၼႃႇ ဢဝ်ဢဵၼ်ႁႅင်းလိုပ်ႈလမ်း။ မိူဝ်ႈၼႆႉ ဝၼ်းတီႈ 19/3/2021 ယၢမ်းဝၢႆးဝၼ်း မွၵ်ႈ 1 မူင်း ၵူၼ်းၼုမ်ႇ ၼမ်ႉၶမ်း ႁူမ်ႈၵၼ်သေ ၶီႇရူတ်ႉၶိူင်ႈ ယုၵ်ႉမိုဝ်း...

တင်ႈတႄႇ ဝၼ်းတီႈ 28 မႃး သိုၵ်းမၢၼ်ႈ ပလိၵ်ႈမၢၼ်ႈ ၸႂ်ႉလၢႆးႁုၵ်းႁၢႆႉ ယႃႉၵဝ်း သေတႃႉ ၵူၼ်းတူၼ်ႈတီး ၼပ်ႉႁူဝ်ပၢၵ်ႇ သိုပ်ႇၼႄၵၢင်ၸႂ် သၢၼ်ၶတ်း သိုၵ်းမၢၼ်ႈ ယိုတ်းဢႃႇၼႃႇ ဝၢၼ်ႈမိူင်း ၼၼ်ႉ ၵူႈမိုဝ်ႉ ၵူႈဝၼ်း။ ၵူႈဝၼ်းဝၼ်းၼႆႉ ၵူၼ်းယူႇဝဵင်းတူၼ်ႈတီး ၼႄၵၢင်ၸႂ် လၢႆလၢႆး - ယၢမ်းၵၢင်...

မၢႆတွင်း ဝၼ်း 2 ႁႃႈတူဝ်သေ ၵူၼ်းမိူင်းတႆး လၢႆလၢႆဝဵင်း ဢိၵ်ႇလူၺ်ႈ ၵူၼ်းၼႂ်းမိူင်းႁူမ်ႈတုမ် ၵူႈတိူင်းလႄႈ ၵူႈၸႄႈမိူင်း ဢွၼ်ၵၼ် လုၵ်ႉ ႁိုၼ်ႇၼႄၵၢင်ၸႂ် သၢၼ်ၶတ်းတေႃႇ သိုၵ်းမၢၼ်ႈ ယိုတ်းဢႃႇၼႃႇ  ႁၢဝ်ႈႁၢဝ်ႈႁႅင်းႁႅင်း။ မိူဝ်ႈၼႆႉ ဝၼ်းတီႈ 22/2/2021 ယိူင်းဢၢၼ်းၼင်ႇႁိုဝ် ဝၢၼ်ႈမိူင်း ပေႃးတေဢမ်ႇတူၵ်းၼႂ်းမိုဝ်းသိုၵ်းမၢၼ်ႈ ၵုမ်းၵမ် ၼႆသေ...

သြႃႇၸၢႆးဢွင်ႇဝုၼ်း ၽူႈၼမ်းလႄႈ  ၽူႈယိပ်းငိုၼ်း ၸုမ်းၶွတ်ႇလိူတ်ႈ UP ၼမ်ႉၶမ်းဢၼ်ၺႃးယိုဝ်းၼၼ်ႉ ယၢမ်းလဵဝ် ႁၢႆလီ ၸိုၼ်ႈၶႅၼ်းယဝ်ႉသေ လႆႈၶႂၢင်ႉလူင်းႁူင်းယႃ မိူဝ်းယူႇႁိူၼ်းၶိုၼ်းယဝ်ႉ။ သြႃႇၸၢႆးဢွင်ႇဝုၼ်း ၵေႃႉထုၵ်ႇၵူၼ်းႁၢႆႉ   ၶီႇရူတ်ႉၶိူင်ႈၶဝ်ႈမႃးယိုဝ်းထိုင်ၼႂ်းႁိူၼ်းမၼ်းၸၢႆး ပွၵ်ႉၼွင်ၸၢင်ႉ ၸႄႈဝဵင်း ၼမ်ႉၶမ်း မိူဝ်ႈႁူဝ်လိူၼ်ပူၼ်ႉမႃးၼႆႉၼၼ်ႉ ယၢမ်းလဵဝ် ယူႇလီၵိၼ်ဝၢၼ် ႁၢႆလီၸိုၼ်ႈၶႅၼ်းမႃးယဝ်ႉလႄႈ လႆႈၶႂၢင်ႉလူင်းႁူင်းယႃမႃး မီးၶၢဝ်းတၢင်းဝူင်ႈ႞ယဝ်ႉ ဝႃႈၼႆ။ သြႃႇၸၢႆးဢွင်ႇဝုၼ်း  လၢတ်ႈတီႈၽူႈတွႆႇႁွၵ်ႈဝႃႈ...

ၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇၼၼ်ႉ ပႃႇတီႇၸိူဝ်ႉၸၢတ်ႈတဢၢင်းပလွင်ႈ TNP ဢွင်ႇပေႉ တင်း 4 တီႈၼင်ႈလႄႈ ၸၢဝ်းတဢၢင်း ဢွၼ်ၵၼ်ႁူမ်ၸူမ်း ၸတ်းပၢင်ဢွင်ႇမၢၼ်ပၢင်လိူၵ်ႈတင်ႈ ဝႃႈၼႆ။ ဝၼ်းတီႈ 11/11/2020 ယၢမ်းၵၢင်ၶမ်ႈ ၸၢဝ်းတဢၢင်းပလွင်ႈ(လွႆ)တင်းၼမ် ၸတ်းႁဵတ်းပၢင် ႁူမ်ၸူမ်း ဢၼ်ပႃႇတီႇၸိူဝ်ႉ ၸၢတ်ႈတဢၢင်း TNP ဢွင်ႇပေႉပၢင်လိူၵ်ႈ တီႈၼင်ႈသၽႃး တင်း 4...

ပၢင်လိူၵ်ႈတင်ႈ ၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇၼႆႉ တေႃႇထိုင်ယၢမ်းလဵဝ် ၸွမ်းၼင်ႇလႆႈႁူႉႁူဝ်ၼပ်ႉၶႅပ်းၵၢင်ၸႂ်ဝႆႉၽွင်ႈၼၼ်ႉ ပႃႇတီႇၸိူဝ်ႉၸၢတ်ႈတဢၢင်း TNP လႆႈၶႅပ်းသဵင်ၼမ်လိူဝ်ဝႆႉထႅင်ႈ ဝႃႈၼႆ။ ပၢင်လိူၵ်ႈတင်ႈတီႈၸႄႈဝဵင်း ၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ၸွမ်းၼင်ႇလႆႈႁပ်ႉႁူႉမၢႆၼပ်ႉၶႅပ်းမႄး ဝႆႉတႄႉ  ပႃႇတီႇၸိူဝ်ႉၸၢတ်ႈတဢၢင်း TNP ပေႉပုၼ်ႈၵိၼ်ၶၢတ်ႇ တင်း 4 တီႈၼင်ႈ၊ တီႈၼင်ႈ ၽူႈတႅၼ်းသၽႃး ၸိူဝ်ႉ...

လုင်းသြႃႇဢွင်ႇဝုၼ်း ၽူႈယိပ်းငိုၼ်း ၸုမ်း UP ၼမ်ႉၶမ်း ၺႃးယိုဝ်း မၢတ်ႇၸဵပ်းလႆႈသူင်ႇႁူင်းယႃ ဝႃႈၼႆ။ မိူဝ်ႈၼႆႉ ဝၼ်းတီႈ 4/11/2020 ယၢမ်းႁူဝ်ၶမ်ႈ 6 မူင်းပၢႆ မီးၵူၼ်းဢမ်ႇႁူႉၾၢႆႇ ၶီႇရူတ်ႉၶိူင်ႈသေ ၶဝ်ႈယိုဝ်း လုင်းသြႃႇဢွင်ႇဝုၼ်း ၽူႈယိပ်းငိုၼ်း  ၸုမ်းၶွတ်ႇလိူတ်ႈၽွမ်ႉႁူမ်ႈ UP ၼမ်ႉၶမ်း တီႈႁိူၼ်းမၼ်းၸၢႆး ပွၵ်ႉၼွင်ၸၢင်ႉ...