Sunday, June 16, 2024

ႁူင်းၸၢၵ်ႈႁုင်ႁဵၵ်ႇ တီႈၼမ်ႉတူႈ ၵိုတ်းလိုဝ်ႈၵၢၼ် ၶၢဝ်းၶူဝ်ႊဝိတ်ႉ-19 ႁႅင်း ၵၢၼ် ယၢပ်ႇၽိုတ်ႇဢမ်ႇလႆႈၵႃႈသၢႆႈတႅၼ်း

Must read

ႁႅင်းၵၢၼ် ၸိူဝ်းႁဵတ်းၵၢၼ်ဝႆႉတီႈႁူင်းၸၢၵ်ႈႁုင် ႁဵၵ်ႇ ဢၼ်ၼိုင်ႈ တီႈဝဵင်းၼမ်ႉတူႈ လႆႈလိုဝ်ႈၵၢၼ်မႃး ၸဵမ်မိူဝ်ႈႁၢင်ပီ ပီၵၢႆ ၊ ဢမ်ႇလႆႈၵႃႈသၢႆႈတႅၼ်းၼင်ႇၾၢႆႇႁူင်းၸၢၵ်ႈတူၵ်းလူင်းဝႆႉလႄႈ ႁႅင်းၵၢၼ်ယၢပ်ႇၽိုတ်ႇၶၢၼ်ၸႂ်။

ႁူင်းႁုင်ႁဵၵ်ႇတီႈၼမ်ႉတူႈ

ၽူႈၼမ်းၼႂ်းႁူင်းၸၢၵ်ႈႁုင်ႁဵၵ်ႇဝႃႈ   ၽွင်းႁူင်းၸၢၵ်ႈ ၵိုတ်းလိုဝ်ႈၵၢၼ် ဝႆႉၼၼ်ႉတေသၢႆႈတႅၼ်း ပၼ်ၵႃႈ ႁႅင်းၶိုၼ်း ၼိုင်ႈၵေႃႉ ၼိုင်ႈဝၼ်း 3000 ပျႃးၼႆသေတႃႉ တေႃႇထိုင်ယၢမ်းလဵဝ် ဢမ်ႇလႆႈၼင်ႇတူၵ်းလူင်းၵၼ်ဝႆႉၼၼ်ႉလႄႈ ႁႅင်းၵၢၼ်တီႈႁူင်းၸၢၵ်ႈယၢပ်ႇၽိုတ်ႇၶၢၼ်ၸႂ်။

- Subscription -

 ႁႅင်းၵၢၼ်တီႈႁူင်းၸၢၵ်ႈၵေႃႉၼိုင်ႈလၢတ်ႈဝႃႈ – “ပဵၼ်ႁူင်းၸၢၵ်ႈ မျၢၼ်ႇမႃႇဢထုတ်ႉဢထဵၵ်ႉ ၼႆၼၼ်ႉၶႃႈဢေႃႈ။ မိူဝ်ႈတေၵိုတ်းလိုဝ်ႈႁူင်းၸၢၵ်ႈၼၼ်ႉ တိူဝ်ႊရႅၵ်ႉထိူဝ်ႊ ၵေႃႉလၢတ်ႈတၢင်း ၼႃႈႁႅင်းၵၢၼ်ၵူႈၵေႃႉဢေႃႈ။ တေႃႇထိုင်ႁူင်းၸၢၵ်ႈတေႁဵတ်းၵၢၼ်ၶိုၼ်းလႆႈၼၼ်ႉ တေပၼ်ငိုၼ်းၵႂႃႇ ၼိုင်ႈၵေႃႉ 3000 ပျႃး ၵူႈဝၼ်းၼႆသေတႃႉ ႁႅင်းၵၢၼ် လႆႈၵႃႈသၢႆႈတႅၼ်းၶိုၼ်း တေႃႇထိုင်လိူၼ် ၵျႅၼ်ႊၼိဝ်ႊရီႊၵူၺ်း။တင်ႈဢဝ်ၼၼ်ႉတေႃႇထိုင်ယၢမ်းလဵဝ် ဢမ်ႇလႆႈၵႃႈႁႅင်းယဝ်ႉလႄႈ ပဵၼ်ဢၼ်ယူႇယၢပ်ႇၶၢၼ်ၸႂ်ဢေႃႈ” – ဝႃႈၼႆ။

ႁူင်းၸၢၵ်ႈႁုင်ႁဵၵ်ႇၼႆႉ တႄႇပၼ်ႇႁဵတ်းၵၢၼ်တႄႉတႄႉ ၸဵမ်မိူဝ်ႈပီ 2014။ မီးၽူႈလူင်ႉလႅၼ်ႇၾၢႆႇပၢႆးမေႃ ၸၢဝ်းၶႄႇၵမ်ႈၽွင်ႈလႄႈ ၵူၼ်းႁဵတ်းၵၢၼ် ႁူမ်ႈတင်းမူတ်း 100 ပၢႆ။ တင်ႈဢဝ်ႈ ႁၢင်ပီ 2019 မႃး ၸဝ်ႈၶွင်ႁူင်းၸၢၵ်ႈလၢတ်ႈဝႃႈ ႁူင်းၸၢၵ်ႈတေၵိုတ်းဝႆႉ ၸူဝ်ႈၶၢဝ်း ဝႃႈၼႆ။ ၵွၼ်ႇပႆႇပိၵ်ႉႁူင်း ၸၢၵ်ႈၼၼ်ႉ ၵူၼ်းႁဵတ်းၵၢၼ်လႆႈၵႃႈႁႅင်း ၼိုင်ႈဝၼ်း ႁႃႈႁဵင်ပျႃး။ ဝၼ်းဢမ်ႇလႆႈႁဵတ်းၵၢၼ်ၵေႃႈ ဢမ်ႇလႆႈငိုၼ်း။ ပေႃးႁဵတ်းၵၢၼ်တဵမ်ဝူင်ႈလႆႈငိုၼ်းလိူဝ်တႃႇၼိုင်ႈဝၼ်း ၵူၼ်းႁဵတ်းၵၢၼ်တီႈႁူင်းၸၢၵ်ႈ သပ်းလႅင်းၼေၼင်ႇၼႆ။

ၵဵဝ်ႇၵပ်းလွင်ႈႁႅင်းၵၢၼ်ဢမ်ႇလႆႈလွင်ႈၽဵင်ႇပဵင်းၸိူဝ်းၼႆႉသေ တီႈဝဵင်းၼမ်ႉတူႈ သမ်ႉဢမ်ႇမီးလုမ်း ႁွင်ႈၵၢၼ်ၾၢႆႇႁႅင်းၵၢၼ်လႄႈ ပေႃးၶႂ်ႈတိူင်ႇလၢတ်ႈတၢင်ႇလိၵ်ႈတုၵ်းယွၼ်းလွင်ႈၽဵင်ႇပဵင်း -လႆႈၵႂႃႇလႃႈသဵဝ်ႈ ဢမ်ႇၼၼ် ၵျွၵ်ႉမႄး တီႈမီးလုမ်းႁႅင်းၵၢၼ်ၼၼ်ႉ လႆႈႁူႉၼင်ႇၼႆ။

ၶေႃႈမုၼ်းဢိင်တီႈ RFA

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း