ပလိၵ်ႈမၢၼ်ႈ ၊ ၾၢႆႇလိူမ်ႈလႆႇ ႁွင်ႈၵၢၼ်လူင်ပွင်ၸိုင်ႈ ၶွင်သိုၵ်းမၢၼ်ႈယိုတ်းမိူင်း ႁွၼ်ႈထဝ်ႇၼႂ်းဝဵင်းၼႂ်းၵၢတ်ႇ ဝဵင်းပၢင်လူင် တဵၵ်းႁႂ်ႈ ၵူၼ်းမိူင်း လူင်းလၢႆးမိုဝ်း ဝႃႈ တေဢမ်ႇပိၵ်ႉလၢၼ်ႉ တေဢမ်ႇပိၵ်ႉၽၵ်းတူ ၼႂ်းဝၼ်းတီႈ 1/2/2022 တေမႃးၼႆႉ၊ သင်ဝႃႈ ပိၵ်ႉလၢၼ်ႉ ပိၵ်ႉၽၵ်းတူႁိူၼ်း ဝၼ်းၼၼ်ႉ တေမႃးယိုတ်းဢဝ်လၢႆၶူဝ်းၶွင်ၼႂ်းလၢၼ်ႉ ၼႂ်းႁိူၼ်းတင်းမူတ်း လွၵ်ႇငိုတ်ႈဝႆႉၼင်ႇၼႆ။ တီႈၼိူဝ်သိုဝ်ႇ ဢွၼ်ႊလၢႆႊ...

ၾၢႆႇပၢႆးယူႇလီ ပႂ်ႉၵူတ်ႇထတ်းတၢင်းပဵၼ်ပၼ်ၵူၼ်းဝၢၼ်ႈၵူၼ်းမိူင်း ၸိူဝ်းၵႂႃႇမႃးၸွမ်းသဵၼ်ႈတၢင်းလႄႈ လၢႆလၢႆတီႈၼႂ်းဝဵင်းၵဵင်းတုင် ဢမ်ႇႁၼ်ၵူၼ်းၸပ်းၶူဝ်ႊဝိတ်ႉမႂ်ႇ လႆႈ ဝူင်ႈၼိုင်ႈယဝ်ႉ ဝႃႈၼႆ။ တႄႇဢဝ် ဝၼ်းတီႈ 17-21/1/2022 ၶၢဝ်းတၢင်း 4 – 5 ဝၼ်းမႃးၼႆႉ ၼႂ်းၸႄႈဝဵင်းၵဵင်းတုင် ၸိုင်ႈတႆး ပွတ်းဢွၵ်ႇၶူင်း  ဢမ်ႇမီးၵူၼ်းပဵၼ်ၶူဝ်ႊဝိတ်ႉမႂ်ႇ၊ ၸိူဝ်းၸပ်းၶူဝ်ႊဝိတ်ႉသေ ငဝ်းလၢႆးဢမ်ႇပေႃးႁၢႆႉႁႅင်းၵေႃႈ ယူႇႁိူၼ်းႁၵ်ႉသႃတူဝ်၊ ႁွင်ႉမေႃယႃ မႃးသမ်းၶဵမ်ပၼ်တီႈႁိူၼ်းလႆႈပဵၼ်တၢင်းၵၢၼ်ယဝ်ႉ...

တႄႇဢဝ် ႁၢင်လိူၼ်ၵျုၼ်ႊ 2021 မႃး ႁၢၼ်ႉတေႃႇထိုင် ႁူဝ်လိူၼ်ၵျႅၼ်ႊၼိဝ်ႊရီႊ 2022 ၼႆႉ ၼႂ်းၸႄႈဝဵင်းၵဵင်းတုင် မီးၵူၼ်းပဵၼ်ၶူဝ်ႊဝိတ်ႉၵူႈဝၼ်း  မိူဝ်ႈဝႃးၼႆႉပဵၼ်ဝၼ်းႁႅၵ်ႈတီႈဢမ်ႇမီးၵူၼ်းပဵၼ်ၶူဝ်ႊဝိတ်ႉ။ “ယၢမ်းလဵဝ် ၵူၼ်းမိူင်းတႄႉ ဢွၵ်ႇႁိူၼ်းယေးၵၼ်ၼမ်ယဝ်ႉ တေဝႃႈငဝ်းလၢႆး လီၶိုၼ်ႈမႃးၼမ်ယဝ်ႉ။ ၵူၼ်းမိူင်းႁဝ်းၶႃႈ ပွင်ႇၸႂ်သေ မေႃၵုမ်းတူဝ် လုမ်းလႃးႁင်းၽႂ်မၼ်းမႃးၼမ်လႄႈ တႃႇတေၽႄႈလၢမ်းတိတ်းၸပ်းၵၼ်ႁၢဝ်ႈႁႅင်း မိူၼ်မိူဝ်ႈၵူႈပွၵ်ႈတႄႉ တေဢမ်ႇမီးယဝ်ႉ”- ၵူၼ်းၼုမ်ႇပိုၼ်ႉတီႈ သိုပ်ႇလၢတ်ႈၼင်ႇၼႆ။ ၼႂ်းၶၢဝ်းတၢင်း...

ႁွင်ႈၵၢၼ်ၾၢႆႇႁူင်းႁႅမ်းလႄႈ ဢွၵ်ႇၶၢဝ်းတၢင်း ၶွင်ႇသီႇသိုၵ်းမၢၼ်ႈ ႁူမ်ႈ ၾၢႆႇၽွင်းငမ်း ၸႄႈဝဵင်းၵဵင်းတုင် ဝဵင်းလွႆမူၺ် သေ ႁဵတ်းပွႆးမွၵ်ႇၵွၼ်ႇ ၶၢဝ်းတၢင်း 5 ဝၼ်း၊ ၵူၼ်းဝၢၼ်ႈ ၵူၼ်းမိူင်း ၼႂ်းပိုၼ်ႉတီႈ မႆႈၸႂ် ၵူဝ်တၢင်းပဵၼ် ၶူဝ်ႊဝိတ်ႉ 19 ၽႄႈလၢမ်းထႅင်ႈ။ မိူဝ်ႈၼႆႉ ဝၼ်းတီႈ 6/1/2022 တေႃႇထိုင် ဝၼ်းတီႈ...

လုမ်းၾၢႆႇသႃသၼႃ ၸႄႈဝဵင်းၵဵင်းတုင် ဢွၵ်ႇလိၵ်ႈ ႁၢမ်ႈဝတ်ႉဝႃး ၵျွင်းမုၼ်ၸဝ်ႈ ၼႂ်းၸႄႈဝဵင်းၵဵင်းတုင် ႁပ်ႉၶႅၵ်ႇ/ တၵ်ႉၵႃႇသတ်ႉထႃး တီႈၸမ်/ၵႆ မႃးယူႇသဝ်း ၼွၼ်းလိုဝ်ႈႁဵတ်းၶႅၵ်ႇ ဝႃႈၼႆ။   ယိူင်းဢၢၼ်းတႃႇႁႄႉၵင်ႈတၢင်းပဵၼ်ၶူဝ်ႊဝိတ်ႉ ၼင်ႇႁိုဝ်တေဢမ်ႇလၢမ်းၽႄႈၸပ်းၸူးၵၼ်ၼႆသေ လိၵ်ႈၼႆႉ  သူင်ႇထိုင် ႁူဝ်ပဝ်ႈ ၸုမ်းသင်ၶၸႄႈဝဵင်းၵဵင်းတုင် ၸိုင်ႈတႆး ပွတ်းဢွၵ်ႇၶူင်း မိူဝ်ႈဝႃး ဝၼ်းတီႈ 23/12/2021 ၊...

ဝၼ်းတီႈ 10/12/2021 ယၢမ်းၵၢင်ၶမ်ႈမွၵ်ႈ 9 မူင်းၶိုင်ႈ ၵူၼ်းဝၢၼ်ႈၵဵင်းလၢၼ်း ပွၵ်ႉ 2 ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း မီးၵူၼ်းၸုမ်းၼိုင်ႈ  ၶဝ်ႈႁႅမ်ၼၢင်းယိင်း   3 ၵေႃႉထိုင်ၼႂ်းႁိူၼ်းယေး တၢႆထင်တီႈ  ၼႆယဝ်ႉ။ ၵူၼ်း  ၵဵင်းတုင် လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ႁဝ်းၶႃႈ ထၢင်ႇတႄႉ ပဵၼ်ၸူၼ်ၶႃႈဢေႃႈ။ ႁိူၼ်းၼၼ်ႉသမ်ႉ...

ၵူၼ်းမိူင်းၵဵင်းတုင် ၸိူဝ်းၺႃးတီႉၺွပ်းၽွင်းၼႄၵၢင်ၸႂ် ပတ်းပိုၼ်ႉတူဝ်ႈမိူင်း ၽွင်းႁူဝ်ပီၼႆႉၼၼ်ႉ သိုၵ်းမၢၼ်ႈမၢပ်ႇၼႄးတၢင်းၽိတ်းယႂ်ႇလူင်သေ  ပၼ်တူတ်ႈတၢမ်ႇၶွၵ်ႈပီယၢဝ်း 5 ပီ ထိုင် 10 ပီ။ မိူဝ်ႈဝႃး ဝၼ်းတီႈ 6/12/2021 ၼႆႉ  သိုၵ်းမၢၼ်ႈပိုၼ်ၽၢဝ်ႇ ပၼ်တူတ်ႈတၢမ်ႇၶွၵ်ႈ ၵူၼ်းၼုမ်ႇၵဵင်းတုင် ၸိူဝ်းထုၵ်ႇတီႉၺွပ်းယွၼ်ႉၶဝ်ႈပႃးၼႂ်းပၢင်ၼႄၵၢင်ၸႂ်။ ၵမ်ႈၽွင်ႈၺႃးတူတ်ႈတၢမ်ႇ ၽိတ်းမၢႆမီႈ 505 ၊ ၵမ်ႈၽွင်ႈၺႃးမၢပ်ႇၼႄးဝႃႈ ႁဵတ်းႁၢႆႉၸုတ်ႇၽဝ်ႁိူၼ်းယေး...

ပေႃႈမႄႈလုၵ်ႈဢွၼ်ႇ တီႈၵဵင်းတုင် ပႆႇႁတ်းပွႆႇလုၵ်ႈလၢင်းၵႂႃႇၶိုၼ်ႈႁူင်းႁဵၼ်း ယွၼ်ႉငဝ်းလၢႆး ဝၢၼ်ႈမိူင်းဢမ်ႇမီးလွင်ႈၼိမ်သဝ်းလႄႈ ၵူဝ်တိတ်း ၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉၵၼ် ဝႃႈၼႆ။  ဝၼ်းတီႈ 1/12/2021 ၼႆႉ  ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်းၵေႃႈ ပိုတ်ႇႁူင်းႁဵၼ်း လူင်ပွင်ၸိုင်ႈ  ၸိူင်ႉတၢင်ႇၸႄႈမိူင်းယဝ်ႉၼႆသေတႃႉ  ပေႃႈမႄႈ လုၵ်ႈဢွၼ်ႇ ၵမ်ႈၼမ် ပႆႇႁတ်းပွႆႇလုၵ်ႈလၢင်းၽႂ်မၼ်း ၵႂႃႇၶိုၼ်ႈႁဵၼ်း  ။ ၵူၼ်း ၵဵင်းတုင် လၢတ်ႈတီႈၽူႈတွႆႇႁွၵ်ႈဝႃႈ -...

ပၢၼ်သိုၵ်းမၢၼ်ႈယိုတ်းမိူင်းၼႆႉ တီႈဝၢၼ်ႈႁူၺ်ႈၶႃး ဝဵင်းၵဵင်းတုင် သင်ၵႂႃႇတၢင်ႇသဵၼ်ႈမၢႆၶႅၵ်ႇ လႆႈပၼ်ငိုၼ်းၼိုင်ႈၵေႃႉ ၼိုင်ႈမိုၼ်ႇပျႃး ဝႃႈၼႆ။ ၵူၼ်းဝၢၼ်ႈႁူၺ်ႈၶႃး ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ငိုၼ်းၼိုင်ႈမိုၼ်ႇၼႆႉ မၼ်းဢမ်ႇၸႂ်ႈဢေႇၶႃႈ။ သင်ဝႃႈ ႁိူၼ်းၼိုင်ႈမီးၶႅၵ်ႇ 3 ၵေႃႉၼႆ လႆႈပၼ် 3 မိုၼ်ႇပျႃးၶႃႈဢေႃႈ။ ငိုၼ်းၼႆႉ ပဵၼ်ငိုၼ်းဢၼ်ႁဵတ်းႁႃၵိၼ်လႆႈ တၢင်းဝူင်ႈၶႃႈယဝ်ႉ။ ၶဝ်ယွၼ်းၼမ်ႁႅင်းၼႃႇ”- ဝႃႈၼႆ။ ဝၢႆးၶွင်ႇသီႇသိုၵ်းမၢၼ်ႈ...

မိူဝ်ႈၼႆႉ ဝၼ်းတီႈ 2/12/2021 ယၢမ်းၵၢင်ၼႂ်မွၵ်ႈ 3 မူင်း ၸဝ်ႈသိုၵ်း ၸူဝ်းမိူင်း ၽူႈၼင်ႈလုမ်းၵပ်းသၢၼ် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်း ၸိုင်ႈတႆး RCSS/SSA လူႉသဵင်ႈတီႈႁူင်းယႃလူင် ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း။   ၽူႈၸမ်ၸႂ်မၼ်းၸဝ်ႈ ၵူၼ်းၵဵင်းတုင် လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ မၼ်းၸဝ်ႈလႆႈလူႉသဵင်ႈၵႂႃႇ ယွၼ်ႉတၢင်းပဵၼ် ယဵဝ်ႈဝၢၼ်လႄႈ...

ပၢင်ပွႆးႁူမ်ၸူမ်းႁပ်ႉတွၼ်ႈပီမႂ်ႇတႆး 2116 ၼီႈ တီႈၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း ပီၼႆႉ တေဢမ်ႇၸတ်း ပၢင်မူၼ်ႈသိူဝ်းၵႃႈဝႅၼ်၊   တေၸတ်းႁဵတ်း ပၢင်လူႇတၢၼ်းၶဝ်ႈမႂ်ႇလႄႈ ၵၢပ်ႈသွမ်းသင်ၶၸဝ်ႈ ၸွမ်းလူၺ်ႈၾိင်ႈႁိတ်ႈႁွႆးမီးဝႆႉၵူၺ်း ဝႃႈၼႆ။ ပေႃးထိုင်မႃး ဝၼ်းတီႈ 4/12/2021 တူၵ်းမႅၼ်ႈလိူၼ်ၸဵင်မႂ်ႇၼိုင်ႈဝၼ်း ယူႇတီႈၵူၼ်းမိူင်းၵဵင်းတုင် တေၸတ်းႁဵတ်း ပၢင်လူႇတၢၼ်းၶဝ်ႈမႂ်ႇလႄႈ ၵၢပ်ႈသွမ်းသင်ၶၸဝ်ႈ တီႈဝတ်ႉမိူင်းလီပဵင်းၸႂ် (ၵျွင်းမိူင်းပဵင်း) ဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း...

သင်ၶၸဝ်ႈ ဝဵင်းၵဵင်းတုင် သူတ်ႇထမ်းမင်းၵလ (လွတ်ႈဢၢၼ်ႇပရိတ်ႈ ဢဝ်မင်ႇၵလႃႇ) မၢႆတွင်းၼႂ်းဝၼ်း ယုၵ်ႉတၢင်ႇတႅၼ်ႈၵႅဝ်ႈ ၸဝ်ႈမႁႃၶၼၢၼ် ၶွပ်ႈၶူပ်ႇၼိုင်ႈပီတဵမ် ဝႃႈၼႆ။ မိူဝ်ႈဝၼ်းတီႈ 27-28/11/2021 ၼႆႉ ယူႇတီႈၸဝ်ႈသင်ၶၸဝ်ႈ​လႄႈ ၵေႃးပၵမိူင်း၊ ၽူႈယႂ်ႇၵူၼ်းလူင်၊ ၸုမ်းပွင်ၵၢၼ် မႁႃၶၼၢၼ်လႄႈ ၸဝ်ႈတႃႇၼ သတ်ႉထႃး ႁူမ်ႈၵၼ် ႁဵတ်းဝၼ်းၶွပ်ႈၶူပ်ႇၼိုင်ႈပီတဵမ် ဢၼ်ယုၵ်ႉတၢင်ႇႁုၼ်ႇႁၢင်ႈ ၸဝ်ႈမႁႃၶၼၢၼ် တီႈဝၢင်းႁူဝ်ၵၢတ်ႇ...

သိုဝ်ႇၶၢဝ်ႇ ၼႂ်းပိုၼ်ႉတီႈ ပိုၼ်ၽၢဝ်ႇဝႃႈၶၢဝ်းတၢင်းၸမ် 5 လိူၼ်မႃးၼႆႉ ၼႂ်းၸႄႈဝဵင်းၵဵင်းတုင် ၵူတ်ႇထတ်းႁၼ် ၵူၼ်းတိတ်းၸပ်းၶူဝ်ႊဝိတ်ႉ 19 မီး 5,513 ၵေႃႉ လူႉတၢႆယဝ်ႉ 92 ၵေႃႉ ဝႃႈၼႆ။ ၼႂ်းၸႄႈဝဵင်းၵဵင်းတုင်ၼႆႉ တႄႇဢဝ် ဝၼ်းတီႈ 29/6/2021 တေႃႇထိုင် ဝၼ်းတီႈ 25/11/2021 ၶၢဝ်းတၢင်းၸမ်...

ၵူၼ်းၸၢႆးၼုမ်ႇၵေႃႉၼိုင်ႈတီႈၵဵင်းတုင် ၶႃႈႁႅမ်မႄႈၸဝ်ႈၵဝ်ႇသေ လၢၵ်ႈဢဝ်တူဝ်တၢႆမႄႈၵႂႃႇပႅတ်ႈၼႂ်းၼႃးဝႆႉ ၵူၼ်းဝၢၼ်ႈၵႂႃႇၼႃးသေထူပ်းၵၼ်တူဝ်တၢႆ ။ မိူဝ်ႈဝႃး ဝၼ်းတီႈ 17/11/2021 ၵူၼ်းဝၢၼ်ႈၵႂႃႇထူပ်းႁၼ်ၶၢပ်ႈတူဝ်တၢႆ ၼၢင်းယိင်းၵေႃႉၼိုင်ႈ ၸိုဝ်ႈ လႆႈႁူႉဝႃႈ တေႃႇမီႇၸူး ဢႃယု 54 ပီ ထုၵ်ႇလုၵ်ႈၸၢႆးၸဝ်ႈၵဝ်ႇ ၶႃႈႁႅမ်တၢႆသေ လၢၵ်ႈၵႂႃႇပႅတ်ႈဝႆႉတီႈၼႂ်းတူင်ႈၼႃး ဢၼ်မီး ၼႂ်းၵႄႈဝၢၼ်ႈႁူၺ်ႈလူင်ႇလႄႈ ဝၢၼ်ႈၵုင်းမႃႉ ဢိူင်ႇလွႆလူင် ၸႄႈဝဵင်းၵဵင်းတုင်။ ၵူၼ်းလွႆလူင်...

ၶူဝ်ႊဝိတ်ႉၽႄႈလၢမ်းတိတ်းၸပ်းၵၼ်ႁၢဝ်ႈႁႅင်းၼႂ်းၸႄႈဝဵင်းၵဵင်းတုင်  ၼႂ်းၶၢဝ်းတၢင်း 4 လိူၼ်ပၢႆ ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 မီးၵႂႃႇယဝ်ႉ 5,300 ပၢႆ လူႉတၢႆ 90 ပၢႆ ဝႃႈၼႆ။ တႄႇဢဝ် ႁၢင်လိူၼ်ၵျုၼ်ႊၼၼ်ႉမႃး တေႃႇထိုင် ဝၼ်းတီႈ 11/11/2021 ၼႂ်းၶၢဝ်းတၢင်း 4 လိူၼ်ပၢႆမႃးၼႆႉ ၼႂ်းၸႄႈဝဵင်းၵဵင်းတုင် ၸိုင်ႈတႆးပွတ်း ဢွၵ်ႇၶူင်း ၵူတ်ႇထတ်းႁၼ်...