ႁႅင်းၵၢၼ် ၸိူဝ်းႁဵတ်းၵၢၼ်ဝႆႉတီႈႁူင်းၸၢၵ်ႈႁုင် ႁဵၵ်ႇ ဢၼ်ၼိုင်ႈ တီႈဝဵင်းၼမ်ႉတူႈ လႆႈလိုဝ်ႈၵၢၼ်မႃး ၸဵမ်မိူဝ်ႈႁၢင်ပီ ပီၵၢႆ ၊ ဢမ်ႇလႆႈၵႃႈသၢႆႈတႅၼ်းၼင်ႇၾၢႆႇႁူင်းၸၢၵ်ႈတူၵ်းလူင်းဝႆႉလႄႈ ႁႅင်းၵၢၼ်ယၢပ်ႇၽိုတ်ႇၶၢၼ်ၸႂ်။ ၽူႈၼမ်းၼႂ်းႁူင်းၸၢၵ်ႈႁုင်ႁဵၵ်ႇဝႃႈ   ၽွင်းႁူင်းၸၢၵ်ႈ ၵိုတ်းလိုဝ်ႈၵၢၼ် ဝႆႉၼၼ်ႉတေသၢႆႈတႅၼ်း ပၼ်ၵႃႈ ႁႅင်းၶိုၼ်း ၼိုင်ႈၵေႃႉ ၼိုင်ႈဝၼ်း 3000 ပျႃးၼႆသေတႃႉ တေႃႇထိုင်ယၢမ်းလဵဝ် ဢမ်ႇလႆႈၼင်ႇတူၵ်းလူင်းၵၼ်ဝႆႉၼၼ်ႉလႄႈ ႁႅင်းၵၢၼ်တီႈႁူင်းၸၢၵ်ႈယၢပ်ႇၽိုတ်ႇၶၢၼ်ၸႂ်။  ႁႅင်းၵၢၼ်တီႈႁူင်းၸၢၵ်ႈၵေႃႉၼိုင်ႈလၢတ်ႈဝႃႈ -...

ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း မိူဝ်ႈၼႆႉဝၼ်းလဵဝ်မီးၵူၼ်းၸပ်းတၢင်းပဵၼ်ထိုင် 16 ၵေႃႉ ႁူမ်ႈၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 မီးထိုင် 49 ၵေႃႉယဝ်ႉ ဝႃႈၼႆ။ မိူဝ်ႈၼႆႉ ဝၼ်းတီႈ 1/12/2020 ယၢမ်းၵၢင်ၼႂ် တီႈလၢၼ်ႇၵဵတ်ႉ မၢၵ်ႇယၢင်း ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ၵူတ်ႇထတ်းထူပ်းႁၼ် ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 ၵူၼ်းၸွမ်းၵႃးၵေႃႉၼိုင်ႈ ၊...

ၼၢင်းယိင်းၵေႃႉၼိုင်ႈ ဢႃယု 33 ပီ ၶဝ်ႈၵၵ်းတူဝ် ပႂ်ႉတူၺ်းငဝ်းလၢႆးၶူဝ်ႊဝိတ်ႉ-19 တီႈႁူင်းသဝ်း ၼၢၼ်းဝတီႇ ၼႂ်းဝၢင်းၸၼ်ႉၸွမ်ဝဵင်းတူၼ်ႈတီးၼၼ်ႉ ၺႃးၽူႈၸၢႆးၵေႃႉၼိုင်ႈဢဝ်မိတ်ႉၸမ်ႈသေၵၼ်ႉၸၼ်လူလၢႆလႄႈႁဵတ်းႁႂ်ႈၵူၼ်းၵၵ်းတူဝ် ဢိၵ်ႇ ၵူၼ်းမိူင်း မႆႈၸႂ်ၵူဝ်ႁႄ။ ဝၼ်းတီႈ 29/11/2020 ယၢမ်းၵၢင်ၶမ်ႈ 8 မူင်း ၽွင်းၼၢင်းယိင်း ဢႃယု 33 ၼၼ်ႉ...

ၶၢဝ်းၶူဝ်ႊဝိတ်ႉ ၽႄႈလၢမ်းၶိုၼ်းႁၢဝ်ႈႁႅင်းၼႆႉ ၵူၼ်းမိူင်းတႆး ၸိူဝ်းႁူပ်ႉတၢင်းယၢပ်ႇ လၢႆပိူင်၊ ၵမ်ႈၽွင်ႈ ၺႃးၶွၵ်ႈ ထုၵ်ႇထႆး သူင်ႇပွၵ်ႈ မိူင်းၶိုၼ်း 100 ၵေႃႉပၢႆ ၊ ၽူႈယႂ်ႇၸႂ်လီ တီႈတႃႈၶီႈလဵၵ်း လၢႆၸဝ်ႈ သၢၼ် မိုဝ်းၵၼ်ၸွႆႈထႅမ် ၶဝ်ႈၼမ်ႉငိုၼ်းတွင်း ၽွင်းၶၢဝ်းၵၵ်းတူဝ် 21 ဝၼ်း။ ဢၼ်ၺႃးၵုမ်းၵၵ်းတူဝ်ဝႆႉတီႈ သုၼ်တိုဝ်းၵမ်ထမ်း “မိုးကုတ်ဝိပဿနာ”...

လူင်ပွင်ၸိုင်ႈမိူင်းထႆး လူင်းလၢႆးမိုဝ်းသင်ႇသိုဝ်ႉယႃႈယႃၵႅတ်ႇၶႄႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 တီႈၶွမ်ႊပၼီႊယႃႈယႃ AstraZeneca Plc မိူင်းပရိတ်ႊထဵင်ႊ (မိူင်းဢိင်းၵလဵတ်ႈ) တႃႇ 26 လၢၼ်ႉတဝ်ႈ။ သွင်ၾၢႆႇလႆႈလူင်းလၢႆးမိုဝ်းသိုဝ်ႉၶၢႆၵၼ်မိူဝ်ႈဝၼ်းတီႈ 27/11/2020 ။ ယႃႈယႃၼၼ်ႉၸၼ်ႉၸွမ်မိူင်းဢွၵ်ႉသၾိူတ်ႊတိုၵ်ႉၶူင်သၢင်ႈႁဵတ်းဢွၵ်ႇ တႃႇၸ်ႂႉတိုဝ်းတူၺ်းယူႇ။ ၾၢႆႇမိူင်းဢိင်းၵလဵတ်ႈၵေႃႈယိုၼ်ယၼ်ဝႃႈ လႅပ်ႈတေဢွင်ႇမၢၼ်ဢဝ်မႃးၸႂ်ႉတိုဝ်းလႆႈယူႇဝႃႈၼႆဝႆႉ။ ယႃႈယႃၼႆႉလႆႈဝႃႈ ၾၢႆႇထႆးသင်ႇသိုဝ်ႉဝႆႉတႃႇႁႂ်ႈလႆႈသမ်းပၼ်ၵူၼ်းမိူင်းထႆး ၼႂ်းၵၢင်ပီ 2021 တေမႃးၼႆႉဝႃႈၼႆ။ ၵႃႈၶၼ်ယႃႈယႃႁူမ်ႈတင်းမူတ်းပဵၼ် ငိုၼ်းဢမေႊရိၵၼ်ႊ 198 လၢၼ်ႉတေႃႇလႃႇ (မႅၼ်ႈ...

ဝၼ်းလိူၼ်သိပ်းသွင်မူၼ်း ဝၼ်းတိတ်ႉပူၼ်ႉမႃးၼႆႉ တၵ်ႉၵႃႇသတ်ႉထႃးလၢႆလၢႆတီႈမႃးလူႇတၢၼ်းၵထိၼ်တီႈထမ်ႈမိူင်းၵႅတ်ႇ တီႈဢၼ်ၶူးဝႃးဝုၼ်းၸုမ်ႉၵျၢင်ႉၵမ်တြႃး ၊ ၼႂ်းၼၼ်ႉမီးၵူၼ်းမီးၸိူဝ်ႉမႅင်းၶူဝ်ႊဝိတ်ႉ-19 ၵေႃႉၼိုင်ႈလႄႈ ၾၢႆႇပၢႆးယူႇလီသူၼ်းသေႃႇ ၵူၼ်းမႃးႁူမ်ႈလူႇႁူမ်ႈတၢၼ်း ႁိပ်ႈၼႅတ်ႈ ၵၵ်းတူဝ်ၽႂ်မၼ်း။   မိူဝ်ႈဝၼ်းတီႈ 26 - 28/11/2020  ၼွၵ်ႈထမ်ႈမိူင်းၵႅတ်ႇ ဢိူင်ႇမိူင်း ၵႅတ်ႇ ၸႄႈဝဵင်းမိူင်းတူၼ် ၸႄႈတွၼ်ႈ မိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း မီးတၵ်ႉ ၵႃႇသတ်ႉထႃး ၵူၼ်းမိူင်း...

ၽွင်းတၢင်းပဵၼ်ၶူဝ်ႊဝိတ်ႉ-19 ၽႄႈလၢမ်းႁၢဝ်ႈႁႅင်းပတ်းပိုၼ်ႉမိူင်းႁူမ်ႈတုမ်ၼႆႉ ၵူၼ်းၶၢႆၶူဝ်းၼႂ်းၵၢတ်ႇလူင် တူၼ်ႈတီးၵေႃႉၼိုင်ႈ ဢမ်ႇလႆႈငိၼ်းသႅဝ်ဢၢႆလႄႈၵႂႃႇၵူတ်ႇ ထတ်းတၢင်းပဵၼ်ထူပ်းႁၼ်ဝႃႈမီးၸိူဝ်ႉမႅင်းၶူဝ်ႊဝိတ်ႉ-19 ယၢမ်းလဵဝ်ၸဝ်ႈၼႃႈတီႈသင်ႇပိၵ်ႉၵၢတ်ႇလူင်ဝႆႉ။ ၾၢႆႇပၢႆးယူႇလီပိုၼ်ၽၢဝ်ႇၼႂ်ၼႆႉဝၼ်းတီႈ 30/11/2020 ဝႃႈ ၵူၼ်းၶၢႆၶူဝ်းၼႂ်းၵၢတ်ႇလူင် ဝဵင်းတူၼ်ႈတီးၼၼ်ႉ တိတ်းၸပ်းၶူဝ်ႊဝိတ်ႉ-19 ဝႆႉလႄႈ တင်ႈဢဝ်မိူဝ်ႈၼႆႉ ယၢမ်းၵၢင်ဝၼ်း 2 မူင်းၵႂႃႇ တေပိၵ်ႉၵၢတ်ႇလူင်။ တေပိၵ်ႉဝႆႉတႃႇၶၢဝ်းတၢင်း 14 ဝၼ်း။ ၼၢင်းသႅင် ၵူၼ်းတူၼ်ႈတီး လၢတ်ႈဝႃႈ -...

ၼၢင်းယိင်း ဢႃယု 25 ပီ ၵေႃႉၼိုင်ႈ ဢၼ်လုၵ်ႉ ပွတ်းထုင်ႉပဵင်းသေ ၶိုၼ်ႈမႃးမိူင်းတႆး ဢၢၼ်းမႃး ႁဵတ်းၵၢၼ်  ပွတ်းမိူင်းၵူၵ်း - မိူင်းသၢတ်ႇၼၼ်ႉ ၺႃးၸဝ်ႈၼႃႈတီႈၵူတ်ႇထတ်းတၢင်းၶဝ်ႈဝဵင်းမိူင်းတူၼ် ထူပ်းႁၼ်ၸိူဝ်ႉမႅင်း ၶူဝ်ႊဝိတ်ႉ 19   ၺႃးၵုမ်းၵၵ်းတူဝ်ဝႆႉ။ မိူဝ်ႈၼႆႉ ဝၼ်းတီႈ 27/11/2020 တီႈၵဵတ်ႉ/လၢၼ်ႇ တၢင်းၶဝ်ႈမိူင်းတူၼ် ဢၼ်လုၵ်ႉတၢင်းၾင်ႇၶူင်းသေ ၶဝ်ႈမႃးၼၼ်ႉ...

ၵူၼ်းတႃႈၶီႈလဵၵ်း 6 ၵေႃႉပေႃႈမႄႈလုၵ်ႈၵႂႃႇဢႅဝ်ႇယဵမ်ႈၵဵင်းတုင် ၵႂႃႇၼွၼ်းတီႈႁူင်းႁႅမ်း၊ ၸဝ်ႈၼႃႈတီႈၶဝ်ႈၵူတ်ႇထတ်း ၶူဝ်ႊဝိတ်ႉပၼ် ၊ ထူပ်းႁၼ်ၸိူဝ်ႉမႅင်းတီႈလုၵ်ႈဢွၼ်ႇဢႃယု 8 ၶူပ်ႇ ၼၼ်ႉ။ ဝၼ်းတီႈ 26/11/2020 ယၢမ်းၵၢင်ၶမ်ႈ ၸဝ်ႈၼႃႈတီႈ လႆႈဢဝ်ၶိူင်ႈၸၢၵ်ႈ RDT ၶဝ်ႈၵူတ်ႇထတ်း ၶူဝ်ႊဝိတ်ႉပၼ် တီႈႁူင်းႁႅမ်း တီႈၼိုင်ႈၼႂ်းၸႄႈ ဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်းသေ ၵူတ်ႇထတ်းထူပ်းႁၼ်ၸိူဝ်ႉမႅင်းတီႈလုၵ်ႈဢွၼ်ႇ ဢႃယု...

ယၢမ်းလဵဝ် ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ၵူတ်ႇထတ်းထူပ်းႁၼ် ၵူၼ်းတိတ်းၸပ်းၸိူဝ်ႉမႅင်းတၢင်း ပဵၼ်ၶူဝ်ႊဝိတ်ႉ 19 တင်းမူတ်းမီးၵႂႃႇ 4 ၵေႃႉယဝ်ႉ ဝႃႈၼႆ။ မိူဝ်ႈၼႆႉ ဝၼ်းတီႈ 25/11/2020 ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ၵူတ်ႇထတ်းထူပ်းႁၼ် ၵူၼ်းတိတ်းၸပ်း ၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 ထႅင်ႈ 2 ၵေႃႉ ဝႃႈၼႆ။ ဢူးၶျၢၼ်းမျေႉၸေႃး ၽူႈၵွၼ်းၸႄႈဝဵင်းတႃႈၶီႈလဵၵ်း...

ၼႂ်းမိူင်းတႆး ပွတ်းၸၢၼ်း ဢၼ်ၵူတ်ႇထတ်းထူပ်းႁၼ် ၵူၼ်းတိတ်းၸပ်းၸိူဝ်ႉမႅင်း ၶူဝ်ႊဝိတ်ႉ 19 တင်းမူတ်းမီးၵႂႃႇယဝ်ႉ 227 ၵေႃႉ ၾၢႆႇပၢႆးယူႇလီလူင်ပွင်ၸိုင်ႈပိုၼ်ၽၢဝ်ႇဝႆႉၼင်ႇၼႆ။ မိူဝ်ႈဝၼ်းတီႈ 22/11/2020 ယၢမ်းဝၢႆးဝၼ်း 4 မူင်း   ႁွင်ႈၵၢၼ်ပၢႆးယူႇလီ မိူင်းႁူမ်ႈတုမ် ပိုၼ်ၽၢဝ်ႇဝႃႈ ဢၼ်ၵူတ်ႇထတ်း ထူပ်းႁၼ် ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 တင်းမူတ်း မီးၵႂႃႇ 1,434...

ပလိၵ်ႈလုၵ်ႉတႃႈၵုင်ႈၶၢႆႉမႃးတႃႇႁၢပ်ႇၵၢၼ်တီႈလၢင်းၶိူဝ်း ၊ၽွင်းၵၵ်းတူဝ်ဝႆႉၼၼ်ႉ သမ်ႉၵူတ်ႇထတ်းႁၼ်ၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ-19 လႄႈ ၵူၼ်းမိူင်းတူၵ်းၸႂ်တိုၼ်ႇသၢၼ်ႈၵဵပ်းသိုဝ်ႉၶူဝ်းၶွင်ၵိၼ်ယမ်ႉတႃႇၵၵ်းတူဝ်ယူႇၼႂ်းႁိူၼ်း။ ဝၼ်းတီႈ 19/11/2020 ၾၢႆႇပၢႆးယူႇလီဝဵင်းလၢင်းၶိူဝ်း ပိုၼ်ၽၢဝ်ႇပဵၼ်တၢင်းၵၢၼ်ဝႃႈ ပလိၵ်ႈဢၼ်ၵၵ်းတူဝ်ဝႆႉၼၼ်ႉမီးၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 ၼႆလႄႈ ဝၼ်းတီႈ 20/11/2020 ယၢမ်းၵၢင်ၼႂ်ၼႆႉ ၵူၼ်းမိူင်းလၢင်းၶိူဝ်း ၼွၵ်ႈဝဵင်းၼႂ်းဝဵင်း ဢွၼ်ၵၼ်ဢွၵ်ႇသိုဝ်ႉၶူဝ်းၶွင်ၵိၼ်ယႅမ်ႉတႃႇၵဵပ်းဝႆႉ ၽွင်းၵၵ်းတူဝ်ယူႇႁိူၼ်း။ ၾၢႆႇၼိုင်ႈၵေႃႈ မီးၶၢဝ်ႇဝႃႈ လူင်ပွင်ၸိုင်ႈ ပိုၼ်ၽၢဝ်ႇႁႂ်ႈၵၵ်းတူဝ်ယူႇႁိူၼ်း  Stay At...

ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ-19 မီးတီႈမူႇၸေႊထႅင်ႈၵေႃႉၼိုင်ႈၼႆႉပဵၼ်ၵူၼ်းတၢင်ႇတီႈ မႃးလိုဝ်ႈသဝ်းဝႆႉတီႈ ႁူင်းႁႅမ်းၵၢင်ဝဵင်းလႄႈႁဵတ်းႁႂ်ႈ ၵူၼ်းမိူင်းမူႇၸေႊတူၵ်းၸႂ် ၾၢင်ႉယူႇၾၢင်ႉၵိၼ်။ ဝၼ်းတီႈ 17/11/2020 ယၢမ်းႁူဝ်ၶမ်ႈ 4 မူင်း ယူႇတီႈႁွင်ႈၵၢၼ်ပၢႆးယူႇလီ မိူင်းႁူမ်ႈတုမ် ပိုၼ်ၽၢဝ်ႇ  ႁၼ်ၵူၼ်းတိတ်း ၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 ၼႂ်းမိူင်းႁူမ်ႈတုမ်ထႅင်ႈ 1,167 ၵေႃႉ။ ၼႂ်းၼၼ်ႉ ၼႂ်းမိူင်းတႆး ႁၼ် တီႈ...

တႃႇတေႁႄႉၵင်ႈတၢင်းပဵၼ်ၶူဝ်ႊဝိတ်ႉ 19  ၼင်ႇႁိုဝ်ပေႃးတေဢမ်ႇၽႄႈလၢမ်းႁၢဝ်ႈႁႅင်းၼၼ်ႉ ယူႇတီႈလူင်ပွင်ၸိုင်ႈဢွၵ်ႇလိၵ်ႈပိုၼ် ၽၢဝ်ႇ ၸူးၵူၼ်းမိူင်း ႁၢမ်ႈဢွၵ်ႇတၢင်းၼွၵ်ႈႁိူၼ်း ယၢမ်းၵၢင်ၶမ်ႈ/ ၶိုၼ်းထႅင်ႈ  တႃႇၶၢဝ်းတၢင်း 2 လိူၼ် ဝႃႈၼႆ။ လုမ်းၽူႈၵွၼ်းၸႄႈဝဵင်းၵျွၵ်ႉမႄး ပိုၼ်ၽၢဝ်ႇဢွၵ်ႇမၢႆမီႈ ၼႂ်းပိုၼ်ႉတီႈဝႆႉဝႃႈ တႄႇဢဝ် ဝၼ်းတီႈ 15/11/2020 ယၢမ်းၵၢင်ၶိုၼ်း 12 မူင်း တေႃႇထိုင် 4 မူင်းၵၢင်ၼႂ်...

ၵူၼ်းတိတ်းၸပ်းတၢင်းပဵၼ်ပုင်ႈၶိုၼ်ႈလိူဝ်ႁႅင်းလႄႈ ၸဝ်ႈၼႃႈတီႈ ၼႂ်းၸႄႈဝဵင်းယႂႃႇငၢၼ်ႇ ပိၵ်ႉဢိုတ်းLock Down ဝႆႉ ဝၢၼ်ႈမဵဝ်ႉၵျီး၊ ႁဵတ်းႁႂ်ႈၵူၼ်းဝၢၼ်ႈ ႁႃၵိၼ်လဵင်ႉတွင်ႉယၢပ်ႇ၊ ၸုမ်းတူင်ႉၼိုင်တူင်ႇဝူင်းၵူၼ်း ႁူမ်ႈၵၼ်ၵဵပ်းငိုၼ်းတွင်း လႄႈၶူဝ်းၶွင်ၵိၼ်ယမ်ႉ တီႈဝဵင်းတူၼ်ႈတီး တႃႇၵႂႃႇၵမ်ႉၸွႆႈလူႇတၢၼ်း ။ ၵူၼ်းၸပ်းတၢင်းပဵၼ်ၶူဝ်ႊဝိတ်ႉ-19 ၼႂ်းၸိုင်ႈတႆးၼမ်မႃးၵူႈမိုဝ်ႉၵူႈဝၼ်း  တင်ႈဢဝ် ဝၼ်းတီႈ 29/10/2020 တေႃႇထိုင် ဝၼ်းတီႈ 16/11/2020 မိူဝ်ႈၼႆႉ တီႈဝဵင်းယႂႃႇငၢၼ်ႇ...